عقاب النهار
حياك الله ياخوي اسعدني تواجدك
بس الله يهديك كان ذكرت شي عدل مالقيت الاعبدالله بالخير المشكله المسباح غالي عندي
ولاكان رميته عقب هالتشبيه ههههههه
دمت بخير..

شبوصه
ياهلا وغلا منوره يالغاليه اي والله ياشين الشماته اللسان عقوبه توبه ماراح اتشمت:086:
الله يسلمك من كل شر اسعدني مرورك..

جود
حياك الله غاليتي اسعدني تواجدك الله يسعدك
ويسلمك من كل شر
لامغامراتي تعجبك على قدي مو مره اخاطر ههههه
دمتي بهناء..

نوري
الاحلى هو تواجدك يالغاليه كم اسعدني ذلك الله يحلي ايامك
مالومك بالاطفال يهبلون وخصوصا لاصاروا مثل اللي عندي شغلي ياطويلة العمرمعلمة بروضة اطفال
دمتي بسعاده..

هيوده
ياهلابك يالغاليه النور نورك
والله يجزاك ألف خير ويسلمك من كل شر يارب امامكان شغلي اذا بتجيني اقولك وين ههههه
الله يعطيك الف عافيه وماقصرتي وشاكره لكِ حسن ضيافتك
دمتي بهناء..

اموله
ياهلا وغلا منوره يالغاليه اسعدني مرورك
اي والله صادقه ياشين الشماته الله لايعيدها عاد حر الرياض مايحتاج اوصفه حائل ارحم منا
وصح كلامك مافي مدارس فاتحه هالحين لكن مكان شغلي مفتوح على مدار السنه
هالحين مافي دروس مع بداية الترم ندرسهم ماغير نلعب معهم ونرسم ونلون بهالالوان ههههه
الله يجزاك خير ويسلمك من كل شر
دمتي بخير..

مناهي
ياهلا والله بهالطله والله يسلمك من كل شر
اي والله ياحلاته عاد اليوم يوم رحت الدوام جاني قال ابله من زمان مابستك وهو بايسني امس ههههههههههههههه يالبى قلبه بس
بصراحه حلو التعامل مع الاطفال بالرغم انه متعب لكن تعب حلو
والله البيت تدلينه متى ماشتهيتي السحور لايردك الا رجولك وابشري بعزك
اسعدني مرورك الله يسعد ايامك..

نائبة القمر
حياك الله يالغاليه الاحلى هو تواجدك العذب الله يحلي ايامك
ويسلمك من كل شر
يالله انتظرك تجيني صدقيني راح يعجبك المكان
دمتي بخير..

شاعر المشاعر
حياك الله ياخوي والله يعين الجميع يارب
بالنسبة لسؤالك لاوالله ماتعاملت معهم مع اني اتمنى اتعامل معهم
اما القارئ فهو محمد ابراهيم اللحيدان مو ناصر القطامي صحيح اصواتهم متقاربه
الله يجزاهم عنا خير الجزاء
شاكره لك طيب تواجدك ودمت بخير..

منذر
حياك الله ياخوي وبالنسبه للمنبه ياحيي ارسله اذا عندك الاصلي
شاكره لك طيب تواجدك ودمت بخير..

استأذن سكونك
حياك الله غاليتي منوره والله يسلمك من كل شر يارب
لاشغلي مو بدار الايتام
والله يجزاك ألف خير ويتقبلنا برحمته
اسعدني تواجدك العذب ودمتي بخير..

هههههههههه

بالله طفاء عليك الكهرب تضحكين علينا
شفتي المعنات

هههههههه

بس والله قريت فتوى للعبيكان ان الي يطفي عليهم الكهرب
يفطر عادي كان مفطره وربك يحلها

واما من ناحية المنبه ان قايل لكم لايفوتكم بس انتم الله ايهداكم
ماطعتوني

والحمد لله على السلامه شكل اخوي به نوم وانتي ازعجتيه

يوم جميل

تقبلي مروري

ماشاء الله تبارك الله

اعجبني صوت القارئ واعجبني يومك يا غالية

الله يوفقك يارب

بصراحــه اعجبني يومك وبخااصه انــه ما للتلفزون نصيب من وقتك ^^


والله يثبتك ان شااء الله ^^ .. ويسعدك دنيا واخره ...


وينور قلبك بالايمان وذكر الرحمن ..



الله فديتــه هذا الطفل ذكرني بطفل دايمــا كان يستقبل خالتي عند باب الاداره فالرووضه ويحبها ويغار عليــها ...


وشكلك مره حـــنونه على الاطفال ^^ ..



والحمدلله على سلامتكم ..والحمدلله انكم طلعتوا منها سليمين

شكرا لك اختي على سرد يومك

لحن الوفاء
اي والله معاناة الله لايعيدها وتوبة اتشمت بحد مع انه مو من طبعي
بس مدري وش اللي قردني واضحك عليكم
لاوالله اللي فيه النوم أنا واللي يسوق قدامنا الله يهديه بس الحمدلله ربك ستر
اسعدني مرورك الطيب لك شكري وامتناني ودمت بخير..