سلام الله على منهو حضني بشوق يحييني=يقول أنه فقدني موت يعاتبني بنظراته
كحيل الطرف صفاته ترف بأسلوبه يسليني=خفيف الظل غير الكل يداويني بضحكاته
طبعه عذب كلامه ذرب فوق الناس يخليني=يسولف لي عن أشجانه وسهراته وسجاته
عجيبه قصة افراحه تحكي قصته فيني=يوصف لي أحاسيسه وقلبه كيف دقاته
غريبه كيف اشواقه وسحر روحه تحويني=يردد لي حبك غير ممزوجة بآهاته
يغص بكلمة الفرقا يقول أرجوك نسيني=كل دمعة ذرفها العشق ولوعاته وشهقاته
جنون الحب في ذاته يذوب بنظرة عيوني=يوصفني أنا الدنيا وساعاته ولحظاته
يعطرني بأنفاسه وعسل ريقه يداويني=بدفى صدره يغطيني يحسسني برعشاته
أبيع الكون لعيونه ولا في شي يعنيني=ينسيني ظروف الوقت وضيقاته وصكاته
دام إنه هو النرجس ودام إنه بساتيني=أشوفه دنيتي كله وروحي هو جناته
حبيبي تحت أمرك ولا في شي يغويني=معك أبقى بحلاة العمر أو حتى بنكساته
دام إنك تهواني وكل إحساس معطيني=وهبتك روح وخذ هالقلب على بعادك معاناته