((( رضيت والى زعـلـت )))

يا جارح القلـب جـرح العـااااااام متعبنـي
القلـب مـا عــاد يحـمـل جـرحـك الثـانـي
انـتــه عــلامــك تــقــل ودك تعـاقـبـنـي
اشــوف ودك تعاقبـنـي كـمــا الـجـانـي!!
تشريـنـي احـيـان والا أحـيـان تجلـبـنـي
واحيان على القسـى والعسـر تسنانـي!!
ولـيــا نـشـدتـك تــصــد ولا تـجـاوبـنـي
ولـيـا تركـتـك تـقـول اقـفـى وخـلانــي!!
وان جـيـت يـمـك بــلا ذنـــبٍ تعاتـبـنـي
وإن رحت ما جيت يمـك قلـت مـا جانـي
وانــا لــو أقــف عـلـى دربــك تجنبـنـي
ولـيــا زهـمـتـك تـمــر تـصُــد بالـعـانـي
وإن قلت لك هِـدّْ جسـر الوصـل لا تبنـي
قــدم الخـلايـق وقـفـت وقـمـت تنخـانـي
مـــدري عــلامــك تـبـعِّـدنـي تـقـرِّبـنـي
مـــدري عـلامــك تحيِّـيـبـي وتـشـنـانـي
احـيـان فــي صفـحـة الـوجـدان تكتبـنـي
واحيـان مـن صفحـة التاريـخ تمحانـي!!
إن كـــان قـصــدك بهـالـدنـيـا تـعـذبـنـي
تــراه يكـفـي مــن التعـذيـب مــا جـانـي
سـاعــه حلـيـفـي وسـاعــاتٍ تحـاربـنـي
لا انت بصديقي ولا انت بضِمن عدواني
يـا مدعـي بالأمـااااااااان ومنـه سالبـنـي
لـمَّـن زهمـتـك تـشـن الـحـرب تَنـهـانـي
وإن قلتلك: شوف رمحك كيـف معطبنـي
نظـرت لِـيـه بـنُـص العـيـن غضبـانـي!!
مــدري تـبــي بالـعـنـا والـهــمّْ تنشـبـنـي
ولا تبي اعيـش طــول الـوقـت حيـرانـي
لــكــن تــرانــي شــبــابٍ لا تـشـيـبـنـي
هبايب الصيف تيبس خضـر الاغصانـي
ولا عاااااااااد ينفع كلام احسبك تحسبني
لا فـائــدة فــــي كــــلامٍ دون بـرهـانــي
وانت الحقيقة بوضعك مـا انـت معجبنـي
رضـيـت ولا زعـلـت ورحــت زعـلانـي

وســــــــــــــــــلامتكم،،،واتمناء تنال أعجابكم ورضاكم،،،،


تقبلوا أحترامي،،،،
أخوكم/ موووادع