." جــــابر بـــن غازي المطيــري "..

\


السلام عليكم ورحمة الله وبركـــاتهـ.


تحيه مسائيه طيبه وشاعريه للكل


واليــووم حبيت اشارك وياكم بأحد شعراء شاعر المليون.


بالرغم من صغر سنه. الا انه كبير في شعرره





الا وهـــــــــــوو شاعر البيرق " جابر بن غازي البطحي المطيري "

من دولة الكويت الشقيقهــ.








طــآل الجـفـا , وأنــا شـعــوري غـيــر
................... عن ذكرياتي وأقـرب , أمآلـي

أحـتــرت مـــدري هالـسـنـه شيـصـيـر
................... وشلون لو يبقى علـى بالـي ؟

الـغـايـب ,, الـلــي زادنـــي تـفـكـيـر
................... يا كثر ما يجرح , وهـو غالـي

أحـيــان اشـــوف احـلامـنـا ,, وأغـيــر
................... وأحيان مدري ويـش يبقالـي ؟

وأحـيـان احـــس ان الـزمــان بـخـيـر !
................... وأضحك لا شفت وجيه عذالـي

الـحـلـم راح , ومـــا لـقــى تـفـسـيـر
................... ولا فيه غير ابقى على حالـي !

يالـصـمـت سامـحـنـي عـلــى التـأخـيـر
..................... مليت اداري صوتي , العالـي

كـــان المـسـافـه , مـالـهـا تـأثـيــر ؟؟
................... الجرح ,, له عامين (( يبرالي ))







"غيآب الحبآيب كدر" .. !


عــذري مــن اعـمـاق قـلـبـي وانـــت وش يـرضـيـك
............................... وان فاح عطر المسافه لا يطول الصبر

تـمــوت بـيــن الـحـنـايـا .. والــغــلا يـحـيـيـك ..!
................................ والحب مثلك نزف بين الضلوع وكبر

رح كــلــم الـذكــريــات وقـلــهــا , وش فــيـــك
............................. عشان ينبت على تراب المحبـه شجـر

ويــن انــت عـنّـي عـجـز صـوتــي وهـــو يـدعـيـك
............................... العمر محسوب وفراق الحبايب كـدر

لا صـــار صـوتــي دروبـــك والـسـهــر طــاريــك
................................ اكيد الاوهـام تتعبهـا دروب السفـر

ولــو قـلـت عـقـب السنـيـن الـلـي مـضــت مـابـيـك
.............................. كان استحا الحلم من قلبي وطاح العمر






" .. ليل إلمفآرق .. "


حــادي الصـمـت مــا عـنـدي لصمـتـي بـديـل
..................... وانت ليله تغافلها الجفـا مـا درت

ويــن اودّيــك يــا هــمّ ٍ بقـلـبـي ثـقـيـل ..؟
..................... جعل تسري بك الليله ليامن سـرت

ايــه خـايـف عـلـى دمـعـة عيـونـي تـسـيـل
..................... ما قدرت اتجاهلها وهي ما أقـدرت

كانـت اصـعـب عـلـى نفـسـي مــن المستحـيـل
.................... لين سالت على شان الغلا وأعبـرت

عـزّتـي تـطـلـب الـفـرقـا بـيــوم الـرحـيـل
.................... لو جروحي على طول العمر ما برت

جـيـت عـابـر سبـيـل ورحــت عـابـر سبـيـل
..................... والمحبه ربت في داخلي وأكبـرت

انــت يالـلـي لـيـا مـالـت جـروحـك تمـيـل ..
..................... الليالي خذت منّي ومـا قصّـرت !

لا تسـولـف تــرى لـيــل الـمـفـارق طـويــل
..................... كل كلمه على بالك فبالـي طـرت

شــوف عيـنـي وتـلـقـى للمـحـبـه دلـيــل ..
..................... مير نفسي لتقليب المواجع ضـرت

طــوّل الصـمـت وأربـكـت الشـعـور الجـمـيـل
..................... قلت اببعد مدام ان الجروح أكثـرت

خــل دمـعـك يسـولـف لـلــوداع ويـسـيـل ..
.................... والا انا دمعتي طاحت وهي ما درت







" .. إلمؤدآع إخذآك .. "


لا تبـيّـن لــي الدمـعـه يـــا قـطــر الـنــدى
...................... وألتفت للوداع ان كان حزنك كفـاك

دمـعـة الـطـيـب فـــي عـيــن اللـيـالـي ردى
..................... أخذ منّي دفا الايام ,, والله معـاك !

خـانـك البـعـد مــن قـربـي وطـــال الـمــدى
................... وجيت تسترجع الماضي وتسبق اخطاك

يــا حبيـبـي ,, وقــف بيـنـي وبيـنـك صـــدى
.................... وانت صوت ٍ يناديني ولا أسمع صداك

كــل جــرح ٍ يطـيـب بخـاطـري مـــا عـــدا
......................جرحي العام في بعدك وليلة جفـاك

كـنـت أشـوفـك واحــس ان الـفــراق ابـتــدى
............... ..... يومها الشوق جابك والموادع خـذاك

لـيـه اعــذرك وانــا فالـحـب مـالــي جـــدى
..................... ليه أعاتبك وانت اللي جرحني خطاك

مـاتـت اكـثـر طمـوحـاتـي وراحـــت ســـدى
................... شفت وشلون اخذ مني الزمان وعطاك

يمـكـن يـــزول حـزنــي والـشـعـور يـهــدى
..................... وأترك الحلم وألقى حلم غيره هنـاك







" - حآدى إلعيس - "


جــر صـوتـك طــرب يــا حـــادي الـعـيـس
....................... وألحق الصبح لا يطفـي سراجـه

الـرسـايـل مـعــي ,, حــبــر وقـراطـيــس
....................... وصاحبك بين ضيقه ,, وأنفراجه !

كـــل مـــا جـيــت وأحـلامــي محـابـيـس
....................... رحت , ! والقلب متغيّر مزاجـه ؟

ياحبـيـبـي ,, نـــزف جــــرح الـكـوابـيـس
....................... وصار في داخل أعماقـي لجاجـه

لـــو تــعّــد الـمـسـافـه ,, والمـقـايـيـس !
....................... وش ورى لآهب الجرح وعجاجه ؟

لا يـطــول الـجـفـا . عّـــوذ مـــن أبـلـيـس
....................... حاجتـي للقـى , ماهـي بحاجـه

شـــوف حـتــى الـمـشـاعـر والاحـاسـيــس
........................ تنتظرنا ,, علـى شـان أنتواجـه

كـلّـم الـخـوف , يــا صـمــت الـوسـاويـس ,
....................... لين راع الهوا يضحـك أحجاجـه

صـوتــك الـلـيــل وعـيـونــك نـواعـيــس !
...................... وكل دمعه من عيونك ,, سماجـه !





.." صـــــافي الـــــود ."


[نام قلبك وقلب اللي عشق ماينام
.....................والليالي عميق الجرح مازالته
خلها بيني وبينك وفا واحترام
.................وأجرح القلب لا ترأف على حالته
ودي اروح .. عجل لايطول الكلام
.................هو بقى من عيونك شي ماقالته
صاحبك يوم هزيته بجرح الغرام
................وده يطيح لكن عزته شالته
ارتوى الليل من رمشك وزاد الظلام
...............والغلا . . ألتوت رجلي بمحبالته
بين صدق الأماني والعتب والملام
...............حلم لقياك يوم عيونك أختالته
كنت تكبر بعيني عام من بعد عام
...............لكن ايديك صافي الود ماطالته
لا تزيد الجروح ولا يطول الكلام
...............هو بقى من عيونك شي . . ماقالته ؟؟





صـــح لســـانكـ وفـــالك البيرررق والمليـــووون


وها اللي قـــدررتـ اييبــه.

بس للأمــانه (( منقـــوول))

.