الوطن أكبر

[poem=font=",5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] الوطن أكبر من الشعر واللي يكتبونه=بس لامنه نخانا قلطنا ماأنثنينا
كم شعر ينكتب ياعرب ما تسمعونه=بس لاقيل الوطن جت مشاعرنا وجينا
جيتكم في وصف شئ عزيز تعشقونه=كم شربنا غلاه صغار لين ارتوينا
كل موطن عزيز بعين من يسكنونه=بس ميزة وطنّا عشق للمسلمينا
في ثراه اندفن من كلهم يتبعونه=سيد الخلق يكفينا لامن حكينا
وفيه أيس أبليس وخيب الله ظنونه=ماقدر يهدم التوحيد أو يبتلينا
واستمروا هل التوحيد مايرخصونه=ارتكوا له العوجا وحنا وفينا
شعب مؤمن وجاهم منهج يطلبونه=تحت راية أبو تركي وفيه اكتفينا
واحد عز دينه كيف نقدر نخونه=معجزة هالزمن يومه قدر يحتوينا
رحمة الله عليه..فكل مايذكرونه=من كثر مابنا من شوق لجله شدينا
شاعر شال شعره صادق تعذرونه=لن طاري الأمام أكبر من اللي روينا
اسمحو لي إذا قصرت باللي تبونه=دوم هذا الوطن يبقى عزيز علينا[/poem]


فلاح العايد