من لايخاوي شمر الجود غلطان >>>> ورد الحسيني له """""

السلاااااام عليكم ورحمة الله وبركـاتــه

تسييــف الحــــــــال ؟؟ انشاءلله بخيــر

ماطول عليكم اتركم مع القصيده

من لايخاوي شمر الجود غلطان ------- من غير نقص في جميع القبايل
خويهم والله مايبلش بالأحزان ------- اليا نخاهم يصبح الهم زايل
خويهم يحظى بتقدير واحسان ------- مع حشمه وتقدير للفخر نايل
شمر هل الطولات لاقيل فرسان ------- وقت السيوف المرهفه والأصايل
شمر طنايا يوم زيغات الأذهان -------- عدوهم شاف النجوم الهوايل
شمر اليا قلنا هل السيف شجعان ----- قالوا : نعم صادق اشيوخ الحمايل
شمر لهم تاريخ في ماضي الأزمان --- فيه أطيب العربان تضرب مثايل
وبوقتنا الحاضر بهم بوش بلشان ----- وروا علوجه فالعراق الهوايل
شمر هل النوماس في وقت الأكوان -- اللي يردون الملايل غلايل
الابه اللي ذكرهم للعرب بان ------ ياكم ثنوا لاصيحن الحلايل
شمر مقر الجود للجود عنوان ------ لايابعد حي العرب ياهل حايل
شمر سناعيس على الضد بركان ---- يشهد لهم فعل السنين الأوايل
بنوا اشعار الجود في طي بنيان ----- لو زالت الضلعان ماهو بزايل
شمر لمن يشكي من الضيم مزبان -- لاصارت الحيلات عنده قلايل
والله لايرجع بعد الأحزان فرحان --- ينزاح حمله بعد ماكان مايل
قول على حق ودلايل وبرهان --- يشهد له التاريخ والشك زايل
مهما كتبت بشمر الجود قيفان ---- ماني ملحق ذكر كل الخصايل
ماقلت غير الحق والحق سلطان -- قلت ومعي حجه وكل الدلايل
وأنا من الهيلا هلا الطيب عتبان -- زبن الدخيل وعوق مخطي وعايل
في ساعة فيها يتساون الأثنان --- الموت والا نكستي بالجمايل

الشــاعــر (( نايف بن بندر بن محيا العتيبي ))

وهذا الرد ..............

هات القلم واكتب جديدات الأوزان -- واكتب سلامي في جديد المسايل
وصل سلامي والتحايا لحوران -- حر تعلى فوق كل الطوايل
نايف ولد بندر سلايل كحيلان -- ابن محيا ياعريب السلايل
البيت مايبنى على غير سيسان -- للعلم نقال وللقول قايل
وانا دليلي ياهل العرف مليان -- مليان بعلوم الصخا والشكايل
عليك بالعتبان ياصرت بحلان -- لاسكرت دونك جميع الوسايل
عتبان ياقلنا كلام بحسبان -- عتبان ستر منقضات الجدايل
عتبان لاصارت عجاج ودخان -- يردون علم الموت علم صمايل
عتبان لاصار الحكي شيئ وكدان -- عز الخوي لاشاف حر الملايل
عتبان لاعدوا هل الطيب والشان -- مع اول العربان قول وفعايل
عتيبه كما سيل محادير جيلان -- لاساقه المولى كريم السبايل
أهل النقا والجود في كل ميدان -- أهلا الحميا والعلوم الجزايل
للخايف المضهود عزوه وخلان -- وللخايف الموت الحمر والغلايل
وماسب انا العرب ظلم وبهتان -- كل القبايل له فعول ثقايل
وحنا الطنايا ماكر الجود يافلان -- لاعودت للسيف قدح وفتايل
الذيب عشيناه حيل وخرفان -- للطيب نتعب وماندور بدايل
وهذا مردي فيه شكر وعرفان -- للابه اللي كل فعوله جلايل
لروق مع برقا شباب وشيبان -- من غير خص في فروع العوايل
والمعذره وان كان كان بالقاف نقصان -- منك السموحه يارفيع النزايل
تم الكلام وزبده الهرج نيشان -- ورد الجمايل حق لأهل النفايل
وصلاة ربي عد ماهل ودان -- على الرسول اعداد عشب الخمايل

الشــاعر (( نهير بن نمـش الحسينــي الشمـري ))

وصح لسانك يالعتيبي

وصح لسانك يابو نمــــش