لو كل من يبكي يحصل مراده
والله لتلقي كل الاجناس يبكون
مير البكي للي عليه القراده
الله يعين اللي من الوقت مغبون
اتحدن همومه بالحياة السعادة
واحدن بالعمر كثرت ديون
واحدن ينام وحط دونه وساده
واحدن شكي ليل علي خالق الكون
واحدن شكي هجر الوليف وبعاده
واحدن حفظ حبه عن اللي يعذلون
واحدن سهر ليله صلاة وعبادة
واحدن سهر مابين خمر ومزيون
دنيا بها العالم بياض وسواده
فيها عجايب تجعل العقل مجنون
والحر لامنه بغي شي صاده
والناس لامنهم بغوا شي يسعون
لا صار مالك في حياتك شهاده
منت بمع العالم معزز ومصيون
الله يوفقنا بقوة اراده
وارقي مع اللي للمراقيب يرقون
شفنا بدنيانا دروع وسناده
وشفنا بدنيانا ربوع يصدون
شفت العجبوالهم والشوق والهون
العمر توه جعل يبقي مداده
ما للعمر ياسامع الصوت قانون
اعكس دروب الغير تلقي افاده
تعرف تفرق بين الاشكال واللون
والحب لامنه خذا القلب ناده
واخذه تري العشاق دايم يخونون
مانطرد المقفي ونذخر شراده
الطيب فينا يا المقفين مخزون
والحر لا منه تباطا هداده
قسمه مع الاحرار ماهوب مضمون
احيان ودك في زمانك اعاده
واحيان ترضي بالقدر وانت محزون
اتولع الجمره وتصبح رماده
والناس لو بتعيش لازم يموتون
يكفيك من هرجي وقافي وكاده
بيت من الهاجس مقفي وموزون
والحر لامنه بغي شي جابه
والناس لامنهم بغوا شي يسعون
مما راق لي
كنت هنا ....
وينك بلم من الجروح الذواري
طال الهبوب وطال مسراه ساريك
لا ماانتظرتك بس طال انتظاري
لا ما ذكرتك .. بس لا تقول ناسيك