(((ديوان الشاعرالاطرق آل هذال)))

بسم الله الرحمن الرحيم

(((ديوان الشاعرالاطرق آل هذال)))




شاعر كل ماسيقال لن يوفيه حقه,,,,,

من زود حبّك جيتك بكل ذاتي=
=واشكي غيابك يابعد كل مزيون
خلّك رحوم بحالتي يامناتي=
=طال الغياب وضاق بعيوني الكون
ليه الجفا وانت الوحيد بحياتي=
=مدري تغلي أو دلع منك وفنون
يازين ارحم حالتي ياغناتي=
=يكفي تعذّب واحدٍ فيك مفتون
حرمتني حتى الخشوع بصلاتي=
=واسهرتني يوم الاوادم ينامون
عقلي ثقيل وكان أحلا صفاتي=
=وخليتني أمشي مع الناس مجنون
يالغاليه لو في وصالك وفاتي=
=راضي ولا أقبل غير قربك وممنون
الموت عندك راحتي وامنياتي=
=ومعك الدقيقه تنشرى بالف مليون
ترفّقيبي لين اكتب وصاتي=
=واطلب سماح اللي يبي منّي ديون
ومن بعدها لو تحكمين بمماتي=
=عمري وكل اللي تبينه لك يهون

http://www.b3b7.com/vb/showthread.php?t=22721

متى على الله يلتئم جرح بغداد=
=ونمشي بامان من الزبير لربيعه
متى العراق يعود لأيام الامجاد=
=وتلقى الاخوّه بين سنّه وشيعه
ليه الجفا بين العروبه والاكراد=
=والكل منّا في ظلال الشريعه
ليه القتل اصبح يسمونه جهاد=
=وعلى الهويه يقتلون الرضيعه
ياناس أبسأل وشبلا الكره يزداد=
=حنا نعيش بحلم وألا طبيعه
لاتضيعون عراقنا .أمّة الضاد=
=خلّو التسامح بالصدور الوسيعه
هذا فكر جابوه الاعداء من غاد=
=هذا مخطط لليهود وخديعه
خلّو العراق موحّد وموطن أمجاد=
=رغم الطعون اللي بصدره شنيعه
وعراقنا فيه النشاما والأجواد=
=مايتركونه لليهودي وديعه
وعراقنا شامخ بتاريخ الاجداد=
=كم مرّةٍ باعداه سوو فجيعه
وعراقنا صعبٍ على كل من راد=
=فيه الاسود الباتعه والشجيعه
بكره يزول الغم ياأمّة الضاد=
=أمن وأمان من الزبير لربيعه

http://www.b3b7.com/vb/showthread.php?t=22805

طـبـعـك تـغـيـّر حـبـيـبـي مايـناسـبـني=
=تـقـسـي عـلـيـّه وتـظـهر فـيني فـنـونك
أنا ذبـحـني الـسـهـر والـنوح متعـبـني=
=وانت اتـلـذّذ عـلـى تـعـذيـب مـضـنـونـك
مـانـي طـفـل يانـظـر عـيـني وتـدّبـنـي=
=وش جـاك مـنّي تـزوّد فـيـني طـعـونك
ضـحّـيت لاجـلك عسى الله مايحاسبني=
=فـي حـب ناسٍ عـلى حـبّي يـحسـدونك
يـازيـن أرحـم وخـاف الله وجـاوبـنــي=
=ماتـذكـر انـّك حلفـت وقـلـت ماخـونك.؟؟
يـاريـم حــايـل أمـانـه... لاتـعـذبـنـي=
=إرفـق بـحالي وعامـلـني عـلى هـونك
فـديـت عـمرك ترى الهجـران يـذهـبني=
=جـيـتـك حـبيبي وكلّـي صـرت مجنونك
لاغـبـت عـنّـي بـربّك ويـش يـطـربـنـي=
=نـاظـر بـعـيـنـك عـذابٍ صاب مـفـتـونك
كل مانـويــت أبـتـعـد غـلاك يجـذبـني=
=يانـور عـيـنـي مـناتـي شـوفة عيونـك
ان قـلـت أمـوت بـغـيابـك لاتـكـذبـنـي=
=هـاذي حقـيقه.. حياتي موت من دونك

http://www.b3b7.com/vb/showthread.php?t=22898

ياصاحبي من وين لي راحة البال=
=والقلب عقبك مايهيد انشغاله
تصليني الفرقى على حامي اللال=
=حتى منامي صار فيه استحاله
قلبي ولو تقسي صفالك ولا زال=
=راضي ولو هو ماحصلّه مناله
وانا لك الله عايش بهم قتّال=
=وحضرت جنابك باخلٍ في سؤاله
يازين ارحم يوم فيني الزمن مال=
=راع الحبيب وقّدر اللي جراله
أرجع ترى الدنيا بليّاك غربال=
=بعدك عذاب ولا اطيق احتماله
ليتك تجين وخافي الهم ينزال=
=عن واحدٍ أنتي ترى راسماله
لاتلعبين بقلبي سوات الاطفال=
=ترى التلاعب بالمشاعر جهاله
وانا رهين اللي له القلب ميّال=
=ليته صفالي يوم قلبي صفاله
ظالم وانا المظلوم في كل الأحوال=
=واللي عشق يستاهل اللي جراله

http://www.b3b7.com/vb/showthread.php?t=23060

ريمٍ وعدني مـاوفـى بالـمـواعيد=
=قـال انتظـر لاشـك طال انتظـاري
سافر وقيّدني مع الهم تقييد=
=صرت بغيابه بالهواجيس ساري
شفت العذاب وكل همٍ وتنكيد=
=ومن العنا يطري على الف طاري
مدري سمع فيني كلام الحواسيد=
=والا السفر ابعد علي المحاري
يالغاليه كنت اعتبر موعدك عـيد=
=وارسم على ضوّه بقيّة مســاري
ماشاقني غيرك من الغنّج الغــيد=
=ياجــنّتي .ياهـم قـلــبي ونـــاري
مليت انا الدنيا بدونك ولا اريد=
=كل الحياه ان مامشت بأختياري
ياطول ليلي صار عقبك سراميد=
=هايم ولاني بالمخاليق داري
وينك حياتي. جبتي بحالي العيد=
=عودي قبل ياصلك علم إنتحاري

http://www.b3b7.com/vb/showthread.php?t=23201

من زود همي كل رجـمٍ رقـيته=
=واقنب من الفرقى كما الذيب سرحان
على حبيبٍ طول عمري رجيته=
=بيني وبينه حالت حدود واوطان
سافر وانا بدموع عيني بكيته=
=عزّي لعينٍ فارقت شوف خلان
ناديت عقبه للفرح مالقيته=
=غاب بغيابه وامتلى قلبي احزان
غالي حبيبي نور عيني فديته=
=وين الزمان اللي معه كنت فرحان
اللي بغاني بالحلال وبغيته=
=على العهد وافي ولا هوب خوان
والله لو يطلب عيوني عـطـيته=
=وأمشي على دربه ولانيب ندمان
ماغيره أحدٍ في حياتي هويته=
=ولايمكن بقلبي يجي غيره انسان
انا حبيبي داخل القلب بيته=
=يسرح ويمرح بين قلبي والاعيان
لاواعذابي كان حلمٍ بنيته=
=تلايمت فيه الزوايا والاركان

http://www.b3b7.com/vb/showthread.php?t=23000

نفسي عزيزه ماامدح فلان وفلان=
=الا الذي شفنا فعوله شهيده
هذا فعل زبن المناعير سلمان=
=وجه السعد ذخر المليك وعضيده
فك الرقاب اللي عليها الوعد حان=
=وحط الفرح في كل نفسٍ تريده
تسلم يمينك ياسلايل كحيلان=
=يالوايلي شرّفت كل البديده
طيبك مجرّب ماتغيرك الازمان=
=حليم تنظر للأمور البعيده
كريم سبلا تعطي أيديك بأحسان=
=وترفى الحمايل بالظروف الشديده
فيك العدل دايم على الحق سلطان=
=مافرّطت يمناك بأمر العقيده
شاركتنا حتى بفرحنا والاحزان=
=وعلّمتنا معنى الصفاة الحميده
مثل الذهب معدنك ياعالي الشان=
=قدرك كبير ولاتوفّي القصيده
وشلون مانغليك ياطير حوران=
=غلاك عز وواجب انّا نزيده
الله عطانا حب سلمان الأنسان=
=ذا طبعنا ماهي علينا جديده

http://www.b3b7.com/vb/showthread.php?t=23374

انا آسف على ازعاجك رجيتك تقبل الاعذار=
=تجمّل بالذي يكتب حروف الشعر من دمّه
هداك الله لو تعرف غلاك وكم لك مقدار=
=تضيع بحب من حبّك وترمي حالتك يمّه
أنا مالي أحد غيرك أحبّه واكتب الأشعار=
=ولا غيرك سكن قلبي وخلآ الحال منسمّه
أنا من بعدك بغربه ولو الناس حولي كثار=
=لك الله ضقت من نفسي ولا ابغى الناس واللمه
ألا يافرحة الدنيا على دربك خفوقي سار=
=رجيتك يابعد عمري تكوني فيه مهتمه
أعيش بقربك بجنّه وفي بعدك أعيش بنار=
=أنا المهموم من همك وجالك يشتكي همّه
حياتي شاقني وصلك رجيتك داخلي منهار=
=على قلبي من غيابك هموم الكون ملتمّه

http://www.b3b7.com/vb/showthread.php?t=23589

يالله يالمعبـود يافـارض الصـوم =
=عليـك يـارب العبـاد إتكالـه
يارب لولا رحمتك صـارت علـوم =
=صكّت بنا العدوان شرق وشماله
يارب صلّينا لك الخمـس باليـوم =
=تحمي بلادي أرض مهد الرساله
لك يالمواطن الفـرح حـل بقـدوم =
=صقر العروبه يوم حطّت إرحاله
أبعد همومك مابقى انسان محـروم =
=عاد المليك لكـل قلـبٍ صفالـه
جاكم أخو نوره سند كـل مظيـوم =
=ريف الضعيف وفرحة اللي عناله
صدره شمالي يحتضن كل مهمـوم =
=من صلب وايل والطنايا خوالـه
مليكنا طير السعـد حـر زيـزوم =
=أرواحنا وقـت الشدايـد فدالـه
نرقد وعينه لاجلنا عافـت النـوم =
=والد رحـوم ومعتبرنـا عيالـه
يامرحبابك عـد ماتنشـي غيـوم =
=واعداد ماهل المطر من إخيالـه
واعداد ماصك بسماها مـن نجـوم =
=واعداد مافي أرضها من جبالـه
بقلوبنـا مسكنـك ياسـيـدي دوم =
=وفراقكم يصعب علينا احتمالـه
غالي ولا يلحقـك يالوايلـي لـوم =
=وافي بفعلك ياعريـب السلالـه
للخير في وجهك علامات ورسـوم =
=وللمجد بافعالك نشوف الدلالـه
كل مسلمٍ ساعدتـه بشـي معلـوم =
=لوهو بعيد أوطان ترفى خمالـه
طيّب . شديد .وواضح النهج مفهوم =
=أرسيت ياملك القلـوب العدالـه
عادل ويلمس عدلكم كـل مظلـوم =
=حكّمت شرع الله في كـل حالـه
يمناك سلطان السعد كلّـه عـزوم =
=شبل الأسود وكل مجـدٍ زهالـه
أخوان نوره بـاوّل العهـد لليـوم =
=زال الضلال بحكمهم والجهالـه

http://www.b3b7.com/vb/showthread.php?t=23121

أنا الحزين ودنيتي دوم غربه=
= واشوف انا كل البشر حولي اغراب
ضايع وقلبي ماعرف وين دربه=
=تاهت به الدنيا على درب الأحباب
همّي كبير وكنّي بألف كربه=
=والجرح ينزف عقب الأحباب ماطاب
ياللي ملكتيني ترى النفس ذربه=
=ماتجرحك لو تنذبح وانتي الاسباب
عيشي بسعاده واجعلي النفس طربه=
=لايشغلك همي اذا الوضع لك طاب
هذا المقدّر والله اللي أمربه=
=واعرف ظروفك يابعد كل من غاب
أنا احتمل لو انطعن بألف حربه=
=وان قلت عنك اسلا فأنا صرت كذاب
ودّي أموت وأندفن بأي تربه=
=وارتاح مايطري على بالي اصحاب

http://www.b3b7.com/vb/showthread.php?t=23829

سالت دموعي يوم هي ودعتني=
=وقالت تطمّن واحتفظ في عهودي
بكره أجيك وفرحتي غامرتني=
=واملا حياتك يالحبيب الودودي
اقفت وانا كل الغرابيل جتني=
=طوّل غيابه وانبرى حال عودي
ابكي عليها ودمعتي حارقتني=
=وادعيلها بالخير حتى بسجودي
يابنت ياللي بالغلا مالكتني=
=خوفي من الله وارحميني وعودي
متجاهلتني !! ليه؟ متجاهلتني =
=أسأل عليك ولاتحسّي بجودي
شوفي عناي وعبرتي خانقتني=
=والعين عيّت تهتني بالرقودي
وينك حياتي حان موتي وحتني=
=وشفت الظلام بكل دربٍ يسودي
وين العهود اللي بها حاكمتني=
=وين المودّه يامبيّح سدودي
حسيت أنا دنياي عقبك جفتني=
=ضاقت على آفاقها والحدودي
كنت بوجودك فرحتي ساكنتني=
=واخشى على نفسي عيون الحسودي
لاواعذابي كانها ناسيتني=
=وقامت تبادلني الغلا بالصدودي
وياشيب عيني كانها كارهتني=
=أهون عليّه موتتي من وجودي
بلعونها عن كل شي اشغلتني=
=واصبح غلاها بالضماير يزودي

http://www.b3b7.com/vb/showthread.php?t=24070

للعيد فرحه وعندي دوم موؤده=
=مدري علام الفرح بالعيد يجفاني
يازين عيدي ونور العين موجوده=
=وياكثر همّي بعيدي دون خلاني
فواز خلّي نساني واخلف عهوده=
=وشفيه يخلف عهوده ويتناساني
سافر حبيبي وخلا الكبد ملهوده=
=من عدة سنين ولا منه الخبر جاني
مايدري اني بنيت احلام بوعوده=
=وسهرت ليلي وهمّه حيل عناني
حرمت نفسي من الدنيا على موده=
=وضحيت لأجله بغيره يابن غسلاني
قلبي وصل في غرامه لآخر حدوده=
=متربعٍ بالغلا بأعماق وجداني
علمي بشوفه على أول زمّة نهوده=
=بدر الطعش صاحبي مدعوج الأعياني
كل ماأتذكر جماله لاارتكز عوده=
=تذرف دموعي عليه وتكثر أحزاني
ياويل قلبي سبتني حمرة خدوده=
=مقّدر اوصّف جماله . شي فتاني
ياليت منهو سلك مع خط ساموده=
=لأرض اخو مريم وعيّد يومه الثاني
ويشوف خلّه ولوهي ايام معدوده=
=يسعد بشوفة حبيبه والعمر فاني
كانه على العهد مالي يمكم عوده=
=اعيش معه وبلاده ثاني اوطاني
وكانه تغيّر بسبة هرج حاسوده=
=ابقطع حبال وصله يابن غسلاني

http://www.b3b7.com/vb/showthread.php?t=24337

ياصاحبي كنّا ونبقى حلاحيل=
=للمجد نرقى فوق قمّة جبلها
افهم عدل لاتأول الوضع تأويل=
=والكلمه العوجا من المزح شلها
يومنها بالسيف والرمح والخيل=
=نملك مزايين الأبل مع فحلها
نغير في وسط الضحى واوسط الليل=
=ونجيبها غصبٍ عن خشوم أهلها
ويلان حنا فعلنا له دواليل=
=نردم على كبد المعادي عللها
وان زغردت ام الرموش المظاليل=
=وقامت تناظر كيف ردّة فعلها
نشوش من زود السطر كالمهابيل=
=والموت احلا عندنا من عسلها
متوارثين المجد جيلٍ ورى جيل=
=فتخين الأيدي كاسبينن نفلها
ويلان حنا أهل الكرم والمعاميل=
=عاداتنا ماغيّرتها فللها
لضيوفنا نذبح من السمّن الحيل=
=وقصيرنا ماراح يشكي مللها
والحمد لله يوم صارت تساهيل=
=جاها السديد بدين ربي شملها
يكفي يمثلنا من النفس حلحيل=
=مشعل أخو نوره بجوده كفلها
مادام صارت بالذهب والتهاويل=
=واحيت علينا عنصرية جهلها
ماعاد نبغى من وراها محاصيل=
=وقلوبنا للخير ربي عدلها
نعطي الفقير اللي شكى العوز والويل=
=وام اليتامـا بذلنا قــد وصلها
وضعيفنا نرفى خماله عن الميل=
=اخير من دفع الفلوس بجملها
ونذلل ظروف المساجين تذليل=
=ونعتق رقابٍ دافع الله أجلها
ياصاحبي نقدر وفينا لها حيل=
=ونملك ملايين الفلوس وهللها
واذا رغبنا بالليالي المقابيل=
=تشوف ويلان السعد وش عملها
قلته وانا ماودّي القال والقيل=
=حسبي على اللي حيييل كبدي دبلها

http://www.b3b7.com/vb/showthread.php?t=25237

علمي بها بأيام ســـــن الطفـــوله=
=عهد البرائه والغلا بين الاطــفــال
نلعب ونمرح وانتلاقا بسهــولــــه=
=نتبادل الضحكه على كل الأشكـــال
لو اتأخر يوم جــتني ذهــولــــــــه=
=يسوقها لي الغلا دون مرســــــــال
حتى منامي بعض الأحيان حـولـــه=
=متعودٍ معها على الضحك وجــــدال
بالليل اخوّفــها ولاهـــي زعــــولــه=
=تقـول مانـي خـايفـــه وانت حــــيال
لاقلت جاك الذيب جتني جـفولـــــه=
=وليا اشبكتني قلت ياعمــري ظـلال
وكم مرةٍ قلــت ادرســي ياكسـولـه=
=تضحك وتعفشني تقول انت محـتال
ماني سواتك وتحسبني مهبولـــــه=
=شطّوره ولابي مثل غيري هــــــبال
وكم مـرّةٍ مــثّلت دور البطـــولــــــه=
=افـزعلها واسـوّي ســوات الأبطـــال
كل ماأشتكت من طفل زوّد فضـولـــه=
=ابهــدلـــه واعطــيه كــفٍ لـياعــــال
كبرت وصارت نور عيني خجــولــه=
=واصبح وجودي حولها يسبب اشكال
قالت تضل النفــس يمــّك مـيولـــــه=
=واشفــق لشوفـك يابعــد كـل الأزوال
والله مانــي من وجــودك ملــولــه=
=لكــن بلاي بعينهم صــرت رجـــال
زولك طويل وصعب حولـي قبولـه=
=ومرات اشوفك تلبس شماغ وعقال
ترى الأهل راحو لبوك وشكــولــه=
=وادري المفارق بيننا فيه غربـــال
والله مهما حاولــو أو حـكـولــــــه=
=تبقى الحبيب اللي له القلب مــيّال
ياما منعني والدي عن وصولـــــه=
=وياما على ضهري عطاني من عقال
قال الغلا له حـد واعــرف اصـولــه=
=واللي مثل سنّك يصيرون عقّــــــال
مايدري ان العقل صعــبٍ حلولــــه=
=واجسامنا تنبض بها قلوب جهّـــال
وشفيك يادنيا مــشيتي عـجـــولـــــه=
=كم ضاع بأسبابك أمــــانـي وآمـــال
من بعـــد ماكنت انتظر شوف زولـه=
=قامت تبكينــي صـــورها والأطـــلال
الروح صارت بالفــراق معــلولـــه=
=وصار الغلا لصويحبي حب بهبــال
ياحظ منهو في حـــياته ينولـــــــــه=
=ملاك بعيوني على الأرض تخـــتال
جاها حظيظٍ غيري ووافـقـولــــــه=
=وتحطــمـت بقلوبنا كــل الآمـــــــال
راحـت بعــيد وصارت بغير دولــــه=
=لكـــن غـلاهـا بالحــشا حــــي لازل
ماطـاع قلــبي في غلاهـا عــذولــه=
=ولايمكــن انساها ولا أطيع عـــذال
ليت الزمن يرجع بنا للطـفولـــــــه=
=وابقـى طفل . ماودّي اصير رجّــال

http://www.b3b7.com/vb/showthread.php?t=30611