الدخيل في عرف الباديه وانواعه :-
للدخيل في عرف الباديه ثلاثة انواع :-
الاول: الطريد ..
الطريد هو : اذا وقع الشر بينك وبين احد ما وهرب منك وقمت تلحقه
واثناء الملاحقه اتجه الى بيت او قطين بدو وهو يستفزع !! هنا !
يجب عليك الإمتناع عنه اذا دخل في حدود البيت .؟
واذا دخل البيت وانت تلحقه وكان راعي البيت غايب !!
يقمن الحريم برمي بيت الشعر عليه كنايه على انه صار من حرمة البيت !؟
وحدود البيت عند البدو هي حذفة عصى من البيت <<< وهذا مقياس المسافه
هناك حالتين نتجت عنها الملاحقة :-
* اذا صوبته وهو حول البيت ؛ يجيبون رجال نشيط ويعطونه عصى تقارب عصى
الراعي ويخلونه يرميها بكل قوته ، واذا تعدت المكان اللي صوبت فيه
الطريد ،، يركبك الحق ؛ ويستقضي منك راعي البيت على حسب العرف .؟
اذا مات فإن الرد يكون مربع يعني القضا اربعه الا اذا جا فيها صلحه !؟
واذا هي طقة عصى وتصويب بس ؟ له غرم مال او صلح !!
* اما اذا اصابتك له كانت خارج حدود حذفة العصا فهو ما زبن وخصومته معك
تبقى بينكم !؟
الثاني : المنيع 00
المنيع هو : اذا وقعت غزوة او معركه ورمى خصمك سلاحه او صوبته وفقد
قدرته على القتال ؛ هنا يستمنع عليك !!
ولا يبقى له عندك الا حق الدخيل؟!!
اللي هو الحمايه والعلاج اذا لزم وعقبها تطلقه بدون ما تضره ،،،
والثالث : دخيل البيت 00
دخيل البيت او طريح البيت هو: اللي يزبن عليك ويطيح في بيتك ،،،
ينقسم الى ثلاثة انواع ايضا ً:-
1- دخيلك وانت خصمه !!
هذا النوع يبرز معاني الشهامه عند اهل الباديه !!
يعني اذا ذبح واحد احد عيالك ـ لاسمح الله ـ تدخله بوجهك
عن باقي ربعك وأولياء الدم ثلاث ايام يسمونها المهربات .؟
بمعنى انك تعطيه فرصه يهرب فيها عن اهل الدم الى ان
يدخل على ناس يحمونه حتى تنعقد جلسة القضاء ويحكم له او عليه !!
2- دخيل " واقف شليل" !!
وهذا اذا صارت الخصمه بين عيال عمك وانت طرف ثالث !!
يعني ما تقدر تميل مع احد ضد الآخر ففي هذه الحاله
تدخله " واقف شليل " .؟
وهو انك تدخله بوجهك وترافقه الى ان توصله ناس يزبنونه
واذا وصل ينتهي دورك ..؟
3- طريح البيت !!
وهذا النوع اشدها واطولها مدة واكبرها قدر .؟
وهو ان يدخل الدخيل ويطيح في البيت عند راعيه وبكذا يدخله !؟
وكان الناس يدخلون على اللي له قدر وشأن رفيع ،،
لان دخيل البيت يبي له امور غير الحمايه ؟؟
يبي احد يتوسط له ويسوق جاهته وماله ويحاول يحل الموضوع بالحكمه
والتراضي او بالقضاء !!
واذا صار الدخيل مظلوم وجايه جور فإنه ينصره لو تاصل للحرب
هذهـ القوانين ...
وضعت على شان لا تكون الأمور متروكه تتحكم بها شريعة الغاب !!
والخوف من معالجة الأخطاء باخطاء اكبر منها .؟
ولم توضع لحماية الجاني بقدر ما وضعت لكي تهدأ النفوس !!
ولإيجاد الفرصه والوقت الكافيين للحل العادل لمثل هالقضايا .؟
الموضوع منقوووووووول من منتديات شمر
والف شكر لكم
عاشق
العرض الشجري
