لغز((كرش منذر برمضان))((فغصه فغاص الشعلا))

منذر طلع كرشه غدى تقل كومه=ومـن شـاف زوله قـال له يامـلا الضـرب
ياويل كرشه خايفن شهر صومه=يكرب صـوامـيـلـه بـجــوع الـعــرب كرب
عشرين كيلوا ينزلن من شحومه=ويعلن على شـهــر الكـرم حـالة الحرب
ياويـش بـنـتن غالـبـتـنـا سـلومه=ولحـدن مـلـكها في مدى الشرق والغرب
احدن يحـب البنت واحد(ن) يلومه=واحد(ن)يـبـيـهـا دايـم تـمـســـح الــدرب

سلمت ياعساك للقوه
ياراوينا

اتوقعها محسوسه
يعني مثل الغنيمه
او الشهامه ؟؟

اقتباس المشاركة الأصلية كتبت بواسطة اخو رثعه سلمت ياعساك للقوه ياراوينا اتوقعها محسوسه يعني مثل الغنيمه او الشهامه ؟؟

اخو رثعه بلاك ذيب ماشالله عليك00


تشبهن واجد بالذكاء لكن انا اغلبك بالشجاعه والحلاء0

مره صعب والله
بالنسبه
لي جايه بسلم بس
واشوف الحل

اقتباس المشاركة الأصلية كتبت بواسطة سلافه مره صعب والله بالنسبه لي جايه بسلم بس واشوف الحل

هلا وغلا والله بسلافه00

ماهو على كيفك تروحين وتخلين خوياتك السحالي

عند هالتماسيح الجارحه الغادره00

جـتـكم بالالغـاز سـلافـه=فزاعـتـن للــغـنــاديـري
كل الذكاء صار بأكـنافه=تجدع لغوزن معاسيري
دامه على لغــزنا طـافه=لازم تحــله على خـيـري
والقسم فرحان بأضيافه=اللي لفونا مسايـــيـــري

بالخير يابو فهد
والله اني من الشجاعه توني طرحت لي عشر رجال ودحيت فرتهم بالقاع

الظاهر ابصير يافواز مثل اللي متحيزم بمسدسه وجاه الصطار بالعرس ههههههههههههه

الظاهر ان الحل : السبحه

اقتباس المشاركة الأصلية كتبت بواسطة عشوق بالخير يابو فهد والله اني من الشجاعه توني طرحت لي عشر رجال ودحيت فرتهم بالقاع الظاهر ابصير يافواز مثل اللي متحيزم بمسدسه وجاه الصطار بالعرس ههههههههههههه الظاهر ان الحل : السبحه

عشوقوه مالك لوا ماهي السبحه000


واللي بالعرس ياويلك لو يدري بك يالبطول000

تسلم يابو فهد على اللغز


ورمعتي مدري يمكن الكرم

اقتباس المشاركة الأصلية كتبت بواسطة احلا حلا تسلم يابو فهد على اللغز ورمعتي مدري يمكن الكرم

ياهــلا يامـرحــبـا بـك ياهـلا=يابعـد مـزيـون حايل مع عشوق
مااصبت اللغز يااحلى الحلا=حاولوا حطوا على الالغاز طوق
واعساكم سالمين من الـبلا=وتذبحون اللغز مع كل العروق

ماهي الهدايه ؟؟؟
ربنا يهدي الجميع
وسلمت راوينا

اقتباس المشاركة الأصلية كتبت بواسطة سحابة شمر ماهي الهدايه ؟؟؟ ربنا يهدي الجميع وسلمت راوينا

هلا وغلا عزيزتي سحابة شمر000


ومالك لوا يالعزوه000 حاولي مره اخرى لعلك تصبخينه00

الراوي00

حياك ابو فهد
شرايك

يالدمعه

اقتباس المشاركة الأصلية كتبت بواسطة بروق الوسم حياك ابو فهد شرايك يالدمعه

هلا وغلا بروق الوسم وحياك00

اللغز يغلي غالبتنا سلومه يعني موجوده غصب ولااحد يملكها ملك 0 والدمعه

نملكها حنا 0 وناس يبونها وناس يكرهونها 00 فكروا الان عقب التوضيح00

السلام ابو فهد
هل اللغز هو العادات والتقاليد؟؟؟؟
========>ماعندها سالفة بس تتوقع!!
هههه
.
.
.
.
.
نـــورالدنيـــأ

اقتباس المشاركة الأصلية كتبت بواسطة نورالدنيا السلام ابو فهد هل اللغز هو العادات والتقاليد؟؟؟؟ ========>ماعندها سالفة بس تتوقع!! هههه . . . . . نـــورالدنيـــأ

هلا نور الدنيا ونورتي ميدان الشجاعه00

هي قريبه جدا من العادات والتقاليد والفزعات000

حياك والالغاز كلها توقع عادي اكثرها يصيب00