دورولي نايف الحربي على سرع وعجاله =وش معه في ذا الغياب ولا عرفنا عن غيابه
هو خوي الكم قديم وعارفين إبكل حاله=واما انا توي جديد ولا في اسؤالي غرابه
والرجل شاعر جزل والجزل يعرف من مقاله=وبين ابا الحارث وحرب جذور تربطها القرابه
من شبابه والصله والاصل من ساس الاصاله=وتعتبر فينا وجود ومن سئل يلقا الاجابه
والتعارف غاية المطلوب برجال الشكاله=وعندنا شأنٍٍ كبير ونحرص ونحسب حسابه
وبلوغه ازكا السلام وزايد التقدير ناله=وانتم اهل الطيب من وقتٍ مضاء في كل جابه
وشمر اهل الجود والتقدير ورموز الرجاله=ونفتخر بالطيبين اللي على عز وصلابه
والحقيقه عندكم شفنا الحفاوه والجماله =والثناء مشهود والتقدير سجل في كتابه