|
15ـ نصيحه توجهينها لعضوات نافذتنا الحلوة ؟
دخلو المطبخ وانتي صغيره وتعلمي الطبخ قبل الزواج عشان ما تحصلين لك كلمه من زوج المستقبل او من اهله نصيحه وافيهـ يالغاليهـ أعجبتني...شكراً لك على الإجابات الحلوووه تقبلي مروري جـــــود |
نورتو ياحلوات بهالطله
سهوووره اجل طباخه ماشاء الله عليكي مشكووورة على تفاعلك والطريقه الرااائعه للطبق يسلمووووووو |
سهوووووره مااخترتي لنا احد بعدك
راح اختاااار انا دختورتنا الحلوووووهـ مناهي |
الله يهديكِ ياسهر
كان أخترتي أحد هههههههههه أميرة الذوق مشكورة يالغلا على أستضافتي ولي عودة للأجابه على الأسئلة |
يسلمو اميره الذوق
وتسلم يدياتك سهر:h64: |
يحفظك ربي اموره
وسهوره فكره تجنن عساكم للعافيه |
1ـ السلام عليكم ورحمة الله وبركاته ؟
وعليكم السلام ورحمة الله وبركاتة حياكم الله 2ـ عرفينا عن نفسكـ وخاصه في الطبخ .. !؟ الحمد لله طباخة نمّبر ون 3ـ تحبين الطبخ او لا؟ أكـــــــــــــــــــــــــــيـد 4ـ وجبتكـ المفضله ..؟ كل شيء أطبخه أحبه 5ـ طبق تحبين تسوينه كثير ..؟ صينية بطاطس باللحم<<طبعاً بالفرن 6ـ الطبخات اللي تسوينها معدودة ولا كثير وماتنعد ..؟ كــــــــــــــــــــــــــثيرة 7ـ اول مرة دخلت المطبخ كم كان عمرك لو تذكرين..؟ في مرحلة المتوسطة 8 ـ اول طبخه طبختيها ايش هي ..؟ الكبسة 9ـ طبخه طبختيها وفشلتي فيها ايش كان شعوركـ وقتها والكل منتظر تخلصين ..؟ الحمد لله مافشلت بشيء<<يمكن على شان أحب الطبخ 10ـ طبخه طبختيها والكل مدحكـ ؟ كل طبخي يمدحونه 11ـ موقف طريف صار معاكـ في المطبخ ..!؟ مره بطبخ الغداء وكان عندنا عمي وطالب مرقوق من يديني<<< المهم كنت مجهزه كل شيء فدخلت أطبخ ولعت الفرن ماولع أحاول يمين يسار ماولع مع انه كنت توني مصلحه القهوة والشاي رحت وقلت لأمي قالت شوفي دبة الغاز يمكن فضت قلت مو معقولة يعني المهم طلعلت للحوش أشوف وش السالفه مالقيت دبةالغاز أدور من هنا وهناك حتى باقي الدبات مهب فيه رحت وقلت لأمي قالت وين راااحت رحت لأخوي وجاء يدور معاي درنا البيت كله مالقينا شيء وصلنا عند باب البيت ولقيناه مفتوح طلع اخوي للشارع وشاف سيارة فيها شباب صغار أعمارهم 14 15 سنه تقريباً يدورون حول بيتنا المهم شافوا أخوي وينحاشون طبعاً طلعوا طابين على بيتنا وسرقوا دبات الغاز وفتحوا الباب وطلعوا منه دور أخوي بالشارع لقى دبات الغاز في زبالة الحارة مخبينها وربي فطسنا ضحك<<<<هههههه بس أبشركم صلحت المرقوق 12ـ يعتمد عليكـ في الطبخ او لا ..!؟ أكيد أكيد أكيد<<<بشهادة الجميع 13ـ قوليلنا وصفه لطبخه حلوه كثير تسوينها ..!؟ مكرونة البيتزا<<<يم يم لذيذة نسلق المكرونه عادي بعدين نحمس البصل بالزيت ثم نضيف له نقانق أو دجاج مقطع صغار حسب الرغبه ثم نرش شوية بهار وملح عليه ونضيف له الصلصة نخلطة مع المكرونه ونحطها بصينية بايركس نخلط بالخلاط علبة قشطة مع 3 ملاعق جبن سائل ونصبها على المكرونه نزين الوجه بقطع صغار من الفلفل الرومي البارد وشرائح الزيتون ونرش عليها جبن مازرولا وندخله بالفرن شوي وصحتين وعافيه 14ـ حطيلنا طبخة على ذوقك ؟ دجاج جلي جلي<<< المقادير أ) دجاج فيلية مقطع صغار 2 ملعقة نشاء تحل في ثلاث أرباع كأس ماء ب) بصل مقطع صغار + ثوم مقطع صغار + زنجبيل رطب مبشور طماطم مقطع صغار+ 2 فلفل حار مقطع صغار + بهارات + فلفل أسود ملعقة صلصة + 3 ملاعق كاتشب + 2 ملعقة صلصة الصويا ج) كزبرة خضراء مقطعة صغار الطريقة نحمس الدجاج في قليل من الزيت مع التقليب المستمر حتى ينضج ثم نصب عليه النشاء ويحرك على نار هادئة ويترك قليلاً يحمس البصل ثم الثوم ثم باقي مقادير ( ب ) على النار حتى تتسبك ثم نضيفها للدجاج وعند التقديم ينثر عليها الكزبرة الخضراء وهي ساخنة يفضل يكون معها أرز أبيض وصحتين وعافية 15ـ نصيحه توجهينها لعضوات نافذتنا الحلوة ؟ أدخلوا المطبخ وأطبخوا وأستانسوا ترى الطبخ متعه وفن ولا تنسون تأكلون من طبخكم أميرة الذوق شكرا لك ياكل الذوق :h64: بختار شباصة أجودية :3ab8a0c27b: |
مناهي
سلمت الآيادي على مكرونة البيتزا اللذيذه جـــــود |
مناهي
تسلمي يالغلا ع أختياري لي رجعه |
يسلمو اميره ويسلمو سهر
ماقصرتي غناتي |
الله يعطيك العافيه سهر >>>>>>>>> خوش طباخه ^_^
أميرة يسلمو ع الفكره الممتعه . |
مناهي
الله يعطيك العافيه ع الطبخه يممممممممممممممممم في إنتظار شبوصه ^_^ |
هلا فيكم يالغوالي أسفه جدا ع التأخير وماشاء الله عليك سهوره ومناهي نمبر ون في الطبخ الله لايضركم
نبدأ بسم الله 1ـ السلام عليكم ورحمة الله وبركاته ؟ وعليكم السلام ورحمة الله وبركاته 2ـ عرفينا عن نفسكـ وخاصه في الطبخ .. !؟ أنسانه ماشي حالي في الطبخ 3ـ تحبين الطبخ او لا؟ نعم أحب الطبخ بس أحيانا على حسب المزاج 4ـ وجبتكـ المفضله ..؟ البيتزا ,الكبسه .المرقوق .الايدام 5ـ طبق تحبين تسوينه كثير ..؟ صينيه خضار . وصينيه دجاج بالبطاطس 6ـ الطبخات اللي تسوينها معدودة ولا كثير وماتنعد ..؟ ههههه تنعد مو من كثرها 7ـ اول مرة دخلت المطبخ كم كان عمرك لو تذكرين..؟ كان عمري 11 سنه 8 ـ اول طبخه طبختيها ايش هي ..؟ كبسه 9ـ طبخه طبختيها وفشلتي فيها ايش كان شعوركـ وقتها والكل منتظر تخلصين ..؟ كنت مسويه كيكه من الزيرو يعني طحين وبيض وسكر وزيت وكل الحوسه ضبطته ودخلته الفرن وأستنيت فتره ماأنتفخ الكيك قلت يمكن هو كذا تركته لحد ماخلص وطلعته من الفرن وجيت أقطعه مايتقطع هههههه طلعت الكيكه مثل خبز التميس ماتنوكل يابسه مره رحت ورميتها في الزباله قبل ما أحد ينتبه ....شعوري كان عادي قلت في نفسي أكثر ما كثر الله الكيكه الجاهزة ماتحتاج الا لبيض وزيت ومويه والنتيجه مضمونه 10ـ طبخه طبختيها والكل مدحكـ ؟ أيدام دجاج مع الخضار 11ـ موقف طريف صار معاكـ في المطبخ ..!؟ سويت مره كبسه لأهلي ونسيتها على النار ماتذكرتها الا والقدر أحترق وصار أسود 12ـ يعتمد عليكـ في الطبخ او لا ..!؟ يعتمد بس المشكله النتيجه مو دائما تصير حلوة 13ـ قوليلنا وصفه لطبخه حلوه كثير تسوينها ..!؟ أيدام المقادير دجاجه مقطعه قطع متوسطه . 3بصلات كبيره مقطعه .4 فصوص ثوم مقطعه أو مهروسه خضار (بطاطس .قرع .كوسا .)تقدرين تضيفين أي خضار تبغينها 2 مكعب ماجي .بزار .كمون . توابل أيطاليه .فلفل أسود.شويه كركم عشان اللون .جوزة الطيب الطريقه كل ماسبق تضعينه في قدر مع شويه زيت وتحركينه لحد مايختلط كله مع بعض يعني مده 10 دقائق وأنتي تحركينه وبعدين تضعين عليه 2عبوة طماطم مقشره (تكون مطحونه ) وتضيفي شويه مويه وأتركيه لحد مايستوي وبالهناءوالعافيه 14ـ حطيلنا طبخة على ذوقك ؟ صينيه خضار (بطاطس . كوسا .جزر .)تقطعين كل وحده على شكل مربعات صغيره وتقلى كل واحده على أنفراد .في حله نكون مجهزين بصل مع دجاج مقطع قطع صغيره مع شويه زيت وملح وجوزة الطيب وتكون جاهزة نضع عليها ماتم قليه من خضار ونحركها بعدين نضعها في صينيه ونضع فوقها (3ملاعق مايونيز .قشطه .جبن سائله كرفت )مخلوطين مع بعض ونصبها ع الصينيه وندخلها الفرن لحد ماتتحمر من فوق وبالهناء والعافيه .... 15ـ نصيحه توجهينها لعضوات نافذتنا الحلوة ؟ أنهم يتعلموا الطبخ من بدري لأنها راح تنفع نفسها قبل ماتنفع غيرها في النهايه أحب أشكر أموره ع الموضوع النايس وأشكر مناهي ع أختياري أختار جـــــــــــــود:3ab8a0c27b: |
شباصة أجودية
والله حركاااات<<بس القدر اللي أحترق الله يعطيكِ العافية وننتظر مشرفتنا الرائعة جود |
شباصهـ
سلمت الآيادي يالغلا جـــــود |
| الساعة الآن 04:13 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010