|
اقتباس:
ويلكوم باك أقين .. مسسز هيلاري كلينتون ههههههههه <---- كوفي عنان :biggrin2: ايه جود توه تتضح الامور .. بس نصيحه لا عاد تروحون لهالمكان اذا السالفه ماهي قديمه ترى يطلع لكم مره ثانيه .. ديروا بالكم ترى العمر مهو بعزأه :) انا مرتن من المرموريشن هههه سيارتنا صغيره ومغرزين بشعيب بالبر .. واحفر بيدي يوم دريت والمس شي ناعم رطب غريب !! يوم سحبت يدي على طول إلا والداب اللي عرضها اقل شوي من قارورة البيبسي !! والله ونذبحها بالعفرته قدرنا نذبحها !! كبيره جلست كم يوم ما انام زين .. :) حسبي الله عليها // ايه خل نروح للموقف الثاني احسن ههههه انا ماداني طاري الديبان :reas: ليش ماقلتي لاخوانك يكسرون السيكل على راسه هالتسلب // الله يحميك ويحفظك .. لا والله انا لا رحت للبقاله ينحاشون العمال لا شافوني ههههههههههه يلآ عآد مآنيب رآجعه أقول شئ بعطي فرصه لغيري > لبى الذرآبه هع :105::105: يا زينوه من قرق .. وعلى فكره لا بغيتي ترجعين ابد ابد لا يردتس إلا رجيلاتس يالغاليه بيتك ومطرحك على قولتهم زين ؟ تقديري يا عسوله :152: |
اقتباس:
اول شي إش بنا ؟ ما بنا شاااااااااااااااااااااااي ما بنا شي :123::123: نرجع لمحور الحديس :) والله والنعم فيك وباهل المدينه وبقبايل المدينه .. وكلنا ابناء وطن واحد لكن بقوللك خلك معي هههههه الكلام الشعبي بنجد والشمال // يستخدموا حرفي ( تس ) بدل ( ك ) في كل الحالات إلا اذا كانت الكاف في محل ضمير المخاطب للرجل يعني شلونتس // للمرأه .... شلونك // للرجل والاسماء والاوصاف وكل شي غالبا ما تستخدم / تس بدل الكاف يستخدم حرفي ( دز ) بدل حرف ( ق ) يعني مثال // عرق .. عردز ............. ولكن ليس دائما !! خلي بالك ههههههه لا تقولين اليوم دزرأت دزرآن هههههههههههه يعني اليوم قرأت قرآن :123: انتبهي // ... في حايل والقصيم فقط // تستخدم .. الواو بدل الضمه يعني عندوه // عنده .......... مابوه // ما به ......... قل لوه // قل له وعلى المقيمين خارجها مراعاة فارق التوقيت :123: إحفظي ذولي وبعدين نكمل الدرس :) وياليت يكون مرورك القادم تطبيقي ههههههه عاللي شرحناه عشان نشوف فيه أمل ننتقل للدرس الثاني او نعييييييييد :v9v9net_030: ولو فيه كلمات ما فهمتيها قوليها بتلاقينا نتسابق على التوضيح .. ولو .. كم رواء عندنا :) أرويتي المتصفح يا رواء .. لا عدمنا طلتك يا كل الذوق انتي :152: |
يالله ياخالد ذكرتني بالعيد اول
يازين ايام ياليت الزمان يرجع :cry: اتذكر ايام من كانت طفله (قولي والله ) اجهز فستنان العيد والجزمه والدنيا كلها كانت احط خضاب على يديني مع جدتي الله يرحمها وكانت ارفع ضغط امي ابي زي اخواني اني انا بنت الوحيده بين عيال وكل شي يسونه اسوي زيه ماصار بنت الا اذا شافت البنات عمتي العب معهم خمس دقيقه ثم اصفقهم :175: وكانت لما انسفر الشرقيه علشان اهل امي طبعنا قبل العيد اسبوع كانت اجنن بامي ابي ارجع الرياض معنا العيد عند خوالي قمه وناسه وفله اذكرت راح الشرقيه وكالعاده قبل العيد بالاسبوع وكان عيد الاضحى خليت امي ترجع فينا بالليله عيد الرياض حرام اتذكرها كانت ودها تعيد عند خوالي بس الرياض مانستغني عنها خالد المميز شاعر كبيرا وكاتب رائع ربي يسعدك وكل عام وانت بخير تقبل مروري |
اقتباس:
أأأأي بشحمو ولحمو < خشم سوداني يضحك وش عندنا على افريقيا :109: والله شوف انا بصراحه ضد الرجل بكل شي < يلاهد ( يعاند ) < ترجمت عنك خخخخخ خالد ههههههههههههههههههههههههههههههههههههههه قسم قسمات حسيتك مترجم قوقول ياولد حط يمين اللغه الشماليه يسار العربيه السعوديه وش تحس بوه ههههههههههههههههههههههههههههههههههه بعدين ترى ماني شايب :$ توني يافع السن في السبعه عشره من عمري < ياقلبو أنت دعيت لهن بوقت جعله مناسب بس يمكن وحده تبي وزير :thk: ومن ناحيه السوق ابشرك حنا بخير وسلامه خلصت شغل اهلي من بدري لدرجه اني برمضان هذا ماتابعت الا كذا حلقه لـ المصاقيل < يامرحبا ترحيبه البدو بالسيل :poiuyt: ويستاهلن اكثر خواتنا مابه شك :closedeyes: بما ان الموضوع قميل قدن ويحتسي عن المواقف وانا الله حق الظاهر اني موقف دون المواقف هههههههههههههه مره ياطويلين الرمش :169: كنا بالطايف والجو كايف :104: لابس هكا الثوب وكاشخ جايبن ماوراي ودوني من عقب الصلاه كلن ببيته واللي يقلون واللي يشوون جو صراحه خورافي :127: :o أهم شي الوناسه ووسعه الصدر هذا النظام هناك تخبرون طرطعانه العصفور يلعن ام مخه اللي اخترعها مدري وش يحس بوه وحنا مدري وش نشتهي نشتريه قسم بالله دروج ولعت لي بوحده ورميته بسرعه ابطت ماولعت < كلهم صاحو فاااسده :107::107::107: انا جيت ومسكته واويتز عليه ( اشوف وش المشكله ) < اعداه خالد :D المهم ومادريت الا واحس ان يدي كلت تبببببببن انفجرت بيدي :111: طبعا وقتها اصبت بلحسه مخ قويه اضحك وابكي من الوجع ومن عقبها كرهت هالنوع من الالعاب الناريه من زين الحظ بوه رجال كبير وجسسم ماشاء الله عليه يسلم علينا ويضغط على يد الواحد ضغط على يدي حسيت بشي ماودي اوصفه بصراحه ههههههههههه لعن ابو جدف احساسي ونعيش والحياه جميله كان اسوا عيد لاني ماقدرت اكل او حتى اللعب جتن التكرونيه ومتكي بالبيت على المسرحيات والتلفزيون هههههههههههههههه احس بيجيني حظر من الاداره خالد بحط رجلي هههههههههههههههههههههههههههههه |
صباح الخير
ماخلصت من معجم خالد الا ويطلعلي عناوين هههههههههه بس عناوين حلها يشرح المعنى ما شاء الله عليه شنوحكم كدا ما تجي مع بعض صح ع فكره هالكلمه صارت لي قصه معاها كنت فاكره شنوحك يعني كيفك وكانوا البنات يضحكوا عليا يقولولي شنوحك اقولهم الحمدلله طيبه ويهستروا من الضحك وانا اقول ياربي ليش يضحكوا بعدين فهمت السبب يلعن الفهامه الي تعرفني هههههه بس ممكن اخر سؤال ما صدقت ع الله احد يديني وجه ايش يعني ابو جدف هههههه خلاص ماراح ادخل لا يقولون ايش حشر الاطرش بالزفه تسلم ع سعة صدرك ورحابته مثل ما عرفت الشمالي ميزته كذا والله يخليك |
اقتباس:
يا هلا والله وملايين الغلا بدلوعه وانا اقول الموضوع منور ؟ :) دلوعه يا بعد حيي انتي :) ترى الشوف شجر على قولتهم هههههه .. ليتك مكبره الخط شوي :innocent[1]: والله الشرقيه احلى بس يمكن الناس اللي تبينهم بالرياض والديره ما تسوى شي لولا اهلها .. انا اشهد .. هههههههههههههههههههههههه حلوه العب معهم ثمن اصفقهم هههههههههه وهم مالهم راي يعني ؟ ههههههههه الله يرج شيطانك الاصغر :) واللي اعرفه ان الاطفال سبحان الله دايم تلقاهم ملتصقين بخوالهم اكثر يمكن عشان تأثير الأم .. وانا أولهم .. بس لما يكبر الواحد شوي يعرف ان عمامه مهمين هههه ويمكن اهم ويكفي انه يشاركهم نفس الإسم ! لكن التفاهم والحب يكون اكثر للخوال سبحان الله // والمثل يقول ( ثلثين الولد خاله ) رواء الروح ركزي معانا ترى المثل هذا بناخذه بالدرس ما بعد ا لقادم هههههههه والله انا اللي لي الشرف اختي دلوعه وابرك الساعات يوم حضرتي وشاركتي لا عدمتك يا اموره // :152: |
اقتباس:
مرحبا بيك آآآ لحبيب لخوادري آجي كنقول ليك <<--- قلت خل نغرّب شوي ههههههه على فكره نغرّب = نتّجه غربا <<--- للاخت رواء :123: يلاهد .. يعاند .. وفيه مرادفه ثالثه ( يحمْقر ) هههههههههههههه بيور تعرفها هههههههههههه رواء افلقيني ياشيخه لو مرّت عليك :) هي كل كلمه فيهم لها تخصص معين ههههه لكن كلهم ينتمون لعائله واحده // عناوين الوزير يعرس علْيه هههههههههه ذهينات هن تقول جنّ لا تخاف عليهن لو تقول لهن وزير قالوا معصي :) يالله البريتسه هههههههههههههههههههههه رواء في حاله يرثى لها الآن ههههههههههه اررررررررررررحب يا زين السيل وعلوم البرّ <-- نصّاب حدّه مشار بجنب الاسفلت يخاف من الضبع هههههههههه واذا جلس بس عيونه على الارض يتشوّف الديبان والعقارب :) رواء كني سمعتك تنادين ؟!! :123: ههههههههههههههههههههه طرطعانة العصفور يا كثر اللي كلوها يحسبونها فسدت همن تقبع بمخابيهم :) ايه انا احب الموايدز // حتى بصالة العرس تلقاني بس اوايدز بزعمي انادي اهلي :) اليد كلت تبن ؟؟ اهااااا هههههههههه اجل راعيه وش كلا :123::123: الله يغربل بليسك بلا تضحك وتبكي ممممم كني شايفك عناوين بالحلقه الاخيره من دموع الرجال ؟ ههههههههههههههههههههههههه وربي حضورك كان يوم عيد يا عسل.. الله لا يبارتس بهالورده ساعه وانا ادوره ههههه هه دوك :152: |
اقتباس:
اهلا اول شي السلام الملكي اش بنا ؟ ما بنا شاااااااااااااااااااااااااااااااي ما بنا شي :122: كل شي تمام والامور طيبه .. ؟ عسى ماتعوّر احد بس ! :) المهم اختي رواء انا كنت ابعلمك الحروف بالاول بدري على الكلمات هههههههههههه انا بعلمك بطريقه اكاديميه :) لكي تكوني على اساس متين يا بنتي :105: شوفي رواء // فيه كلمه شعبيه شماليه بحته بقولها لك // لو كنتي بتقولين لاحد .. الله يمتعك بالصحه والعافيه قولي // يمال العردز اللي يْحَناك // اوكي ؟ كذا بيفهم انك مو سهله يعني ! :157: شنوحك لها مرادفه // وش عِلْمَك ؟ وكلها بمعنى // وات هابين ههههه ههههههههههههههههههههههههههههههههه الله ياخذ عدوك ههههه اجل تقولي طيبه هههههههههههههههههههههههه انا لله هههههههههههههههههههههههههه ههههههههههههههه من جد فاطسسسسس :) ايه صدر الشمالي وسيع بس انتبهي لا ضاق صدره <<--- يقال له بيخوّف رواء :169: تراه يصير عميمن طميم ههههههههههه في داخلي عجوز من لبده :h72::133::133: ايييييييييييه اجل تسألين عن جدف // لا حول الله وش تبين بهالكلمه يا رواء يا بنت الحلال اذا مصممه بقول لك // الجدف / هي تجي بمعنى الجد او السلاله .. رواء لا تنسين المره الجايه لا دخلتي قولي هلا خالد ياعساي اترفش ببطنك ترى معناها .. يا عساي ماافقدك يعني ... اوكي ؟ :105::105: رواء والله ياني اموت في نعناع المدينه .. لا جينا عند اقاربي هناك بعد ما نقيل يسوون بريق كبييييييييييير شاهي بالنعناع الله الله ياهووو شي مو طبيعي ! حضورك منعش يالغاليه .. واسفين لو طولنا عليك :) كل التقدير .. وبالعكس تعالي مرتين ثلاث على الرحب والسعه :152: |
رواء عادي محد يطلع من بطن امه يعرف كل شين < مو بمعنى البايخ لا بوصف انه عرف كل ابو حاجه بالدووونياااا هع
بعدين الامور طيبه والحمدلله عادي استخدمي اللغه البيضاء :109: خالد خل الموايدز عنك هههههههههههههههه نوب تشوف الطقاقه :dasas: :v9v9net_004: ماينمل بصراحه من الموضوع :123: :154::heart44: |
اقتباس:
يا ليل اللي مضيّع بعارينه :m17asmilies-com: :ssss::ssss::ssss: يا = حرف نداء هههههه ..ليل = ممممم وقت أسْود هههههههههه اللي = مالها داعي :) .. مضيّع بعارينه = مفعول به مكسور ماكل هوى :105: صادم ثنين بالحجز ينتظر كفاله :105: عناوين ياخي شسوي الله خلقني اطخم :) ( ما عليك زود ) ههههه استغفر الله هههه هيه ياللي تمرّ ترانا نمزح :v9v9net_032: عندي لك اهداء عناوين .. هالقصيده كتبتها بالهلال :) زرعْتك حب في نبضي وحالي .......... وحصدْتك مجد والقاب ومعالي شعور الغير في نقْصه حقيقه .......... وشعـار العزّ في دمّي هلالي ! انا لو جيت بحكي بــك وافاخـر .......... يغـار الخصْم من واقع خيالي رجعت مْن البحر مرفـوع راسي .......... غريبه لو رجعت بْكفّ خالي ! حصيلة صيـدي كْنــوز وغنايم .......... ذهـب والمـاس ياقـوت ولآلي هديـر ونـوح وامواج ٍ تلاطـم .......... يظنّون البطوله صوت عالي ! ويوم الحسْـم في ساعـة لقاهم .......... عرفْنا الخيـل راخصْها وغالي تلاشوا كنّهم ريشة حمـامه .......... عزفْها الموج الازرق في دلالي تغنّى ياسـر وصفّـق أسامـه .......... ورقّّصهـم ويلي شـرْق وشمالي وسجّـل نجمنا الموهوب بصْمه .......... نقشْـها وابتسم ابن الحلالي ! ابو الحطّـات من لمْسه ذكيّه .......... يحطّـك والشبـك زول وظلالي ! بنينا من صخر رادوي قلْعـه .......... حرسْها حامي السرب المثالي ابو دعيّع عميد الكون كله .......... نخـوه وصانهم سيد الرجالي إلا منّه وقف كالطير فـارش .......... وصـول الذابح لوكْـره محالي ! نياشين البطوله في جبينه .......... وشلال الذهب فوقـه همالي وابو فيصل تهنّى الفوز باسمه .......... قمر والفوز في وصْله ليالي تحزّم بالثقافه من مهـاده .......... وصال الحرف في شعْره وجالي زعيم الدعم في نادي الزعامـه .......... خصاله تسْبقـه فكْر ٍ ومالي لو يْداعب ضفاف الشــطّ بيده .......... غـدا طعم البحر سكّـر زلالي يعاندني صديق الزيف كاذب .......... يقول ان الهـوى فوق احتمالي وانا اقـول الغـلا يبقى ويبقى .......... مدام العز في لونه هـلالي ! عناوين .. تشكراتي لحضورك الدسم .. يديم عليك هالحضور وهالجمال لا عدمتك ..:heart44: يمال الثانكس :) :152: <<---- رواء ههههههه شعبي مع انقلش .. بعدين ناخذها في صف سادس .. ميشي ؟ :ssss: |
اقتباس:
ما يجوز لعن الجدف لأن الجدف هو ( القبر ) مو الجد او السلاله حبيت اوضح هـ المعلومه فقط :) .. |
هههههههههه
يآ هوووه,,طلعتوا من الموضوع.. وفتحتوهآ محو شعبيه << زي محو أميه.. إرجعوا إحتسوا عن العيد يآ حيي :( << وانتي شدخلتس؟+فيس رافع جاجبووه |
مراحب خالد ياعساي اترفش ببطنك هههههه ما ادري حاسه انها كلمه مو كويسه <<< شامه ريحة ضحكه
والله ياواد شكلك حتوديني بداهيه بالمعاجم الي قولتلي عليها انا ابغى دروس بصدز<< متعوب عليها يمال العردز الي يحناك:thk: ارسيلك ع بر يابويا انقلش ولا شعبي همس يعطيك العافيه ع التوضيح رغم اني شاكه بالمعنى من اول خالد اشرح مزبوط بلا غش واخيرا ترى ما ابغى احد يزعل عليا وبكره عيد :123: وكله مزح يامال العافيه حارسلكم مشبك وحلاوه حلقوم وحلاوه لدو ومن العايدين |
اقتباس:
هلا همس عليكم السلام ورحمة الله وبركاته :) والله يا اختي همس اللي اعرفه وحنا بزارين لا قال الواحد يلعن جدفك يعني يلعن اصلك او يلعن ساسك .. الخ ويقال يا ملعون الجدف ! ( مع احترامي للجميع .. للتوضيح فقط ) لانه منطقيا من اللي بيقول ( يلعن قبرك ) ؟ هههههههه والله ورسوله اعلم // شكرا لحضورك الطلالي :) اتحفتي الموضوع اختي همس .. زارتنا البركه والله // |
اقتباس:
اي والله يا شيهانه صارت ( نحو شعبيه ) ههههههههههه وليست محو :) ياناس احتسوا بالعيد .. ياناس اللي تبيه شيهانه اعملوه .. وانتي يا شه شه .. ههههههه <----- شفت ضحكة الدنيا تقوله :) اقول انتي كان عندتس شي هاتيه يالغاليه ترى سوالفتس ما تنمل .. ولا يهون الجميع كلكم عسل على القلب والله تقديري لسمو حضورك // |
| الساعة الآن 07:24 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010