دروب ,,,,

[align=center]

ولكن قبل هذه الدروب.. هناك طعنات ..


لحظه وأرتبها طعنـات ودروب
........ وألقى لصيحة القلب إستجابـه
يمكن ألقى بالصدر قلب ينـوب
........ ياخذ عن القلب المعذب عذابـه
وغمض عيوني بلحظات الغروب
........ وأتخيل الصبح القديـم بشبابـه
وأسامرك ياحلمي الصب اللعوب
........ ونشرب بنخب الأسأله والإجابه
أعيتني الأيام يالحلـم الكـذوب
........ وأعيتني وجوه كثيـر أتشابـه
وذابت بعيني فكرة انـي أتـوب
........ ورجعت أشوه وردتين وسحابه
وأرسم مدائن تزخرفها قلـوب
........ ذابت من أمطار الهوى والصبابه
وقلبي بحطه من حجر مايـذوب
........ يكفيه ماجاه بزمانـه وصابـه
وأرجع أرتبها بغفران وذنـوب
........ وارمي بنفسي للقـدر والكآبـه
هذي الحقيقه انا كلـي عيـوب
........ ماعاد فيني حلم يغري جوابـه
[/align]