محاورة بين بدوية وحضرية

أخواني وأخواتي هذه قصه جرت بين بدوي وحضرية تاهت عن الطريق وضاعت
هي والسواق الهندي وحصلت راعي غنم بالطريق وقفت عنده تسأله عن الطريق
وجرت بينهم هذه المحاوره الشعرية الشيقه :-
الحضريه

قلنا سلام الله يا راعي الرعيه000وين الطريق اللي تودي للبلــــد

معنا غشيم ما عرف قيمة خويه000ضيعه بقفار ما فيها أحـــــــــد


البدوي

يا هلا ويا مرحبا بالنرجسيــــه000أقلطي فالدار دارك والولــــــد

ذيك خيمتنا ولا أنتي بالخليـــه000ولك أمان الله في يوم الأحــــد


الحضريه

ما لنا مجلاس يا رجل الحميه000مثلنا لا غــــاب لحظـــه يفتقـــد

غير ذالهندي عساه اليوم حيـه000لا عرف درب ولا هو اللي نشـد


البدوي

إن جلستوا مرحبا ضيوف عليـه000وإن تعذرتوا معك طير الســعـد

ما يجوز الغصب لك وأنتي بنيه000لاكن العــوده ولازم مــن وعـــد


الحضريه

إن عطاني الله عمر ولي بقيه000لازم أرجع مع هلي لك يوم غــد

وإن تفارقنا تذكــرك المطيــــه000وجعل يخلفنا على ديارك رعــد


البدوي

ليتني هندي معك ياالغشـمريه000وإن ذالهندي في المفلا قعــــد

ليتني وياك نرعـــىبالرعيــــه000 أو ليت قلبي خبل لا رحتي هجد


الحضريه

الله يخــليك مــا نــي ببدويـه000ما نقصني يا ولد هـــم ونكـــــد

دلنا على الخط دام الشمس حيــه000لا دنانا الليل ذالهندي رقد


البدوي

ذاك دربك من ورا ذيك الحويــــه000وأستري وجهك ولا تبديه أبــــد

وأن بغيتي تحطبي مالك لويـــه000أجعلي بيديك حبل من مســـــــد

وتقبلو تحياتي