للشتاء يشتاق كل العاشقين والمطر يحتاجه القلب الحزين أمير |
عند غروب الشمس ياتي الهدوء الشاعري وينتظر صوتك |
مع شبة الضو والدلال المباهير
وسوالفٍ بـ الصدق غالي ثمنها . سجّه عن اللجّه وناسه وتغيير عن الظروف اللي ذبحنا زمنها |
مشتاق لــ اجواء الشتا والنسانيس * والصوف لا غطا البقاع وكساها ، *وأجمل عطر يسوى عطورات باريس* *ريح الحطب بـ ثيابنا لا ملاها” |
لاتسأل " الليل هذا " يبتدي من متى ؟
الليل هذا طوييييييل و ظلّمته فاضحه مو بس الاصوات تطلع واضحه فالشتا حتى الاحاسيس تطلع فالشتا واضحه |
مابين لوعات الزمن عنق وزمام دفنت سر في غيابي وباحوا |
زمانك لو صفالك يوم فلا تحسب صفالك دوم |
يـ زين في جو الشتا شبة الضو
ومسامرة ناسٍ على القلب غالين |
ليتك مثل برد الشتا دون ميعاد
تاتي وتلمس كف منهو يحبك |
ليل الشتاء يحتاج شخص مصافي |
.
المطـر والغيم وأنفاس السـُّحب وش نحب أكثر من أجواء الشـِّتا |
ياجماعه ظلوعي لبسوها صفايح |
إليا طرق ليـل الشتـا بابي
هلّت طواري طاهــر النيّه . لو يبتسم لـ الناس بـ غيابي! ليّ أبتسامتْه .. ( الحقيقيّه ) |
برد الشتاء وشوق وحنين قالوا الدفاء عناق الظنين |
البرد برد الشتاء .. والظل ظل الشجر !
والظلم ظلم الأهل والفقد فقد الشقيق |
الجـو بارد وشبت النــار تدفيه
وليا كثر جمر الحطب زان جوي |
ليل الشتاء مع لمسه كفوفك دفا مع المطر بالصبح انتي جميله |
حزين من الشتا والاحزين من الظما ياطير
دخيل الريشتين اللي تضفك حل عن عيني دخيل الماء ..وملح الماء..وحزن الما قبل ماتطير تهيا للهبوب اللي تصافق في شراييني |
كثير اشتقت كثير احتجت لوجودك عدد ماتهت في بعدك كثر ماخفت من بعدك |
" يا واحدٍ فالقلب ما خاشرك حي
دخلت .. فيه وقلت لـ الناس برا " |
ابي منك الوفا وابشر ترا خلك طويل يمين امررها بخيط الماس والبسها بمرجاني |
هب البراد ، ومرني عطرك
و أنا ليا هب البراد .. أشتاق ِ عطني وصالك ، ما أبي عذرك جو الشتا ماهو بـ جو فراق |
هب نسناس الهوى واشعلت ناري الشتاء والليل والنار وسناها رافقتني بعد ماطال انتظاري وعلمتني قصه الحب وغلاها |
ليل الشتاء ماله غير شبة النار
لا زاد بـرد الليـل زدنا حطبها ! |
ليل الشتاء بارد والاشواق ماتدفي الدفاء بكفوفك مع رموش عينك أمير |
مابين برد الشتا والوقت وسكاتك
ذابت شموع السهر والليل يحرقها أجاملك بالسهر وأعد نظراتك وأنطر متى كلمتك يالعذب تنطقها وتروح عنّي وتترك ضيقة شتاتك وضلوع صدري هبوب الليل تصفقها |
ليل الشتاء يابنت له وحشه والفهوه السوداء وسهام عينك سالم |
ليل الشتاء يشبه مواعيد الأحباب
يا طول ليله والدقايق ثقيله . يلي عليك القلب مغرم ومنصاب في غيبتك كل الليالي طويله |
الطموح اللي سرت من نجد وامست فالحويه ضيقت صدر الرياض وسافر الطايف وجاها |
ليت كل الفصول .... ليلة شتاء
|
لَيْلُ اَلشِّتَاءِ قَدْ اِقْتَرَبَ وَعَيْنَكَ أَجْمَلَ مُدَفِّئَةً وَعِنْدَمَا يَنْزِلُ اَلْمَطَرُ يَدَكَ هِيَ مِظَلَّتِي أمير |
يهزني ليل الشتاء والمواعيد .........
....ولحظة لقاء والغيم تمطر دموعه |
غنّت الأرض والطاري لا ذعذع نسيمه
قمت اغنيك ، والشتويه أول شهرها يا عسى كل ماشدّيت .. تلحقك ديمه وين ماجيت لك ديره ترشرش مطرها |
وينك ترى بغيابك الليل موحش
ما يحتمل ليل الشتاء برد وغياب |
يارب تملينا فرح كثر الغيوم
اللي ملـت الدنيـا مطـر |
مطر ، ونسناس ، وبراد ، وغيم
ليت القلوب بـ هالمطر تصـفى ! إلّا أنت .. وينك ، يا شبيه الـريم هـ الجو ، إسمه [ لمني تكفى ] ! |
لا استكن الليل واستبرق الليل العتيم
يعترض مع بردة الليل طيفٍ خابره |
تعال لمني ذبحني البرد
[ بردان .. أحتاجك تدفيني ] ! وينك يعاتبني عليك الورد هذا المطر .. ما ذكّرك فيني ؟ |
ماكنّك إلا بدايات الشتا في السّنين
مهما تتكرر - لها التقدير والمَرحبا |
أنا دفاك إن ضيعك طاري البّـرد
وأنا غطاك وشال متنِك وبشتك |
الساعة الآن 11:54 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir