بليز ابيكم تعذروني لان راح اقولكم موقف محززن
لاني حاولت اتذكر موقف مضحك ماجاء ببالي شئ
فقلت مالي الا اقولكم هالموقف لانه اثر فيني كثير
اترككم مع الموقف ..
تقريبا قبل سنتين لما كنت بالكليه سنه اولى
كان علي اختبار بمادة ((الاستاتيكا )) كانت ماده صعبه مرررة
المهم جاء المغرب وانا لسى ماخلصت ربع المنهج وكنت خايفه حيل ومتوترة
وانا مشكلتي اذا توترت تجيني حالة تشنج وضيق تنفس ومااصحى من هالحاله
الا اذا رحت المستشفى ويعطوني ابرة مهدئه واصحى بعد ساعتين
او يقرأ علي ابووي واصحى
المهم انا من الخوف جتني حالتي هذي والمشكله ان ابوي ماكان موجود
كان طالع للبر والبيت ماكان فيه الا انا وخواتي وامي
طبعا الكل ارتبك مايدرون وش يسوون فيني جت وحده من خواتي دقت ع ابوي
قالت له الحق علينا جود تعبت وجتها حالتها ابوي على طول قفل السماعه
وركب السيارة وكان معه اخواني الاثنين وهم صغار حيل واحد بأولى ابتدائي والثاني مايدرس
المهم ابوي ركب السيارة وكان يمشي 200 يعني سرررعه مو صاحيه
ولما دخل الخفجي كان يقطع الاشارات وماعليه من احد لين صار اللي ماكان متوقعه
جاء عند التقاطع وكان مسرررع مرررة قطع الشارع وجت سيارة ثانيه وصدمت فيه
صدمه قوويه وكانت الصدمه من جهة اخوواني بالوقت اللي صدموا فيه اختي كانت تكلمه
عشان تستعجله وسمعت صوت التصادم وصرخت صرخه من قوتها انا صحيت لانه تقريبا كان مغمى علي وسمعتها تقول لامي ابوي صار عليه حادث طبعا انا زاد علي ضيق التنفس
وكنت اردد انا السبب انا السبب .. طبعا لاتسألون عن حالة خواتي وامي
الكل تأزمت نفسيته يعني مايدرون يحاتوني والا يحاتون ابوي واخواني المهم امي
قامت ودقت ع ولد خالتي عشان يوديني للمستشفى ومرة وحده يشوف ابوي وش صار عليه
عاد انا لما وصلت المستشفى عطوني ابرة مهدئه ونمت ع طول وكنت لسى اردد انا السبب
ولما صحيت سألت عن ابوي واخواني محد رضى يتكلم ويقولي وش صار عليهم
وانا كنت حاسه انه خلاص ماراح اشوفهم مرة ثانيه وكانت نفسيتي عدم
وبالموت رضوا يتكلمون الحمدلله اخوي عزوز صار عنده كسر بكتفه ورضوض برجوله
واخوي تروك الصغير صارعنده كسر بخشمه ورضوض براااسه ويأيديه اما ابوي الحمدلله
ماصار فيه شئ بس جروح خفيفه بوجهه بسبب القزاز
طبعا انا ماصدقت انهم بخير الا لما شفتهم قدام عيوني واول ماشفتهم
ضميتهم وقعدت ابكي بكي بشكل مو طبيعي وكنت اقولهم اعذروني انا السبب
بغيتوا تروحون منا بسبتي ..
طبعا انا فلت لهم مستحيل اروح بكرة للكليه لان نفسيتي عدم وجبت لي عذر من المستشفى
بس اللي يقهرر انهم ماقبلووه ورحت كلمت العميده ومافيه فايده قالت لا يعني لا
وتأزمت نفسيتي لان كل المواد ناجحه فيها ومابقى لي الا هالماده
ومالقيت لي حل الا اني اجيب لي واسطه
وبالفعل جبت واسطه وعادو لي امتحاني ونجحت فيه ولله الحمد ..
اسفه اذا كدرتكم بهالموقف
بس هذا اكثر موقف اثر فيني ومو قادرة انسااه
يا آهلين ،، وسهلين ،،
بـ نائبة القمر ،،
منورة المقهى بهالطلة ،،
مو مشكلة التآخير ،،
نوم العوافي ،،
يووووه ،، والله المصايب ما تيجي إلا بوقت واحد ،
آستغفر الله ،،
بس آهم شي حمد لله ع سلامتك ،،
وسلامة الآهل ،،
آما من ناحية الكلية ،،
آفففف منهم ،، والله ما فيه بقلوبهم رحمة ،،
مره كنت تعبانة وغبت ،، طلعت روحي الآستاذة ،،
عشان تعيدو لي ،، وجع قهرتني والله كأني آشحدها
وبالآخير ،،
الحمد لله آختبرتي وعدت على خير ،،
الله يسعد آيامك ع الحكاية المؤثرة ،،
وآن شاء الله كانت آخر الآحزان ،،
تشرفنا بوجودك على كرسي الحكواتي ،،
أما الكلية ..!!
لا تذكريني ما بقى شي
بس الحمد لله ما عمري غبت عن إختبآر ..
أدري ما رآح يقبلون عذري ..!
و صآرت معي الإختبآرأت اللي طآفت ..!
توفى خآلي الله يرحمه و غصبت نفسي أروح أختبر ..
أرجع من الكلية على العزآء
لكن الحمد لله على كل حآل ..
و الكليآت ما فيها خير ألحين
الحمد لله على سلآمتكمـِ جميعاً ..
و ما تشوفون شر ..
مشكورة على سرد ذكريآتكـْ ..
و الشكر موصول لـ هآيدي ..
العضو الأكثر نشاطاً هذا اليوم 
العرض العادي
