نـــــزف المشاعر

سهيت وكل من ناظر لحظني وقال يالمحزون=علامك ساهي ولاهي دخيلك يالله الوالي

علامي ساهي ولاهي ؟ بلاكم صدق ماتدرون=بلاكم صدق ماتدرون في همي وغربالي

انا الله قدرن شاعر يعني كل أبــوي شجون=يعني مااحب الظلــــــم ولاارغب كيـــد الانذالي

انا ماحب أية حــــب انا حبي يغطي الكون=ولاانزل في قلوب الخـــلق إلا بخير مــــــنزالي

انا حبي وفا واخـــلاص للي يستـــحق ويمون=ولااطـــــــلع من عيــون اللي احبه بعد مدخالي

الا يالعنبو عشقٍ يجينا من ســماع فنــــــــون=ولا يالعنبو عشقٍ يذل النفــــــــــس بالتــــــــالي

ناس عشقها نجوى ونوال وساره وسيمون=شو بدك؟ وعاوز ايه؟ ويحـــــــلالك ويحلالي!

ناس فكرها ضـــــــايع ناس ضايعــه بجــــنون=محال اصير انا منـــــــــــهم وفال الله ولافالـــــــــــــي

يحسبوني احبك بس لانك يالغلا مــــــــــزيون=امانه ماتحس ان حكـــــــــــــيهم ممزوج بهبالي؟

ولاواحـــــــد رحم حالي وانا من حالتي مغبون=ولا واحد فهــــــــــــــمني زين غـــيرك يابعد حالي

كأني من بعد ماغــــــبت يتيم عاش عمره دون=بدون ام تراعـــــــــيله قضــــــى عمره بالامالي

الى من قالوا امك وين؟يموت الفين ابو مليون=اليا منــــــــــــــــــه تذكرها تذكر زيـــــن الافعالي

كأني من بعد ماغبت فــــــــقيرٍ غارق بديون=عجز لايــــــــــــطعم عياله بسبايب سوء الاحوالي

الى من جاء نهار العيد بدل مايــــفرحوا يبكون= لا صاحب ولا عزوه ..يعني مالهم والي

الى من شاف اطفاله بســـــبت جوعهم يشكون=شكى ضعفه ..بكى مــــعهم وقال العذر ياعيالي

كأني من بعد ماغبت بغرفه مظلـــمه مرهون=ومن حـــــــــولي اطباء واجدين اصناف واشكالي

يقولون المرض اعياك؟ بلاهم فــــيك مايدرون؟ =بلاهم ماســـــــلوا مثلي ولو في نصف ماجالي

كأني من بعد ماغبت سجين في سجن مسجون=حطوا القيد فـ يديني وشـــــــــــدوا الرجل بحبالي

وغطوا عيوني الثنتين بشاش اسود خفيف اللون= وعلى راسي وقف رجلٍ يسل الســــيف مايبالي

اصيح بصوتي العالي امانه يابــــــــشر تكفون=امانه لو ربع ســــاعه امانه فــــــــكوا اغلالي

قبل ماتقطعون الراس بــشوف احلى واغلى عيون=ابسمعها قبل مامـــــــــوت تقول اغليك يالغالي

كأني من بعد ماغــــبت بحفره موحشه مدفون=بحفره موحـــــــــــشه ظلماء علاها قرع الانعالي

اقول بلحــــظته ياليــــــــــتني فوق الثرى واكون= قريب من نــــــظر عيني قريب من هــوى بالي

كفاني ياعذابي ماجـــــــــــــــرالي من الم وطعون=كفايه يابـــــعد جدي وعـمي ويابعد خالي

انا الغـــــــلطان والمخطي وشيطان البشر ملعون=فدتك الروح فداك الدم فداك الجاه والمالي

طلبــــــــــــتك يانظر عيني مادامي فيك انا مجنون =ودام الوضع الى هالحين على ماقيل سهالي

ترا لاطالت الصده وربي لاتشوف الهون = ورب البيت لاحظرك ..... واغير رقم جـــــوالي

انا ماحب أية (حــــب) انا حبي يغطي الكون=ولاانزل في قلوب الخـــلق إلا بخير مــــــنزالي

انا حبي وفا واخـــلاص للي يستـــحق ويمون=ولااطـــــــلع من عيــون اللي احبه بعد مدخالي

هلابك يابويوسف وصح لسانك ملااااييين
تحياتي لك لاعــــــــــدمنا وجووودك.

يحسبـونـي احـبـك بـــس لانـــك يـالـغـلا مـزيــون امـانـه ماتـحـس ان حكـيـهـم مـمــزوج بهـبـالـي؟
ولاواحـد رحـم حالـي وانــا مــن حالـتـي مغـبـون ولا واحــد فهمـنـي زيـــن غـيــرك يـابـعـد حـالــي


الشاعر الكبير يعقوب


أبيات من ذهب


كلمات تنساب إلى القلب كنسياب جداول المياه


أبدعت يالقرم في كل مانضمت ودام الحب دوما


سلمت وسلم لنا عزفك ونزفك


ودام قلمك يطرح أجمل الدرر

صح لسانك ولاهنت على هذه التحفه الجميله


تقييمي

الــلــه الــلــه عليــــك

صح السانك وعلا شانك

تسلم يمينك على هالقصيده الرائعه

ويسلم هالابـــــــداع

يعطيك العافيه يارب

واحنا في انتظار جديدك القادم

اقتباس المشاركة الأصلية كتبت بواسطة يازيني شينااه الــلــه الــلــه عليــــك صح السانك وعلا شانك تسلم يمينك على هالقصيده الرائعه ويسلم هالابـــــــداع يعطيك العافيه يارب واحنا في انتظار جديدك القادم

صح بدنك اخوي الغالي
ويعافيك
تشرفت بمرورك

صح لسانك ابيات رائعه شكرا

اقتباس المشاركة الأصلية كتبت بواسطة أمير الشمال صح لسانك ابيات رائعه شكرا

صح بدنك وسلمت

ماشالله عليك يعقوب يسلم بوحك الراقي وفقك الله

تقييم خمس نجوم

صح لسانك اخوي يعقوب
كلمات إبداع وذوق المعاني وجمال السياق
ربي يسعدك اخوي ولايحرمك ماتتمنى

اقتباس المشاركة الأصلية كتبت بواسطة مزون شمر صح لسانك اخوي يعقوب كلمات إبداع وذوق المعاني وجمال السياق ربي يسعدك اخوي ولايحرمك ماتتمنى

صح بدنك
ودمتي بود

صح بدنك اخوي ابو طارق
وتشرفت بمرورك

روووعه يسلم لسانك شاعرنا الراقي يعقوب

اقتباس المشاركة الأصلية كتبت بواسطة سكون القمر روووعه يسلم لسانك شاعرنا الراقي يعقوب

تسلمين

دمتي بخير

صح بوحك وكلك

اقتباس المشاركة الأصلية كتبت بواسطة هدوء الجوري صح بوحك وكلك

صح بدنك والف شكر