$$$ ماكل من نــادوه رجـال !! رجـال .... $$$

ماكل من نــادوه رجـال !! رجـال ....


يالله أنا زابنك عـن ضيقـة البـال
.............................. يـافـارج الضيـقـات بــالإنـفـراجـة

بـالي يضيـق وداخـلٍ فيـه ولـوال
..............................مدري متى يـركد ويـصفي مـزاجـه

مامقصدي شبعـة ولاقـلـة ريـال
..............................ولافي من سموى العذاريب حـاجـة

قصدي همومٍ جتني ألوان وأشكـال
...............................من وقتنا اللي صار فيه أنـعـواجـه

وقتٍ علينـا طلّـع أجيـال وأجيـال
..............................فيها الـخيانـة والـغـدر والـهمـاجـة

غير الحسد والبخل وطبوع الأنذال
...............................تحسد سـلام ومرحبـا والـمـواجـه

والرجل ماهو من لبس بشت وعقال
...............................وإلا يجيك أبيض سوات الـخـواجـة

بعض العرب ماغير ياساتر الحـال
...............................لوتفتشـه والله مايسـوى (........)

ماكل من نــادوه رجـال !! رجـال
................................الرجل واضح والـحلاجة حلاجـة

الرجل من يحمى كلامـه لياقـال
................................ويجيك للخاطر بشـوشٍ حـجاجـه

ولاصك دون الناس بابه بالأقفـال
.............................وإلاّ ليا جاء الضيف طفّى سراجـه

ولياطلبتـه رأي حــلال فـتـال
.............................يعـطيك زبـدة هرج مـاهـو علاجـة

هذا وأنـا لازلـت للقلـب عـذال
.............................. أبى أعذله لين إني ألقـى علاجـه

وإن مالقيت علاج تـراي رحـال
.............................رحلت فـي بـــرٍ وسـاعٍ فـجاجـه

في مدركة ماعاد للـروح منـزال
..............................فيها الصبا والـجو تـصافق عجاجـه

قصيدة الشاعر الكبير ....
وصل العتيبي


مع خالص تحياتى وتقديري .....

أخوكم
المحبــــــ جريح ـــــــه