|
اقتباس:
طيب ممكن كاس ماي لأن نشف ريقي من قبل لا أجاوب على الأسئلة العويصة ،، ألف شكر لك عقيدنا عقاب النهار ،، وبسم الله نبدأ فاصل و نواصل |
حياك ربي
وهلابك ونورتى وهدى اعصابك ومع الكاس برادة مويه هههههههه ويالله نبي نتابع اجوبتك انا متابع بصمت وهذى جلسه مع براد شاهى |
أسمك :
نور بعد حيي هوايتك : القرأة ، كتابة الخواطر ،رياضة المشي ، ركوب الخيل ، الطبخ أتمنى إني أتعلم القنص بالصقور ،، مؤهلاتك العلمية : بكالريوس لغة عربية + دبلوم حاسب آلي هالحين شد حيلك ..! وأنـتـبـه ..! بسم الله نبدأ وربي قلبي يقرع قرعا" غريبا" <<<< مرررة لغة عربية 1 - عضو مواضيعه هي وجبة المنتدى الرئيسية ؟ القاسم المشترك في جميع إجابات هذا السؤال ( هـــــــايدي ) الله يردها لنا بالسلامة و تنور بعد حيي من جديد وربي فااااقدتها حييييل ،، 2 - عضو صاحب اللغة الأكثر لباقة ؟ إنسان حالم ، عشوق 3 - عضو ردوده تجبرك على التوقف و إعادة القراءة إن اقتضى الأمر ؟ بلا منازع ( روح ) أمولة النمولة الله يذكرها بالخير 4 - عضو صاحب تواجد كثيف .. لكنك لاتملّه .. و تشعر أنه يتمشى كـ ريشة ؟ كانت في السابق نور الدنيا الله يذكرها بالخير ولكن هي الأن مقلة جدا" أما حاليا" ( سلوووم ) صاحب بيت السفينة و طروادا 5 - عضو مقل .. لكنك تشعر انه متواجد معك دائماً ؟ عانيتـ بسكاتـ 6 - عضو قادر أن يضحكك وأنت في ذروة عصبيتك .. ؟ هههههههههههههههه وربي من تذكرت اسمه ضحكت أكيد الزعيم ( منذرووووه ) 7 - عضو .. ثقيل متّزن .. و كل كلمة بحساب ؟ الباشا صاحب الموقع ( الـ ساري ) و صاحب الموضوع ( الشيخ عقاب النهار ) 8 - عضو تتمنى أن يشتهر أكثر من غيره ؟ الكل هنا ولله الحمد معروف و مشهور ،، حتى أنا يوم أمشي بالشارع الكل يعرفني إني من أعضاء بعد حيي يكفي انتمائنا لبعد حيي 9 - عضو تخشى أن يسىء فهمك .. تتحاشى الإشتراك معه في أي نقطة اختلاف او التقاء .. من منطلق " الباب اللي يجي لك منه ريح .. " ؟ نو بودي ،، 10 - عضو يشع من أعين يوزره بريق الذكاء .. و بـ رواية أخرى " ذيب " ؟ أكيد كل نعومات المنتدى ذكيات ما عدا أنا ،، 12 - عضو غير شكل .. متمرد .. صاحب أكثر افكار جهنمية ؟ هـــايدي ، أنوار الشمال الله يذكرها بالخير ، 13 - عضو تشعر أن أسلوبه في المنتدى خانه .. فلم يظهر بـ طبيعته الأجمل ؟ ماااااااااااااافي 14 - عضو يجيد المشي على أطراف الأصابع .. يزور المنتدى بـ " طاقية إخفاء " .. يمر بهدوووووء .. و يرحل بهدووووء ؟ الـ ساري ، سهر ، النوووفي 15 - عضو مجرد قرعه لـ الجرس يوقظ المشرف العام حته وحدة " صاااااخب " ؟ صعب المنال ،، كان مشاكس في السابق و ألحين أشوفه هجد هههههههههه لا تزعل أوكي 16 - عضو تشعر انك تزور المنتدى بـ معيته دائما .. وقت تصفحك يصادف عادة وقت تصفحه .. ؟ كثيييييير ،، لأني مرابطة فيذا 17 - عضو تعمل له ألف حساب .. تراجع ردك باهتمام قبل أن تطرحه في موضوعه ؟ ماااافي لأني أرد و أهج هههههههه خوافة 19 - عضو لم يبق سوى أن تحلف " ما شاء الله ما شاء الله " انه مملوحـ / ـه ؟ كل بنات المنتدى أحسهن حلوات مثلي خخخخخخخخخخ 20 - عضو تتمنى لو تتاح لك فرصه لـ تتعرف على واقعه بـ شكل أكبر ؟ كل بنات المنتدى بلا استثناء 22 - عضو بينك و بينه صداقة حميمة خارج إطار النت ؟ فوفو بنت عمي دلتني على المنتدى ونشبت أنا فيه وهي فلت 23 - عضو هو توأم روحك في المنتدى .. كـ " أفكار, أسلوب , ذائقة " ؟ اممممممممممم مدري ما لاحظت الشبه ،، 24 - موضوع كسر الدنيا .. و سجل رقم قياسي بـ طول البقاء في مفضلتك ؟ بصراحة مدري لأني مو متابعة جيدة للمواضيع الطويلة أو الحوارية بس كان يعجبني برنامج المليون لمقدمته هايدي قرداحي 26 - عضو هو مثقف المنتدى بلا منازع ؟ روح 27 - عضو جديد تتوسم فيه ملامح جموح ؟ " يعني يجي منه " المساااافر ،، أبجد ،، نوارتي 29 - عضو تراه الأقرب لـ المثالية والكمال ؟ سهر ، حنين الشوق ، ملامح ، على النية <<<< أموووت وأعرف سر هالنك 30 - عضو تشعر أنه يمضي باقي يومه بالفصحى ؟ روح 31 - عضو صاحب أبيض قلب على الإطلاق .. هو امتداد لـ مسميات الطهر والنقاء ؟ ههههههههههههه مايحتاج إجابة من نكي تعرفون ،، بصراحة كل أعضاء بعد حيي أصحاب قلوب بيضاء و نقية 32 - عضو لا شىء عوّض غيابه حتى الآن ؟ روح ، نور الدنيا ، شمري حايل 34 - عضو حرّضك لـ التسجيل بعد أن قرأته ؟ قصائد طلال الرشيد هي السبب الأول و الأخير لتسجيلي و استمراري هنا 35 - عضو أنت على وشك يقين بأنه يكتب بـ أكثر من يوزر ؟ كل أعضااااء المنتدى إلا فاصلة بيضاء 36 - عضو أسلوبه سلس .. خطواته منطقية و يكتب بـ صوت خافت ؟ همس القوافي ،، شباصة ، ملامح 38 - عضو صاحب ذوق أنييييق و مرور عطِر ؟ جـــــــــــود 39 - عضو نظامي للآخر .. يوحي بـ " عريف صف دراسي " سابق ؟ مافي غيره ( الـ ساري ) الله يهداه ماينسى العصا وهو داخل المنتدى 40 - عضو تحرير ردوده طبع متأصل فيه ؟ مافهمت السؤال !!!! 41 - عضو قادر على التأقلم مع كافة أقسام المنتدى بـ رشاقه وأريحية تامة ؟ كل سكان بعد حيي 43- عضو لا مبالي بما يدور حوله ؟ مراسلنا الراقي نت ، أحسه في عالم أخر بعييييييد - أجمل ركن هادئ مررت به ؟ بصراحة تامة لم أمر إلا بركن الباشا و أعجبتني بعثراته ،، و أخيرا" خلصت الأسئلة ،، وربي تعبت و نشفت عروقي أول مرة أدخل هالمواضيع ،، أنا حدي الردود ع المواضيع و يخب علي عموما" سعدت بتواجدي معكم برعاية الشيخ عقاب اللي أسألته مثل العقاب ،، و أعتذر لكل من لم أذكر اسمه لأني متوترررة جدا" ونسيت أكثر الأعضاء سامحوني على الإطالة و ثرثرتي الزائدة أختكم المتوهقة ، بيضاء |
تسلمين ع الاجوبة الحلوه
يااختنا المتوهقه<<<عجبني النيم خخخخ بس قلبو مااخترتي احد بعدك وااااي يلا بسرعه اختااري يالغلا |
فاصلة بيضاء الله يعطيك ألف عافيه على إجاباتك الجميلة
باين عليك التوتر ههههههه استمتعت بإجاباتك الله يسعدك |
والله إذا علي أختار الـ ساري و إذا اعتذر
أختار الزعيم ( منذر ) و إذا اعتذر أترك الإختيار للشيخ عقاب يحشر اللي بعدي مثل ما حشرني |
الاخت فاصله بيضاء
وشدعوى لو انى بفتح محظر تحقيق كان شتسوى الله اعلم تموتى من اول سؤال ههههههههه دامت انفاسك وربي يسعدك ويوفقك كفيتى ووفيتى وبالنسبه للسارى اعتذر ومنذر مقل لكن لامحاله بنجيبه يجاوب والحين باختار الاميره العنود عسي ماتعتذر بس الاميره العنود |
افااااااااااا واعتذر وشلون ! بالعكس البي دعوة من اختارني ..
:) |
فوشية و حنون
ألف شكر لكن حبيباتي على المتابعة ،، نورتوني و الله ،، الشيخ عقاب النهار يسلمك ربي و يبقيك ،، موضوعك لاقى استحسان الجميع هنا وننتظر جديدك ،، بالنسبة لمنذر بالله عليك به ما أوصيك تله مع شوشته إذا كانت له شوشة ،، الأميرة العنود ،، اختيار موفق تحياتي للجميع |
الاميره العنود
ربي يسعدك ويوفقك على الاستجابه للدعوه |
اقتباس:
ابشرى انتى تامرين امر وربي بجيبه لكن خل يحصل لى فرصه وانا واثق بيجى باذن الله وعن شيخ ترانى انا اقلكم وربي كلكم شيوخ هنا والموضوع اهم شى انه اعجبكم وربي انى مبسوط انه الكل يتابعه ومتحمس لاى عضو او عضوه يجاوب انتم من رقى فيه وسبب له نجاح كونى بخير |
[align=center]
الله يعطيك العافيه ع هذا الموضوع الرائع لك مني ياأخ عقاب أطيب التحايا [/align] |
أسمك : - العنود .. :070: هوايتك : -احب اقرأ الشعر .. والشخبطة في الفوتو ولو اني مبتدئه .. " وبشكل عام احب المشاركه بالمنتديات".. مؤهلاتك العلمية : - شحقه هالسؤال :( ليش الاحراج .. ماكملت تعليمي بنص الطريق وقفت بسبب الظروف . بس بعد ماشاب ودوه الكتاب هههههه اخذت دورات بعلوم الحاسب والحمد لله .. هالحين شد حيلك ..! وأنـتـبـه ..! - :eek: شنووو فيه ليكون فيه هجوم جوي .. ههه 1 - عضو مواضيعه هي وجبة المنتدى الرئيسية ؟ - والله ماودي اظلم احد بصراحه انا تواجدي بقسم الهمسات والشعر .. وقليل او معدوم تواجدي بالاقسام الثانيه .. ع شان جذي اترك هالسؤال فاضي .. :( 2 - عضو صاحب اللغة الأكثر لباقة ؟ ماشاء الله اغلب الاعضاء لهم اسلوب لبق وذوق ... 3 - عضو ردوده تجبرك على التوقف و إعادة القراءة إن اقتضى الأمر ؟ - بجد الاستاذ عقاب النهار \ والشاعره علي النيه .. 4 - عضو صاحب تواجد كثيف .. لكنك لاتملّه .. و تشعر أنه يتمشى كـ ريشة ؟ بما ان تواجدي الدائم بقسم الهمسات فـ ارى ان علي النيه لها تواجد مكثف ولكن لكل متصفح لها نكهه خاصه ... 5 - عضو مقل .. لكنك تشعر انه متواجد معك دائماً ؟ :) " ماكو احد " مالي معرفه خاصه بـ أي عضو\ ه .. 6 - عضو قادر أن يضحكك وأنت في ذروة عصبيتك .. ؟ - لا يوجد ... 7 - عضو .. ثقيل متّزن .. و كل كلمة بحساب ؟ - مجموعه من الاعضاء احسهم فعلاً قمة الثقل والاتزان .. 8 - عضو تتمنى أن يشتهر أكثر من غيره ؟ - يقولون مبدي ع نفسه من اهل النار هههههه انا .. والله اتمنى لجميع الاعضاء التقدم والرقي .. 9 - عضو تخشى أن يسىء فهمك .. تتحاشى الإشتراك معه في أي نقطة اختلاف او التقاء .. من منطلق " الباب اللي يجي لك منه ريح .. " ؟ - لا اخشى سوا الله سبحانه .. واما عن سؤ الفهم قاعده دائما اتخذها .. "كن صريح في تعاملك واضح مع نفسك قبل الأخرين " الكل يفهمك صح .. إلا من يحاول الاستعباط وخلق شي من لاشي .. < فـ هذه الفئه لا انظر إليها ولا اعتبر لها وجود مهما قالت .. ومن ناحية الاشتراك في النقاش في نقطة اختلاف .. بالعكس النقاش في بعض الامور مطلوب .. ودائما اقول" الاختلاف في الرأي لا يفسد للود قضية ".. :) 10 - عضو يشع من أعين يوزره بريق الذكاء .. و بـ رواية أخرى " ذيب " ؟ - شاعرتنا علي النيه .. 12 - عضو غير شكل .. متمرد .. صاحب أكثر افكار جهنمية ؟ - إذا ماخاب ضني هي هايدي .. وليس التمرد بمعناه ولكن تمرد الافكار وخلق شي جديد ... 13 - عضو تشعر أن أسلوبه في المنتدى خانه .. فلم يظهر بـ طبيعته الأجمل ؟ - لا يوجد :) .. 14 - عضو يجيد المشي على أطراف الأصابع .. يزور المنتدى بـ " طاقية إخفاء " .. يمر بهدوووووء .. و يرحل بهدووووء ؟ - هذا عضو جاسوس او عضو طفيلي .. :) واكره هذه الفئه .. حتى وان حضرت كـ خفاش لن يعيبك ترك بصمه خلفك .. 15 - عضو مجرد قرعه لـ الجرس يوقظ المشرف العام حته وحدة " صاااااخب " ؟ - وين الجرس وليش ماتدلوني عليه بسوي ازعاج للمشرفين ههههههه .. " ماكو عضو مزعج " 16 - عضو تشعر انك تزور المنتدى بـ معيته دائما .. وقت تصفحك يصادف عادة وقت تصفحه .. ؟ - :) عقاب النهار اغلب الاحيان .. شل حال بغيابك .. علي النيه .. شادن كان دائما تواجدي يوافق تواجدها .. وكثير من الاعضاء لا تحضرني اسمائهم .. 17 - عضو تعمل له ألف حساب .. تراجع ردك باهتمام قبل أن تطرحه في موضوعه ؟ - من ناحيتي ردي يكون حسب الموضوع الذي قرأت ولا يكون اعتباراً لصاحب الموضوع .. لآن ماتقراء هو من يوحي لك بالرد ويجبرك علي الرد بأسلوب يليق بالموضوع .. 19 - عضو لم يبق سوى أن تحلف " ما شاء الله ما شاء الله " انه مملوحـ / ـه ؟ - مملوحـ \ ـه من اي ناحيه .. هل هو ملح الملامح .. او المواضيع ..! اذا كان الاول .. ماشفت ع شان احكم .. واذا الثاني . فـ بكل صراحه اعتبر جميع شعراء بعد حيي ملح المنتدى .. 20 - عضو تتمنى لو تتاح لك فرصه لـ تتعرف على واقعه بـ شكل أكبر ؟ - من ناحية التعرف .. فـ العرفه الطيبه مشريه .. وياليت تتاح لي التعرف علي بعض البنات هنا .. ويلا يابنات حائل عندكن العطله اعزمني وتعرفن علي هههههههههههه ..:070: 22 - عضو بينك و بينه صداقة حميمة خارج إطار النت ؟ - لا يوجد .. 23 - عضو هو توأم روحك في المنتدى .. كـ " أفكار, أسلوب , ذائقة " ؟ - " لا يوجد " 24 - موضوع كسر الدنيا .. و سجل رقم قياسي بـ طول البقاء في مفضلتك ؟ - بجد بجد مجلة بعد حيي .. 26 - عضو هو مثقف المنتدى بلا منازع ؟ - الجميع ماشاء الله عليهم مثقفين .. :) 27 - عضو جديد تتوسم فيه ملامح جموح ؟ " يعني يجي منه " - :( والله اثريني ماش مقصره .. استحت واهي تقول مادري وإلا يوجد .. :( 29 - عضو تراه الأقرب لـ المثالية والكمال ؟ - :) سهر 30 - عضو تشعر أنه يمضي باقي يومه بالفصحى ؟ - ملاحظة احد يتكلم فصحى بحت .. 31 - عضو صاحب أبيض قلب على الإطلاق .. هو امتداد لـ مسميات الطهر والنقاء ؟ - الـ ساري " ولا تقولون مجامله .. لا والله احساس لمسته في شخصه . 32 - عضو لا شىء عوّض غيابه حتى الآن ؟ - شان احس مكانها فاضي لحد لآن .. وربي وربي قسم التصاميم بعدها ماحب ادشه .. < لحد يزعل من صراحتي .. 34 - عضو حرّضك لـ التسجيل بعد أن قرأته ؟ - يمكن صراحتي الزايده ماتجي من صالحي .. بس طبع فيني احب اكون صريحه .. تسجيلي ماكان بهدف المشاركه .. وبدليل بداية تسجيلي بمعرفه غير معرفتي المعهوده .. انا عرف بعد حيي من بدايتها .. ولكن لم يسبق لي وتصفحتها .. ولكن كنت ابحث عن مواضيع في قوقل وطلعت لي بعد حيي .. قلت بنفسي هذا هو منتدى بعد حيي اللي يقولون لي عنه << ههههه ودشيت .. وحصلت ما ابحث عنه وناسيه بالتحديد شنو الموضوع اللي كنت ابيه ولكن اتذكر انه قصه او قصيده لـ فواز الغسلان .. وجبرني علي التسجيل النسخ ههههههه وسجلت .. وصرت اتردد علي بعد حيي وتعجبني قصايد كنت انقلها بس للذمه ماانقلها باسمي انسبها لصاحبها اذا وكذا مره اخذت من قصايد ابن نهار .. بعد فتره وبتحديد في شهر رمضان بديت بالمشاركه بالردود والمواضيع .. لآنه فعلاً المنتدى بكل طاقمه متميز ويشجع علي الانظمام لهم .. 35 - عضو أنت على وشك يقين بأنه يكتب بـ أكثر من يوزر ؟ - لا يوجده " والله اعلم ... 36 - عضو أسلوبه سلس .. خطواته منطقية و يكتب بـ صوت خافت ؟ - شاعرنا "متعب الطواله " بجد اسلوبه سلس وعذب كـ ماء القراح .. 38 - عضو صاحب ذوق أنييييق و مرور عطِر ؟ - روح .. تعجبني ردوده وطريقة تنسيقها .. 39 - عضو نظامي للآخر .. يوحي بـ " عريف صف دراسي " سابق ؟ - :( مالحظة لا ضابط ولا عريف ههههههه ... 40 - عضو تحرير ردوده طبع متأصل فيه ؟ - :( اتركه فاضي ... 41 - عضو قادر على التأقلم مع كافة أقسام المنتدى بـ رشاقه وأريحية تامة ؟ - :( سبق وقلت مااقدر احكم لآني ما اتواجد بجميع الاقسام ... 43- عضو لا مبالي بما يدور حوله ؟ - لايوجد .. 44- أجمل ركن هادئ مررت به ؟ - هنا اقول : لم امر بجميع الاركان .. ولكن ممرت بركن ع النيه : احس احساس : عقاب النهار : الـ ساري : ملامح : لكل ركن نكهه خاصه .. وذوق خاص .. وكل مادخلت ركن وجدت مايروق ومايحلو لي .. وما اتلذذ واستمتع بـ ما احتوى من حروف .. :) خلصنا معقوله ههههههههههههههه الحمد لله علي السلامه ... اتمنى ماطولت عليكم .. وارجوا ماكون ضيفة ثقيلة دم ععليكم .. في الختام : احب اشكر صاحب الموضوع . الاستاذ عقاب النهار علي هالاستضافه الطيبه .. كل شكر لك اخي ... بس وين قلاص العصير ههههههههههه .. دمتم بود .. |
اقتباس:
هههههههههههههههههههههـ ... يسسسلمو فآصلة على هيك اجوبة ... تحيآآتي لك . |
الحمدالله على السلامة
وهبطتي بخير ياخيتو خخخخخخخ استمتعنا في اجوبتك وايضا انتي مااخترتي احد بعد ك ليه اتمنى ترجعي تختاري او استاذي الفاضل عقاب النهار يختار تشكراتي اميرتنا |
| الساعة الآن 10:44 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010