وعليكم السلام ورحمة الله وبركاته
تحية طيبة ومحمله بالورد والفل
أشكر فيكي حرصكي وغيرتكي على أخواتنا
الممرضات واي مجل في يعمل به في الطب
حفظهن الله من كل مكروه
هي الدكتوره الممرضه المسلمه
العاقله الواعيه الخلوقة حفيدة رفيدة الاسلمية وأم عمارة وام سلمة رضي الله عنهن وأرضاهن
لما لا تطلب بعدم الاختلاط المحرم وتتجنب نظرة السواء
وانا اتوقع النظره هذي
لنهااا هي الوحيده المختلطه بالسعوديه ممكن لها السبب هي دون غيرهاا
ولو فيه مجلات اختلاط لا بعد كرهوها لما بها من اشياء
تحصل قد تقود الي الحرام والعاذ بالله
نحط نفسناافي وضع تلك العاملة
مقتنعة تماما أن العمل كطبيبة أو ممرضة
من أشرف المهن وهذا صحيح بس بعد بعض الناس
انفسهم بعيدين كل البعد عن الله
واذا غاب الرقيب اكتمل المشهد المال السايب يعلم السرقه
والشر يعم الجميع
ولكن الحل وضع طاقم نسائي كله لا يكون به رجال
مثل مافي الدول الغربيه
ووضع طقم رجالي كله مابه نساء
بس هيهات تجد الحلول عندنا
لنه ممنوع ابداء الري
ولوفيه شي من الخوف علي الشعب
لوجدة الحلول الكثيره بس
ما يخصني هو الي يلعب دوره
الاختلاط ليس هي من فرضته حتى تزيله وإنما واقع مفروض عليها ولو عمل استبيان لدي قناعة أن النتائج ستكون مطالبة الفتيات والممرضات والطبيبات بالاستقلال التام عن الرجل
هل تم توفير فرص عمل حقيقية وبعائد مادي مجزي تكفل للمرأة خصوصيتها أو أن الرجال يكتفون المرأة ثم يلقونها في اليم وهم من يحذرونها من الابتلال
كم لدينا من ملايين تنفق على مهرجانات دعوية لو فتح بها مستشفى خاص نسائي او مستوصف وتم توظيفهن فيه أليس أجدى
المستشفيات الحكومية التي قيادتها بيد الرجل والصحة وزارتها بيد الرجل لماذا لا يتم توجيه الخطاب لهم بهذه القسوة والغيرة والمطالبة بتقديم مشاريع حقيقة لعلاج هذه المشكلة الله المستعان
وبارك الله فيك قلبي عسوله
مستحيل
واسفه علي التخير بالرد واتمناا وفقت علي عجاله
دمتي شعله لا تنطفي
اختك ذوق الحنان
هو صحيح ان الاختلاط بس القطاع الصحي لكن الاسواق اختلاط والحدائق اختلاط والحريم كشفيات عند الرجال والرجال كشفيات عند الدكتورات على كذا كل النساء بوجه الارض لسنا شريفات تفكير غريب ع بعض الاشخاص
ذوق الحنان
الف شكر لمرورك الغالي وكلامك المنطقي والثقافي عافاك الله وحماك من كل شر
حبيبتي مستحيله مادامك ماشيه ع السراط المستقيم
والخوف من الله مايهمك اي كلام ولا تخليه يأثر بحياتك
صحيح فيه موظفات الله يهديهن ماشيات غلط بس الي يمشي بالطريق هادا
حيمشي فيه حتى لو كانت موظفه بقطاع ثاني
وانا اقولك رأيي فيه موظفات محترمات وفيه عكس وكلو راجع للتربيه والخوف من الله
المجال الصحي كان نفسي ادخله بس لظروف خارجه عن ارادتي غيرت الاتجاه
مستحيله ربي يوفقك في حياتك العمليه والزوجيه ان شاء الله ليش لا شيلي فكرة العزوف عن الزواج
نبغى نفرح فيكِ ياعسل
الله يعطيك العافية على موضوعك وطرحك .. قديماَ جداَ تناولنا القضية !
بالنسبة ل سؤالك ؟!
لا لا اقبل بالزواج من موظفة قطاع صحي .. عملهم موب حلو مُرهق ومُتعب جداَ
أضف إلى ذلك إنشغال الزوجه بعملها بدل ما تنشغل بزوجها وبيتها !
ممكن هنالك وظائف افضل من هذه الوظيفة بعيداَ عن روؤية الناس لهذا المجال !
وإني لا أقول ما في نفسي مجاملة ً ولا أجد حرجا ً مما أقول ...
الفاضلة مستحيله
لقد سدحتي الموضوع حول البنات والمستشفيات
قائلة
اقتباس
السؤال لكم يارجال
هل تتزوجو موظفه بالقطاع الصحي..؟؟
وقبل الرد سأرد على عبد العزيز الذي يقول إن أحد اصدقاءه قال الشريفه شريفه لو بين 100 رجل بالله صاحبك هذا هل كلامه وحي؟ أتحداه يسمح لزوجته تطلع مع سواق إلا إذا الأمور خارجه عن سيطرته هذا شي ثاني
هذا عكس كلام الرسول صلى الله عليه وسلم فالرسول لم يقل كذا بل قال لا يخلوا رجل وامرأة إلا وكان الشيطان ثالثهما ركز 1رجل+1مرأة = شيطان فما بالك بـ 100رجل+1امرأة؟ اعتقد =هندرت شيطان قسم بالله يا إن ابليس راح يلعب لعبته لا وراح يتفنن ويبدع راح يجعل عاليها واطيها (يهب يا ابليس ) هاه أشرايكم ناخذ كلام صاحب عبد العزيز وإلا كلام الرسول صلى الله عليه وسلم؟ وأظن كل الظن إن الشباب اللي سادحين مواضيع الموافقة ماهي إلا التميلح قدام البنات ويقولون يعنني متفتحين
ندق ريوس للسؤال المرأة أولا كيف لبسها بالمستشفى ؟ خلونا نتكلم بوضوح وصدق بنطلون ضيق +نقاب أو لثام+مكياج والتصرفات تضحك مع فلان وعلان إلا ما رحم ربي (قسم بالله إني إذا رحت المستشفيات إني أتعافى بسرعة ما أدري ليش) واحنا بالرياض عاد المستشفيات تعج بالبنات
بالله أي رجل يمتلك غيره بأن يسمح لزوجته بكذا لبس والثرثرة مع الشباب؟؟ يووووه عاد يا الممرضين السعوديين 24ساعة مكشخين إلا مارحم ربي
لو المرأة اللي أفكر اتزوجها في مستشفى بقسم خاص نسائي مثل المراكز الصحية بالأحياء هنا بندرس الموضوع مشكلتي غيور لأبعد حد أبي البنت لا تقبل القسمة على 2 ابيها لي أنا فقط حتى لو حبيبه فما بالك بزوجه سوري على الرد تراني تحمست شوي كثير
خيال علمي * تخيلوا يا شباب وانتم جالسين بالاستراحة ويجي واحد من الشباب فجأة فلان امس كنت بالمستشفى وعرفت زوجتك والله ما قصرت معي خدمتني وخلصت مواعيدي وكل شوي جايك واحد فاك الخشه كأنه يبشرك بـ مليون ريال زوجتك سوت معي كذا ومعي كذا خير وين عايشين قسم بالله مالي وجه عاد يجلسون 2 بالزاوية قسم بالله يا إن زوجته خقاق أو الحمد لله والشكر يا زوجته قسم بالله تسد النفس أو زوجته منتهيه مايعه وكل شوي يطالعون فيك مجموعة من الشباب بنص عين وانت ما تدري وش السالفة مثل الأطرش بالزفة ماتدري وين الله حاطك
ويجيك واحد آخر الليل بالله عط زوجتك الورقة هذي خلها تصرف العلاج عاجز اجلس بالصيدلية وتروح لزوجتك هذي وصفة علاج لفلان بالله اصرفيها له عاد الشيبان على الصبح ماعندهم إلا سالفة هالممرضة تمر+قهوة= ممرضة عاد ما يحشون باحترام لا والله إلا يقطعون تقطيع شذر مذر
وبكره إذا تزوجت من واحد بالمستشفى اسمعوا السالفة عاد تدري ليش تزوجته شكله بينهم شيء شكله يبي يصلح غلطته يوه عاد إذا طلقها بعد مدة ليش طلقها؟؟؟ يقولون يبي يصلح غلطته عاد دبروها مطلقه ممرضة بالمستشفى the end يمكن كلامي قاسي لكن تراه واقعي ولا ينكره إلا جاهل عاد تخيلوا يتزوجها واحد موسوس وعنده غيره طبعا ً عندها دوام اضطراري بالليل يجلس يتقلب على سريره الموسوس مره مرتين يوم يومين بالنهاية بينفجر ويطلقها عاد تجي الشائعات من حيث لا تدري الفتاة ليش طلقها ؟؟ أكيد إنه شايف فيها بلاء إي والله عاد هو رجل غيور والله إنه رجال وهي ما تستاهل الثقة هذي نهاية الثقة !!!! هذه حقيقة لا أحد يفكر بقلبه الواحد لازم يفكر بعقله والسلام عليكم
يَ عزيزي صرخة قلم ..
هي وجهاتَ نظر الشباب في هذا الموضوع , ولا نستطيع ان ندخل
في نواياهم ونقول تميلح وتفتح ! إذا على التميلح والتفتح قاعدين يلعبون
على انفسهم ! وهذه هي ضعافة النفس ..
وجهة نظرك ورأئيك نقدره ونحترمه ولا نشكك بذلك لأنهُ بالأول والأخير رأي والموضوع مفتوح للنقاش والتحاور
بالنسبة للقطاعات الصحية نعم انا معك في كل نقطة أوردتها لأن كلامك واقع واضح ومشاهد ومثل ماتفضل مستشفيات
الرياض على وجه الخصوص , وغيرهاآ الكثير ايضاَ من المستشفيات .. ذكرت السبب في عدم قبولها ك زوجة ولا يمنع
انه يكون نفس كلامك ولكن ايضاَ فيه تلك المناوبات الليلية بدل ما تناوب بالبيت تناوب بالمستشفى ! هذه مُشكلة بعد
نتمسك بالرأي ووجهة نظرنا ولا نقبل بأن احد ينتقدنا على هذا الرأي من أجل تصحيح النظرة وانهُ التطور والتفتح ..!!
وفي المقابل نقول ماذا ات بالفتاة إلى هذا العمل بالقطاعات الصحية آلم تسآل نفسك هل هي من تعول عائلة !
هي من تصرف على آهلها في ظلِ إنعدام الوظائف لا بنات ولا شباب ... والحاجة لها دور كبير أخوي ياليت نظرت لها
ايضاَ من باب ومنظور اخر ف الحاجة دعتها إلى هذا العمل في هذا المجال !! ولن نفترض إفتراضيات شيطانية ؟!........
..
بختصار المراءة العاطفة هي من تتصرف بها لا العقل / اما الرجل ف العقل يحكمه ولكن الشهوه الشيطانية حاضرة لدية
وممكن تحدث امور غير سوية من علاقة او مكالمات او او او ... والقطاع الصحي جمعهم على هذآ ؟
المسألة هنا معقدة نوعاَ ما , ولا نحاول ان ننتقد ونهمش عمل القطاع الصحي بالنسبة للبنات لأن الحاجة اتت بها إلى هذا
المجال وربما الهواية والممارسة والتوفيق من الله ( ارزاق مكتوبة ) .. نطرح رأينا حول الموضوع برد يحتم رآئيك لا إفتراضياتَ ... والعكس كذلك ..
حسب مافهمت انك بالرياض وكل منطقه تفرق عن الاخرى حنا مافيه بنطلون ولا فيه لثام عندنا ولا مانع ان الموظفه تلبس جاكيت على طول عبايته وكل شخص له وجهة نظر وانا احس ان غيرتك هذي بتذبح علاقة جميله بينك وبين من تحب لانها تخلو من الثقه والغيره الشديده تنقلب الى شك اما اخي عبد العزيز ماقال الرسول يقول الشريفه لو بوسط مليون رجل لا هذا صديقه الي قال مو الرسول وايضا مثل ماقال اخي شيخ المافيا ربما تعول عائله وربما هوايه وحب هذا القطاع فان تخصصت بالقطاع الصحي حبا في هذا القطاع
صرخة قلم
اسعدني مرورك ونقاشك وصراحتك اسعدني وجودك في متصفحي
أولا ً الأختلاف بالرأي لا يفسد للود قضية واتمنى نبقى اصحاب
ثانيا صدقوني أتكلم عن المجتمع السعودي خاصة (الديار الشمالية )
أما الشرقية والغربية تقريبا ً متفتحين والأمور عندهم عادي
يعني لو إنك جداوية راح أرد عليك رد مغاير عن هذا الرد
والرياض نص هيك ونص هيك لكن بحكم إني في منتدى ينتمي للشمالية فأكيد الوضع القبلي غير وعند القبائل
كلمة (عيب) كثييييييييييير لكن من النادر تجد كلمة عيب بالشرقية أو الغربية..
نعم أنا بالرياض ويمكن عندكم بحايل غير الرياض ما أدري لكن أنا اتكلم مما رأيت بمستشفيات الرياض
وانا أتكلم عن وحدة بحايل تبي تتوظف في مستشفى فأجاريها بناء على عادات وتقاليد تلك المنطقة
ويحق لها أن تعرف وجهات النظر لتلك القبائل وما قد حدث وما سيحدث لأنني قرأت وسمعت بلاوي
وكل شخص له حريته الشخصية
فالبعض عند أهله (سردادي مردادي) لأوروبا وأمريكا وغيرها وعادي
والبعض ما تطلع إلا بشق الأنفس للسوق مثلا ً
أما بالنسبة إنها تكون هي العائل الوحيد لأهلها يمكن نسيت النقطة هذي لكن لكل مشكلة حل
قريت مره مثل أظن كل الظن إنه مثل حايلي يقول
( مابحايل قطايف )
يعني ما فيه إلا هالوظيفه هذي ؟؟؟
إلا عاد إذا الدنيا مقفله بوجهها الله يعين ما لها إلا إنها تقول أنا موظفه بقسم نسائي ولا تعلم أطلق شنب ههههههههه
نعود لأدراج رياح مستحيله
اقتباس
حنا مافيه بنطلون ولا فيه لثام عندنا
ولا مانع ان الموظفه تلبس جاكيت على طول عبايته
أها ما عندكم بناطيل أجل الوضع عندكم مو مثل اللي عندنا
تعليق بسيط على كلمة (عبايته)
لهجتك الظاهر مثل لهجة (أبو ملوح) يا حبي للهجتهم وربي خقق
بالله إذا تعرفين أبو ملوح سلمي لي عليه
بعدين على طاري اللهجات نفسي أعرف ليش تقولون السماواي أو السماوات الظاهر كذا ما تقولون السماء
نفسي أجيب حايلي هو يتكلم وأنا اسمعه قسم حلوه لهجتكم بس إذا مو غلطان إنها لهجة شمرية إذا مو حايليه
اقتباس
وكل شخص له وجهة نظر
والأختلاف بالرأي لا يفسد للود قضية
اقتباس
وانا احس ان غيرتك هذي بتذبح علاقة جميله بينك وبين من تحب
لانها تخلو من الثقه والغيره الشديده تنقلب الى شك
لا يا مستحيلة شفت لك كتابات لكن لا تخلطين شعبان برمضان
يعني إما إني أغار أو أشك؟
الثقة أساس كل شيء وأساس قبل الغيرة
أقصد بالغيرة هي إني ما أتحمل محبوبتي تكلم غيري مو معناته إني أشك إنها تكلم غيري
أعطيه(على نطق عبايته) الثقة
مثلا رجل تزوج من ممرضة
أنا أرفض إنها تلبس لبس بنطلون ...إلخ وتجلس تثرثر مع الممرضين
لكن مو معناته إني أشك في كل الممرضات إنهم .... استغفر الله
هذا قذف للمحصنات
فيه فرق بين الغيره والثقة والشك
أتمنى تفرقين بين إن الشخص يغار وإنه يشك
وأنا ذكرت قصة (الغيور الموسوس) ما قلت غيور وسكتت...
وطلقها بسبب إنه موسوس مو طلقها بسبب الغيرة
اقتباس
اما اخي عبد العزيز ماقال
الرسول يقول الشريفه لو بوسط مليون رجل لا
هذا صديقه الي قال مو الرسول
أنت ِ وعبد العزيز على العين والراس
لكن أنا اقصد إن صديق عبد العزيز ما يتجاهل كلام الرسول لأن
كلام صاحب عبد العزيز مناقض لكلام الرسول
ليش ما قال الرسول صلى الله عليه وسلم
(ما عليكم الشريفه تبقى شريف لو بين 100 رجال) ؟
الرسول صلى الله عليه وسلم وضح إن رجل وامرأة ثالثهم الشيطان
فما بالك بامرأة محاطة بالرجال ما يقارب من 8 ساعات ؟؟
وخاصة إن الوضع (منفتح) للأخير ؟
اقتباس
وايضا مثل ماقال اخي شيخ المافيا ربما تعول عائله وربما
اقتباس
هوايه وحب هذا القطاع فان تخصصت بالقطاع الصحي حبا
في هذا القطاع
هذا بلا أبوك ياعقاب
واحنا وش ذبحنا غير الحب وما تشتهي الأنفس
كثير اللي نحبه لكن تمنعنا منه أشياء وأشياء
بالله لا تجيبين طاري الحب ترى أسحبها مره هجينية ومره موال
سعدت كثيرا ً بالرد وقراءة الردود
لا عدمتكم
ولا عدمتوني
مع تحيات
محلل رياضي سابق
ومحلل اقتصادي تائب
ومحلل سياسي ماله بالسياسة
صرخة قلم
لا اريد ان اقتبس وارد على كل حرف ولكن
يااخي ليس بضروري ان اتكلم مع ممرض
فهنا قسم نسائي وقسم رجالي نعم احيانن
ومن فتره لفتره يحصل الحاجه لذهاب لقسم
الطوارئي الذي لايوجد فيه اقسام مغلقه ولكن
لضروره احكام فاانا الان اناقش رجل هل انا
غير شريفه او اخطات فمثل ما اناقشك واناقش اي رجل
اناقش الممرض وغيره مع حفظ الادب والزي المحتشم
العضو الأكثر نشاطاً هذا اليوم 
..
العرض العادي
