.•ܔ•[ ديوان الشاعر محمد اديهم]•ܔ•.

ياعقاب انا مليت نط المراقيب


http://www.b3b7.com/vb/showthread.php?t=66103

ياعقـــاب انا مليت نــــط الــــمراقيب=
مغـــدي ودور ياســــــنافي ذهــــوبي
ياعقاب في قلـــبي جروحن معاطيب=
وشمسي اكهفت ياعقاب يم الغروبي
ماطاب لي ياخــــــــوك لذ المشاريب=
وعلى السهر ياعقاب كني مغصوبي
الدار مهجوره جـــــــفوها المعازيب=
مافي احــــــد غــــــيره بقلبي ينوبي
حبي لهاياعـــــقاب مابه تــــــكاذيب=
حبه بوسط القـــــــــلب اكبر اذنوبي
ياعقاب شب بوسط كبدي لـــواهيب=
خلا سهوم الموت ياخـــــوك صوبي
ابو عيونن سود خرسن مـــــهاديب=
منهن قـــــــــوي العزم لازم يحوبي
ومبيسمن ياويل روحـــــي تعاجيب=
لون الشفق للشمس وقت الغروبي
ياوجد حالي وجد شالح على ذيب=
يوم غدروبه قاطــــــــعين الدروبي
ارسلت ماجاني لــــــردي مكاتيب=
هذا شهر عدى وهـــــــم مادروبي

الى اختي العزيزه


http://www.b3b7.com/vb/showthread.php?t=66016

لاتنقلين الـــــهم مادامـــني حــي=
ولي خلق لاقف مـــــعك للــنهايه
امر على روحي ولا اقــولك شي=
عن هاجس الايام انــتي عــزايه
ماجيت ادور لذت الشوق والغي=
جيتك اخو يابنت مــــــنذ البدايه
عنود قولي محمد اديــــهم الخي=
مادامني حـــــــين معك ياشقايـه
اعاهدك بلي فرق حي عن حـي=
لبقى معـــــك عنود لين النهـايه
انا ولد منهو اليا قــــــــال يوفي=
الطيب ساسي والــــوفا مبتدايه
كفي دموع العـــــين يابنت كفي=
ماتذرفين الــــــدمع دامك معايه
لابد جوك من عنى الوقت يصفي=
وينزاح همن لاج بين الحـــنايه

مات الامل

http://www.b3b7.com/vb/showthread.php?t=64587

وقـــــتي ظلمني ياهلــــــــي ظلـم جايـر=
زود على ظلـــــم القرايب والاصحـاب
صــكو علـى البـاب ماريـــــــد زايــــر=
كل البشر صاروا لي اشباح واغراب
لا ياهــــــلـي لاتنـثـرون العـــــبـايــــر=
عـــــمر قضى ماينفعه نصح وعتـاب
امشي ولا كني مـــــــع النـاس سايـر=
عايش حيـــــاتي بالتعاسـه والاتعـاب
فـــــــــي دنيتـي دارت جميـع الدوايـر=
وخــــيم علي الظلم من عز الاحبـاب
في عـــــالم المشؤوم شفـت العزايـر=
من بعد مامات الامل والفرح غـــاب

وش جاك مني


http://www.b3b7.com/vb/showthread.php?t=64041

وش جاك مني ياريش العين وش جاك =
هــجرتنـي مـن دون ذنـب وخـطيـه
صدقت منهوكـان بالأمـس ينـــهـاك =
واليـــوم انا اصبحـت منـك الــــحيـه

ياللاسـف خيبـت ضــــنـي برجـواك =
والياس عنـدي صـار ميـه امــــــيـه
مالي جــــدى ياكود بالشعر انعاك=
وكتب مـــــن القيفان غصبن عليه
من البدايـــــه ليتك اعلنـت جفواك =
اهون علـى قلبـن وروحـن خــليـه
تركتنـي اغــــــرق بحبـك واهــواك=
وفــجـاه علـى قلبـي نـويتـي بنيـه
اصبحت ماضي في حياتي وذكراك =
صـارت تعــــــذبنـي بــروحـه وجيـه
اصبحت مــلك الغيـر والقلـب يبغاك =
ومن بعدكم دنيـاي صــارت شـقيـه
ياما نصحت القلب من شـان ينساك =
وعيـا يطـــــاوعنـي وينسـى خـويـه

تطعن وتجرحني ونا اقول مسموح

http://www.b3b7.com/vb/showthread.php?t=65726

ون كان لك في طعنت القلب مصلوح = ارفق علــى قلـــبـــن يحبك ويهواك

شفني من اسبابك من الهم مطـروح = ولي جـــــرالي ســبته مـن سوايـاك

عيشتني باالـــحزن والهــــم والنوح = بربع الذي جاني عسى الرب يبــلاك

تطعن وتجرحني ونا اقول مسمــوح = وعيشـتني مابـيــــن نـــــارك وجفواك

بنيتلك وسط الحشى قصر وصروح =ومشي على كيفك ودور عللىرضاك

ياصاحبي لولاك بالشــــــــــــعر مابــــــوح=ملعون ابو جدك تـــــرى العمر يفـــــــــــــــــــــداك

تكفى دخيلك عقبك القلب مــــــــــذبوح=عجزت ولي خالق الكون لنســـــــــــــــاك

عقبك ونا بــين الهواجيس مـــــــــطروح=والقلب عيا ياهـــــوى البـــــال ينســـــــــــك

هي كلـــــمتن لـــــــك قـــــــــــــــلتها قــــــــــبل ماروح= تبقى حبيب الروح والقلب يفـــــــــــــــداك

الميت الحي؟



http://www.b3b7.com/vb/showthread.php?t=65254

وشلي بشخصن بس فيه الــجسد حــــي =
وفــــيه المـــشاعر ولاحــاسيس ميــــته
سراب ماعــــمره ذكر وســطه الـــــمي=
عزوت عفن يصــــــــدمك لامـــن نخيته
كنت احسبك لي شي وثــــــرك ولا شي=
ظــــــميان حــــــــب وحبــكم مـارتويته
خــــــلك بطيشك وتبع الطيش والـــغي=
يجــــــيك يــــــــوم ويـــــنهدم مــابينته
ارسم على اطلال الوهم حلمك النـــــي=
خـــــــلك ورى الــــوهام حلمن هويـته
لوهـــــو قــــــــراح المي للورد تسقي=
متنبت الــــصبخى لــــــــوردن سـقيته
عن شمسكم لقيتنا الضـــــل والـــــفي=
يومه شـــــرا قلبي ونا ايـــضا شريته
ابحـــــرت انا وياه والشــــوق يضفي=
قــــــصر الغـــــــلا بالقلب لجله بنيته

نصيحه للشباب


http://www.b3b7.com/vb/showthread.php?t=65378

بديــــت وبااالله ســـــمــيت= وبالقلم سطرت البيت
ومـــــن نبع الفكــر نـقــيت= الشعرنفهم معنــــااااة
هـــاذي نصـــيحة انـــسان= مشى في كل الاركــان
شاف اشكال وشاف الوان= وخذعبرة من دنيـــــاة
ابنــصح شبــــاب الـــيوم= الي يتعاطون سمــــوم
عايش حاياته بهــــموم =عمره بالضياع افنــــــاه
حياته هم وعــــذااااااب =يمشي ويطــــــرد سراب
توه صغــــــير شباب=والسبه شخــــــصن دهواه
اول مجرب حبــوب =وعن امره اصبــــح مغلـوب
واخرها جرب مشروب= يبــغى السعاده بدنيـــــاه
اصبح مقيـــد وسيـــر= جا لس وكنــــه كسيـــــر
يصــــعب عليه المســير=غير مخدريتعاطـــــــاه
عايـــــش مثل الحيوانات=يأكل ويشرب ويبــات
خـــلا عياله والــــعورات= حق الابوه نســــــــاه
شيء من صنع اليهود =هربــوه مع الحــــــــدود
يبغونك دايـــم مــــلهود= احــــذر منه تتــــعاطاه
احـــذرعقـــلك لايــضيع=وتصـــبع عاله للجميع
ما تعرف كــيف الصنيع =ويقضي عمرك بمعاناه
ولا بالســـجن تطيـــح =ماينــفعك لــو تصـــــيح
اسمــع كلام(ن) فصيح =ربـــــك احـــذرلاتـعصاه
تتوهم انـــــك سعيد =من بعده تتــــطلب مزيــــد
ومــن عمــرك تصبح زهيد= تكره عمرك والحياه
احــــذر وخـــلك فطـــين=واحـــذر ابليس اللعين
وتقضي حياتك حزين =وكم قبلك شخصن دهواه
احـــــذر صــــديقك يرمــــيك= يعطيك ثــم يخليك
لو يحـــلف انه يغــــليك= لـــو بغيته ماتلقااااااااه
ضايع يبغى انك تضيع= وتصبح له عبد(ن) مطيع
وتصـــير كــنك منيــعـ =عقــب الـــعزه تـــــترجاه
علـــيك بهــــدي الرسول= بــــه تلقا كل الحلولـــ
وتلقــــا السعاده وتــــنول= رضــــا ربك وحسناه
ارجع قبل فوت الفوت= ومن قبل لايجيك المــوت
وتحط بوســـــط التــــابوت=ماينفع قوــلت عزاه

قصيدة في حينها

http://www.b3b7.com/vb/showthread.php?t=65184

ياعـــــــــل قلبن مايصــــــون الامـــــانه
يجــــــعــــله ربي للهواجيس مســـكــان=
ويعل نفـــــسن ارتـــــضت بالاهــــــانه
يدوســـــــــها شخصن من الذل رويان=
ويعل ســـــــــرن ماحتفض به وصانه
يصـير فـــــي نومـــــه اليا نام ثعــبان=
ويـــــرجع يدور قلب بالـغدر خــــــانه
ولاياجد الى منه صــــدن وحـــــرمان=
وجـعله يعيش بــــــــويل تالي زمــانه
ويعيش قدره بين الاجـــــــواد حيوان=
وجعله طريح افراش يبغى الاعــــانه
والكون في عينه ضلامن ولا يبـــــان=
ويجيه هم يــــهز باقــــــــي كـــــيانه
ويعزف من انواع القهر كل الاحزان=

ويعيش بالحسرات باقي زمـــــانــه=

ويقضي حـياته بـــين ذلـن وحقران

مادور لطيب المراجل


http://www.b3b7.com/vb/showthread.php?t=65004

البارحه متمركين روس الاصبـاع=وضاقت على قلبي كثير المساعي

ماني على الدنيا شفوقن وطــمـاع=ولالي على درب المــــذله مداعي

امشي بدرب العز لوهو غدى باع=ولاهمــني بالعمر كـــثر المتــاعي

الطيب يبغــــاله مــــن الناس بتاع=يصبر ولــو وقته من الــــهم لاعي

مايحمله عفنن من الناس مـرياع=عفنن ولـــد عفنن خبيث الطباعي

يركض ورى الدنيا للموال جـماع= يفرح اليا جــــاله من الناس داعي

رجـولته مــــدوكره بقــطعة رقاع=مادور لـــطيب المــراجل ســــواعي

لمر الحليله دايــم الــدوم مـطـواع=بلي تقــــــوله دايــــمن باستـــماعي

ماجرب هموم الليالي والـــوجاع=ولاسال مع عـــرقه ســموم الافاعي

ياقلب يلــي يشلــعه هـــمه شلاع=ابحرت بس المــوج قـــطع اشراعي

يشوت قلبي شوت ورعن مقلاع =من حسرتي ياســـعود زاد التـــياعي

(شعري حضر )

http://www.b3b7.com/vb/showthread.php?t=64264

شعري حضر يمشي ومشيته علـــــى صوت الآعاز=
يســـيرســـير(ن)مايسير الــى بسيرن لـــي يـــجوز
ارفعه عن واطي توطى بالوطى طبعه يريد الآبتزاز=
شــــــعري حشيم احشــــمه حـــشمة الـيا قــالوعنوز
وتــــرى الـــــردي دايم ردي ماخذ شهادات امتــياز=
فكـــــر تفــكر وفتكـــر فــــكر عـلى حــــل الرمــوز
جـنب عـــن دروب الوعر ونصحك تمشي بالعزا ز=
طف الشراره طــفهــا خســــران ولايمكن تــــــفوز
افـــخر بنفسي وافتـــخر وبشعري افخر بـــأ عتزاز=
الشـــعر بعضه لي يجاز وأكــــــثره ليـــه مايــجوز
احرص تحرص وحترص خلك حريص مـن القزاز=
خـــــله وجنــــب وبــــتعد لايصـــــبح بيدك مغروز
الـــــعن بليسك ولعنه لعنه ترى شـــين( ن) مـــجاز=
وبـــــفتخر وبـــــفتخر بربعي بـــــني وايـــل عنوز
الــــــيا مشو فـــوق الوطى يصير بالآرض اهتزاز=

ياظــــــــــنون الشك؟
http://b3b7.com/vb/showthread.php?t=83118

احرقيهم ياضنون الشك في قلبن طغى فيه المصاب=
وخلي البسمه ضنون وخـــــلي الـــــــفرحه شــقــــا
,,,,,
دام هــــالدنيا عبـــــاره عن طـــــريق وصك بــــاب=
مافــــرق عندي فــــــراق ولا فــــــــرق عندي لقــا
,,,,,
احرقيـــهم يــــاضنون الـــشك دام الـــضن خــــــاب=
ولعي فيــــــــهم حرايق مابقى فيـــــــني ... بقـــــا
,,,,,
ياضنون الشـــــــك قومي !!!!وسرجي خيل السراب=
دنيتي ماعــــــــاد فيها شـــــــمس ليه تــــــــشرقـــا
,,,,,
ياضنون الشك فيني .... احــــمل لــــنفسي عتــــاب=
لعنبو نفسن رمــــــــتني .. مع خـــــبيث الأصــدقا
,,,,,
ياضـــــــنون الشك حاير؟؟ للسؤال ابــــــغى جــواب=
جــــــاوبيني بس ابــــــغى للأجــــــــــابه مــــنـــطقا
,,,,,
الــــــــبشر من وين خـــــــلقو؟؟ من تراب وللتراب=
دامهم له يــــــــــرجعون؟؟؟ وليش مــــافيهم تقــــا

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]