و لم يتبقى إلا تسعاً , فـ من أساء الأستقبال فليُحسن الوداع [ 21 / 9 ]

مساء الخير ’
كيف حالكم .. :d < محد متورط ب المقدمه
المهم انه يومي الرمضاني و اعذروني لـ جودة الصور لأنها من جوال
بسيط جداً كان ودي يكون احلا من كذذا بس الوقت ضيق مرا
ماطول كلام وخليكم معاي

هذي السفره كامله








الموجود في الصوره :
رطب + قهوه + مويا + سفن اب + لبن + ميرندا < ابو جونا






اشياء القهوه




بف باستري

الطريقه :
عجينة البف , تقطعينها اربع مربعات
تحطين الجبن اللي تبين وتسكرينها ( هنا ب جبن الكيري )
تدخلينها الفرن اول شي من تحت اذا حسيتي انها خلصت شغلي اللي فوق للتشقير
بعدين طلعيها وحطي قرفه و رشيها ب النستله وبس





حلا قهوه
المقادير :
بسكوت داجستف + 2 قشطه + ثلاث ارباع كاس مويا مذوب فيه ملعقتين اكل سكر بني وملعقتين نسكافيه ,
شعيريه باكستانيه , ربع اصبع زبده , 5 جالكسي

الطريقه :

نخلط الداجستيف مع كاس المويا بالنسكافيه والسكر و علبة قشطه الطبقه الاولى
ولو صار شوي فيه قطع مايكون ذايب البسكوت بيكون احلا
الطبقه الثانيه نشقر الشعيريه على النار مع ربع اصبع زبدة ونحطها فوق الطبقه الاولى
بعدين نسوي للجالكسي حمام مائي واذا ذاب نحط القشطه بسرعه ونحركه سوا ونحط فوق الشعيريه
ويتزين ب جالكسي مبشور والا حباة الارز من باتشي

وبس






نعتذر على اللقطه الاحترافيه هنا
كان حوالينها بشر ماقدرنا نصور زين

خلية النحل

العجينة عجينة عشر دقايق

المقادير :
2 كاس مويا دافي
2 ملعقه كبيره حليب بودره
2 ملعقه كبيره خميره
ذرة ملح
فنجال سكر
2 كاس طحين

الطريقه :

نعجنهم كلهم مرا وحده ونتركهم لمدة 10 دقايق
بعدين نحط نص كاس زيت
و3 كاسات طحين وعلى طول نشكلهم باللي نحب



برب

بيتزا زعتر

العجينه نفسها حقت خلية النحل
بس ندهن العجينه ب مايونيز ولو ماحبينا نحط زيت زيتون بعدين نرش الزعتر وبس
على فكره المايونيز بس شوي لانكثر بس شي يمسك الزعتر بالعجينه





فطاير جبن + دجاج

العجينه نفسها حقت عشر دقايق

الجبن نحشيها جبن كيري او مثلثات

الدجاج :
بصل مقطع صغار وشوي زيت و حبة ماجي او بدل الماجي ملح
صدور دجاج مقطع صغير مره
وجزر مبشور و بقدونس
نحمس البصل لما يصير ذهبي وبعدين نضيف البهارات والماجي
وبعدين نحط عليه الدجاج ونقلبه لما يستوي
بعدين نحط الجزر المبشور ونقلبه لمدة عشر دقايق
اذا استوى الدجاج نطفيه واذا برد شوي نحط البقدونس ونحشي الفطاير وبالهناء والعافيه




وبس خلص موضوعي
انطلقوا ولاتنسوني من دعاكم ب هل العشر الاواخر


سبحانك اللهم وبحمدك اشهد ان لا اله الا انت استغفرك واتوب اليك

يعافيك ربي للطرح الشهي
وسلمتِ ياغاليه ,

فطور يشهي

يعطيك ربي العافيه وتسلم يمينك يا بعدي

ودي ..

:

تسلم م م يمينك
صور حيل حلوهـ

:

إي والله أنا تورطت بالمقدمه
ظنيته موضوع ديني

لكن مايخالف ..
تشكرااتي العطريه أختي مها
على هيك أكلاات لزيزه

تحيااتي لكِ

مشكوره حبي

ماشاء الله الله يجعله سفره عامره ودايمه

مها
تسلم يدينك ياعسل

ماشآء الله

سفرهـ دآيمه .. وبالعافية عليكم

سلمت الآيادي يالغلا ...

أعتذر تنقل للقسم المناسب ..

ييييييمي لذيذ
تسلميييين

يسلمو دياتك يالغلا ~.
انتقاء وطرح رآآئع
بأنتظار جديدك بشووق
دمتي كما تحبي لقلبك الجوري
تحيااتي ~.