كم واحدن ياشفت زوله تهولت

مشعل عسام التريباني الشمري
((كم واحدٍ ياشفت زوله تهولت))في3\5\1437هـ

كم واحـــدٍ ياشــــــفت زوله تهوّلت= تقول هذا اللي يفك الجهامه

واليافتشــــــته داخل الثوب حصلت= قفـــــشٍ معبــينه خبال ورخامه

تلقا الخلل فـــي هـــرجـــته ياتاملت= مثل اللذي قلّد مســــير الحمامه

لو شــلت حمله مادري وش تحمّلت= تقول مفـــروضٍ عليك احترامه

ياللــــي بثوب الكــــبرجيت وتجللت= لاتفكّـــر انك نلت عرش الفخامه

رجّحت ميزانك مــــن الكبر واكتلت= والكـــــبر ميزان الردى والندامه

مهـــو مجمّل منظــــــرك لو تجملت= ثوبك ردي نوعه وشـكله وخامه

رفعت نفســـــــــك بالفضا ماتنازلت= ولبست من شـمغ الرخامه عمامه

ان قلت انا كحــيلان وان كان ماقلت= الرجل يعرف من ســـلوكه مقامه

كانك بكيف النفس ماشـــــي ولازلت= نفسك تبــــي تتبع هواه وغرامه

يوم انت لاصحاب المراجل تجاهلت= وارخيت للنفس الضعيفة خطامه

والله لتبطـــــي للعــلا مــاتوصــــلت= وثوبك تجــــره مع غبار القمامه

ليتك علــى قدك مـــن الخام فصلت= ثوب التواضع والتقا والشــــهامه

حتـــى يرحّــب فــيك يامـــنك اقبلت=. وتصـــير بين الناس مرفوع هامه

شاعرنا الحكيم الخبير
مشعل التريباني

سلط الضوء حول
المظهر
والجوهر

كم واحـــدٍ ياشــــــفت زوله تهوّلت
تقول هذا اللي يفك الجهامه
واليافتشــــــته داخل الثوب حصلت

(قفـــــشٍ)

معروف والرمزية للقالب الفارغ

معبــينه خبال ورخامه

مطلع جميل والختام اجمل

صح لسانك عميد ألشعراء

اخوي عواد العلي
صح بدنك يبعدي ومشكورعلى المتابعه لاعدمناَك

ماشاء الله تبارك الله

ابيات رائعة صح لسانك ولاتحرمنا من جمال ابياتك دائماً

اخوي سموالذوق
صح بدنك شكراللمتابعه والاطرى

قصيدة شامخة كشموخ صاحبها
سعدت بمعانقتها هذا المســــــــــــــــــــاء

الله يسعدك دايم
شكرالك اخوي

صح لسانك اخي مشعل التريباني
لاهنت جزالة شعر من شاعر جزل
طاب فالك الله يعافيك

صح لسانك ابيات رائعه شكرا

صح لسانك وتسلم اناملك اخوي مشعل التريباني

صح لسانك وعلا شانك
مبدع كما عهدنا منك الابداع
تقديرى واحترامي

اخواني
اخواتي
صحت ابدانكم جميعا

مشكووووووووووووووووووور