بدر بن عبد المحسن بن عبد العزيز من مواليد مدينة الرياض في 2 ابريل عام 1949،
و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - .
و والدة الأمير بدر بن عبد المحسن هي الأميرة وضحى الحمود الرشيد - رحمها الله - .
وله ثلاث ابناء وعشر بنات ..
تناولت قصائدة العديد من المواضيع المختلفة حيث كتب الكثير من القصائد الوطنية
الخاصة بالمملكة العربية السعودية و بعض دول الخليج أثناء زياراته لها،
كما انه يعد من أكثر الشعراء كتابة في أزمة الخليج ،
و تغنى بهذه القصائد العديد من الفنانين كما انه تناول في
قصائده مواضيع مثل الغزل و الوجدانيات و التأمليات و الرثائيات ..
وهذه احدى رووائعه
" زمان الصمت "
وترحل
صَرخَتي تِذبَل
في وادي ..
لا صدى يوصل
ولا باقي أنين
زمان الصمت ..
يا عُمر الحُزن
والشكوى
يا خطوة
ما غدت تقوى
على الخطوة ...
هم السنين
حبيبي ..
كتبت اسمك
على صوتي
كتبته ..
في جدار الوقت
على لون
السما الهادي
على الوادي ..
على موتي ...
وميلادي ....
حبيبي ..
لو أيادي الصمت
خذتني ...
لو ملتني ليل
أنا عمري ..
انتظاري لك
لا تحرمني ..
حياتي لك
وله ايضا
الفجر البعيد
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآه ..آه
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك
إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر ف وسادتك نام
ليتك تغير عادتك
خل القمر ليله.. يسهر معي ليله
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك
يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آه.. آه
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك
السلام عليكم ورحمة الله وبركاته
من الشعراء المتابع لهم وله الابداع بالمعنى والكلمه بالحكمه والغزل
وجميع بحور الشعر هو المرحوم باذن الله الشاعر سليمان بن شريم
وهذى بعض قصائده
يامل عين في محاجيرها شوك
والصدر به عن لذّة النوم دكاك
لادك في قلبي من الهم داكوك
جاوبت طربات الحمايم على الراك
عزي لحالك ياعزيّز وانا ابوك
كان الزمان اللي وطاني توطاك
تراه ما ينفعك خالك ولا اخوك
لا صار ما تقضي لزومك بيمناك
وربعك ليا بان الخلل فيك عافوك
اقرب قريب لك من الناس يشناك
ان كثر مالك صدّقوا لك وطاعوك
وان قل ما بيديك شانت حلاياك
لو تطلب الماء عندهم منه ما اسقوك
ابعد مزارك عن وطنهم ومرباك
وان طاب حظك .. قرّبوا لك وحبوك
وان باربك محد يبي غير فرقاك
وهراجة المجلس الى جيت وروك
منازل تطرب نظيرك بدنياك
والى قضوا منك اللوازم وخلوك
تفرقوا وانت احتمل كل ما جاك
كنك سراج البيت .. للنور شبوك
والى انقضى اللازم حدا الربع طفاك
والى جفوك اهل الوطن واستخفوك
قلع غريسك منه واهدم ركاياك
تراك لو ترجع على الرجل صعلوك
احسن من اللي تلتجي له ويا طاك
واصحى لخلان الرخا لو تغالوك
اعرف ترى اطيبهم ليا احتجت يجفاك
تصبح خوي امقيط دهووك واغووك
وكل عطاك ارشاك واقفا وخلاك
واحذر عن العيله ترى الحق مدروك
مثل القضاء يدركك ما منه فكاك
واحلم على الجاهل ترى الحلم مبروك
وقم للضعيف اللي من الظلم ينخاك
وقم للضيوف اللي عنولك وضافوك
واغلا كرامتهم حجاجك وبشراك
واعرف ترى مالك من الضيف مفكوك
لولاه يطلب حاجته منك ما جاك
وهذى الثانيه
ياعـالـم بمغـيـبـات
يالله من مدات جـودك يبـا الجـود
ياعـالـم بمغـيـبـات اللـيـالـي
تفرج لقلـب عـن مناويـه مـردود
عليـه مـن غـارات بقعـا ميالـي
على عشير بـدل الولـف بصـدود
والولف حنت لـه قلـوب الجمالـي
انا له اشفـق مـن خلـوج لمفـرود
وهـو وسيـع خاطـره مايبـالـي
جحدت حبه يوم انـا اقـواه بركـود
امسي بذ كره واصبح الصبح خالـي
كني صحيح وخاطري منـه ملهـود
والناس مايدرون انا ابخص بحالـي
وشلون اطيب وخزنة القلب ماجـود
لاصـار ماماجـود شـي بغـالـي
عليـه اجـدد سنـة العبـد مسعـود
لين اشتهـر بيـن الخلايـق هبالـي
ماذاق من ضيم الليالي على السـود
ذقته على اللي مثل عنـق الغزالـي
اصفر عفر خلاني امشي بـلا قـود
بامـره تقدينـي سمـارة ظـلا لـي
الى ذكرت اشقر على الردف مرجود
مثل الد ويرع فوق حسـن الدلالـي
ولجلج بصقرات محاجيرهـن سـود
واهنف وضيـع حيلتـي واحتوالـي
بيني وبينـه حبـل الادراك ممـدود
والهـرج بابـه مـدفـع مايكـالـي
ياعود ريحان علـى جـال راقـود
من حيث مامالت بـه الريـح مالـي
بغيـت منـه بغفلـة النـذل عنقـود
يبرد لهيب القلـب عقـب الهمالـي
اشفق عليه وكـل ماجيـت مـردود
دربه وحل ماهـوب دربـه عدالـي
يسعى بفرقى صاحبي كـل مقـرود
اما حكى له فـي والا حكـى لـي
وشاهدت مما قـال حمـاد لحمـود
من غاب عن عيني سلا عنـه بالـي
يابو حمـد لاتقطـع الهـون بالكـود
عساه مايجري لك اللي جـرى لـي
ان مت ماحصلت لي منـه مقصـود
تـراي عنـده خبـروا بـي عيالـي
وصلاة ربـي عـد ماشـدوا القـود
او ماهمل وامطر حقـوق الخيالـي
والأل والاصحاب ياصاحب الجـود
ياعـالـم بمغـيـبـات اللـيـالـي
وهذى الثالثه
قلبي يوده
حيا الله اللى يغيب ويسرع الرده
اللى يجيني الى منه تباطاني
قلبي يوده و حالي كنها القده
ودي بشوفه ودونه حوم عقباني
يا صاحبي جارك الله وش ها الصده
مهوب حق تولعني و تنساني
ان كان عندك حكي بي خامل السده
فانت المصدق وانا حقي وما جاني
اهرج على ما تورى والبخت بده
لا تستحي يابعد حي وحياتي
ترى حلاة الهوى لا طالت المده
مهوب يوم صديق ويوم قوماني
وان كان ما انت بمصافيني على الشده
وقت الرخا واجد ربعي وخلاني
يتميز بشاعريته وبكتابة لقصائده وباختياراته للكلمه وانتقاؤه لها وبقوة التعبير وصدق المشاعر خاصة
فأن كل ما يدور في ذهنه ويكمنه قلبه تفيض به حنجرته وارى ان ذلك هو سبب نجاحه
فنجاحه في تميزه وابداعه, لذلك يصعب علينا مقارنة سعد بغيره فسعد هو ذاته سعد.....
واكيييييييد عرفتواااا هاشاعر من مقدمتي لهـ...
~*¤¤*~ سعد علوش ~*¤¤*~
*•~-.¸¸,.-~* البطاقة الشخصية *•~-.¸¸,.-~*
سعد بن جابر بن علوش الهاجري
كويتي من اصل سعودي سابقا
العمر / 31 سنة
متزوج مرتين
*•~-.¸¸,.-~* في خدمة الشعر *•~-.¸¸,.-~*
أطلق الشاعر سعد علوش عبر موقعه الرسمي مسابقة شعرية كبرى بحيث تتمثل آلية المسابقة عن إكمال شطر التالي ( محتاج لك والحاجة أم الاختراع ) وهو الشطر الذي تم وضعه من قبل الشاعر سعد علوش نفسه .
وتم بعد ذلك إختيار القصيدة الأجمل بحسب ما رأته اللجنه لكل ما تتطلبه القصيدة علماً بان اللجنة مكوّنة من عضو واحد فقط وهو الشاعر سعد علوش كما وأن الجائزة عباره عن 20 ألف ريال سعودي للفائز وانفردت المسابقه بفكرة نشر القصيدة الفائزة عبر مجلة المختلف الكويتية.
هذا والجدير بالذكر أن المسابقةإنطلقت فعلياً بتاريخ 22-7-2008 وانتهت 12-8-2008
*•~-.¸¸,.-~* قيل عن سعد *•~-.¸¸,.-~*
يُعد من اهم شعراء جيله, والذي يتميز بشاعريته وبكتابة قصائده باختياره للكلمه وانتقاؤه لها وبقوة التعبير وصدق المشاعر خاصة فأن كل ما يدور في ذهنه ويكمنه قلبه تفيض به حنجرته وارى ان ذلك هو سبب نجاحه, فنجاحه في تميزه وابداعه, لذلك يصعب علينا مقارنة سعد بغيره فسعد هو ذاته سعد.
*•~-.¸¸,.-~* توبة بن علوش *•~-.¸¸,.-~*
نشر عن سعد بن علوش في وقت من الاوقات انه اعتزل الكتابة بعد أن كتب قصيدة حوت معاني كثيرة للتوبة وكانت لها ضجة كبيرة في الساحة الخليجية ولكن ابن علوش صرح بعدها في لقاءه في قناة ابو ظبي مع الشاعرة نجاح المساعيد بان التوبة ليست سوى قصيدة من قصائده لا أكثر ولا أقل...
وهاااااذي قصيده التوبه
من كل حرف وكل شهوة صبابه
00000000 استغفر الله واتعوذ من ابلــيـس
اعوذ باللي أوى عبد وسرابه
00000000 لاجي نهار الحشر خلف امرى القــيس
يارب يارب الكرم والمهابه
00000000 يالي لك علوم الاوادم مناكيـس
جردني من النابيه والسبابه
00000000 ولبسني من دروع هديك متاريــس
تعبت من مسك القلم والكتابة
000000000 والشعر وافتن النساء و الاباليـس
والمدح في عزوة وشيخ وقراب
00000000 والا لدعواة الرضــيين والــّيـس
والحب وماحوله وماله ومابه
00000000 والدمع لا هبـيت علي النسانيس
والشوق واغفال العقل وانغلابه
00000000 واللـيل وخطط الدها والجواسيس
احس نفسي شاعر بساحة غرابه
00000000 شعـارهم فيهم ارخوم وملاحـيـس
وأنا لعطاش الاوادم سحابه
000000000 ومن خلقتي ماقد وطيت الدنـافيـس
احسبني فايز بالرضا والذرابه
00000000واثري مثـل من يحصر النور في كـيس
اقفي من الله والامل والرضابه
000000000واروح ادور من ورا ابلـيس احاسـيـس
اسهر على فن الكلم والخطابه
00000000 واصـبح ولـيـن اللي جمعته حماليـس
تقودني نفسي ولا اشعر ولاابه
00000000مالـت عـلـيها عاصيات الهواجـيس
من عنده ان كل الشعور يتشابه
00000000 روّس مع اللي فالدحـادر مراويـس
الاثم ماحاكى فخفوقي وخفابه
000000000 والخير ماشاعته روس النوامـيس
كم شي صار وصار محد(ن) درابه
00000000وكم غفـوة(ن) ماكـدرتها كوابيـــس
ترى ماحد(ن) له في رقبتي طلابه
00000000بس الصـراحـه من شــم الـفـواعيــس
والرجل إذا ما يعتبر في شبابه
00000000 يـعـيـب قـبـل يـشـيب ويشيب ويخيــس
ياراجي ارجي اللي مايصك بابه
00000000 لا تـرجـي الــوهـبات مـن هيس ابن هيس
استغفر الله واتتقى عذابه
00000000اللــي فرقـني عن حـياة المتـــاعــيــس
من قبل لا اعرف الهدى واعنابه
00000000 أنا وهمي والحزن face to face
والحين لله الفضل والانابه
00000000 متعافي ويمشي على زندي التــيس
هادي يشوشني طزيز الذبابة
000000000لا اعد للايام الغــبـيه ولا اقيـس
شريت عقلي في سؤال وإجابه
00000000 أنا اعبد الله وإلا اعبد الوساويــس
لذت خفوقي وانجلايت ضبابه
00000000سـجـدات ليل(ن)ظلمينه مناعيــس
فجواء مكه والحرم والرحابه
00000000لايابعـد رومـا ولـندن وباريـس
هذي ديار المصطفى والصحابه
00000000وهذيك ديار ابليس واعويـذ ابليس
*•~-.¸¸,.-~* من روائعه *•~-.¸¸,.-~*
[::: غني بربي :::]
غني بربّي والدعا والرفاقه" " وقرم وليا جت للقصايد مفوّه
بحرن تباعد غبّته عن زراقه" "لهل الغثا طيشه ولله هدوّه
ان زان وقتي خذت لذّة فواقه " " ولوّه يشين يشين عادي ولوّه
بنكي رياجيل الشرف والبطاقه " " جمايلي وأسمي وكبر المروّه
من لابتن في ثقل أهلها محاقه " " فعيونها كثر الاوادم يشوّه
الأكرمين أهل العقل والحماقه " " الجيّدين مزبّنين الجلوّه
هاذي فقط نبذه عن أهل العراقه" " والسامي أيرجّح كلامه سموّه
عن أفتعالات الغضب والطفاقه " " وعن المليىء اليا تبيّن خلوّه
حبّيت أبينلّك أصول اللباقه " " مع واحدن غيثه يساابقه نوّه
وألاّ أنت كامل لاكن أن فيك عاقه "" ينقص برستجيك شويّة جروّه
يمغيّرن فعيوني أصل العلاقه " " تخيّلو عدو يعشق عدوّه
لازمتني بحلا الدلع والشفاقه " " وأدخلتني في حلم عمرك وجوّه
وحببتني في شي أسمه صداقه " " وكرّهتني في شي أسمه أخوّه
ولفتني باو الغنج ولف ناقه" " وأنا ولفتك ولف حاتم لضوّه
ولو نختلف بشيا الغضب والرواقه" " مانيب قايل ماتسوّيه سوّه
ركّز معي ؟ للريح طلاّااق ساقه " " وللشين شينن لانصا مايموّه
يعلم بئن حلم الكسول اللياقه" " ويعلم بئن حلم العقيم الأبوّه
ويعرف متى نضج الورق وأحتراقه" " خبير في الاحياء ماهوب توّه
ثورته لاجت تشعل ألفين طاقه " " ماهيب شبّة قاز في جمر دوّه
منتب غبي جدّاا بلفظ الرشاقه " " وأنا ذكي جدّاا وحبّيت أنوّه؟
لأنّك تنفّاس الحشا وأختناقه" " ياكل شبحي ياقصاه ودنوّه
روحك وقلبي لو بحلل وثاقه " " مربوطتن في بعض هيّّا وهوّه
فن غبت يانفر العقل وأشتياقه" " مانيب راغب بعد خوّتك خوّه
ببكي على زولن عشقته عشاقه " " وترى البكى للأقويا؟ زود قوّه
فن شفت أبن علوش يبكي فراقه؟ " " ترى أنحدارات الجبل من علوّه
مراقبتنا وشاعرتنا الرائعه / على النيه
نور على نور
يسلم فكرك على الفكره الرائعه
وتسلم آيديك على الطرح الراقي
يحفظك الباري ودمتِ كما شئتِ
، ،
أخترت لكم
" الامير الشاعر محمد الاحمد السديري" رحمه الله :
نسب الشــــــــاعر :
محمد الاحمد السديري له شهرة واسعة ومكانة كبيرة وشاعرية فذة فهو اديب كبير
ساهم في خدمة الادب الشعبي ورقيه وتألقه..
فهو غني عن التعريف . . .
فمن عجائبه بالشعر أبتدي بـهـذه الـرائـعـه. . .
الله مـن هـم بروحـي سهجهـا=بخافي ضميرى فى كنين الحشا لاج
احرمـن نـار تواقـد وهجـهـا=منها خطر روحى على سلك ديباج
عين ٍ عسى المولى يعجل فرجهـا=يفوح ناظرها كمـا عيـن هـداج
استرسلت للدمع من مـا رهجهـا=غيظ يكظ عبارها مثـل الامـواج
كم واحد ٍ له غايـة مـا هرجهـا=ويكنها لو هـو للادنيـن محتـاج
يخاف من عوجا طـوال عوجهـا=هرجة قفا يركض بها كـل هـراج
يقضب عليك المخطيه من حججها=حلو نباه وقلبه اسود من الصـاج
الله خلـق دنيـا وسـاع فججهـا=وعن ما يريب القلب لك كم منهاج
والرجل وان شطت لياليك سجهـا=عسى تواليهـا تبشـر بالافـراج
ومن ماقال آيضا : له ابيات تظهر لنا حكمته وعقله وسعة علمه واطلاعه وايمانه بالله عزوجل
فيقول عن المعجزات الثلاث:
لولا الهرم والفقر والثالث المـوت=يالا دمي بالكـون ياعظـم شانـك
سخرت ذرات الهوى تنقل الصوت=وخليتها اطوع من تحـرك بنانـك
جماد تكلمها وهي وسـط تابـوت=تاخذ وتعطي ماصدر مـن بيانـك
وعزمت من فوق القمر تبني بيوت=من يقهرك لو هو طويـل زمانـك
لولا الثلاث وشان من قدر القـوت=نفذت كـل اللـي يقولـه لسانـك
وآيضا : هذه الرائعه التي حملت حكم ونصائح وآدبيه فاخره . .
شىءٍ بقلبى ياملا حايرٍ فيه=شىءٍ تحير به العقول الفهامي
مخفيه بفوادى و لا ودى ابديه=وادور الخيرات شرقٍ وشامي
احترت به ما شفت شىءٍ يحاليه=واليوم أنشد عنه مانى بكامي
سيلٍ حدر مع وادىٍ غير واديه=مدرى حلالٍ ماه والا حرامي
كانه حلالٍ جايزٍ شرب صافيه=وش حلله يامفسرين الحلامي
هاتوا تفاصيله وهاتوا معانيه=نبى الدليل اللى عليه الكلامي
نبي دليلٍ يفهم الدرب ماشيه=يمشي به التايه بليل الظلامي
يمشي به التايه ويقدى مواطيه=ويشرب قراح الما ليا صار ضامي
لاشك هجسي يوم خلا مماشيه=انه حرام ومنه زود الاثامي
احرم من الزقوم مره وحاليه=وشربه على الضامى يزيد الهيامي
الله من قلب همومه تقزيه=تدك به مثل الجراد التهامي
من ما جرى قامت تتله مشاحيه=تل الرشا من فوق هدف المقامي
روابعٍ قامت تصيبه وتخطيه=شاف الهوايل واختلاف الاسامي
ما يسمع الداعى ليا قام يدعيه=يعوم فى بحرٍ من الهم طامي
ما ينتبه للى بصوته يناديه=يزيد همه يوم كلٍ ينامي
يشوف وقتٍ ماعرفناتواليه=وقتٍ يشّيب منه ابن الفطامي
هذا زمانٍ كاثراتٍ بلاويه=الغيم يقلب فيه عج وكتامي
يا بعد شرب الما على كبد راجيه=ما سيل الغبرا زعوج الجهامي
انبيك يا من كلمة الحق ترضيه=اعطيك ما ينفعك وافهم كلامي
قصرٍ يذلك لا تقابل مبانيه=خله عسى شامخ طويله هدامي
خله عسى ما صاب اغادير يفنيه=يودع منازله الطويله رجامي
لوزان مدخاله وطالت حواميه=شيّد على الخيبه قليل الرحامي
وحىٍ يوريك المذ له وتغليه=أنا أشهدأنك ميت القلب عامي
من لا يودك لا توده وترجيه=ارفع مقامك ياعزيز المقامي
ارفع مقامك عن عدوك وتوذيه=ويلحقك من تركت رفيقك ملامي
حق الرفيق وواجبه لاتخليه=يلزمك مثل الوالدين الحشامي
اخترعزيز الجار والحق يعطيه=شبلٍ على هرجٍ يقوله يحامي
مادك به عرج المذ له وطاريه=يسبق على فعل الفضيله شمامي
ومن قارب الاجرب بالامراض يعديه=عدواه تسطي باللحم والعظامي
درب السلامه بيناتٍ مماشيه=ودرب العطب يّرث عليك اللكامي
ابعد وقلبك نازح البعد يشفيه=وتلقى عن الدار البغيضه مقامي
دارٍ بدار وداعى الذل عاصيه=ولا تقبل الذ له نفوس الكرامي
الذل موت حايماتٍ ضواميه=ادخل على منزل فروض الصيامي
عن مقعد بالذل عينك تراعيه=الموت عند الذل امان وسلامي
يرضى المذ له من تردت هقاويه=والذل يجفل منه قلب العصامي
والعبد له ربٍ عن الناس يغنيه=ولو لاه ماصاب الهدف كل رامي
وآيضا : من الغـــزل ...
ياغزال الريـم ياظبـي الفـلا=ارحم اللي منك عينـه ماتنـام
ياهلا في شوف زولـك ياهـلا=يالطيف الروح خذ مني سـلام
ارحم اللي في هواكـم مبتـلا=من ودادك نايح نوح الحمـام
المحبـه والملاحـه والهـوى=زاهيات فيـك يابـدر التمـام
باح صبري منك والقلب امتـلا=والله اني في غرامك مستهـام
والله اني ماهويت مـن المـلا=من جميع الناس من حام وسام
كود زولك عنه قلبـي ماسـلا=لك فوادي دش في بحر الغرام
ليت من هـو ثمانـك ينهـلا=حبتك ياصاحبي بـرد وسـلام
مابتليـت بحـب غيـرك لاولا=زارني طيف سوى طيفك حرام
مبسمـك فيـه الـدوا لوذبـلا=ان ضحكت بليل ينجال الظـلام
حبتك تغني عن المـا والكـلا=من رحبق شفاك جرعتني مدام
صابغ حبـك بقلبـي مانجـلا=ياحبيبي مثل دقـات الوشـام
امتـلا قلبـي بحبـك والغـلا=من عذلني عنك ماسمع له كلام
- وهذهـ ثلاث قصائد بصوته رحمة الله عليه من الآرشيف :