|
قصيده العطوي ورد العتيبي له&%^ شيقه
هذي قصة عتبان كانوا في مقناص في الطبيق في منطقة الشمال على حدود الاردن
وفي اثناء رحلتهم واجهوا شخص من تلك المنطقه وهو كايد بن سمير العطنه العطوي
فأرتبط بعضهم مع بعض في المقناص ,والزمتهم الخوه,واستمتعوا بمقناصهم ورحلتهم.
فبعد ذلك عاد كل منهم الى دياره,وبعد مرور فتره من الزمن تذكر كايد الايام الحلوه
والممتعه اللي قضاها مع خوياه العتبان.
والشي هذا ما هو غريب على العتبان الشجعان في المواقف الصعبه والخوه واللزمه.
فأرسل كايد هذه القصيده واسندها الى الشاعر قرناس وهو من ضمن خوياه العتبان.
والقصيده يقول فيها كايد:
ويـن الرجـال مبهريـن الدلالـي
ياالله عساهم فـي منـال التياسيـر
اعزهـم بالحيـل عنـدي غوالـي
هاك الوجيـه الطيبيـن المسافيـر
من روس قـوم ملحقيـن التوالـي
نطاحهـم ذاق البـلا والتعـازيـر
عند الملاقـا بالشجاعـه رجالـي
بمفصـلات للمعـادي مناضـيـر
عتبان تعـرف بالسنيـن السمالـي
تاريخ حافـل بالرجـال المناعيـر
اقولهـا ولابـي وراهـا منـالـي
اهـل فعايـل بالعصـور المدابيـر
ومن بعد هذا يوم جـوي صفالـي
وطاح المطر واسقى فياض ومحافير
وقت القنص يا مسنـدي لاطرالـي
وممشاي بالخبه وشوف المخاضيـر
وسلطان خالد يـوم شـدو عنالـي
يطرب لقطعة نازحـات المشاويـر
وغازي وغازي في ربوع الشمالي
اهلا بهم من قلب صـادق وتنويـر
ولا نسيـت اللـي بفكـري وبالـي
ناحي وناحي فـي معـزه وتقديـر
ومطلق طيب الراي رايـه عدالـي
من لابة مـا فكـروا بالمخاصيـر
يازيـن جمعتهـم بطعـس يلالـي
والخوه اللي مـا وراهـا تقاصيـر
والكـل نـزل عزبتـه بارتجالـي
والجـو زان وروحـن التفاكـيـر
ونـار سناهـا بالجبـال العوالـي
ودلال رسـل للنشامـا مباهـيـر
وسوالـف فيهـا يطيـب المقالـي
في ليل ضـوه النجـوم المشاهيـر
وفي الصباح نجوب عرض السهالي
بارض سقتها مزون غـر مزابيـر
نتلا مطب الصيـد بزيـن المفالـي
عشبه زبـا متخالـط بـه نواويـر
ونقع الخباري فـي مذاقـه زلالـي
من نو وسم هـل مزنـه شخاتيـر
تلقا الخزامـى والنفـل كالزوالـي
وعشب البختري بالفياض المحادير
تبعد هجوس في ضميري جزالـي
في خايع ما به ضجيـج وزواميـر
هذا هـوى بالـي ولابـه جدالـي
البـر شوقـي واتبـاع المضاهيـر
وشذ الحـزوم النابيـات المدالـي
يرتـاح بالـي لافقـدت التباصيـر
وشوف البنات اللي زهن بالدلالـي
مخضبات الكف ولبـس الاساويـر
اللي عليهـن كـن طيـر غدالـي
ابكي عليهن ذقـت مـر التحاسيـر
لولا الحيا لاصيح والصوت عالـي
يـوم اتذكـر القـرون المضافيـر
والعقل منـي كـن فيـه اختلالـي
ويلف قلبي مثـل لـف المعاصيـر
هاذي سوالـف مـن قديـم وتالـي
الحب بلـوى للرجـال المشاهيـر
ما هوبنـا مـن ذاق مـر وحالـي
قيس الملوع ذاق مع سالـم الزيـر
وصلاة ربي عـد مالسيـل سالـي
واعداد ما شدوا قفـول الخواطيـر
ورد الشاعر قرناس على العطوي بهذه القصيده:
امس الضحى عديت في راس عالي
رجم تعلـى شامخـات المواكيـر
وعز الله اني قبـل اعديـه سالـي
عديتـه وكثـرن علـي التفاكيـر
وجاء للتفاكير بفضـاي اجتوالـي
ياكثرهن كثـراه حولـي مزابيـر
قاف قريته مرسـل مـن شمالـي
عز الله انه طيـر القلـب تطييـر
يتـل قلبـي تـل حبـل المحالـي
تلـوه ورد واردينـن علـى بيـر
قلبـي هيـال وزاد قافـه اهبالـي
ولا عاد اميز لو قدمـي طوابيـر
وحولت من راس الطويله لحالـي
وشعمت نار ما شعموها الدواوييـر
ودنيت نجر في الصـداره يلالـي
ودلال بغـداد عليـهـا مناحـيـر
وصبيت فنجالي على مـا بدالـي
محمركن يشدي خضاب الغناديـر
وتـوارد بنـات فكـري اجزالـي
واخترت منهن البيـوت الاباكيـر
وقربت بوكي والقلم والـدواء لـي
وكتبت للعطنه زبـون المخاسيـر
ياكايد العطنه طـرا مـا طرالـي
ذكرتني خـوة رجـال مساطيـر
اشفق على خـوة قـروم العيالـي
اللي ليا ضاقـت تبـوج المعابيـر
وايضا تذكرنـي بوقـت مضالـي
ايام كنـا فـي محيـر الخنازيـر
وايـام قبـل ايامـنـا ياحـلالـي
الله يذكـر كـل الايـام بالخـيـر
بارض الطبيق اللي لها القلب مالي
وهضابها اللي كاسيتهـا العثاميـر
لا جيتها يرتـاح فكـري وبالـي
اخير من لنـدن ورومـا واقاديـر
تحياتي للجميع
عاشق
|
العضو الأكثر نشاطاً هذا اليوم 
العرض العادي
