_السلآم عليكم ورحمة الله وبركآآته _
وأسعد الله أوقاتكم بكل خير آلـ بعد حيي
من شعراء وأعضآء ..
بعد رحله جميله وشيقه عشناها بين ضفاف الشعر
والأحساس والكلمه والمفرده والصوره
والغوص بفكر ومشاعر شعراءنا الرائعون والسماح لنآ
بمشاركتنا لهم والأستمتاع بذلك العمق الشاعري الرائع والفكر الراقي
وصلنآ إلى مرحلة التصويت لشيخة القصيد لتتوج القصيده والأعلان عن انتهآء
هذه المسابقه الممتعه..
أضآءه :_
التصويت أمانه ومسؤوليه فلنكن بقدر هذه المسؤوليه وتحمل الأمانه ..
شروط التصويت :_
1- التصويت لمن مشاركاتهم فوق الخمسين مشاركه ولايسمح
لمن هم أقل من (50) بالتصويت .
2- التصويت يكون مره واحده فقط .
3- ستكون طريقة التصويت عن طريق وضع رقم القصيده فقط
مثآل ( صوتي للقصيده رقم 1 .. وهكذا )
4- يُسمح للمشاركين من الشعراء بالتصويت لغير قصائدهم .
5- سيكون التصويت لمدة (10) أيام ويغلق بعدها .
الجوائز :_
الجائزه الاولى \ بطاقة شحن 500 ريال + وسام شيخة القصيد + 300 نقطه
والجآئزه الثانيه \ بطاقة شحن 300 ريال + وسام المركز الثاني + 200 نقطه
والجآئزه الثالثه \ بطاقة شحن 200 ريال + وسام المركز الثالث + 150 نقطه
بالأضافه إلى تثبيت القصآئد الفائزه ..
لجنة المسابقه :_
1- الــــــ ساري
2- الشاعر \اللجاوي
3-الشاعر \ فهد الزعيزع
ملاحظه :_
ستقوم اللجنه بتقييم كل قصيده من عشر درجات
وتصويت الأعضاء يمنح القصيده 3درجات فقط ..
محمد ويقسم لك قسم,,,
الشاعر /برق البروق...
(( 2 ))
بخـــــــيل طولت الجـــفا وطوّل غيابك كثير=
تكفا تعال وجب معــــاك الشهد من منا حله
طيّرت لك أبيض حمام العشق ياأعذب غدير=
لن الغــــلا من طب ريضـــانك أناخ الراحـله
محمد ويقسم لك قسم انك أبد مالك خشير=
ساكن غلاك وديرتك خلف الضلوع الناحله
تقاسموك وهيجنوا عشقك على الضلع القصير=
للغــــيم وآمالي على صحراء الشمال القاحله
أملك يقين ان القطا لوذاق نبعك مايطــيـر=
يغلي منابت موطنك وينســى غلا مداحله
مدري وش أنت من البحر لاجيت اشبهك بكبير =
أخاف أقـــول أنك بحر واموت ماالقا ســـاحله
تشيلني كل الطرق تاقف على نفس الــمصير=
ماصرت أفرق بين راس الطريق وكاحــــــله
حبك فصل في دنيتى وأعتبره الفصل الأخير=
وغلاك أعذب مرحـــــله على مدى مراحله
قصايدى منى همستك تفوح بأأرياح العبير=
يفوح لك صدري وله يومن همسك فاحله
شاعرك مادور ابد بالشعر عن منصب وزير=
يكفي بعيونك ( فاتنى ) أصير من فطاحله
لاظوي الليل بظلامه ودي بس استسمحـه=
يحبس اهموم ٍ تجي // كل ماقبل سارحـه
تلعب ابقلبي ولا/ لـو / ل/لحظـه تبرحـه=
له شعار الصبح قبله // فلا / هـي رايحـه
واهني منهو همومه من خفوقـه سررحـه=
واهتني الليل بمنامه / ناسي .هم البارحـه
مخرج الهم احتواني / وابتدي في مسرحـه=
صفق الجمهور / دمع ٍ .تهامـل فاضحـه
كنها دمع اليتيـم (اللـي) بخـده تفضحـه=
دون مايدري جرعها في , طعمها ،،مالحـه
لا شرق بالصوت يفضح كل دمع ٍ يمسحـه=
لو سمع كلمه لصاحب كان فيهـا يمازحـه
صاحبي وشبك لخلك في يمينـك تجرحـه=
والليالي السود ،، كافي في زمانه . جارحه
ربما الحب بزمانك سوق مـن بـه ربحـه=
كنه اسهم بالتجاره ، كل ٍ . يحسب صالحه
مابقي بالحب صادق مصلحه في مصلحـه=
صاروا اهل الحب قصه في سنين ٍ نازحـه
وش بغيت امن اعترافي هل (خفوقي) تذبحه=
هذا ذنبي من غرامك يوم جيـت اتصارحـه
انت كالذنب بحياتى مانت بغلطـه ندمحـه=
وكل تايب عن (خطا) ربي . فيها ،،سامحه
ارحلي بسكات مالك بالهوي درس اشرحـه=
الوفا ساس القلوب ، وانتي .مانتي فالحـه
من عطاك القلب كله فيـه يمينـك تفتحـه=
ذاكر اسم الله عليك قاري (عنك الفاتحـه )
واستعاذ من البشر عيـن لزولـك تلمحـه=
وعن عيون الناس خوفه ( بنظره ) ذابحـه
فاركـه باصابعـك مثـل فـارك مسبحـه=
ماتحس وهو (يحس) بس ،،مثلك . جامحه
ولي العرش ماحطك على روس البشـر رادار=
وعن عيب العرب عالج شرور النفس وعيوبه
وهرجك لاسرى من دون لا قابض ولا شنكـار=
تبي تلقى الذي لاجـاه ذكـرك قـال والكوبـه
وترى اللي يطلق لسانه بميدان العرب منشـار=
مثل ماقال بالعالم عيـال العجـز قالـوا بـه
ومن يجعل هروج الناس بأعراض البشر معيار=
يشاهد صورة العالم على الشاشـات مقلوبـه
هروج الناس ماعادت تخاف الواحـد القهـار=
وتصير اكثر روايتهم كـلام ضـاع مندوبـه
يقوله ساقط شاهد كرم غيـره وقلبـه غـار=
مثل ماغار قلب اللي لها الكفيـن مخضوبـه
خسيس ولا يلاقي له بديـوان العبـاد انكـار=
ويظن اهل الندى تنهار للـي صـاد عرقوبـه
سكوت الناس عن ظلم الحواسد للكرام اقـرار=
يشارك بالذنوب وشرهـة العاقـل وعذروبـه
ولو كان الحكم يرفع على الوجه الرزيل انـذار=
ويلقى الطرد لا عـاد لـرداه وكـرر اسلوبـه
لقيت ادغام عفن الناس لايمكن يصير اظهـار=
ويشرب بالدلال اللي لغـوده غيـر مربوبـه
وتصبح نية الاضمار بهروج الخبيـث اخمـار=
يساوي في عيون الناس عنز غيـر محلوبـه
واذا يعنيك رجل حـال دونـه بالكـلام غبـار=
وتريد الصدق عن حاله قبل دعـواه وهروبـه
تشوف اللي عناك امره وعينك بالعرب منظار=
وكديش الخيل مايخفى بجانب كـل منجوبـه
وتطلق في سماء عينك وتفكيرك ثلاث اقمـار=
تراسل موجة افكارك وتسري فـي تلسكوبـه
جهاز الرصد في فكرك يراجي صورة المسبار=
وفكرك يلقط شفرة وتصبح وسـط حاسوبـه
وتقوى الشوت والتهديف بالمرمى بدون آيمار=
ومن شافه يقول اهداف عند الصدق ملعوبـه
ولا تصبح كما طير اليا شاهـد ظلالـه طـار=
خصوصاً لاظهر شيب الزمـان ودار دالوبـه
كلام الصدق ماياصل مع العالم ثلاث اعشـار=
ومنكوس الكلام اليوم تسع اضعاف مسحوبـه
واذا صد الرفاقه وانت ماتدري وش اللي صار=
فلا تبحث عن اسباب القطيعه ويش ماجوبـه
ولا تطلب من العايف يقدم في جفـاه اعـذار=
وعسى رب الملا يسعد مساه ويسمح دروبـه
طبوع الناس مخلوطه بصوت الذكر والقيثـار=
وكلن حسب مقياس البراغي شـال سكروبـه
مدام العود ماتظهر لحونه قبل خمـس اوتـار=
مع اني مانقلت العود في عمـري ولا نوبـه
وحكم الخلق واقداره بلـوح الواحـد الغفـار=
ورحمة خالق الدنيا بـدرب العبـد منصوبـه
ولا تحكم على المخلوق في جنه ولا في نـار=
ترى العقال في دار الشقـى ماتامـن عقوبـه
ولو رزق الملا بكفوف راع البنـز والفكسـار=
لقيت اكثر هل الطولات قبل الصرف مشطوبـه
لأن اهل الندى والصدق ماله بالعـرب مقـدار=
وتلقى عيشته عند الكـلاب السـود مكبوبـه
واذا حاولت دفع الظلم ماتلقـى وراك انصـار=
بجنب اللي الياشاهد هل الفزعه دفـق كوبـه
وشفت ارزاق خمسمايه توزع في ثلاث انفـار=
وحاجات اليتامى من كبار الكـرش منهوبـه
علف خيله ثلاث شهور يصرف كاش بالدولار=
ويكفي قيمة اعلاف الفقـارى قبـل مشذوبـه
يصير الغيث له طبلون بالنسبه وفيه اسعـار=
وقبل الدفع ماتقطر عليك المـزن لـو نوبـه
اذا مـا تـم تصديـره لقـوم تدفـع المليـار=
وناس قالت المخزون ضـاع وقـل منسوبـه
مدام ان الجهل يقصر لك الكيلو ثـلاث امتـار=
وداء الجهل مايمحاه مستـر جـون وحبوبـه
وزيجة شرع رب العرش تغنينا عن المسيـار=
وعن فتوى الذي يرجي هدايا الشيخ وجيوبـه
مدام الزوج والزوجه وشيخ القـوم حكمتيـار=
تعرف ان الطلاق السبت لو ماهـي بمكتوبـه
على المسيار والمقناص والزاير مـع الـزوار=
وكل اربع وخمس شهور بنت القوم مركوبـه
وانا رجواي في رازق كسير النـاب والمنقـار=
يزيل امراض من يربط حبال الحقـد وخبوبـه
من اللي ترسل الغارات فيها شعوذه واسحـار=
نسوا وقفة هل التوحيد يوم حصـار بعقوبـه
وانا جاني رفيق كان عندي من حمـام الـدار=
وشفت اهل الردى والهرج بالقالات عاثوا بـه
وينقل صوبنا بوك حصيلـة محتـواه اشعـار=
وتنسب لي من اللي يعرفون القاف وغيوبـه
كلام ساقـط مافيـه لنفـوس النـدى معبـار=
ونسخة عملته داخل بنوك الشعـر مضروبـه
وانا شاعر ولي بصمه ولي منهج ولي مقـدار=
يهيض بخافق ينظم بحور الشعـر مصبوبـه
على نهج الجدود اللي بوقت الشيخ ابن بقـار=
قبل يطلع قصيد اللـي يهيـم بـزول دبدوبـه
بوقت كان مايسمع قصيـد العفـن والثرثـار=
ولا صارت بحور الشعـر والقيفـان مثقوبـه
ولا داج القصيد بسوق راع القرش والدينـار=
وقبل اعراض داء الكذب واستفحال ميكروبـه
قصيدي مادخل في بيعة التاجر ولا السمسـار=
ولا هو سلعة تصبح وسط السـوق مجلوبـه
اذا هاضت تماثيلي تقول انـه هميـل امطـار=
تقول انه عقود الماس فوق نهـود رعبوبـه
يغوص الفكر بأمواج المحيط الهايـج الهـدار=
لما تظهر بشاشات الحشى والجاش مكتوبـه
واذا صبت الهدف قلته بديوان الكـرام جهـار=
ومن يعنيه هذا الامر تاصل نسختـه صوبـه
وليش اجحد نياشين رميتـه طايـع مختـار=
لو ان الشتم كلمـات لنـا ماهيـب مرغوبـه
ويوم انفي اخبر ذنوبنا اللـي بالحيـاة كثـار=
واظن النفس ماتحتاج فوق اخطـاه وذنوبـه
لو ان ذنوبنا صارت بميـزان العمـل قنطـار=
تزيله رحمة ماهي عـن العاصيـن محجوبـه
ترى اللي يفتح الرادو ويسمع نشرة الاخبـار=
بها اللي يجعل العاقل يشوف الشرق منكوبـه
معمر ثم صالح ثـم جيـش الطاغيـه بشـار=
يبيد الشعب والجولان عند الخصـم مصلوبـه
وشهيد السبع والستين في قبـره بليـا ثـار=
وقيادات العرب كله على العربـان محسوبـه
دعاية عصر ابوخالد زعيـم القـادة الاحـرار=
فخوخه في دروب العلم والخيـرات منصوبـه
وحرياتهـم صـارت لهايـب ذل واستعمـار=
على كاهل شعوب في حجيم الهـون مغلوبـه
غدت مع سربة العدوان باللعبه بـدون ستـار=
وخلت جيشها للجار واهـل الـدار وشعوبـه
صحيح اقبال دنيانا بنظـرات الفهيـم ادبـار=
ولو تكشف حقايقها تصيـح وتعلـن التوبـه
ولا ترسي مراكبنا الضعيفه لا وطاه اعصـار=
ولا كل البشر تضمـن مطاعـن راس كلوبـه
ولكن الاكيد ان الليالـي لـو تطـول قصـار=
وتبقى النفس لابواب الامل والعيش مجذوبـه
واشاور من ركب صهوة جواده داخل المضمار=
وسار الدرب بالتجريب والشده ماهـو دوبـه
يجيب الشور مايشبه قصيد الشاعر المحضـار=
مدام النار ماحطت وسـوم الوقـت بجنوبـه
وانا لولاي اخبر ان البشر ملفاه خمس اشبـار=
واخبر الروح ترحل من شقى دنياه مغصوبـه
واخبر امثالنا كانـت تقـول ان الزمـن دوار=
ونفس الناس ترحل ماخذت بالعمـر مطلوبـه
اعرف شلون اسدد دين ديانـي ثمـان امـرار=
سداد ماتوافيـه الملامـة لـو شلـق ثوبـه
ولكني رفعت النفس عن درب الـردى والعـار=
وثقل العقل والطيبه حـلا عمـرك ومكسوبـه
وباقي جثته لو داج بأسـواق الخلايـق بـار=
مـدام ان البواقـي بـالاوادم غيـر محبوبـه
وقاله بندر ابن سرور ذاك الشاعـر البيطـار=
ومع بندر فناجيـل اكثـر الشعـار مشروبـه
كل الشـــــــــكـــــــــــر للجنـــــــــــــه الكريمه
من الـ ساري واللجاوي وفهد الزعيزع
كما اشكر اختي على نيه على الجهد المبذول
وادعوا اخواننا للمشاركه
كلن على حسب ذوقه بأختيار مايناسبه
واختياري
هو رقم((9))
وننتظر اصوات البقيه
ما أروع واحتكم وثمركم ونخيلكم الشم
حتى أراه اعشوشب من جمال قصائدكم
قصائد فاخره أقف أمامها شدِهاً دهشاً
قصائد مبهرة أسلوباً و لغة ومعنى
قصائد يتمايل القارئ لها طرباً
واحترت بين (8)..(9)
وأخيراً قطفت من الجمال هذه المتفرده (9)
العضو الأكثر نشاطاً هذا اليوم 
أصدق الأمنيآت بالتوفيق للجميع
العرض المتطور
