كل ما بقى منك "أسرار"
من كل أحد عليها
"أغار"
أركنها وأخبيها
وأخاف لا أحد يدري فيها
وحيل أتضايق
لا شفت من البطا عليها
"كومة غبار"
كل ما بقى منك موجود
دبله وميداليه وساعة يد مرميه
وكم قطعة ورق مطويه
وبقايا عطرك على قطعه سوداء ملفوفه
وقلب أحمر داخله أوراق مصفوفه
ورسمة ورده كانت منك هديه
كل ما بقى منك موجود
إلا إنت!
تغيب سنين! .... وترجع تبين
تهلوس لي بالغلا وأهلوس معاك
تعشمني بسماء وأطير وراك
تسقيني ضما وأروي ضماك
كل ما بقى منك أسرار
من كل أحد عليها أغار
خذها وريحني ..... وأرجوك سامحني
حبستها بدولاب!
إلين عابت كفوفي عنها
وكف قلبي ما عاب
أنبض لها لمس
وأسولف لها همس
وأنشدها يا صاحبي عنك
وتجاوبني يا عاشق وش هو ظنك؟
وأبكي حيل واتألم
كنه فراقنا أمس
وأحسب سنين غيابك
وألقى الجواب "خمس"
العرض الشجري
