رسمت صوره وسط صدري وهيمنت=وخذيت من قافي ركيزة عصاتي
هي صورته ياشوق روحي لها ادمنت=ولا بنات الخلق كله خواتي
صوره ملاك وسطها لو تشيطنت=وبروازها هم الاسئ وامنياتي
على طريق الشوق لو ماتحننت=امشي وتبرالي هقاوي وفاتي
تذّكر على الجنه ويذّكر بها بنت=وقبر المحبه ينتخي في حياتي
دخلت في تحضير الارواح واذنت=بمحراب حب الشوق اجمع شتاتي
من سنه افروض الغلا لو تسننت=أخرت حبي بعد فرض الصلاتي
أهيم في وجه القوافي ليا شنت=واكتب على جدار المحبه وصاتي
ودخلت في غيبوبه الحب واعلنت=ان الماسي تعتلي في نجاتي
وخذيت بجروح الماسي ولا خنت=مرات اضحك وكل مره اهاتي
الصبر لو جاب الفرج ما تفطنت=يبكم على منطوقها في شفاتي
من مدرسه حب الشهامه تمكنت=وجبت امتياز للغلا في مباتي
تجنح جنوح العاطفه لو تفننت=تبقى حياتي والمعدل صفاتي
من واقع اوهام الغلا لو تمعنت=تطبع شهاده حب سيره بذاتي
رسمت صوره وسط صدري وهيمنت=وخذيت من قافي ركيزة عصاتي
ياشيخ كان المال شيّخ معاليك=
كلي عذر لشيوخنا من زماني
تبدلت ايامها مع لياليك=
خله على الله ياسهيل اليماني
ان كان قل المال خيب هقاويك=
صبراً جميل ولالنا فيه ثاني
ياشيخنا مع ددسنك مالنا فيك=
أكتب قصيده في عريب المجاني
يمكن يحول دنيتك شقلبه هيك=
توقيع يده حولك في ثواني
تصير حراً عقب ماكان لك ديك=
وتركب على للي وارده بهبهاني
ياما على رياله حافت مواطيك=
يشري قلوب ضعوفها بالحناني
عرفت ياشيخي على مقصدي ليك=
الشيّخه بليا مال ماله بشاني
الشيخ شيخ المال والكل يدعيك=
كلن يقول الشيخ هذا مكاني
انتم هوات الشعر والشعر يفديك=
انتم حلات الشعر قبل المعاني
هاذي فحول الشعر صفت وتنخيك=
كلن يقول الشعر شحذت لساني
قلط فقاره من يوقع على الشيك=
كريم سبلا مايهاب الهواني
وش رايك ياشيخي على مطعم البيك=
وجبه على الماشي بليا صواني
مدام شيخ المال خيب هقاويك=
كلي عذر لشيوخنا من زماني!!
يامل قلبن ليال الشوق تلعبه=بين الحنايا يجي ويروح لعبوبه
اسهر وعاني ونار الشوق مشتبه= كن السعاير بوسط الجوف مشبوبه
لاغابت الشمس بين الجنح والغبه= احس نفسي مع الدنيا بغيبوبه
لاقلت هانت تجيه اشواق منكبه=والعين لاحان وقت النوم منكوبه
لامن طرالي بعيد الدار مع قربه= زادت عليا هموم وكثرت دروبه
ياغربه الشاعر اللي زادته غربه=جوه الحناشل وكل المال قفوبه
ياهاجسً كل مامريت افكربه= يضيق صدر القصيد وينفض جيوبه
يادم قلبي اشوفك،عيني انظربه=ياقصةً في صميم العرش مكتوبه
ياغنوة الشاعر اللي جت من قلبه= غنابها في ظلام الليل مسحوبه
ياطفلةٍ ترسم الاحرف على التربه= يانفحت النسمه اللي زادت اعذوبه
يالون روضن زهاه الورد وزهربه=روضن زهاه الربيع ولبسه ثوبه
من واديً يوم ذاك السيل دحدربه=اللي سقاه المخيل وفاضت اشعوبه
شربت من مبسمك كاس العنا شربه= امر من علقمٍٍ طعمه ومشروبه
يابنت عوداً خذاه الموت وحدربه= من عقبه الدار بيتً طاحت اخروبه
كنك فتاةً عن الاحباب مغتربه=انشهدنك على الاحباب مغصوبه
ياديرةً ون شرقه لادهل غربه= متى شروق الشمس يطلع على غروبه
ليا بعد حي ماودي اطولبه=لاقلت عديت صرت موجهن صوبه
لو قيس ليلى بغا مجنونه بحبه= كان السمن مانتثر من يد محبوبه
ولو بوسنه هرسك الاشواق من صربه=كان الارهابي مشال احزامه ابنوبه
ياقاف شعري على وجهك اطالبه=ون مامشى وجه قافي جبت مقلوبه
شيً يخج الحشا بسيف والحربه=خلك على وجهتك لاتجيب شقلوبه
من عالم الثالث اللي حرفه اعربه=راحت اماني حبيبك كلها اعروبه
ليا بعد حي جيتك شوق منصبه= مجلتك وسط حرف اشواق مصبوبه
ياقيس ربك يزيل الهم والكربه=وش لك بخلقً علينا اليوم محسوبه
ياوقت!!وش فيك كل الناس مضطربه=حتى الضماير من الاحساس مسلوبه
ياالله ياللي جميع الخلق يجهربه= ياواحداً فوق عرشه عالم اغيوبه
ترفق بحال الذي دنياه مكتربه= تروفبه يالاهي وستر عيوبه
تغفر لزلات عبداً تاه عن دربه=اليك ربي دعائه واغفر ذنوبه
التايب اللي طلب عفوك ويشعربه=وانت الكريم الجواد وقابل التوبه