مابقى غيرك على عرش الغلا=غيرك انتى والملا تحتك حرس
من لفيت وقلتى حي الله هلا=صاحت الاقراع بقلبى والجرس
طار غيرك عن فؤادى وانجلا=وانتى من حبه بقلبى هو غرس
دوك قلبى وافتحه فى راحتينك=انصفه نصفين وف/يدك قسمه
بتلقى صورة خد ولمحه لحاجبينك=ان ذكرك أبهم بين مبسمه
من خيالى قبل لا صافح يدينك=فى وسط قلبي مكانك رسمه
خلك المنشا لقلب ٍ صاح وينك=ياسحابٍ جا بعد ريح انسمه
ماكمل بالزين زين الا بزينك=يادوا قلب العليل وبلسمه
من يقول انك حلا كنه يهينك = الحلا منك اؤخذ هذى سمه
اعتبرنى دمعه تسكن مقلتينك=لو تطيح اموت وبعدك يحسمه
تدري لو عينى تجى لحظه بعينك=ضاعت اعلومي وهرجي طلسمه
مابقى فينى مكان الا يدينك=من محيطك لا محيطك وسمه
ليتك البستان واجنى ياسمينك=انتظر قطف الزهر فى موسمه
ارفق بحالى رحم لى والدينك=توجك قلبي جميع الاوسمه
مخـــــــــرج
رميتنى فى سهم صايب ولا تدرى=قص العروق وسكن فى داخل افوادي
جرحه عميق ونزف من حبكم بدرى=بقتص حقى والاظلم دايم البادي
السلام عليكم ورحمة الله وبركاته صباحكم ومساكم فل ونرجس اترككم مع المتواضعه واتمنى ان تروق لذائقتكم وان تنال لو ربع الربع من ذائقتكم
صلوا على رسول الله
الوضع مابينى وبينك تطور لاحظت بعض الوقت فينى تهور ان كان لك حق ٍ علينا تدور فالحق لعيونك عطيناك هي هات
هي هات كانك بالخطايا تماديت وانا بحقك يعلم الله ما اخطيت واللى خلق روحك امر حج للبيت انك لحبل الشر تقصر مسافات
لاتنفض احبال العداوه على الصمت وعلمتك بعلم ٍ ولابه تعلمت ياشين خف ربك ترى وان تكلمت يجيك من بقعا على اللوم صكات
تبحث خفى وانا اتجاهل خطاكم تجرح واجامل والهدف لى رضاكم لاتصبح المعنى وانا اطرد وراكم العمر واحد والنهايه بنا اموات
جيتك على عهد الوفا شخص راسي=برمز الرجوله ماترددت بخطاي
كنت الامل والشوق وكل الحواسي=وكنت الهدف فى دنيتى غاية امناي
واصبح نصيبي من نصيبك مأسي=وعظيت بسنونى انا لعينك اشفاي
لاتقلب الحفله بكسر الكراسي=وتصير دائى عقب ماكنت لى ادواي
دامي حشمتك وانت من بيت ناسي=لهم مكانه تفرض الطيب وياي
راحل بصمت وشارب المر كاسي=احشمنى دامى مقفى اليوم برضاي
لاتطيح من عيني مدام امتواسي=ولاتصير عقب الحب من اكبر اعداي
اشوف مشيك مقتلب بانتكاسي=تحفر لى وانا صادق ٍ فى نواياي
العود الاخظر لانكسر من يباسي=ماينفعه ياصاحبي كثرة الماي
اشوف واغضى واغضى واشوف ساسي=طبعى ادعَى انى غبي من مزاياي
ابيك من حالك بحالك تقاسي=امري وامرك فيه ياكبر بلواي
ولاتكون مثل اللى برجليه داسي=مسمار فى رجله وتبكيه عيناي
احذر بعلم ٍ جاك ماهو دراسي=منى ومن شرحي وتوقيع بامضاي
راسى ملاه السم واحذر يداسي=احذر افرغ سم فى داخل احشاي
كنت احسبك لى كيف يجلي عماسي=واثرى كما النيشان ودك بمرماي
كانك لي الحيه عديمة حواسي=انا تراني من عزف له على الناي
ان كان قصدك ذل وتنزيل راسي=وربي تموت وعزتك تحت ماطاي
من اكبر الجروح
اللتى تبقى مع الزمن ولا تطيب
جرح
من صديق اسلمته كل مالديك
واستلمك بطعنه
على طبع الغدر
ومن الخلف
ما تفعل
هل تشد الركب وتبحث عن غيره
ام تبقى تتألم حسره على قلب
سلمته لذيب يطعن بك غدرا
ام تكون استسلمت ولا تثق باحد
ام تكون قوى ولاتبين ضعفك
ام ماذا
هو جرح بالنهايه
لن تعالجه السنين
وكل ماكبرت كبر الالم معك
هنا
اترككم مع هذه المتواضعه
المدخل
ونيت ونه لو سمعها هل الشام
0000000 صاحوا بعالى الصوت هالصوت وينه
كنى السجين اللى حكم له بالاعدام
00000000000مظلوم وامه من فراقه حزينه
ياعل ياتى من السما سبعة احقوق=سخط غضبها مثل حرب العراقى
فى منزل اللى صرت انا منه مخنوق=يصب فوقه مثل سوق السواقى
ابى يذوق الموت لوعات وحروق =والى سلم يبقى بحياته معاقى
اللى سعى بفراق مخلوق لمخلوق=امبيت النيه لقطع العناقى
اقسمت باللى رافع ٍ سبعها فوق=انى على عهد الغلا دوم باقى
واللى حكى فينى وسبب لك العوق=يرسم على حسابي خطط للتلاقى
جيتك اسوق اركاب حبي لكم سوق=واللى حداني عنك كسر ٍ بساقى
من واحد ٍ رافق رفيقك على الشوق=يسعد وانا اللى من عنى الوقت شاقى
دامك سمعت الهرج زاهى بمنطوق=يبحث خفى موته بشوفة فراقى
لبست حبك لبست الورق للطوق=وحلفت ماغيرك على القلب لاقى
عشتك اعتيبه جامعه برقا مع روق=وخايلتك المفتون بحب النياقى
وبنيتك ازبيدى نما عند رقروق=بربيع قلبى ماحد ٍ منه ذاقى
وصفقت كاس من الولع فيك يالذوق=سكران فى حبك ولا منه فاقى
بشرهم انى جامع الحزن بالموق=ياللى فتحت الباب لكل الطراقى
الطير قفى بالجناحين واسبوق=جاب الجزل لاجلك وعلمك ادقاقى
ملامح الذكرى على الطاق مطبوق=طرقت طرق ٍ منك ماهو يطاقى
العمر يمضى وكل مطرود ملحوق=شي ٍ جرعته منك سبب شهاقى
بنيت لك لحنين معهم وطاروق=ورددت موالك بلا لا التلاقى
اضحك وفرفش باقى ٍ وقت وتفوق=وتذوق ماذقته اذا الصدر ضاقى
الله خلقنى تحت بس عينى الفوق=مانى من اللى بسر غيره اواقى
ابقى ذهب صافى ولابيع بالسوق=وكنى من الفولاذ صعب اختراقى
نعمه من الله محصى ٍ كل مخلوق=قدرى مع غيرى من الناس راقى
احذر رفيقك يالسنافى تناساه
00000000 ترى الجفا عقب الوفى عندنا عيب
وكان رد الاخ وهو اهدى بيت للى بعدك
اقتباس
المشاركة الأصلية كتبت بواسطة عايض الشلاحي
اهداء الى الاستاذ / عقاب النهار والى قلوبكم الطاهرة
جازلي بيت اخوي وجاريته بالمعنى فقط
ياعقاب عود السدر ماهو كما الراك
ومن لا اقتـنع بالطـب مانته مداويه
القـاف قال احذر وانا اقول حـذراك
رفيق(ن) مايعز لصاحبه لا تخاويه
تشره على نفسـك ليا جاك الادراك
وتـندم ليا سقت القـدم في حراويه
احرص على اللي همته دوم تبراك
وبّـعـد عـن اللي همتـه ماتعـزويه
مع كل الود
صح لسانك الغالى
وتبقى المعلم ومنك نتعلم
وان كان هناك مايحوز على الرضى والقبول فهى ابياتك واسمح
لى بهذه المتوضعه مجاراه لما ارى من ابداع منك وصح لسانك مدد بلا عدد
واعذرنى ان كانت كيبرورديه
ياذيب هيضنى مع الليل بعواك=انتا وانا نجم السما بس نراعيه
السلام عليكم ورحمة الله وبركاته
احببت ان اكون من ضمن اخوانى الشعراء
واشارك بهذه المتواضعه واللذى اعرف انها لاترقى الى ابداعهم
ولكن احببت ان اكون معهم ولو ببعض الشى وشكر لمن ابتكر الفكره
والقائمين على نجاح هذه المسابقه ولكن اتمنى ان يقبلوا انسحابى
لانى احببت المشاركه فقط
وربي يوفق الجميع وللكل اقول
صح لسانهم وفالهم البيرق
صفى نبع الوفا منى // ونبعك كدر المشرب=وجيتك رافع الرايه// وجيت ابسيفك امضارب
قضيتك قسمة ٍ ضيزا// جمعت اطرح ولى تضرب=دخلت البحر لعيونك// سفينة حب والقارب
اشوفك حلمي العابر// اشوفك لى امل واقرب=مثل من يرجى المولى //شهاده يومه امحارب
يصيح الليل بغيابك//ينادي الشرق للمغرب=تنكس لك عيون الشوق // بقلب ٍ صار متضارب
اخاف البعد من حبك// عيون ٍ دمعها سرب=غشاه الدمع باسبابك//من اللحيه الى الشارب
ربيع القلب هو شوفك//خظار القلب له يطرب=زماه الوسم من وسمك//وعشبه صار متقارب
تمنيت اسمى بشفاتك // حروف ٍ ودى له تعرب=تمنيت الهوى كاس ٍ// فكفك لي وانا الشارب
تحكم بي مثل (Federer)// الى منه مسك مضرب=وتحكمنى كما القاضى// على المسجون والهارب
عجب لله فى خلقه // ولا من خلقه استغرب=يغيض اللى مثل جنسه// بسيف من الحلا ذارب
يبرمجنى غلا شخصك// على التشويش يتكهرب=اشوفك عرش مع بابل// وسور الصين مع مارب
تبعتك بالغلا ورد ٍ //تبع شمسه قبل تغرب=واشوف ان القمر انتى // طبيعى مانى متغارب
خلاص الحكم في يدك// ولا قادر على المهرب=بكلمة حب منك لى // تروض كيفى الخارب
ماعد اسأل طيب الحب //اذا من حبك امجرب=سهوم الموت بغيابك// على المتنين والغارب
ملاحظه// فيدرر هذا افضل لاعب كرة مضرب عالمى من سويسرا
للتوضيح فقط
السلام عليكم ورحمة الله وبركاته
بدون مقدمات متواضعه وكيبورديه
اتمنى ان تنال استحسانكم وبعض من قبولكم
اشكر كل من انار المتصفح
بالتكرم بالنظره
لهذه المتواضعه