قصيدة بعنوان( التجربه خير برهان )

quote=مبارك طناء;457372]بسم الله الرحمن الرحيم

بعد التجارب عرفت الحب وألوانه = منه المغره ومنه النار والجـنـه
حذراك ياصاح لايغويك شيطانه= يلحق على العود واللي مابلغ سنه
السمر والبيض للمخلوق فـتانه= كم واحد(ن) في طريق الحب غرنـه
بكتابته مفردات السحروألوانه =وإسلوبه اللي خلاف الشرع والسنه
لذة مذاق الأنوثه نبض شريانه= كم شيخ قوم(ن)سببهن يزعج الونه
شيخ ٍ يبي ستر حاله قاله بلسانه= لا واعذاب القلوب اللي يحبنـه
اليوم للعجز دور يخيف شيبانه=حتما ً قضيّة تحرش لوتبلنه
والصدق والقلب الأبيض ماله الخانه = الكذب والنيّة السودا توطنه
الحق والشعر والمبدع وقيفانه = الحظ والواسطه والمال يحييّنه
والحر وإبن الحموله طاح ميزانه =وسراقة الشعر صار الفن هو فنه
والذيب والشبل والخيال وإحصانه = أردي حمير الوحش بالقاع صادنه
من يفعل الخيروالمعروف بإحسانه =يصبر على الغبن واللعنات ياجنه
قل الحيا والجمايل زاد نكرانه= ياالله عسى جاحدالمعروف يبكنه
في جاه من نرتجي فضله ورضوانه = جزل العطايا تبارك معطي الجنه

عجل الفرج خالق المخلوق سبحانه= الحمد له والثنى والفضل والمنه

شاعر جبل شمر/ مبارك طناء التبيناوي

صح لسانك شاعرنااا
شاعرنا الراقي والذوق الفخم
مَاذَا عَسَايَّ اَنْ اَقُولْ
حُرُوفٌاَيْنَعَتْ مِنْ بَرِيقِ الجَمَالْ
لاَ أًدْرِي اَيُّ حَرْفٍ اَمْزُجُهُ مَعَ حُرُفُك
حَتَّىْ اَصْنَعَ دَرْبًا مُنِيراً لاِبْدَاعُك
قدألجَمني الصَمتْ
وَليسَ أمَامي سُوى التَصفِيقُ لَك بِـ حَرارهـ
كُلْ الشُكُرْ وَالاِحْتِرَامْ
عَ البَوْحْ الراقي
لرَوحِك الرائَعَه

صح الله لسانك
قصيده رائعه وجميل
بنتظار

الـسـمـر والـبـيــض للـمـخـلـوق فـتـانــه

كم واحـد(ن) فـي طريـق الحـب غرنـه

مبارك الطناء ...

يعطيك الله العافيه

و تسلم وصح الله السانك ولاهنت

شكرا لك ..

اقتباس المشاركة الأصلية كتبت بواسطة ذوق الحنان صح لسانك شاعرنااا شاعرنا الراقي والذوق الفخم مَاذَا عَسَايَّ اَنْ اَقُولْ حُرُوفٌاَيْنَعَتْ مِنْ بَرِيقِ الجَمَالْ لاَ أًدْرِي اَيُّ حَرْفٍ اَمْزُجُهُ مَعَ حُرُفُك حَتَّىْ اَصْنَعَ دَرْبًا مُنِيراً لاِبْدَاعُك قدألجَمني الصَمتْ وَليسَ أمَامي سُوى التَصفِيقُ لَك بِـ حَرارهـ كُلْ الشُكُرْ وَالاِحْتِرَامْ عَ البَوْحْ الراقي لرَوحِك الرائَعَه

هلا وألف مرحبا الكاتبة العظيمه الأخت الكريمه/ذوق الحنان

بعد التحية والأحترام

صح بدنك وسلمت روحك على الأطراء الجميل عاجز عن الشكرعلى

كلماتك العطره والتصفيق والتصفيق بحراره هذا بحد ذاته دليل

خلقك النبيل وذوقك الجليل شكراً اختي الغالية على كرمك معي

وجهدك الدؤوب والمتواصل والمتواصل دمت بخير وموده وشكراً

صح لسانك وعلا شانك شاعرنا القدير
مبارك الطناء
قصيدة رائعة وجزلة راقت لي جميع أبياتها
يسلم راسك يابعدي

تقبل خالص احترامي

اخوي الشاعرمبارك التبيناوي
انت شاعر عملاق لايختلف عليك اثنين وكل قصيدك مميز
اماهذه القصيده فهي من نوع غير صراحه هذي انا اعتبرها علاج اعتبرها منهج يجب ان يدرس ويتبع والوابي اكتب عنها يبغالي مجلدات ماتوفيها حقها لكن نختصر واقول لك بيض الله وجهك. اطال الله عمرك ورحم الله. الديك والف مليون صح لسانك على ماجادة به قريحتك العذبه تحياتي لك ايها الشاعرالعملاق العذب

الأخت / بزونه
االأستاذ القدير/ سليكو
الأخ العزيز الشاعر/ الساري
الاخ الشاعرالكبير/ مشعل التريباني
السلام عليكم ورحمة الله
صحة أبدانكم وأعتلا شأنك لكم جميعا كل الشكر والتقدير وأخص بالشكر
والتقديرالمراقب العام أبو فيصل على التصميم الجميل الخاص بي وفق
الله الجميع لمايحب ويرضى دمتم جميعاً بخير وموده والسلام
اخوكم ومحبكم شاعر جبل شمر/ مبارك طناء التبيناوي

كم من الجمال والروعه بين طيات أبياتك الجميله ،، تسلم

اقتباس المشاركة الأصلية كتبت بواسطة فرح كم من الجمال والروعه بين طيات أبياتك الجميله ،، تسلم

الأخت الكريمه / فرح
بعد التحية والأحترام
صح بدنك شكرا لك على مرورك الساروكلماتك الجميله دمت بخير وموده وشكرا
اخوكم الشاعر/ مبارك التبيناوي

ابيات رائعه سلمت يداك شكرا

الأخ العزيز المشرف / أمير الشمال

السلام عليكم ورحمة الله

اشكركم على كلماتك الجميله واخلاقك النبيله صح بدنكم واعتلا شانك دمت بخير

وموده لك فائق احترامي وتقديري والسلام

اخوكم ومحبكم / مبارك طناء