سلامٍ مني مابه اليوم نقصان =تسليمةٍ مضمونها المسك والعود
من شاعرٍ غنى على جزل الالحان =يعسف بيوت الشعر والقاف مشدود
ابدا قصيدي واستهله بالاوزان =وقيفان شعري يا بو متعب بك اتجود
لا باس يا فخر العرب طير حوران =اللي مكانه بيننا ماله حدود
يالفارس الملهم سلايل كحيلان =في حضرتك كل البلد أمنه يسود
صناع مجدٍ نسل طلقين الايمان =القائد اللي داحرٍ كل نمرود
يا مرحبا والشعب يدعي و فرحان =في رجعتك كل العرب عيدها يعود
و بشوفتك يا فخرنا حالنا زان =عز الدخيل مزبنٍ كل مضهود
فعلك مجيد و كل شيٍ ببرهان =مدت يمينك يابو متعب لها شهود
يا حاكمٍ بامر الولي عدل واحسان =فيكم بذور الخير والراس كامود
البيت مايبنى بلا ساس و عمدان =وانت عمد هالبيت ولك مننا عهود
نبقى لكم درعٍ على مر الازمان =ياخادم البيتين نبقى لك جنود
يالله يامنزل من الحق قرآن =تامن وطننا وتجعله سهود ومهود
وتعز عبدٍ مخلصٍ لك با لايمان =سهران ليله والشعب بأمنه رقود
وصلاة ربي عد ماهلت امزان =على النبي واعداد ماذعذع النود
العضو الأكثر نشاطاً هذا اليوم 
العرض الشجري
