|
ي حبي لكم الله يكون بعونكم
|
مساء الخير الحمدلله اجازة خلاص بمناسبة هالاجازة السعيدة الله ييحييكم الفطور عندي قولو تم |
^^
كان ودي والله , بس مرتبط جداَ مرتنَ ثانية :d .. الجار وما ادراك مالجار بصراحة شنهي علاقتكم مع جيرانكم , هل هي علاقة متينة ام سطحية ام ماذا ..! وإذا كان هناك اختلاف عما علية في السابق ياليت تذكر لنا برأيك ماهي الاسباب ؟ |
بالنسبة للجيران صراحة حنا وجيراننا عشرة فوق 17 سنة نحس انا صرنا جزء منهم وهم جزء منا نأكل عند بعض ونام عند بعض ونروح نتمشى مع بعض والسوق كمان والمدرسة وقبل كل الناس نعيد عيلهم قبل نروح لاهلنا يعني حسبة اهل لكن كنا عايشين في ذاك الحي 20 سنة والان انتقلنا الى بيت ثاني جنب اقاربنا للاسف كلا في بيته وبالعكس كل زيارة نرجع منكدين وطفشانين ولنا كم شهر لانروح ولا نجي ببيتنا مقارنات وهبال وكلام فاضي واحسافة على جيراننا اللي قبل وانا احس انه الاقارب اذا كانو هم المجاورين لكم المشاكل تزيد |
صراحه شيخنا
أحنا نقلنا من بيتنا القديم وكانت لنا جاره عجوز حرمه كبيره حيل أسمها أم علي ي حبي لها وماكان فيه احد بجنبنا غيرهاااا وكانت علاقتنا معها تمام التمااام وكانت ماماتي تروح لها كل جمعه تطمن عليها وخاصه ان عيالها وبناتها من فتره لفتره يجونها واهي لوحدها ب البيت ونقلنا من بيتناااا والحين صار لنا 3 سنوات في بيتنا ذااا عندنا جيران وصديقتي بعد تكون جارتنا المهم فيه وحده جت لمدرستي بنت جديده المهم من الطبيعي أني أروح لها واجهز لها طاوله وكرسي وخصوصا أن الاداره معينيني مرشده صغيره ومنسقة البرامج والاذاعات المهم شفتها وذا الفيس موب غريب علي جتنا من قبل كم سنه بمدرستنا داومت يوم واحد وسحبت والحين جت المهم تذكرتني وعرفتها سألتني على النقل اللي يوصل قالت لها بـ أي حي ساكنه وشرحت لي مكان بيتهم وبـ الصدفه أكتشفت أنها جيراننا بـ الضبط قلت للأسف أسمها ..انتصار.. النقل لحينا م يوصل أنا يجيبني أخوي قالت أوك ودرست معنا وتسذا وتعرفت عليها وعلاقتنا معهم كويسه وفيه جيراننا الثانين مرا حليلين وعلاقتنا تمامم وبس طولت عليكم |
يسلموو نجوله على الدعوه جهزي سفرتك تراني اول الحضور بس يارب الاقي حجز بيت عامروسفره دايمه ان شاء الله يالغلا بالنسبة للجيران رغم ان رسولنا عليه الصلاة والسلام وصى على سابع جار لكن العلاقه مع الجيران بكل اسف سطحيه وبالسنه على مانشوفهم مره لكن زمانا ماهومثل زمان اهلنالاولين كانوامع الجيران كانهم اخوان وبالنسبه للاقارب صادقه نجلا ماودك يكونون قريب لان بعض الاقارب عقارب والسلامه منهم غنيمه |
نجلاء تسلميين ياقمر ع العزيمه واول الحضور انا طبعا.. شيخ المافيا بالنسبه لعلاقتنا مع الجيران رائعه ومتينه تبادل زيارات وبناتهن صديقاتي وبعض جيراننا اقارب لنا وعلاقتنا اكثر من جميله والحمدلله وبرأيي يا التزم الجيران ولو كانو من الاقارب بحدودهم واحترام خصوصيات الاخرين تصبح العلاقه رائعه .. اذكر اخوي الكبير كان يعاني من جيرانه وسوء الجيره وما ارتاح لين نقل لبيت ثاني ,, |
اغناك الله نجلاء وكثر خيرك غلاي
وافيه وبنت كرااام وبالنسبه للجيراان والله ما لي اي علاقه بجيران لا في ابو ظبي ولا الرياض يمكن الوالده والوالد علاقه رسميه جدا ولكن الحمد لله مانسمع عنهم الا كل خير وماعمرنا سمعنا شي يضيق الخلق ولا شي ابدا علاقه في المناسبات فقط والمشكله يمكن دوام الوالد والوالده الى اذان العصر واذا كانت الوالده مشغوله يصعب عليها التواصل و بالرياض كذالك رسميين جدا والعلاقه مع الاقارب وطيده وطيبه ويمكن عشان اني بنت لوحدي بالبيت واخواني كل واحد مشغول بعمله ومن شان هيك ما اعرف جيران واذا سمعت الناس وكلامهم عن الجيراان والله اشتااق اني اربط نفسي فيهم تسلم يالشيخ |
تسلمي نجوله على العزيمه يديك العافيه حـ اكون موجوده اكيد :) ، بالنسبه للجيران فيهم الكويس ودول قله طبعاً وفيه المزعجيين كثير كثير بــ اصواتهم تصرفاتهم زياراتهم المفاجئه ، يعني مافي حاجه بقيت على زمن اجدادنا كل حاجه تغيرت ، يمكن كم وحده تعرفهم ماما ويتبادلوا الزيارات وكيدا ، وبعضهم جوهم مو جو ماما بنوب فقطعت عنهم بس بجد ياريت يكون زي زمااااااااااان حياه مابعدها على كلام ماميتو :) ، عوآفي شيخ المافيا ربي يسعدك ، |
اممممم عندي شطحه آليمه محيرتني من زمآن ، دحين الرزه لمن نحُطها على النار تكون قليله ولمن تستوي تصير كثيره ، ابغى اعرف هل هيا تتولد او تتنفخ او ايش الهرجه بليز اللي يعرفوا لا يبخلوا عليا فيها *_^ ، |
صباح الورد تسلمي نجوله ع العزيمة سُفره دايمه يارب بالنسبه للجيران مانعرفهم ابد الا في الاحزان استغفر الله مافيه اي تبادل للزيارات بيناتنا هادا بالنسبه للاغراب اما جيراننا من الاقارب احيان يجو لعندنا اشهور مانشوفهم وهادا الافضل الجيره كانت زمان اما دحين كل واحد في بيتو مقفل على نفسو الباب يعطيك العافيه شيخ المافيا // وتم الرزه تكون صغيره وهي مش مستويه ولمن تنضج تكبر بس :) |
هههههههههههههههـ ي حليك وتم كأنكـ بوبي أختي
رواء جاااوبت صح |
يعطيكم العافية جميعا على مشاركتكم الحلوه .. وما جاني النوم ؟ |
وأنا نفس الحاله شيخنا عاد أنا تعودت م أنام الحين
لاني ب الليل أنام ساعتين والحين أظل الى وحده ونص الظهر وبعدها أنام |
^^
من امس العصر صاحي , نوم الليل حلو جدا .. من جاء رمضان ما عرفت نوم الليل كثير ممكن ان طولتَ ساعتين فقط من تعب بعد صار النوم وقت النهار بعد الفجر صعبة الواحد ينام وما بقى للصلاة شيئ ف يصبر لين الصلاة ويصلي وبعدها ينخمد :d ,, |
>>>> م مايصير أخذ منوُمَ ... |
شيخ بس لو تجرب تنام الساعه 10 ب الليل وتصحى 12
كذااا والله بتكون شبعااان نووم أنا هيكااااا والحمد لله ارتااح جرب تنام نفس اللي قلت لكـ ...,... |
^^
حلو الوقت جداَ .. بس مرتبط في المسابقة اخاف انام اسحب عليه , نحاول نصمد على الاقل للظهرية او العصرية |
الله يعطيكـ ألف عافيه م تقصر والله ي الغالي الله يقويك
|
ولا أنا بهادا الوقت ما اعرف النوم الا بعد الظهر ياربي نفسي اسيب هادي العاده لانو انام من بعد المغرب وانحرم من نومة الصباح لخبطه مش طبيعيه رسمتك بسمه طمنينا عن صحتك إن شاء الله تمام إيش رايكم بإساءة الظن بالناس والحكم عليهم ومقاطعتهم وهما بالاصل ماغلطو عليك لمجرد وشايه أو نفاق من مصادر غير موثوقه ؟ |
تسلمين ي قلبي أنت رواء أبشركـ تمام الحمد لله
أمشي م وصلت لحد الان لمرحلة عدم المشي وأن شاء الله م أوصل لها يارب حابه اقول لك موقف على الحكم وكيذا أذكر قبل كم شهر صار لي موقف مع وحده من البنات مرا صاحبتي وحليله تعرف كل حاجه تخصني الموهيم أنو سوت حاجه او بمعنى اصح اثبت لي شيء وأهو م صار بس بطريقتها وجابت لي دليل كاذب عن وحده من البنات اللي يشوف الدليل شيء طبيعي انو يصدق مهما كان يحب ذا الشخص وخاصه أني أنا مكلمه البنت عن ذا الشي وقال لي بسويها واهي تستعبط المهم انو جتني صاحبتي وقالت شوفي وش سوت فلان زعلت وعصبت وكلمت البنت وقلت لها ليش تسوين فيني كيذااا واهي تقول لحظه فهميني ايش صاير وقلت لها كل شيء وقالت انا م سويت شيء ورحت لصاحبتي وقالت دوعاابه عاتبتها ورجعت للبنت وأعتذرت لهااا والله بغيت أفقدهااا |
شيخنا لسا مانمت الله يعينك والله |
اقتباس:
اللي يزعل عليك عشان سمع كلام او شي هذا لا تزعلين عليه لانه لو يحبك صح مايصدق فيك (العين تكذّب نفسها إن أحبّت ... والأذن تصدّق الغير إن كرهت) خليك انسانة واثقة من نفسك لو يعاديك كل البشر دامك ماشية صح وماغلطتي على احد مايهمك لو الكل يعاديك ترى انتشر الحقد والحسد والغيرة لذلك انتشرت العداوة والبغضاء عموما لاتلتفتي لمثل هالامور ولاتشغلي نفسك فيها والله والله والله صارت لي مشكلة منذ فترة طويلة واصبحت حديث مجتمعاتنا رجالا ونساء ولم يهزو فيني شعره لاني واثقة اني على حق وظهر نصري بيد غيري والحمدلله على كل شي |
اقتباس:
رواء الروح الله يعطيك العافية .. حقيقة مادري ليه الناس تقدم السوء على الحسنْ الغالبية من البشر هكذا يقدمون سوء الظن على حسن الظنَ , والأصل هو ان نحسن الظنَ وان نلتمس لأخينا العذر ونقدم له العذر في حال ان سمعنا شيئ عنه . اما اللي يسيئ الظن بالناس ويحكم عليهم ويقاطعهم مجرد وشايه او إشاعات من مصادر غير موثوقة ( مثل التلفزيون السعودي القناة الثانية :D :h56: ) .. احترامي الشديد له ف فكره متدنيَ , مهما بلغ اللي قدامك من ثقة او مصدر موثوق لا يجب عليك ان تصدر الاحكام .. قد اقول لمجموعة من الأشخاص ( كيف الحال ) واحد يسمعها ويرد الحمد لله .. واخر يسمعها ويرد ليش تغلط ..! يعني كل واحد وتفكيره للأمور ,, والأصل ان يتأكد الشخص نفسه قبل ان يصدر احكام وسبحان الله الدين الاسلامي لم يدع شارده او وارده إلا ولها حل .. يقول الله تعالى في كتابه الكريم (يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) . اكرر ما اقول يجب التأكد ثم التأكد من الشخص نفسه قبل اصدار اي حكم , واعتذر على الاطالة يا رواء الروح .. |
اقتباس:
صحيح .. صحيح بكمل ال24 ساعة والنوم ما جانيْ :125: |
اقتباس:
فينشر الأكاذيب عن الآخرين لمجرد الظن ... وهنآك من يستمع لمثل هؤلاء لمجرد وشايه او نفاق فتحدث المقاطعه والحكم عليهم ...وكان الأفضل والواجب التأكد قبل ذلك ! ومواجهتهم ومصارحتهم والسؤال لكي تنجلي هالأمور .. وشيء يقهر بجد ان تجد من يسيء الظن بك لمجرد الشك او لكلام من اخرين لاعلم حتى مقصدهم بذلك .! نسوا تماماً أن الدعاء اسهم لاتخيب ونسوا يوم القيامه تتخاصم الخصوم ! واللي يبي يبني احكامه وتصرفاته ع سوء الظن لاحسافه عليهم اهم شيء لانترك لذلك تأثير أو وجود لمثل هؤلآء بحيآتنآ والأهم من ذلك كله .. أن تكون ثقتنآ بالنفس قوويه ويآ صآر الأنسآن واثق من نفسه مايهمه أحد ..! |
بقولكم امس ايش صار معي شغالتنا جديدة وصراحة شكلها تخرع امس ولدي عمره 4 سنوات مدري ايش سوى لها ويوم راح يشرب موية من المطبخ ضربته قلت ياحبيبي الحين تضربه وشوي لانمت بتذبحه المهم بعد الفجر جيت انام ماقدرت وخواتي كانو نايمين عند خالتي يعني بس انا وامي وابوي وعيالي جيت اقفل باب الغرفة مالقيت المفتاح وماخليت مكان مادورته فييه قلت لامي معك نسخة من مفتاح غرفتنا قالت لا قلت لامي طيب تعالي نامي عندي تخيلو عاد اقرب غرفة لي غرفة اني يعني يمكن مترين المسافة بين الغرفتين المهم مامتي قالت لا ماارتاح الا بغرفتي قلت تعالي انت وابوي كل واحد بسرير وانا انام على الارض ماطاوعتني الا ابوي يسمعني قال انا انام عندك لو تبين ,, استحيت ودي وماودي قل لا خلاص بنام بالغرفة ودخلت الغرفة احاول انام ماقدرت بس اتخيل الشغالة مذكية عيالي كلهم قلت مافيها الا اني اجيب دولاب التلفزيون واسحبه واحطة على الباب وهاتك يا سحب الدولاب مع التلفزيون لين ماحطيته عند الباب ونمت :( يوم صحيت اليوم قاعدة افكر لهالدرجة صارو يخوفونا هالشغالات حسبي الله عليهم على كثر مانسوي فيهم معروف مايثمر سؤالي كيف لنا ان نستغني عن الشغالات وربي وجودهم بالبيت هم انا بصراحة في بيتي ماعندي شغاله ولا ابيها اصلا ومنظمة وقتي وايامي ومحدده ايام لغسيل الملابس(الاثنين والخميس )والايام اللي بعدها مباشرة للكوي واحيان بنفس اليوم بس باليل واخر الاسبوع نظيف كامل للبيت وتمسيح دواليب وبالنسبة لشغلي اليومي مطبخ وترتيب كامل البيت مع الكنس وربي مرتاحة ونشيطة لكن هنا ببيت اهلي لابد من الشغالة لان البيت كبير وعائلة كبيرة نسأل الله ان يغنينا عن هالشغلات |
نجلاء
بسم الله عليك وعلى عيالك الشغالات شر لابد منه ولكن مستحيييل نستغني عنهم ويمكن الوحده بالبيت تسوي اللي تبي من فعايل لا تحمد عقباها ولكن انا اشوف الثلاث بكونون افضل عشان ينكبون بعض ههههههه وخاصه اذا تغيرت الجنسيه والثنتين يتفقون ويا بعض وبالبيت عندنا 3 بس مشاكلهم مع بعض وبعض المرات احاول اهديهم لانهم يشيلون على بعض السكاكين وجنسياتهم مختلفه ولكن مايحمل السكين غير الفلبينيه والمشكله زوجها موجود وهو سندها وبالنسبة لي انا عندي حبشيه من 24 سنه وماتفارقني والحين صارت كبيره في الخمسينات واول ماجتني مربيه والان صارت هي اللي بعد امي وماجاي بمكان امي احد الله لا يخليني منها بس اخلاق لا يعلى عليها ومع ذالك خفت منها بعد الاحداث اللي صااارت مع العاملات والشيطاان ماغاب ولا مااات وكل شي صار مرعب حتى السواويق نشيل همهم لانهم استقووا علينا وجرايمهم كثرت هم و الشغالات حال الناس مافيه راحه لا بالبيت ولا برا والله يصلح الحال وانا اشيل بشنطتي مسدس بس من ابو ريالين حديد هههههههههه احمي نفسي لو بالتمويه وربي يحفظ الجميع من كل مكرووه |
اقتباس:
من ترتيب وتنظيف وغسل ومطبخ واهتمام.. ووجودها غير ضروري الا بحالات خاصه خصوصا للعائله الكبيره .. وبالنسبه لنآ عندنا شغاله ولها وقت طويل معنا والبيت مابه غير أنا وأمي وقبل لا أتخرج من الكليه كان وجودها ضروري من شان أمي لانه ماتقدر ع شغل البيت وبنفس الوقت بيتنا بيت العائله اخواني وخواتي ماشاء الله عليهم دوم ممتلي بهم البيت وشغالتنا كأنها فرد من العآئله ويدي بيدها وتبي تسافر بعد وقت وودي اقولها خوذيني معك :reas: ومستحيل لأفكر تدخل بيتنا شغاله حبشيه أخاف منهم بصراحه وبالذات هالوقت من كثر مانسمع عنهم كفانا الله شرهم .. وبالنسبه لك نجلاء حاولي ان اولادك مايقتربوا منها ولايطلبوا منها أي شي دام أنتي موجوده لين تتتعود عليكم وتشوف معاملتكم معها ويكون شغلها خاص بالبيت من غسيل وتنظيف وهاللون يعني ممكن هي من النوع اللي مايحب الأطفال .. والله يكون بعونك ,,, |
اقتباس:
الله يكون في عونك والله , والشغالات وسوالفهم الكثيرة منها القتل وغيره .. وبعض العوايل كذلك الله يهديها في تعاملها مع الخدم بشكل غير إنساني , ما شاء الله انتي لستي بحاجة للشغالة بحكم ترتيبك لوقتك ولبيتك وهذا شيئ جميل , بس الإشكالية إن البيت والعائلة كبيرة ف وجب ان تكون هناك شغالة .. مادري وش ديانتها لكن الحذر والانتباه واجب . |
ياشين الوقت اللي مو وقتكم يابعد حيي
انا اخش المنتدى لحالي وانتم كلكم في وقت لازم نتفق لاني اخاااف لحالي |
افكر انام ..
|
نااام يالشيخ
وعساه نوم العااافيه اهم شي اشرب لبن الحين عشان تخمد <<<<< قلبت عليه لا امزح امزح نام واحلام سعيده :):):) |
مشكورين ماقصرتو والله يكفينا شرهم حقيقة ً |
مرحبااا
وحشتوني أمس م دخلت لابتوبي كان ب الصياانه وأبوي يقول خليه اسبوع وش رايك عشان ترتاح عيونك قلت لا باباتي والله يعافيك مو قادره وراح للمحل الساعه 2.40 ب الليل وجابه لي م تشوفون قد ايش فرحت خميت ابوي قالت امي ذا البنت مهبوله هههههههه غير عن خواتها كلهم والبي بي مالي خلق افعل خدمته عشان همي يكون بعد حيي وبس |
فيني نوووووم وماقدرت اناام هواجيس وبس
والساعه الان الثامنه والنصف صباااحا وابي اسحبها نووومه الى 9 سااعات |
هاااي
صحيت قبل 3 سااعات أبوي وأمي سافروا وراحو لرياض يشوفون زوج خالتي مرا تعبان أحتمال كبير فيه سرطان ب الدم ربي يشفيه وخواتي التوأم وأمول وغروب وفصولي وتعوبي كلهم نايمين ما عاد أنا وشوش جالسات ب المقلط ومقابلات التلفزيون على أم بي سي ون مسلسل " البيت بيت ابونا " ولسى م خلص يومي بعد شوي تجينا أختي |
اقتباس:
افكر انام ..>> هذاك اول الحين افكر اتودس في بطنك يا عنود :nzd: :brows: الله يعافيك ,, ويسعد ايامك واوقاتك |
اقتباس:
الله يشفيه إن شاء الله ويعافيه ,, وطهور |
شيخنا
كيف حالك من زمان ماشفتك هون مدري انا اللي ما ادخل كثير |
| الساعة الآن 11:39 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010