شاعر تنقاد اليه الحروف طوعاً ..
يعزف على اوتار الحرف ببراعه
ويكتب بأحساس عذب ..
ويرسم المفردات بصور حيه
ينقلنا الى سحر الكلمه وعبير المعنى
تشرق قصائده بوهج ممتع ونبض عذب
بين زوايا هذه الصفحات سيكون لنا
مع الجمال موعد
فقصائده خير معبر على ذلك ...
كلن كتب في حبيـبه حسب منظوره
............وأنا كتبت القصيد وجيت بأوزانه
بعض التواصيف ماتذكر ومحظوره
............خايف يقولون هذا وصفها فلانـه
تكفـــون خلو الخفايا تحت مستوره
............والفرق واضح رذاذ وذيك هتانه
"النص"
أنتي حكاية طـفـل تشـبـه لها أسطوره
...................يا أحـلآ خيـال الفـكر يا روعة ألوانه
الحسن من منبـته / يعني من جـذوره
...................وأنشهـد إنـش بــزود الـحسن فـتــانه
مغروره بخلـقـتـش // لا شك معـذوره
...................لأنـش مابـيـن العذارى صدق بطرانه
يا أطلق بديع الجمال بزحمة حضوره
...................وأنعم من البسمة اللي موت خجلانه
كل الوصوف النوادر فيش محصوره
...................غنجآ وطـرقآ ويـا أنتي حـيـل رويـانه
فيش الدلع والترف ما يشـهد بـزوره
...................منـش إبـتـدأ / والكـتـاب يبين عنوانه
طلت محيّـاش كـنـز بـغـبــة بـحــــوره
...................ما يوصله غير غايص طالت أزمانه
ولا العيون النواعس شـبه مخمــوره
...................أسـكـر نـظـر دامـهـا بالحـب سكرانه
يالعـنـبـو دار دارش ويـــن مقــــدوره
..................أصبر وأشوف الشفايف جمرها عانه
ولا النحر فـوق زيـنـش لاعـبـن دوره
...................إليا لمحـه المطوع هـاضت أشـجانـه
والصدر كنه عقيد:ن: يثبت احضوره
...................ماغـيـر يـبرز على ذا الخـلـق تيجانه
والبطـن ضامـر مزايا بنـت سنـيـوره
...................تلعب على كل لحن:ن: يعزف ألحانه
هذي مزايا حسين الصوت والصوره
...................وأتـلآ المزايا خـذت من فرخ شيهانه
مخرج . . ~
النـاس تفرح وكلن داعـب سـروره...........
وأنا المواجع تخلي العين سهرانه
اللـي سكـنـي وشيـّد عالي قصـوره...........
ثمن هجرني وأنا ما أحب هجرانه
قولو له إني رضيت بحكمه وجوره...........
إلا الخيانة حشآ ما أرضآ لها خانه
غبت وغيابك مـُر ماكنك أبطيت=
.............إكذب علي وقول جابك حنينك
الله يسامح غيبتك وإن تماديت =
............بأبقآ على عهدي وبأبقآ رهينك
إن جيتني فأرحب هلا بك وحييت =
............جعل الغلا يبطي وتبطي سنينك
إن رحت زاد الشوق ويزيد لو جيت =
.............من كثرة أشواقي غدو مجرمينك
لو شاب راسي منك ما والله مليت =
................يرجع شباب الراس في غمزتينك
خذيتك أنفاسي وفي الصدر كنّـيت =
...............حب وغلا وأحساس شاعر دفينك
غالي وغالي . . لو بخلت وتغليت =
..............يابعد ناس"ن" في الهوى عاذلينك
شوفتك تشفيني ولو ما تشافيت =
................مديت لك يمنآ"ن" تصافح يمينك
إنت الذي من بدت الخلق خاويت =
.............حطيتك بقلبي وأنا وسط عينك
فإن غبت عني فإعتبرني توفيت =
.............وإذكر عشيق"ن" مات في راحتينك
أحب أشم الورد وأنفاسك وأنت=
لأنك .. حياة اللي حياته حياتك
وأحب أشاهد طلتك وين ماكنت=
لأن القمر تشبه حلاته حلاتك
ماغيرك اللي متعب الحال لاهنت=
من دون أحس الروح راحت وجاتك
زينك طبيعه لا حشآ ما تزينت=
سكر نبات وذاب بأسفل شفاتك
لو جيت أبرسم صورتك وإن تفننت=
ساح القلم ثم إنكتب يا (بهآآآتك)
يعني على قلبي رسيت وتمكنت=
إلين قام القلب .. ينبض غلاتك
بالمختصر ياخي على حبك أدمنت=
إسم . وسمو . وزودتها "سماتك"
باب(ن) يجيب الريح لازم تسده=
..........قيلت واناا اجدد عليهاا التواثيق
الكل منا عارف"ن" ويش حده=
..........كل(ن) يشيل اللي على حمله يطيق
ولا خفوقي من زمن باح سده=
..........من يوم خاويت الشعر والطواريق
لا من لفاني الضيق ! مقدر ارده=
..........يقلط واحطه بين ذيك المعاليق
واذا انجلى عني هوا العذل رده=
..........ياشين مقباله ويا نشفه الريق
كنه يقول الصدر .. لازم نكده=
..........اما يموت بحسرته او هو يفيق
والحزن طاغي ماني اليوم قده=
..........بين على وجهي علامه وتشقيق
والدمع ماله عن مسيله مصده=
..........خله يواسي الخد من فوقه يريق
ياسالفه صدري ترى الضيق شده=
..........واثر السوالف كلها ضيق في ضيق
السلام عليكم ورحمة الله وبركاته
..
..
هذي رديـه بيني وبين الأخ / محمد العفات الشمري
كان فيه سوء فهم حصل بيني وبينه وبعد
أسبوعين من سوء الفهم نزل قصيدة
يقول فيها :
.....
ودّي وودّي والعدا دوم ضدّي
................دايم مـداورهم تـدور بــودادي
جايد عنادي من جدادي وجدّي..
................ولاردٌني دوك العدى عن عنادي
هادي و(أدوده) ان تردّت بيدّي..
................ولا تندفع ياللي (تحسد) العوادي
وداله أداهم في دهاليز ودٌي
................ودّي (أداهم) مـن دواهـم حصادي
فردن (يجيد) الحد..وحدّه يندّي
................وفردن مداسه من رداته..وغادي
قادر (أداحم) والفرايد مشدّي
................وقصدك (رباده).. والقصايد مفادي
يامدّعي هد..(ويهدّك) مهدّي
................أو رد ردّك .. (ما انت) قد لـ هدادي..!!
رديت برد كنت أداعبه فيه وكان فيه شيء من النغزات وفهم قصدي :
ودك وودي والقدآ ما يـقـدي
................ويـن الجــدآ ويـن الدهـاة القــوادي
أحدن مدآه يصيد وأحـدن يصدي
................وأحدن دواه مـن الحسود المعـادي
ما يندمل سدك ولا ابديت سدي
................ لــو دارت الدنـيا وزاد الــســوادي
زندي عدآ من فوق زند التحدي
................وأحدد العادي وأقــدد (إ)زنـآدي
ولو كل رجلٍ بالشدايد يسدي
................ دلّــت رعـاة أهـل الـردآ كـل وادي
مدك على العليا يباريه مدي
...............ما لك على النايد من الدرب حادي
يا محمد إدهل لا تدندن على الدي
................وأنا بعـدّي .. كــان ودك ســدادي
رد علي بهذي الأبيات وكان معها توضيح للمقصود فيها
و يقول :
قرد القرايد ماهدم في مكدّي
................وكد المكايد ماكدر في سدادي
وقدر الحسود اللي بعدهم مشدّي
................قدر الهجيده لاغدت بالمزادي
وقدر البلايد ماتجرّد مردّي
................واحشد مدايد وأعدم ابها أيادي
واقند من الدله حدودٍ لردّي
................وأسم بها كل الردايا سهادي
درسن ادرّس به حقودن لودّي
................دارس يعادي كل فردن حيادي
داليّتي داله تدهور تحدّي
................منهو يــــدوّر بالدعابه كيادي
لكن دهاليز المودّه تندّي
................لك يا عضيد السايدة والسيادي
وماني بعدّي ان تجادلت ضدّي
................لك بسترد كل الهوادي ضدادي
رديت عليه بعد توضيحه و أقول :
دن وتنح وما حدن قد قدي
..............خل الكـلام ودل درب الهوادي
دامك تود دواه قصد التحدي
...............دن القصيد ودغدغه فالمهادي
دنق عليه ودلـدله لا يعدي
..............دمدمه وأشرب من دَمَه لايغادي
وإنده ونِـدّه وإبلمه لا يندي
..............دِمَّـه من الدنيا و وده بــوادي
داني وابن دنيا يدل التردي
..............دَلوَه دنا وإن دام دلو التمادي
وأنا على العليا وأحـدد مردي
..............وأداعب اللعاب وأعرف مرادي
أثر الهجوس تجرني جـرة حـزن=
وأسمع لها وأطرب علـى موالهـا
ما بين زفرات الألم هـات اللحـن=
خل العروق تصـب كـل آمالهـا
هيهات يا من هو وسط قلبي زبـن=
سِيد الجروح اللي معـرّب خالهـا
اللي علـى ضيقـي تقـدّم للرهـن=
ثم قال : لطعوني هنـا وأنـا لهـا
ما باقي من العمر يا كـون الكفـن=
ولاّ بقاي(ن) في الحشآ يرثـآ لهـا
ما طاب لي ممسآ ولا غمض جفـن=
والنفس تدعي الرب قـرب آجالهـا
حزن العرب فيني تمكن ثـم مكـن=
عزي لنفس(ن) ذايبه ما أوحا لهـا
إلى متى وأنا أنتظر له مـا فطـن=
عل وعسى .. يارب .. ليته فالهـا
يا سيّـدي يكفـي تمعّـن وأفتهـن=
لا يا بعـد كـل العـرب وأقوالهـا
زرعت ما بينـي وبينـي بالفتـن=
إلين حتى الـروح كِرهَـت حالهـا
غيرك فلا أظنـه ولا ظنـي سكـن=
لو ساق لي عمـره وكـل أموالهـا
أبقى علـى مـر الليالـي والزمـن=
ما أهتز بأريـاح العـذل وأفعالهـا
لا تستمع ..كُثر الحكي مثل : الطعن=
لا سيف لا خنجـر ولكـن قالهـا
خِلقت في الدنيا عزيز(ن) ما أنغبن=
نفسي علي ترجـح وانـا مثقالهـا
أركن على ربي ولا غيـره ركـن=
لا شحت الفرحه وشـد (إ)رحالهـا
وأنا أشهد ان حُبك وسط قلبي زبـن =
يبغي السلامة وأشهـد إنـه نالهـا