ودعتها واخفيت عنها دموعي

ودعتها واخفيت عنها دموعي
خايف تحس بحسرتي والتياعي
ودعتها والقلب مني جزوعي
جزع ٍ من الفرقا قليل المساعي

حيث الفراق لمن تولع يلوعي
لوعات فرقا ماوراه اجتماعي
في لحظة التوديع هديت روعي
بيني وبين النفس تم الصراعي

اخفيت ماحسيت بين الضلوعي
خايف عليها لاتحس بضياعي
قالت بمان الله وانطر رجوعي
واشرت بالتوديع حال استماعي

ساكت ولا رديت ماهي طبوعي
من عبرتي تفرض علي امتناعي
حان الرحيل وحان وقت الفجوعي
واقفت وانا عيني عليها تراعي

بين الرجاء والياس صبري يبوعي
على الوداع اشلون قلبي استطاعي
من عقبها اسهر مسندي راس كوعي
لا نام خالي البال تميت واعي

تومي بي الحسرات من غير طوعي
هذا الغلا ماهو غرام ٍ صناعي
اللي لأجله هان عندي خضوعي
والله ماانسى دمعته في وداعي

منقوووووووووول