|
أنابليت بحبكم
أنـا بليـت بحبكـم مـن هبالـي
وإلا أنت ظلِ ما لنـا فيـك منـزال
خيرك لغيري والشقـا والعنـا لـي
والمشكل إني عارفٍ كـل الأحـول
ارمي بروحـي فـي بحـرك الزلالـي
وتنسفني أمواجك على يابس الجـال
اسأل فراشي كيف اقضـي الليالـي
بالليل لي حالٍ ومعكم لـي أحـوال
من خوفي الشمات يشمـت بحالـي
ويكثر علي من العدى القيل والقـال
أنت السبـب ولعتنـي يـا غزالـي
وفتحتلـي دنيـا جديـده بالآمـال
وأبعدت خلانـي وجيتـك لحالـي
وفرشت قلبي لـك مقـرٍ ومدهـال
ويوم أبعـدن حبالهـم عـن حبالـي
ودريت انـك عندنـا غالـي المـال
أبديت عقب الحب صـاف الجفالـي
وخليتني محتار فـي أشهـب الـلال
نصيـت ربٍ عالـمٍ ماجـرى لـي
ماحط دون الخلق حاجب ومرسـال
ومنحني السلـوان عالـي الجلالـي
وقصّر علي الليل من عقب ماطـال
واليوم ترسل لي وتبـدي الوفـا لـي
تبدي لي أعذار قصيـرات وطـوال
تبي تجـدد ماانقطـع مـن وصالـي
وتبدي من الفتنه لي الوان واشكـال
تردّني في حالـي اللـي مضـى لـي
ترضي غرورك بس ياحسن الاقبـال
ماعاد تخدعنـي عقـب مابـدا لـي
وان عدت فيما عفت .. مانيب رجال
الأمير عبدالله الفيصل
من عيون الشعر
|
العضو الأكثر نشاطاً هذا اليوم 
العرض الشجري
