اصحاب الفلس

((((اصحاب الفلس)))))

رجلٍ بليا فعل وش ينبغابه=امسح تلفونه وخله يولي

ياصار ماتبرك لحملك ركابه=شرواه طشه وسط بيرزعبلي

ياصار بالشدات ماينغزابه=ولهو بحزات اللزم فزعتلي

خسارتن بشته وكشخة ثيابه=واسمٍ يشيله في صطورالسجلي

خله يولي لاتشد الرجابه=وازبن على قمة طويق المطلي

ياصار ماله فزعتن ينحكابه=يقصر جميله عن رفيقن مقلي

اللي يقصّر في حقوق القرابه=ماله مع اهل المجد لوربع ملي

القيض ياشفته تطارد سرابه=ازبن على نهر الروى المستقلي

اترك كثير الهلس مالك ولابه=احذر بظل العوشزه تستظلي

النفس من عشرة هل الكشخ طابه=ياصار مهم باللزوم سندٍ لّي

مشعل عسام الغافل التريباني الشمري في1443/8/20هـ

يااااكثرهم والله الله يكفيناهم

صح منطوقك مشعل التريباني

صدقت بيض الله وجهك وحفظك الله

مودتي

اخواني
اخواتي
صحت ابدانكم جميعا شكرالمروركم

صح لسانك شاعرنا القدير مشعل التريباني

اخوي جنون الشوق
صح بدنك لاهنت يبعدي

ابداع راقي سلمك الله والى الامام اخونا مشعل

اخوي ريان
شكرالمرورك لاهنت

يسلّم قلبك شاعرنا المميز
الهي يسعدك وَ يديمك

هلابك يابوعبدالرحمن وصــــــح لسانك مــــــــــــدد
لك الشكر والتقدير على تواصلك وابداااعك
لاعــــــــــدمنا وجووودك.

تم التنســــــــــيق

جزل جزل طال عمرك
وصح لسانك ودام تواجدك

صحححححححح لساااااااانك يا بعد راسي ❤️❤️

اخواني الافاضل
اخواتي الفاضلات
صح ابدانكم جميعا شكراللجميع

صح لسانك يامبدع ابيات جميله شكرا

يــاصـــار بـالــشــدات مـايـنـغـزابـه
ولـهــو بـحــزات الــلــزم فـزعـتـلـي

الله الله
صح لسانك اخوي مشعل
ابيات جزله ذكرتني ببيت شهير للشاعر سليمان الشريم يقول فيه

إن كان ما انته مصافيني على الشدّه

وقت الرخا واجدٍ ربعي .. وخلاني

تقبل مروري