يامل قلب ٍ 00لا صطفق مثل الامـواج=وزود ٍ على موجه 00حصل فيه عجه
رج البواخر رج 00وارتج مـن لاج=وكثر الصراخ وصار00 بالناس ضجه
على اللذى خده 00كما البرق لعـاج=الزين كل الزين00 من ويـن وجـه
له نظرة ٍ تطلق00 صواريخ ميـراج=من صابتـه 00يالله تعينـه ونجـه
وله مشية ٍ مثل الحمامـه00 تـدراج=الصبح يوم النـور00 بـاول مفجـه
زاهى بزينه00 ما بعد حـط مكيـاج=ولافيه شى 00ٍ قـادر ٍفيـه احجـه
لو شافها مقبل00 عن الخط ينعـاج=الى بغى شـرق ٍ00 شمـال يتوجـه
انا اسيره بالهـوا 00مابـه احـراج=اغتالنى بالحـب00 والقلـب فجـه
داوى معذب 00بالهوا مالـه اعـلاج=يوم ان غلاكم00 بالضمايـر يخجـه
مافاد به دكتور00 او لافـاد حـواج=غايب عن العالم00 غدى فيه سجـه
كنه سجين00 او طالب ٍ منك الافراج=مافكر ابصوت الخلايـق00 وصجـه
واقف يشوفك00 من ورا قفل وسياج=والى وقف00 كن الجسم فيـه رجـه
ارجى من الله00 بالهوا فيه مخـراج=والحب مابيـن الخلايـق00 نبجـه
حبك كثر ناس ٍ 00بحايـل والافـلاج=والا الخليج او مصر00 واللى بطنجه
حبك كوا حالى00 كما كوية الصـاج=من فوق جمر ٍ00 والهوا به يزجـه
من سألنى \\ عن الجديد او ماكتبت=قلت عفت الشعر \\ انا من عقبها
اشهد انى بالمعيشه \\ مارغبت=لاابعدت وانا \\ اتمنى قربها
ليتنى قادر \\ على قلبه نهبت=وصرت له \\ داه او دواه وطبها
اه يامن \\ للعقول انتا سلبت=العقول اللى \\ خلقها ربها
خاف ربك \\ فيك انا كم انكبت=صحت بعالى الصوت \\ قلت احبها
كاس حبك بالغلا \\ منه شربت=وزاد طعمه \\ قلت صعب اكبها
ضاع فكرى ما اعرف \\ الجمعه وسبت=وانتى من للنار \\ بقلبى شبها
طفها يامن \\ بقلبى كم لعبت=لعب روبرتو \\ الى من قبها
ياعيون اللى \\ على كفى قضبت=اشقر اوعينه \\ لصيده صبها
وياعنود الصيد \\ فى لعبه طربت=عذبتنى \\ قبل ما اعذبها
عن دروب العشق \\ انا كم قلت تبت=بس لك قلبى \\ فلا حسبها
قول كانى \\ من حياتك انسحبت= اعلنه بالصوت \\ لى او نبها
با تّقبل \\ لو بقولك ارتهبت=بس كلمه \\ لاتقوله خبها
الفراق ارجوك \\ انا منه ارتعبت= غيره لانى \\ اكثر سبها
خص لاجت \\ من عواذل اخطبت=فار دمى \\ فى عروقى وضبها
والله لولا الله \\ بالجرم ارتكبت=وكل ما بالراس \\ اطحن حبها
قل انا فى مشكله \\ ترنى نشبت=هاتى لى قصه \\ وابى تفبرك بها
كثر الاعذار \\ لو فيها كذبت=دون لاشوفك \\ رساله اكتب بها
وكان ماتقدر \\ فانا لله طلبت=يرفق بحالى \\ وانا ميت بها
بصبر ومن هو نشدنى \\ وش كتبت =قلت عفت الشعر \\ انا من عقبها
يامنال القلب انا جفنى سهر=مارغب للنوم ويطلبك الولا
لو تبى اسهر لعينك الدهر=بقلب لاشافك يانادى ياهلا
احفظي قلبى بكفك كالمهر=اغلا ما املك هديه يالغلا
قلبى لو انه حديد ٍ انصهر=منك يامرسل سهام ٍ تقتلا
من يشوفك فى تأمل انبهر=صعب وصفك فى جمالك مذهلا
يامليح القد يا ورد وزهر=ياعنود الريم قايد بالفلا
لك شبيه ٍ واحد ٍ لامن ظهر=صعب افرق بنينكم حلو وحلا
اشهد انى دون شوفك فى قهر=لو لمحتك زال همي وانجلا
لا ثوانى لا دقايق لاشهر=عنك انا ماصبر وصعب اتحملا
بعلنه للناس انا سر وجهر=دام من حبه على الناس اعتلا
يامنال القلب ويا اعذب نهر=ارحمي من هو بحبك ابتلا
خلاص يكفى عن المرقب فلا ارقبـه=القلب منى مع الهاجوس يلعبـى
يطرى عليا زمان(ن)صعب ما أسبـه=ماضى ولامن ذكرته قام يثر بـى
لى صاحب(ن)بالغلا مبلى انا بحبـه=دار الزمان أو مسك دربه وانا دربـى
كن العسل فى شفاة الزين منكّبـه=ماذقتها بالخيال اقسمت فى ربـى
وياغصن موز(ن)تمايل به اليا هبـه=والعين عين اشقر(ن)فى مسكته صعبـى
ويابو جديل(ن)مع النسناس يلعبـه=والخصر ناحل واذا نطّح يعذبـى
يامن يوصل كلامى يومى اكتبـه=اطيب امانى معاها العذر ياثقبـى
قله حبيبك تقل فى نار منشبـه=يوضى سناها الا من طيفها هبـى
والله واللى جعل يونس وسط غـبـه=حبك ذهب صافى(ن)بالقلب منصبـى
امن اول (ن)لىصديق وصادق أبحبـه=ماكنت احسبه مصالح همه النهبـى
افشيت سرى فرح مع من هو اثقبـه=ولاحسبته مكيده منه يضحكبـى
يضحك وكن الليلى السود فى قلبـه=مابين غل(ن) وحقد اوكره متخبـى
وقت العزايم احب اجلس انا بقربـه=الجمع ضحك(ن)وشمت وزودها سـبى
كثر الكلام اوكلامى وصل للشبـه=وصارت حديث القرايب ما بها طبـى
احد(ن)يشمل بها واحد(ن)يغربـه=وصديت عنى وانا أرجيك فى قربـى
واليوم كلمه بعالى الصوت با أنبـه=قلتى الفراق أو لجل ما أزعلك با ألبـى
من هذايانى اقل من متواضعه ولابد للشاعر من متنفس ولايجد الطريقه بما يريح به النفس الا من نثر الحروف اللتى تمنى ان تنال اعجابكم
اتمنى ان تنال القليل من الرضى والقبول لديكم ولدى ذائقتكم عبق الورد لكل من عطر المتصفح بتواجده
لاتجاهلت الخطا ماهو غبا=بس ردي لمثل شرواكم جهل
انت مثل الطفل لا منه حبا=ان زعل والا رضى امره سهل
علموا بلقيس انا مانى سبا=ولاعبدت الشمس بوذى اوكهل
ولاتبعت الغاويه عهد الصبا=ولا كفرت بخالقى كـ ابو جهل
مؤمن ٍ باللى جعل روح الدبا=لامشت غطت جبلها والسهل
ولاجعلت من الخبر اسوأ نبا=ولانقضت الحكم فى كيفا وهل
بس مثلك لاحظر اكبر وبا=من سموم الحقد كفك له نهل
الكرامه طبع وقلبك له أبا=لو تجي عقلك من اسبابه ذهل
ما ابيك ولا أباك ولا نبا=بمصطلحنا افهمه على مهل
اشهد ان الطيب فى مثلك هبا=مانفع بك لو هو كالماطر يهل
شوك جانى منك فى صدرى ربا=ما اظن انساه وانتم له أهل
(((((الطوفااااااان))))))))
كما يوجد ردى عليها وامل ان تحوز على رضاء الجميع
ولكم تحيتى واحترامى لكل من قراء القصيده
عزيل عينى
عزي لعين(ن)يابوضاري بهـ الليل=تذرف غزير الدمع لوا عمايا
ويامل قلب(ن) فيه هم وغرابيل=تجمعن باالجوف وسبب شقايا
على الذي له في فؤادي منازيل= دق الغلا والشوق وسط الحشايا
ماسمع به العذال لو قيل ماقيل= وماسمع به الكذاب واهل الوشايا
من دون وصله ماتزين التعاليل=الا وهي قدام عيني معايا
وان غاب عني بادلن بالمراسيل=يروي عروق(ن) من بعدهم ضمايا
هي الفرح..هي الأمل.. والمواصيل=هي المرض..هي العلل.. هي دوايا
هي الشموع المنوره والقناديل=هي النجوم الساطعه في سمايا
وبـ ليلة(ن) ظلما تقول افهم القيل=بقول شي(ن)وافهمه ياهوايا
افهم كلامي واعرفه دون تفصيل=كلمة وداع(ن) قال ترها النهايا
وأن مر يوم وجيتكم مع ضوا سهيل= ترني ضعفت وردني من البدايا
قلت اغليك انا والله باالحيل بالحيل=ولو تطلب الثنتين ترهن فدايا
قال اغليك ياالطوفان من غير تمثيل= ولو باشرح الموضوع تطول الحكايا
قفى وخلاني ثابت كما الميل=واحترت انا مابين ذيك الزوايا
قفى ودمع العين مثل الهماليل=قفى وهو بيقول لوا عنايا
ورجعت والياس معانق الويل=قدام عيني ماتفارق اخطايا
ورقيت لي مرقاب وبهرت المعاميل=اقنب قنيب الذيب واجر العوايا
وقلت انساه!!!لا والله سابع مستحيل= وشلون ابنسى والخفايا خفايا
ياالله عسى دنياه كله تساهيل= وترشده ياربي لطريق الهدايا
ومرجع انا لوكان وحده بهـ الجيل= وذي عادتي ياعقاب منظر ورايااا
الرد عليه
نجمة الليل
عديت بالمرقاب وعفت التعاليل=يوم الخبر جانى وزود بلايا
من واحد(ن)يشكى هموم وبهاذيل=رجه خبر مرسول زين الحلايا
لحيت والله فى سؤالك وبالحيل=تبى ألأجابه وألأجابه خفايا
سألت يالطوفان عن نجمة الليل=اللى لها بالقلب عندك بقايا
اللى معاها زان وقت التعاليل=واللى على اخلاقه فلا له حلايا
النادره مثله قليل(ن)بهــ الجيل=اركت على كبدك لهيب أو كوايا
ما ألوم قلبك لو تجر المواويل=عشرة شرف فازت بكل المزايا
دنياك فيها العجب والتهاويل=واليا أحكمت صعب(ن)عليها العصايا
ناس(ن)تحجب السد ما حب للقيل=وناس(ن)تبوح السد معك أو معايا
ولك صاحب(ن)جنب عليك الغرابيل=خلا همومه وسط قلبه شظايا
عارف مهو راجع ولا فيه تأجيل=امر(ن)جرا ما هو بسرد وحكايا
حارت ودارت جارفه واهج السيل=فى ها الزمن ما لك عليها قوايا
((غابت وحّده عنك الجدى وسهيل=حتى الثريا له معاها سوايا))
وانا اعرفك من زحول الرجاجيل=مالك على المقفى رجوع وهوايا
ماشى بدربك تعرف العدل والميل=أمسح أثار الحب واخف البقايا
ملاحظه // البيت اللى بين قوسين القصد انه مظمون القصيده لا لشخص اخر
وسلامتكم
اخوكم
عقاب النهار
تدرى وش اكبر جرح دامى ولا يطيب=ان الاسود اتموت وتبقى الـ /بساسه
البارحه لاداعين ٍ لى ولامجيب=فى ليل موحش مفتقد للوناسه
شبيت نارى للدلال المجاذيب=واخذت فنجال ٍ يطير عماسه
ذريت وجهى عن سموم اللواهيب=وغصت البحور بقاف شعرى وقاسه
وطرقت انا ابياتى سيوف ٍ محاديب=يطرب له اللى هاوى الشعر ساسه
وفكرت بالدنيا وخظت الاصاعيب=ومريت فى جور الزمن وانتكاسه
لبست جلد الشاة لاشك انا الذيب=اعرف قوانين الحيل والفراسه
اخذتها الدنيا دروس وتجاريب=ماهى شهاده عن فصول الدراسه
تدرى وش اللى يجرح القلب ويصيب=شخص ٍ جحد طيبك بالاقدام داسه
وتدري وش اللى للرجل دايم ايعيب=من يجحد المعروف وعقله براسه
وتدرى وش اكبر جرح دامى ولا يطيب=ان الاسود اتموت وتبقى الـ /بساسه
مات الفرح ماعاد ابي اى ترحيب=دام الذهب قفى وباقى نحاسه
ياوجد حالى وجد من عارضه شيب=باول حياته صار همه لباسه
وافى ولاقصر بفعل المواجيب=وكثروا عليه اهل الحسد والـبلاسه
ياذا السحاب احذر عن النجم لايغيب=ماتجيبه الحيله وكثر السياسه
مافاد ياجساس غدرك مع اكليب=واكليب صاحب ملك وراعي رئاسه
ادمح واجامل كنى ماشفت تخريب=واغضى وكنى من فقد كل حواسه
اضحك على روحى بحيله وتلعيب=على حسن نيه تركت النجاسه
وان كان تجهلنى فغيرى لك ايجيب=وافى مع الاجناب ولابى خساسه
انا ولد من ذاع صيته على الطيب=بين القبايل غير ربعه وناسه
على نهج فعله اخذناه تدريب=كل ٍ على جسمه خذا الثوب قاسه
بعطيك جمله رتبه خير ترتيب=لاتضيع المعنى يقولون حاسه
ان قاله الله شدن الركب يالذيب=مارجع ولو فمك على الكوع باسه
لهيب الصيف لا عوُد * ورمضى القيض جت ضدك= فرشت الكبد لك ماطا * عن الرمضي على دربك
حسبتك بالغلا الاول * بدون اشعور ما عدك= تربع وسط عرش القلب *وتاتى الخلق من عقبك
تمون وتامر وتنهى* قسم بالله ما ردك=لانك قطعه من روحى * ورب البيت انا احبك
قسيت بصالحك لحظه*وبان اليوم لى صدك=على كيفك *تحت امرك*ومهما قلت ماسبك
بكيت بلحظة اغيابك*ودمعه حارت بخدك=زعل * غيبه* عتب* فرقا*قسي فيها علي قلبك
تبي ترحل على كيفك*حبيبي مثل ماودك=أمانه يوم تسأل به*تقول الحق فى ربك
اذا كان الجفا طبعى*واذا فى يوم انا ندك=بلهجتنا وبالبفصحى* تقول اليوم ماخطبك
نصيحة من سهر ليله*كتم سده قبل سدك=نثر دمعه خفا* لامن باسمك* واحد ٍ نبك
ترى من عارضك*فى شى *وعن رغبه اهو لدك=وعاند مايبي خلقه*تضاحك به وتضحك بك
يبي لك عز ولا تعتاز*ويحذر قول وش قصدك=بعيد ٍ عنك وبالشده * تشوفه دايم ٍ جنبك
تري ثوب الغرور ان كان *فى لبسه يجي قدك=محد فصل مثل خامه*وكل ٍ مايبي قربك
تباهى بالعقل لكن *اذا جور الزمن هدك=وطاح الفاس* بوسط الراس*يكون الكي اهو طبك
على متن الهوى يلعب *بعقلك جزرك ومدك=من امواج السطر* طوفان*سببها كلمتى وشبك
اسامح طيب من عندى *واحسه راح من عندك=عسي الله يرحم احوالى* ويفرج ربنا كربك
العضو الأكثر نشاطاً هذا اليوم 
العرض المتطور
