نتحضر لشتاء مع كورونا

نتحضر لشتاء مع كورونا


هل راح تجي الموجه الثانيه من كورونا؟
ليش هي راحت الموجه الاولى اصلا؟
او قلت ؟
كل اللي نعرفه انه كورونا ما يشبه اي وباء سابق و اصلا متوقع انه يستمر 18 الى 24 شهر مثل ما نشرت ببوست سابق
بس اللي نعرفه انه الشتاء هو فصل الامراض التنفسيه
فلازم نكون مستعدين اله
شون نكون مستعدين اله؟
1. التسوق بمكان ما كان اسبوعي خلي يكون نصف شهري
اخزن الاشياء اللي ما تتلف لفتره طويله
اكيد لا تتوتر و تشتري السوق باكمله
بس خلي عندك خزين من المواد الغذائيه الضروريه مثل الطحين و الرز و اللحم و السمك و المعكرونه
2. اشتري بعض ادوات التعقيم و الكمامات
يعني بمكان باكيت اخذ باكيتين
بمكان جل تعقيم واحد اخذ 2
و هكذا
3. تعلم بعض الاعتماد على النفس
و هذه تفيد اهلنا اللي بيوتهم كبيره
يعني ازرع بعض المحصولات
اخبز لنفسك حتى ما تطلع
4. خلي بعض الادويه الضروريه تحت يدك
مثل خافض حراره
شراب مضاد قيء
شراب سعال مصنوع من العسل
عسل طبيعي مثلا
زنجبيل
لا تخزن مضادات حيويه او شرابات سعال بيها الرمين مالها داعي
5. الاهل اللي اطفالهم عدهم تحسس
حان الوقت لشراء البخاخ و معداته
و بيه انواع هوايه و اسعار هوايه
و بلا خرافه يتعود عليه
6. اذا بدت المدراس علم أطفالك كيفيه لبس الكمامه و كيفيه التباعد الاجتماعي عن الاخرين
اذا تكدر توصل الاطفال وصلهم مشيا او بسيارتك الخاصه
المشي مفيد اذا تبتعد عن الاخرين و تطبق التباعد
احسن من خطوط النقل
7. الكثير من الاعمال تتم من المنزل اذا تكدر تكمل من المنزل كملها ليش لا
و حاول تسوي شغلك من المنزل
8. خزن فلوسك
بعض المدخرات تفيد
لا تصرف كل فلوسك
خلي بعض المال عندك
الاشياء الغير ضرويه لا تشتريها
خصوصا للي يشتغلون بالاجور اليوميه و اللي تاذوا من انغلقت الدنيا
لندن مثلا غلقت ثاني ويه اول بدايه الشتاء
9. اذا لكيت لقاح الانفلونزا بدولتك لقح
بالعراق بعده ما دخل للان
10. لا تعتمد انه اللقاح راح يوصل للعراق بهذا الشتاء
لذلك قوي مناعتك و اكل صحي بعيد عن السكريات
مع الرياضه
فرصه لترك التدخين
فرصه لتقليل الوزن
اكثر من الفواكه
و اتركلي العصير
و اذا تكدر تتمرن اتمرن
و اذا تكدر تاخذ فيتامين دي اخذ
و الافضل استشار طبيبك

الله اعلم يهذا المرض من خلقه
فقد غير تركيب الكون في كل
تفاصيلة ،،،!
اصبحنا كمن يركض خوفا من الاصابة
وهوا لايعلم من اين يصيبة
كفانا وكفاكم الشر

حفظنا الله واياكم من هالمرض
شكرا للنقل المفيد غاليتي

الله يحمينا
،
يديك الف عافيه على طرحك المفيد
الهي يسعدك وَ يديمك حبابه

الله يحفظ الجميع شكرا لك

مشكووورين مايحرمني من طلتكم الحلوا

يسلمك الله ويعافيك

تسلمي رجاوي عافاك ربي شرفتيني