ننتظر تسجيلك هـنـا


{ مجلة بعد حيي الرمضانية   )
   
{ مجمع زمزم الطبي العام بحائل   )
   
التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 


بقلم :

قريبا
تتوالى مسيرة العطاء هنا في بعد حيي الى ان يحين قطاف الثمر فيطيب المذاق وتتراكض الحروف وتتراقص النغمات عبر كلماتكم ونبض مشاعركم وسنا اقلامكم وصدق ابجدياتكم ونقآء قلوبكم وطهر اصالتكم فآزهرت بها اروقة المنتدى واينعت . فانتشت الارواح بعطر اقلامكم الآخاذ و امتزجت ببساطة الروح وعمق المعنى ورقي الفكر .. هذا هو آنتم دانه ببحر بعد حيي تتلألأ بانفراد وتميز فلا يمكن لمداها العاصف ان يتوقف ولا لانهارها ان تجف ولا لشمس ابداعها ان تغرب.لذلك معا نصل للمعالي ونسمو للقمم ..... دمتم وطبتم دوما وابدا ....... (منتديات بعد حيي).. هنا في منتديات بعد حيي يمنع جميع الاغاني ويمنع اي صور غير لائقه او تحتوي على روابط منتديات ويمنع وضع اي ايميل بالتواقيع .. ويمنع اي مواضيع فيها عنصريه قبليه او مذهبيه منعا باتاا .....اجتمعنا هنا لنكسب الفائده وليس لنكسب الذنوب وفق الله المسلمين للتمسك بدينهم والبصيرة في أمرهم إنه قريب مجيب جزاكم الله خير ا ........ كل الود لقلوبكم !! كلمة الإدارة



« آخـــر الـــمـــشـــاركــــات »
         :: إستفهام لم يصل إلى إجابة؟؟؟؟ (آخر رد :مجرد حرف)       :: رسالة الى شخص لايعرفه سواك (آخر رد :مجرد حرف)       :: صبرك على دنياك لو هي عصيه (آخر رد :مجرد حرف)       :: ........ نايفات ........ (آخر رد :نايف سلمى)       :: 【تجي نبوح .؛ أخاف نبعثر هـَ الكلام جروح ..!】‏ (آخر رد :وتم بعيد)       :: في خواطرنا كلام ... (آخر رد :وتم بعيد)       :: ×( هلوسة بين قوسين )× (آخر رد :وتم بعيد)       :: بين الحنايا ..نبضه تريد الخروج.. (آخر رد :وتم بعيد)       :: ليتَـــك تقــرأ .. !! (آخر رد :وتم بعيد)       :: ♡عِندَما يأتْي الصَبَاحَ ♡ (آخر رد :وتم بعيد)      

الإهداءات
من عروس الشمال : شهر مبارك وكل عام وانتم بالف خير     من من القلب : كُل عام وانتم بخير وتقبل الله منا ومنكم 🌹     من مدري وين : مبارك عليكم الشهر ي شعب بعد حيي     من السحور : مبروك عليكم الشهر جميعاااااااا     من بعد حيي : توضيح مهم :::: الاستايل الحالي لشهر رمضان لايقبل المشاركات او الردود باللون الاسود للخط .     من بعد حيي : اعضاء واداريين ومشرفين ومراقبين وشعرا بعد حيي مبارك عليكم شهر الخير الذي كلّنا في ربوعه غير، نسأل اللّه أن يكتبنا من أهل الخير، وكل عام ورمضان ينور قلوبنا وقلوبكم بالخير ويقوّي إيمانكم وصحّتكم، ويرفع قدركم ويشرح صدوركم، وأن يجعلكم من عتقائه من النار     من السيارة : بعيد العصر ياعمري آخاف الرد يتأخر انا انطرك مادامك ترد برد يسعدني........ بوحيييي     من شهر الخير : شهر مبارك عليكم قبل الزحمه يارب تقبل منا ومنكم الصيام والقيام يارب     من امممم الـوَتَـمْ .. : رَغمَ فرطِ حنيتي تَقْسُو عليّ كُلَّ الأشياء ..!    

 
قديم 04-11-2017, 04:57 AM   #1


الصورة الرمزية ملك القوافي
ملك القوافي غير متصل

بيانات اضافيه [ + ]
 رقم العضوية : 23444
 تاريخ التسجيل :  Apr 2016
 أخر زيارة : 01-03-2018 (08:43 PM)
 المشاركات : 89 [ + ]
 التقييم :  697
لوني المفضل : Cadetblue
قصة الجمل والقصيده











السلام عليكم ورحمة الله وبركاته

كيفكم شباب , وكيفكم صبايا


ذلحين كل واحد منكم عنده فوبيا من شي معين"انتم مثلي

وانا صغير شاهدت جمال تقاتل,وذلحين عندي فوبيا من الجمال والضبان
الحاجتين ذي ماواطنها في عيشة الله
ذئاب واسود, وحيايا وعقارب, انا واياهم اصحاب مابيني وبينهم شي


السالفه الله يسلمكم اني تعرفت على 2 من الشعار المعروفين على الساحه

والحقيقه اني استفدت منهم الشي الكثر
لكن ياليتني ماعرفتهم؟
قعدوا لي في شعر الغزل كل يوم يقاشروني, يقولون اذا تبي تعزل تغزل في الطير اوالأبل اوالقهوه..
ونا هواوي والقلب اخضر مايبي يتغزل الا في الحوريات هههههههه
المهم لاتقولون الا ان واحد منهم طلبني قصيده في الابل وقال ياسلطآن تراني منتظر القصيده عجل علي بها
غبت عنهم في تويتر اسبوعين قلت يمكن ينسى طلبه وافتك منه,,
ويوم دخلت على تويتر لقيته يسأل, وين القصيده , عجل علي تراني بانتظارها
قلت خلاص ابي اسوي قصيده وارضيه بها,,ّ
وابتديت فالقصيده ابي امدحها لكنها تحولت بقدرة قادر الى قصيدة هجاء في عطايا الله
واظطريت اخفيها عنهم, اضنهم لو قروها يحرقون فيني بالقاز.عاد هم يحبون الابل
وريح الناقه عندهم اغلا من المسك, وجلستهم ومناسباتهم عند الابل

والقصه

مره من المرات ارسلني الوالد على واحد من اصحابه فالسوق , اجيب من عنده سمن وعسل للبيت

وقابلت واحد من اصحابي فالسوق اسمه فهد , وكان معزوم عند زميله, والعشاء مسوينه فالبر

عند النياق حقتهم,وحرم علي اني اخاويه, لاتقولون الا اني مشيت معهم لمنطقه اسمها
غرابه, ولقينا الرجال والحلال حقه في وادي بين جبلين ومحلهم مزيون ولقينا عياله واخوانه وعيال
اخوانه وعيال عمه مجتمعين وعشاهم على النار, وسوو لنا جلسه في تبه مرتفعه قدام الإبل
يبوني اكحل عيوني بها مممادرو اني مادانيها, وجابو قهوتهم وبعد القهوه كنت ابي اقوم
اتوضأ لصلاة المغرب , بس كنت خايف من الجمال تأكلني,, لكن شفتهم قاموا يدخلونها
بالشبوك, وقلت ابي انتظر لين تدخل كلها بالشبوك ويقفلون عليها, واذا امنت على روحي قمت وتوضيت
الرجال عنده راعي افريقي اسمه شير,والله يكرمكم مع شير حمار يركب عليه اذا سرح يرعى الابل
وعنده 2 كلاب المانيه مدربه على الرعي والحراسه مشتريها بالعمله الصعبه , وربي ان الكلب
ينزل الناقه من الجبل ويدخلها جوت الشبك ويجلس لها عند الباب لين يجيه واحد يقفل عليها ثم
اغار يعدي يجيب الثانيه من الجبل, الرياجيل جالسين يسولفون وانا فاغر فمي فالكلاب عجبت فيني ,
المهم انهم دخلوا الابل جوت الشبوك وقفلوا عليها, لكن الحرسوس الفحل حقها اثاريه ماوصل
وباقي في جنب الجبل , وانا ماشفته ويوم قفلوا عليها تطمنت وارتاح بالي , واخذت الابريق ابي
انزل الوادي اتوضأ لأن الله يكرمكم ماعندهم دورات مياه, وانا نازل على الوادي اشيل في
ابريقي قابلني الراعي شير راجع بعد حط عشاء الحمار والكلاب, المهم اني رحت عنهم مسافه في
الوادي ولاعاد اشوفهم,, فجأه سمعت القيامه قامت في الوادي ...!
الرجال واخوانه وعيالهم وعيال عيالهم كلهم يصيحون ويصرخون بصوت عالي وموحش جدآ
عاد احنا بين جبلين وصوتهم صاير له صدى , اشعر ان الارض تهتز تحت اقدامي من صوتهم
انا قلت العرب ذولا وش الي صابهم وش حصل من مشكله, ووقفت اتعاين واشوف واستطلع
الأمر , اثار الجمل الفحل كان بعيد في جنب الجبل وشاف القعود مع حريمه فالشبك,
,والأخ مسوي فيها غيره لاوفقه الله . حرمت عيشته ان شاء الله . الله يجعله زاد السكين قولوا معي آمين
وحول عليه من الجبل يبي يلعن والديه
وهم يصيحون عليه ,انا يوم لديت يم الجبل وانا اشوف الجمل محول من الجبل ماسح طبلونه
اعتقد والله واعلم ان سرعته وقتها بلغت 400كيلو متر في الساعه , وربي انه من شدة سرعته ان يديه
وارجوله طلعت برا عن جنوبه وجسمه هبط على الأرض, شوي ويحك بطنه الأرض,صاروخ باتريوت
مايقدر يلحقه , انا راح في بالي انه محول علي يبي يتعشاني, وهم يصيحون علي يبوني انحاش
لاتقولون الا اني رميت بالغتره والعقال ورميت بنعولي والابريق واخذت ثوبي من ا****************, وحدرت مع الوادي
منحاش , ويوم مريت من عند الحمار والكلاب وهي جالسه تعشاء وسمعت الصياح وشافوني
منحاش مع الوادي وخافو على انفسهم وكلهم تركو عشاهم وحطو رجولهم معي شرده , قلت في خاطري والله يالحمار ماترك عشاه وانحاش من العلم الزين
المهم اسمعهم يصيحون علي يقولون عود , عود الجمل مايبيك يبي القعووود . واحسبهم يقولون
حط رجلك الجمل جاك, لاتقولون الا ان جاء فيني سرعه ماكنت اعرفها ولااتوقعها لكن مثل مايقولون
المووت حار,سرعتي تفوق سرعة الحرسوس والكلاب والحمار بمراحل ,وربي ان الحمار والكلاب ازرو يلحقوني ,,
وربي لو شاركت في سباقات الأولومبياد مابن امه من العبندات يفوز عليه,,
واني كان حطمت جميع الأرقام القياسيه من يوم تأسس الأولومبياد الى اليوم
المهم بعد ماقطعت مسافه اكثر من كيلوا ونصف , لقيت شجره كبيره جاثمه على الأرض
احنا نسميها طلحه وهم يقولون عليها سلمه , ودخلت جوتها ومافيه بقعه من جسمي ومادخل
فيها شوكه , دمي غرق ملابسي مثل دم القرود ومافيه بقعه من جسمي الا ومغروز فيها شوكه وثوبي راح احمر من الدم

وحالتي حاله . ابكي الحصى والطير,
وبعد شوي جوني على سياره وجلسو ساعه يحاولون اخراجي
من الطلحه وعجزوا لأني نشبت جوتها وماقدرو يصلوني ويسحبوني بارجولي منها
وبعد طلعوني ودوني على محلهم وتفازعو علي الرياجيل بالملاقيط يخرجون الشوك من جسمي
عاد الموقف هذا سويت فيه قصيده

القصيده تقول

انـا وش حدانـي لجـل اخاويـك يابـن سعـود=وش الــي مسريـنـي مـــن الـبـيـت لـغـرابـه
عسى مـن يخـاوي ولـد عامـر طعـام الـدود=يـحـل رمـضـان ولايـصـومـه مـــع اقـرابــه
غديت اشتري حاجات من شان ابوي العود=وجانـي ونـا ماشـي مـع السـوق باصحـابـه
وحـرم علـي امشـي مـعـه للعـشـاء ونـعـود=ونـا كنـت ابـي اتعشـى علـى فــول وقـلابـه
ووصلتهـا اغراضـي ومعهـا ورق وعـقـود=عشـان الـمـدارس والطـلـب عقـبـه اطـلابـه
وقلـت ان سمحـتـم زرت مـكـه بــلا منـقـود=ابـتــلــوا كــتـــاب الله بـالـبـيــت واقـــرابـــه
ونويـت اختلـس خلـوه لربـي ذكـر وسجـود=ونـــاوي عـلــى الـبـيـت الـعـتـيـق اتـلـوابــه
وابي ادعي لكم ربي عسى عمركم في زود=وعـسـى دوم يحفظـكـم لسلـطـان واحـبـابـه
ومشينـا علـى حِلـتْ رجـال الـكـرم والـجـود=رجــال عـيــال ارجـــال بالطـيـبـب تتـشـابـه
وجينـا وسلمنـا علـى احمـد واخـوه حـمـود=وعـامـر ولــد مسـعـود وعـبـيـد بـــن نـابــه
وصبـو لـنـا القـهـوه وجـابـو بـخـور الـعـود=وانــــا مـنـزبــر والــنـــار قـــــدام شـبــابــه
وقـمـت اتـوضـأ واطـلـب الخـالـق المـعـبـود=لـعـلـه ينـجـيـنـي مــــن الـقـبــر واحـسـابــه
وجانـي بعيـر الـقـوم يـعـدي كـمـا المـقـرود=وتشـهـدت للـمـولـى قـبــل مـاصــل انـيـابـه
وصاحـو عـلـي الـقـوم قـالـوا يـبـي القـعـود=وحسـبـتـهـم يـقــلــون رجـلــيــك والـغــابــه
وطلوحـت بابريقـي واخـذت الجبـال سـنـود=وخلـفـي حـمـار مـشـيـر والـثـلـب واكـلابــه
وكنـي معاهـا فــي سـبـاق الـجـري مـحـدود=وابـفــوز بالـبـيـرق ورقـمــي مـحــد جـابــه
ولــو بالسـبـق يوسـيـن وافريـقـيـا وهـنــود=لخـلـي الـعــرب تـفــرح بـفــوزي وتهـنـابـه
ونـا بوصـي اعيالـي لــيالله عطـانـي فـهـود=وصـــار الــولــد مـنـهــم يـفـتـلـي اشـنـابــه
وبوصـي شبـاب الجيـل واخـذ عليـه عهـود=لـيـا كــان يبـغـى العـيـش والامــن يـسـلابـه
ليـا جاهـم الحرسـوس لـوهـو بـعـد مـفـرود=يـقـطـع مصـاريـنـه وراســـه مـــن غـرابــه
ويقطـع عصـب رجليـه بالخنـجـر المـحـدود=ويقـطـع سـنـام الـهــرش ويـنــزل اجـرابــه
ويـعــزم كـــلاب الـقــوم للـمـايـده والــفــود=عـسـى كــل كـلـب يشـيـل لحـمـه بمـخـلابـه
وعسى الله يقلعها من ارض الجزيـره كـود=تـزيـن المعيـشـه فـــي مسـاكـيـن واغـلابــه


 
التعديل الأخير تم بواسطة ملك القوافي ; 04-11-2017 الساعة 05:20 AM

رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض الكل الاعضاء الذين شاهدو هذا الموضوع: 10
, , , , , , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:03 AM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010