.•ܔ•[ ديوان الشاعر محمد اديهم]•ܔ•.

[TABLE1="width:95%;background-color:black;"]

ما كل ما يلمع ذهب .. نحاس


http://www.b3b7.com/vb/showthread.php?t=72287

اموت مشكي ضيقت الحال للناس = حتى لـــــــونه اقرب الناس ليه
مهما يجور الوقت ماوطي الـــــراس =ماسارت اقدامي بدرب الـــرديه
يلـــعنك يلي بيــــن الاجــــــواد بلاس =مابك بنفسك بالـمواقف حــــميه
ماكل مايلمع ذهب بعـــــــضه نحاس = اصابعك بالكف ماهي ســـويـــه
الطيب في لبس الرجل صــار ينقاس =ونفسه من سلوم المراجل خـليه
الطيب يبغى قــــــرم مايشكي الباس =يعطي ولا فــــــــكر بجزل العطيه
الطيب من جده لــــــجده على ساس =قرمن عزومه بالمواقف قــــويه
وقاع البحر يبغى خبيرن وغـــطاس =يصعب على عفنن عزومه رديه
والحر حـر وماكــــره فيه قرنــــاس =وكلن على ماقيل يشبه خـــــويه
بعض البشر مابه ولو ذرة احساس = عفنن ولد عفنن سواة الرمـــيه
ودرب الردى ماقد ذكر فيه نوماس = وترى الغني من كان نفسه غنيه
الناس فيها اشكال ولوان وجنــاس = والفرق بين النــاس بالمــــقدريه

معشر الجن


http://www.b3b7.com/vb/showthread.php?t=71101

البارحه مــــع هاجس البـــــال سجيت =بين الامل واليأس وضـــــــروف دنـــياي
كــــن الحشى وسطه يفجر دنامـيــت = كنـه يسير الـسم في داخــل حشاي
وحضــــرت بوكي والقلم ثـــم غـنيت = الفكر يملي والـــقلم وســــط يمـناي
قـــــلت احضرولي ياشيوخ العفاريـت = يالله تعــــــــالو حضرو كلكم جــــــاي
قالو حضرنا وطــــــلب الي تمـــــنيت = ان كان تبغى الشـور نبديلك الـــــراي
قلت احضرو مرجان من وسط تكـريت = ومن الهند جيبو شاعر الهند عــــداي
وثم احضرولي سيـد الجن للــــــبيت = ومن لاحضر اسجل اسمه من اعداي
وتجمعـــو عندي على داعي الصيت = وكلن يقول ابشر انا اعطيك مــــعناي
قلت اسمعو قافن من الشعر شديت = وثم اسمعو يامعشر الجن شـــكواي
قالو نعــــرفك شاعر وذايع الــــصيت =شعرك لحن يعزف على نغمت الـناي
قلت البلا حبيت وخلصت ووفــــــيت =وعن الدواء للقلب يهديني الـــــــداي
من بعدها يامعشــــر الجن مليــــت = ماغير اجر الصوت من حــــــر بلـــواي
ومن القهر بالصــــدر اجــر التناهيت =ساهر على الدخان والـــهم مـــركاي
ماينفع المـــقـهور تـــرديد يالــيـــت =خلا حياتي بيــــــــــن بايع وشــــــــراي
الجادل الي ما لغيره تمنيت =ضحك بي العذال وفرح بي عــداي
قالو نجيبه حي ولا بــــعد مـــــــيت = ابشــــــر بعــــزك للمهمات عـــداي

جيتك ونا راسم على الدرب خطي


http://www.b3b7.com/vb/showthread.php?t=70597

تبطي وتبطي ثـــــــم تبطي وتبطي =
حتى يجي نفسك من اليأس احباط

تبحــر وتبحر ماتجي حد شــــــــطي=
عقلك .لمتاهاتي تــرى مابعد حـــاط
لاتحسبني جيت هــــلون خبـــــطي=
مسكين يالمسكين ماجيتك خبــــاط

جيتك ونا راسم على الدرب خــطي=
جيتك ونا عن غدر شرواك محتــــاط

مايجتمع ياهـــيه سني وقبــــــطي=
مذهبك طبق الاصل من طبع الاقباط
عند الرجوع لزوم تقبل بشـــــــرطي=
حتى لـــــونه كلــــــه اخطاء واغلاط
سجين وانا لك على الباب شـرطي=
ولي عصى يتحمل لضرب الاسـواط
قل غطرسه قل ماتبي بس تبـطي=
تاخذ من العـــــــــــزه ولو ربع قيراط

ياحسين الوصف


http://www.b3b7.com/vb/showthread.php?t=70748

ياحسين الــــــوصف قافـــــــك لاتجره=
مايهاب الحـــــــــــــر اجوال الحـــباري
العــــــــــــدو يغتاض والصاحب نسره=
مشينا قــــــــــــدام مانمشي نباري
حالنا مــــــــــــن حمد ربي مستقره=
تابعين لــــــــــــكل مايروي البـخاري
فــــــــــــر قلبي ياحمد تسعين فره=
مـــــثل مايفتر محــــــــال السواري
من عرفت البيض ماشفت المسره=
ليتني بفعـــالهن يالـــــــــقرم داري
لابغــنك وصــــــــلنك للــــــــــمجره=
ولا كرهــــــــــنك احدرنبك للخباري

اموت بس اموت واقف ولا اطيح


http://www.b3b7.com/vb/showthread.php?t=70371

امـــوت بس امـــــوت واقـــف ولاطــــيح =
وضحك لـــوني مــن عنى الوقت مقهور
وزوم زوم المـــوج مـــــع هبة الـــــــريح=
هذي ثقـــه بالنفس ماهـــي ترى غرور
ماهمني بالــهرج لــــو قـــيل تجـــــريح=
ولا يشتكي جذع النخل عش عصفور
حنارجالن مــــــن خلقنا طحاطيـــــــح=

مانقبـــــل الــــــــــذله ولا نقـبل الجور

انــــا بهـــــقواتي بعـــــــيد المساريح=

ولا هزني يابنت ناصـــــر ومنــصور
ومن صد عنه اصد وبوجهي اشـــيح=
ظلام ليل وينجلي بطلعت النــــــــــور

وداعتك تنساه مجبور ياقلبي


http://www.b3b7.com/vb/showthread.php?t=70120

يهاجس الذكـــرى على ويـــن تبحربي=

ابحرتبك والـــريح قطـــع لـــي شراعي

مـــادام دربك يالغضي ملتقى بـــدربي=

على فـــراقي تسرع اقدامك اسراعي

امشي جنوب وصاحبي مـــتجه غربي =

الله مـــن حبن تشيله حدب الاضلاعي

ياقلب هـــــــــون دامـــها ماتبي قربي =

الحزن والهـــوجاس ماعاد لــــه داعي

حسبي على الي اشعلو بيننا حربي=

وحسبي على الي بالوصل قيد ذراعي

ماطابلي زادي ولا طابــلي شربــــي=

حزين قلبي سابح بحر الااوجاعي

وداعتك تنساه مجبـــــــور ياقلــــبي=

مادامك بحـــــــبه جريحن وملتاعي

اضميت ورد الحب ما جيت تسقيه




http://www.b3b7.com/vb/showthread.php?t=69520

جيتك مــعي من ماضي الامس تذكار=
جرح الخفــوق الي بغــدرك طـــعنتيه
كويت قلــبي يالــــغلا بصــــالي النـار=
قلـــــبن يحبـــــك لــيه بيــدك جرحتيه
ماكنت اضــن انساك لو صار ماصار=
بس الغــــــلا بيـــديك انـــتي دفنــــتيه
يكفي خلا ص ارجـــوك وفر هالـعذار=
ورحل مــــادام البعـــد انتـــــي بغيتيه
هذا قرارن صعب مـــن دون مـــختار=
وشلون اصاحب من جرحني وخاويه
خـــلاص مانـي فيـــك حـــاير ومحتار=
كشفت كــــل الـــي بقــــلبك مخــــفيه
يومـــن حــــبك بالحــشى ورد وزهار=
اضميـت ورد الحـــب ماجيت تسقيــه
خلك مــع الي مثل شـــرواك مـــــكار=
ونلقى بــدرب الحب غيــــرك ونــغليه
اسـف ترى اســمك مــــن اليوم غدار=
وسم الغلا من هاتـــفي لازم امـــحيه
وش تنتضر مـــني بعـــد كـــل ماصار=
اجيــــــك وتـــرجاك والعـــز نــــرميه
لاوالله الـــى العــــز مــــادونه اخـتار=
خذها صريحــــه قــــربك اليوم مابيه
ماني ونا محــــمد على الــــذل صبار=
ولامشي ورى المقفي اصوت وناديه
بالعزامشي لــو علـــى صـــالي النار=
ولو يبعد المشوار بالــــعز نطـــــويه

بدون عنوان ؟


http://www.b3b7.com/vb/showthread.php?t=66707

دنــــيــا تـــســـير بعــــكس تــــيار الايام =دنــيا حقــــيره ماعــرفنا خــــفاهــا

تـــوطي اعـــضامن وتـــرفع بها اقزام = ناســـن حقـــيره وعتــلى مســتواها

رفــــعت راسي فــــــوق ونــضر لقــدام=ماركض ورى دنياي ومشي وراها

ماركض ورى الي عيشته عيشة خمام =بالــــذل والــذله حياته بــــنــــاهــــا

رجــــولتي ماهــــي مــــلابس وهنـــدام =رجـــــولتي فــــي داخلي مبتــــداها

القاف هـــــاج وساج بالراس مــــزحام=والنـــفس يامــــشكاي اعرف بلاها

لاتحسبون الشـــــعر شخـــــطه بالقلام =الشــــــعر هيبـــــه للـــنفوس ودواها

والله جعم كبدي خــــرابيش وصــــخام =قيـــــــفان تجعــــم نفـــس منهو قراها

صبــــرت لــــين الصبر الجمني الجام =والمشـــــكله كلــــــن يصــــــفق وراها

المعذره اوجســــــت في داخلي زحام=والساـــــلفه هـــــــاذي ترى منــــتهاها

جيت المكان


http://www.b3b7.com/vb/showthread.php?t=68374

جيت المكان.ولفني شوق وهيام=
ورجعت بالذكرى لوقتن مصافيه
وقمت اتذكر يــــــحمد ذيك الايام=
وبحرت في ماضــي طوتني لياليه
هنّيا جلسنا نسهر اللــــيل مانـام=
وهنّيا تبادلنا العــــــــتب والمشاريه
وهنّيا مسحت الدمع بطراف الكمام=
ايوالله هنـــــّـيا ولاني بنا ســــــــيه

ايام مـــــرت كنــــها طيف الاحلام=
يومـــه مصافيني ونا كنــــت مغليه
ليت الوصل ياخوك مـــن بيننا دام=
وليت الزمن ياخوك بين خوافيـــــــه
ولحين شفني من عنى الحب منضام=
وقلب الشقى ياخوك لجله مـــــــعــنيه

عتاب احـباب


http://www.b3b7.com/vb/showthread.php?t=68068

ابكتب للهوى غنـــــوه . وسمــــيها عـــتاب احــباب=
ابرسم حزني الكامن. بلــوحـــــة شــــــعر منضـوره
ابشـــــرح كل مأساتي . خفـــــوقن بالــغدر منصـاب=
ابقتل داخلي صــــــمتي. وحطـــــم للـــمــلا ســــوره
تعالي وقري حــــــروفي. تعـــــالي لو غدينا اغراب=
تعالي وحرقي بـــــاقي . مشــــــاعر حـــب مكسوره
يضــــــيق الكـــــون بعيوني. تركتيني بلـــيا اسباب=
اذا غيري مـــــلك قلــــــبك . واسمــــي انتهى دوره
انانيه انانيه انانيه . رحلــــتي مافتــــــحتي بـــــاب=
تحسبين الهــــــوى لـــــعبه. تحسبين الغلا كــــوره
انا اخـــــــطيت يومني . اصــــدق بالهوى كـــــذاب=
رحمت الـــــــدمعه بعينك . دموع الـــــغدر منـثوره
الا ياكـــذبت سنيني . قــــطر ســـــم الغــدر بالناب=
ركــــز ناب الـــغدر فيني . وتركت النفس مقهوره
ابرحـــــــل وسكن بجرحي . وسجل قصتك بــكتاب=
وخــــلي مـــن اتى بعدي . يشوف الغدر بالصوره
بحر جده وصدى الـــذكرى تذكر وعرف الاسباب=
ترى دهـــــمشتها لجــلك . ونا الي اثبت حضوره
الا يــــــــامن قرا خطي . تذكر هالحروف انساب=
عسى تـــــعرف من الشاعر.انا للـــــقاف دكتوره

صرخة خفوق


http://www.b3b7.com/vb/showthread.php?t=67983

لاتحسبني يـــوم صـــديــــــت مابـــيك =لاوالله انــــــــك بالـــغلا مــثل روحــي
اغليك ولي خـــالق الكـــــون اغـــليك= وغـلاك عـــمر في حشايه صروحــي
في صـــدتي كــــل المـشاعر تنـاديــك=ادخـــل علـى الله لاتــزود اجــروحــي
اطلب بعد روحي ترى الـروح تفـديك=جيتك بحـــبي والمـــــشاعر تبـــوحي
ارحم خفـــــوقي مـــن جفاك وتغــليك=اسمـــع صدى صرخات قلبن ينوحـي
لو قــــلت انا ساليك مـــــاني بسـاليك=حـــــبك سكن بالقلب ماهي امــزوحي
ارحم خفوقن بالمـــــحبه مصافيــــــك=ازهمك تكفى كــــان للصــــوت توحي
تكفى لـريـــح الوصل فـــــك الشبابيك=المــــــوت عقبك يالــــغلا لي يشوحي
هذا اعتراف الي مـــــن الناس مغليك=بالكيبورد ســـــجلتها بنـــظم بــــوحي

الى امي مع التحيه


http://www.b3b7.com/vb/showthread.php?t=67721

يمه صحيح اني كـبرت=بس اني بعينك صـــغيـــر
يمه ابرجع لك طــفــل= مليت ابــــي ضمت حنــان
يمه يايــمه امسحـــي= دمـعه بعيني تستــــجـــيـر
مليت يايمــه ابـــــــي =ارتاح من جـــور الزمــان
تعبت وتعبت خطوتي= مليت مــن كــثر الـــمسير
يمه ابي حضنك دفــا=حـظنك يايمه لي امـــــا ن
يمه ابي ظمة غـــلا =يمــه ترى حزني كبـــــيــر
شابت بعيني دمعتي= وجيتك ابي ظمت حنــا ن
دنيا بدونك مظلـــمه = ونتي لي الشمعه تنــــــير
انتي صـــــدق ماتغدرين=لاشفتك اشعر بالاما ن

تعال وش باقي من العمر نفنيه


http://www.b3b7.com/vb/showthread.php?t=67299

تعال وش باقي من العمـر نفنيه=
بين الفراق وبين دمــــعه حزيــنه
تعال قصر الحـــب انا ونت نبنيه=
ونكتب على الآطلال فرحه سجينه
بعدك ورب البيت ماني بــقاويــه=
دامك بحر وانا بوسطك سفيـــنـــه
تعال ورد الحب انا ونت نســـقيه=
ونضوي بشمع الحب جو المدينــه
انت الوحيد الي من الناس مغليه=
تكفى ضرير الحب امسك ايدينــــه
ارحم جريحن دوم تبكي ليالـــيــه=
ادموع فرقى الولف حبسه بعينه
عشرة سنين فراق للقلب تكفيـه=
مليت من فرقى السنين العيــــنه
جيتك وقلبي لك من البعد مهديه=
خلاص عمري راح وقفت سنينه

النـــــسيـــــــان


http://www.b3b7.com/vb/showthread.php?t=61281

جيتك من النسيـــــــان ابحـــــث عن الــــذات=
وفي عــــــالـــــــم النسيــــــــان حصلت ذاتي

جيتك غريب ومن بــــــــعيد الـــــــمســــافات=
ميـــــت ابــــــعـــــــلن فـــــوق صدرك وفاتي
في رحلــتي لـفيت كــــــــــل الــــــــمــحـطات=
ورجـــــعتـــلك هــــــــمـن لــــبستــــه عباتي
واليــــوم جيــتك يـــخــنق الهرج عـــبـــرات=
تمــــــــوت كلمـــــات الـــــــفـــرح ومــنياتي

جـــــيتـــك الـــم وجراح كـــــلي مــــتاهـــات=
صمـــت وســــكون ولـــيــل حــطم حياتـــي
خلـــــي لــــقــــــانا بـــس بالـــــعين نضرات =
بدمــــوع عيــــن انتــــــرجـــــم الخــــافياتي
جيتــــــك وحبــــــك داخـــلي مابــعد مــــات=
جــــــيتك اشـــــيل بـــجعبتي ذكريـــــاتــــــي

جيتـــك نهايت درب وبـــــحث عن الـــــذات =
ميــــــت وبعــــــلن فـــــــوق صدرك وفاتي