يقولون الرجال ان المراجل ماتجي بالهون

‏يقولون الرجال ان المراجل ماتجي بالهون=تبي رجلآ شفوقن للمراجل يرخص امواله

قصير الباع مايرد العدود ولايسد اديون=ولايشرب من الجمه ضعيفن تقصر احباله

اليامنك بغيت الطيبه لاتبخس الماعون=ترا من يبخس الماعون والله ماتهياله

ترا منلا بذل للطيب والله مايجيه بدون=يموت بحسرته والطايله مايصعد اجباله

الا ياعيال هبّو للعلوم الغانمه تكفون=ترو منلا كسبها في شبابه حالته حاله

اليامنه كسا راسك بياضه واصرم العرجون=تصيرالمرجله صعبه وتعجز تدرك اطلاله

اليامنه تفرق جمعك اللي يظهر المكنون=وقرب منك البعيد وطوقك حله وترحاله

يجن اركابك الثنتين معهن حاشين مقرون=يتلنه تحت وايتلهن يمشن بمنواله

يتلنه حلال القوم والحاشي عليهن كون=رقافيهن للاعلا والهزيله يحمل اثقاله

الياخار القوى لو ودكم بالطيب ماتقوون=تمنون الزمان اللي مضى لوزوّد امهاله

مشعل عسام التريباني الشمري في 30/6/1441هجري

هلابك ابوعبدالرحمن وصح لسانك ملاااايييين
لاعــــــــدمنا وجووودك.


تم التنسيق.

هلابك اكثراخوي ابوطارق
الله لايهينك يابعدي صح بدنك شكرالك على التنسبق

صح بوحك ومنطوقك شاعرنا الكريم
شكرا لاثراء المنتدى بجمال احساسك
كن دوما بخير من الله ..

‏يقولون الرجال ان المراجل ماتجي بالهـونتبي رجلآ شفوقن للمراجل يرخـص اموالـه

قصيـر البـاع مايـرد العـدود ولايسـد اديـونولايشرب من الجمه ضعيفن تقصـر احبالـه

صح فكرك قصيدة اعجبتني بالمعاني

اخواني الافاضل
صحت ابدانكم جميعا شكرالمروركم لاهنتو

ماشاء الله صح لسانك ابيات رائعه شكرا

اميرالشمال
صح بدنك لاهنت شكرالمرورك

مشعل التريباني ... يعطيك الله العاااااااااااااااااااااافيه
وصح الله لسانك .. ولاهنت
شكرالك