المصطفى اللي له مكانه عن الغيـر

قدر النبي علاّه والي المقادير
حقٍ عليه ان ينصره في كتابه

القصيدة لاتحتاج لمقدمه فالموضوع اكبر بكثير

ولانملك سوا التعبير عن ما نكنّه من حب و ود لنبينا صلى الله عليه وسلم

وبالمقابل ما نختزنه من كره وحقد على من مس هذا الدين ومس اشرف البشريه

لاخير في شعرٍ يجي فيـه تقصيـر
فالذود عن سمعة حبيـب الصحابـه

المصطفى اللي له مكانه عن الغيـر
فـداه روحـي ماتفـيـد الكتـابـه

وشلون ابكتب والمصايب مناحيـر
واكبر مصيبه في زمان الغرابـه :

لا والله ألا ذا الزمـن جـاه تغييـر
حتى النبي مسّـوا شرفـه الكلابـه

أن كان ما غرنا متى قلّـي نغيـر؟
هذا السـؤال اظـن مالـه إجابـه

متى على الله نرفع الصوت تكبيـر
السيف طالت مُدتـه فـي جرابـه

آمـر يابومتعـب نجيلـك طوابيـر
ناطا على درب الخطر مـا نهابـه

وجه السعد نلمح بوجهـه تباشيـر
لا قال ابـو متعـب يثبّـت جوابـه

مع وقفة حمـاة البـلاد المغاويـر
اللـي بمـان الله تحـكّـم كتـابـه

يرجع لنا ماضي الرجال المسافيـر
دعواتـنـا يالله مـنْـك استجـابـه

حي القرار اللي يجي فيـه تاثيـر
سحبـة سفيـر المملكـه يعتنـابـه

صدّر قـراره حاكـمٍ كنّـه النيـر
في موقفـه للديـن دايـم صلابـه

واللي يقاطـع منتجـات الخنازيـر
لجل النبـي يلقـى مـن الله ثوابـه

وش فايدة جمع الذهـب والدنانيـر
ونبيّنـا الصـادق يدنّـس جنـابـه

قدر النبي عـلاّه والـي المقاديـر
حقٍ عليه ان ينصـره فـي كتابـه

غـلاه يجـري فالمعاليـق ويسيـر
اللي نقـل ديـن الولـي واعتنابـه

مواقـفٍ ماهيـب تحتـاج تبريـر
يـا أمـة الملـيـار لا وآسفـابـه

ماعقب تدنيس المصاحـف معاذيـر
ولا عقب سب المصطفى من نهابـه

ولا ظنتي عقـب المذلـه مخاسيـر
الموت أرحـم مـن حيـاة الكآبـه

عشنـا وشفنـا ياحيـاة التحاسيـر
والدين مـا عـزّوا جنابـه شبابـه

ان كان ما غاروا وصفّوا جماهيـر
جعـل الـردي الله يعجّـل ذهابـه

وختامهـا عـد المـزون المزابيـر
وعـداد مـا سـار القلـم للكتابـه

صلّوا على اللي خصّه الله عن الغير
فـداه روحـي والأهـل والقرابـه


منقول


بأبي أنت وأمي يارسول الله