بعد ماطول اغيابك علينا صرت ناسينا
تغيب ويوم تتكبر ولا تسال عن احبابك
من اللي جابلك سيره بعد ماكنت هاوينا
بلحظه تنكر العشره تصك بوجهنا بابك
تغير واختلف طبعك وطاحت نظرتك فينا
ياريت اشوف غلطاتك واحس بكرهي بسبابك
حقيقه كنت توحشنا . حبيبي صرت تشقينا
من اللي علمك تقسى تروح وتنكر احبابك
اذا كان الخطاء منا . امانه لا تخلينا
يجيك بعذري الصادق . حبيبي واقبل اعتابك
علينا غالي ونرضيك ولا تزعل ياغالينا
تصدق كل شي يهون بهالدنيا ولا غيابك
ترى مهما تزاعلنا ومهما احنا تراضينا
حبيبي لا يهمك شي مدام الحب متشابك
تفضل شف لك بقلبي . بحر له ساحل ومينا
ومدينه حب بعيوني تفوح بكل ترحابك
ياليت القلب يهدى لك . غلا والعمر وسنينا
واقدم قلبي وعمري لعينك واكسب اعجابك
اجيك بصادق النيه وحب يوفي اسنينا
معك كلي على بعضي اموت بشوق واحيا بك
حلفت ابقى على عهدك مابيح الحب وماضينا
وظمك شوق بعيوني واصون الحب لحسابك
ترى غيرك بهالدنيا ابد ماكان يعنينا
متى تسمح لي ايامي اشوفك واتهنا بك
قمر
العضو الأكثر نشاطاً هذا اليوم 
العرض الشجري
