نوبٍ يقول ابيك ونوب ايتعبط = وانا صريح ولا احب العباطي

بسم الله الرحمن الرحيم

السلام عليكم ورحمة الله وبركاته

اطرح لكم قصيدتي المتواضعه وان شالله تنال اعجابكم

ياراكـب الـي للبعيـدات مشتـط=بريطاني التصميـم مابـه خلاطـي
رنجٍ جديدٍ يعجبـك لامسـك خـط=اليا مشاء كنه على زهـور ياطـي
لاشفت مشيه كنـه الذيـب الامعـط=او حرٍ اشقر شاف شوفـه وشاطـي
صنعه يهودي لاكن ابـدع وضبـط=جاب الحروف وحط فوقه انقاطـي
ياسايقـه بعطيـك قـولٍ مصـفـط=قافٍ على اط وقاف الاخر على اطي
وانحربها للي على الطيب قـد نـط=لذيب محسن من سلايـل امقاطـي
شاعر فهيم وعنده علـوم وخطـط=بحر شعر ماهـو بمـوجٍ وشاطـي
قله ترا متعب غـدا اليـوم منغـط=الهم في قلبه غـدا اليـوم ساطـي
بسباب غـروٍ فيـه قلبـي تـورط=من سبته ماعاشـت انـا بنبساطـي
الحـب مـن بينـي وبينـه تمغـط=نوبٍ صحيح ونوب حـبٍ خراطـي
نوبٍ يقـول ابيـك ونـوب ايتعبـط=وانا صريـح ولا احـب العباطـي
وجدي عليها وجد مقروص الارقـط=ماحولـه الا دلـتـه والبسـاطـي
في سهلـهٍ مابـه بيـوتٍ ولاشـرط=والسم مـع دمـه بـدا بختلاطـي
وش هقوتك يالذيـب بحـبٍ تمغـط=نوبٍ صحيح ونوب حـبٍ خراطـي

اخــــــوكــــم / مـــتـــعــب الـــلـــغــــيــــصـــم