وأن مت لاتبكي علي
ياقلب محبوبي!
ولا تبتئس لو مابقى
في هالبشر
مثلي..!
ماهو غرور إن قلت لك
مافي البشر مثلي.!
أنا خلقت من الزهر
وخلقت من ضلعك عوج..!
ما ينكسر الا إذا قلبك كسر..!
قلبي !
والا هجرت
وأستاحشت فيني
دروبي!
ياقلب محبوبي!
والله أحبك من عمر
وأشعلك في قلبي جمر..!
كلي صبر كلي صبر..!
حتى حسبت إن الوجع
يسقي عروقي وأحتضر..!
وأبكي وأجي يمك مثل
طفلة بلا مأوى
للجوع ماتقوى
لليُتم ماتقوى
وأبكي كثر ضيقي
في عالمي وأكثر!
يضيق صدر الحياه إن ضقت بـ أسبابي
الله لايسامح اللي منك بكوني!
والله لايسامح اللي صكوا أبوابي
على نشيج الحزن لين أغرق جفوني
هم يجهلون التعب لا سهّد أهدابي
والا كسر بطش ريحه ليّن غصوني!
ماعاد فيني صبر يتحمل أعصابي
وماعاد فيني عمر يتحمل طعوني!
أنت اللي تساوي الدنيا من أحبابي
وأنت اللي إن ضاع مني ماتت عيوني!
مدري وأش اللي بقى ياكل غيّابي
لا قلت بكرة تجي ثم جيت من دوني!
وماشفتني
وما جابني لك صبح
وماتت من الصمت أغنيات
وشاخت بهالقصة فتاة
وغابت حياة
وماعاد فاد الا تقول
الله يرحمها وسـكت
وطاحت دموعك بس
ماوصلت للأرض
تتذكر إني قلت لك
أرجوك لاتبكي علي
ياقلب محبوبي..!
| تـلويعـة |
على ريق الحزن بـ أشرب مراره
وأداري الآه لا تعصف بصوتي!
وأنا اللي تعشق الصدق بجداره
لو أشواك الوجع والظيم قوتي!
أكحل رمش موقي بالجساره
كـأني ماعرفت أسباب موتي..!
نص مختلف للعذبه / إشتيآق آلنآصر
أتمنى يرتقي لذآئقتكم
أحببتك حتى لمحوك في عيني
سمعوك في ضحكتي ، وشعروا بك في حديثي ! أحببتك حتى صار بعضك أغلبي
.
.
ماعاد فيني صبر يتحمّل أعصابي .. وماعاد فيني عمر يتحمّل اطعوني
x
x
آلـ جـــود
قد نهذي بلا نواح
وقد يُسمعُ شيئاً منه في مُحيطنا ..
شُكراً على الرحيل بنا إلى خيالات هذا النزف العذب
x
x
سيظلّ للـ جـــود ذلكَ التواجد المُميـّز
وستظلّ تلكَ الأعينُ المُعجبة متشوّقه لجديدك
تحيـــّاتي
العضو الأكثر نشاطاً هذا اليوم 
العرض المتطور
