ياكثرت اللجلجه ماللمواهب لزوم=سكًر على الموهبه داخل صناديقها
خل المهبل بحملتها تطيح وتقوم=ناسٍ تسدد على الجزله تفافيقها
ناسن ببحر السوالف كل ساعه تعوم=اللي غلا الهذرمه فجًر معا ليقها
بعض الاوادم من علوم الرجال امحروم=وهزايل الحكي يلبسها مخانيقها
ناسن تجمًل وتلبس ناقصات العلوم=تفرح بجمع العلوم وزود تلفيقها
يصعد بحبل السوالف يم حدالغيوم=وعلى ركيك العلوم ايزيد تصفيقها
تشبه نسورن على ريح الفطايس تحوم=تنزل على الناقصه لوزاد تحليقها
يازاد هرج الرجل يدخل بصف الرخوم=عبًادت الحكي ماتقضي خثا ريقها
ابانصح اللي يبي يطمح لجزل العلوم=اردع هوى النفس لاتطلق مسابيقها
تر كثرت اللجلجه والهذر ماله لزوم=زود السوالف لبيب العقل مايطيقها
(((((مشعل عسام الغافل التريباني))))) في 1445/6/2هـ
العضو الأكثر نشاطاً هذا اليوم 
العرض المتطور
