تصــاريف القـدر

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
شق الفضاء والصبح حارت بي خطاي=بين الرحيل وبين غربة مكاني
ضايق وضيقي يعزف الحِزْن باالناي=والهاجس اللي منتظرني دعاني
أغيب والْقاء رِفْقِتي صاروا اعْداي=وارْجِع واحَصِّل من كرهني بغاني
هذي هي الدنيا مع الرايح الجاي=وهذي تصاريف القدر يازماني
ماامْلِك عَصاء موسى ولالي بها راي=قبلي بها عِصْم الشوارب تْعاني
أضيق لا منه خَلاَ يوم مخباي=أخاف اخَيِّب هقوة اللي نصاني
مااشْرَه على الغالي ولا ادَوِّر رْضاي=أدَوِّر اللي لا نخاني لقاني[/poem]

قــديم الجراااح

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
أسري مع الليل واتْجَنَّب نسيم الصباح=وانا مع الحالتين اللي ذِكَرْت بْخَطَر
ياشيب عيني ويَاوَجْدِي على شي راح=ماعاد فيها ربيع وْلاَ تِسَاقَط مطر
مشتاق لين الخفوق اجْتَاح صوت النياح=واسْتَسْلَم القلب للذكرى وصَبْره نِطَر
حتى انتهت امنياته مع قِدِيم الجِراح=وافْطَر عليه الزِّمان اللي بْجُورِه فِطَر
أمسيت كني ورق كينه بْعَصْف الرياح=أو مثل لوحة سعودي في معارض قطر
مايسعف الروح إلا صوت حي الفلاح=ولايِسْعِد العين إلاشوف مِن بِه سِطَر
مْشَاهَدْ الطِّيْب واهل الطِّيْب أكبر نِجَاح=واصْعَب مْن الموت طيف اللي بْبَالي خَطَر[/poem]

قصيدة بالشيخ احمد النايف الفيصل الجرباء حفظه الله

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
ياشيخ ياسِتْر الضعوف المساكين=ياعز منهو كاتبٍ بك قصيده
يامسند اللي طاف بين المِلَبِّين=اللي دعا ربه يِسَخِّر عبيده
يالهيلع النادر صعوط المجانين=فِعْلَك مْشَرِّف لابتك والبديده
الشعر يَخْجَل من مقامك بْثِنْتِين=الوصف يَقْصِر والهقاوي بعيده
من وين اجي ياسَيِّد المجد من وين=ياشيخ يانَبْع الكرم يالوليده
أنت الشموخ اللي يِهِز الميادين=أنت السجايا الفاخره والحميده
أنت الذي عِلْمَك يِسِر السلاطين=وجاهك يِغَطِّي من تَعَثَّر رصيده
مِتْصَدِّر القمه وكل العناوين=يوم السنين اللي مضت والجديده
في دَاخْلِك دوله تغيث االملايين=وفي وَقْفِتَك كل المخارج سعيده
أحمد إبن نايف عَلَى العِسْر واللِّين=اللي فعوله يالطنايا فريده
ياشيخنا قَدْرَك على الراس والعين=نُومَاسَنَا عند الظروف الشديده
جِرْبان يعني هامة المَجْد ياحسين=نَسْل الشيوخ اللي ينومس بِرِيده
شْيوخَنَا مْن اوَّل الوقت للحين=غَصْبٍ على جور السنين العنيده
المال يِجْمَع لَجْل بُكْرى وبعدين=ورَبْعِي صناديد المواقف تبيده[/poem]

رمش العيــووون

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يموت الوَرْد بعيون النساء مامات كحل العين=هدب رمش العيون اللي قتلني ياهدب ساره
تِذَكَّرْتِك بَعَد عشرين عام بْشَارِع السِتِّين=تِذَكَّرْت الرصيف اللي انْتِظرتك فيه وانواره
تِذَكَّرْت المطر والبرد والمِعْطَف عَلَى الكتفين=تذكرت الحنين وكيف كان وكانت اسراره
تِذَكَّرْتِك وغَمَّازَات خدك قَفْلَة القوسين=وشَجَّعْت النصر واصبحت انا واحد من انصاره
كتبت اسمك على صدري كتبته سين زايد عين=يساوي حب ياموت القصيد وريحة ازهاره
شربْتِك وارتويتك واحْتِضَنْتِك قبل لاتدرين=وعَرَفْت إن الغلاء ملعون جد وهاذي اضراره
أحبك ياعيوني بس وينك من حبيبك وين=تعالي يابحر حبي وموجاته وتياره
تبون الصدق؟ لاسارة ولانوره ولا دارين =مراهق صدّق الكذبه ومشَّاها على الحاره[/poem]

روضــة الشـــيح

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياروضة الشيح وان جارت عليك الرياح=تِجَوِّدي بالثرى لاصار حولك ثرى
العام انتي علاج اللي من الحزن طاح=اللي من الهم لو بعتي سرابك شرى
ماعاد تَفْرِق مع العالم مساء وصباح=أهم شي الوهم يَمِّك مذله سَرَى
لو شَبَّت النار بَاطْرافك وصاح الصياح=تَحَمِّلي ماحكاه مْسِيلمه للعرى
الصبر حتى على البلوى يسمَى نجاح=لو الصبر في نجاح المهزله مادرى
لكن على الله نشوف القاع كله صلاح=ويموت منهو عليك بهيبتة إفترى
ياروضة الشيح حَيِّي في منادِ الفلاح=واستوطني في ثبوتك حب أم القرى [/poem]

الحب من نظره

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
جيتك واحسب انك تحبَّن على طول=اثر المحبه مِعْك يبغَى لها وقْت
ماني بفاضي لك أنا شخص مشغول=زعْمِك على بالك تحراك لا رقْت
الحب من نظره والاهداف بالقول=وعليك حلمي ياهو البال عَلَّقْت
تقول مو معقول واقول معقول=وتقول وش حققت واقول حَقَّقْت
مادام فيها شيوخ كشخات وخْبول=حنا بخير وإنت للحين مافقْت
واللي مهو مجهول يصير مجهول=وانْت انْت لامن رقت والاَّ بعد ضقْت
العام تنخاني أوَصِّلْك للمول=وهذي السنه غَزِّيت خشمك عَلَي ،سِقْت
[/poem]

شـــموووخ الطناء

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سناعيس حنا فوق صَبْر الجبال جْبال=طنايا نموت بْعِزِّنا حي ميتتنا
سناعيس بالافعال ونْعَلِّم الجهال=هنا مجدنا وهناك قوة إرادتنا
طنايا حَكَمْنَا حِكْمِنَا باقي وْلازال=تْغَنِّي به ام صْلال وتْعِد فزعتنا
سناعيس مانرضى المهونه بأيَّة حال=خْلِقْنَا مع الامجاد والمجد عزتنا
طنايا نشيل الحِمْل ونْفَهِّم اللي شال=بأن الثقال الكايده هي مهمتنا
سناعيس لو طال الزمن أو بَعَد ماطال=يِكَفِّي بأن الكون يَفْخَر بْوَقْفَتْنا
نفك الشيوخ اللي نَصَتْنَا عن الاهوال=ولا يِقْرَب اللي مستجير بْحِمَايتنا
طنايا مصيبتنا اذا الوقت فينا مال=نْوَقِّف مثل سنجار هذي مصيبتنا
شموخ الطناء فينا كَأنه مَلِك يختال=لنا الخارطه تَهْبِطْ وتَطْلَع مساحتنا
حَكَمْنا الجزيره ماحَكَمْنَا بكثر المال=لا والله بْسِيفٍ ترتفع فيه رايتنا
طنايا ننال الصعب ونْعَقِّب الفنجال=عَلَى اللي يبي يَكْسِر مع العسر هيبتنا[/poem]

هــاجس الضيق

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
البارحه ماعاد للرجم داعي=علمٍ لفاني فَتَّق الصدر تَفْتيق
ماني بواعي لكن الحزْن واعي=ياويل حالي من عَبَث هاجس الضيق
خيبة أمل سَمَّى عليها اندفاعي=وانهارت احلامي على قمة طويق
خلاص ياشَتَّى السبل والمساعي=يَحُّول ياصبر الرجال المطاليق
أجي على الدفع القوي الرباعي=وارْجع على ان الحظ مابه توافيق
حتى الطريق اللي مروره أفاعي=أشْفَق عليه اليا حَضَن يابس الريق
أخاف تَشْمَت به عيون السباعي=ويضيع دربٍ ماوطوه العشاشيق[/poem]

كيـد الرجــال

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
وين انت ياكيد النساء الموت من كيد الرِّجَال=والا النساء تَبْقَى نساء مَااشْرَه على نسوانها
أشْرَه على اللي هَقْوِتي فيهم مثل ذيك الجبال=الشآمخات النآيفات اللي رِسَت بَارْكانها
أثْرِه تراب وهَقْوِتي حرام ماجابت عيال=غير الغراب اللي خذاني عن نِفَسْ غربانها
العقرب اللي قَـوِّسَتْ ذيله ترى ذاك احتمال=بس انتبه لاتَقْرِصَك وتْقُول عندي عانها
وثَقْت في نفس المَجَال وضِعْت في نفس المجال=ماعاد تِئْوِينا سفينه لو وصَل ربانها
والصاحب اللي خانه التعبير من بعد المقال=خلِّه يواصل ماكتب والجَرْح من عِنْوانها
آسِف على ذاك الجواب اللي نطح ذاك السؤال=حَطَّم مجاديف الفرح لوحِصِّنَت بِيْبَانها[/poem]

طير شـــلوى

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
أبَمْدَحَك يَاطِير شَلْوَى وسِنْجَار=لَوْ أنت مِن فُوق القِمَر والثْرَيَّا
فِعْلَك مِعِي مَاهُو دِعَايَات واعْذَار=نُومَاسْ يَاسَمْح العَطَاء والمْحَيَّا
لَكْ وَقْفِةٍ للَدَّار وَالضِّيف والجَار=تِسْوَى عَقَارَات الخْبَر وَالعْلَيَّا
مِن طِيبْ طِيبَكْ تِسْتِحِي مِنْك الاَشْعَار=تَخَاف تَقْصِر عَن سِمِوَّك شْوَيَّا
لَكْ هَدِّةٍ تِرْوِي مَوَاعِيد الاَسْرَار=وْلَكْ بَصْمِةٍ مِن قَبْل تَبْصِم بْلَيَّا
لَكْ في مُحِيط الجُود مَسْرَى ومِسْيَار=وْلَكْ الصِّعِيبَه يَابُو ثَامِر تَهَيَّا
يَامْحَمَّد النَّايِف ذَرَى كِلْ مِحْتَار=لَوْ كَان ظَرْفِه صَعْب والوَقْت عَيَّا
كَمْ مِنْ سِجِينٍ ضَاق بِهْ وَقْت الاَسْحَار=جِيتِه وْقِلْت بْكَف يِمْنَاك هَيَّا
طِيبَك يِظِل صْغَار ويْقَدِّر كْبَار=حِتَّى امْتِطَى بَالعِّزْ ظَهْر العْبَيَّا
يَكْفِيك يَاابْن هْذِيل عِلْمٍ لِكُم صَار=جَدِّك عَلَى مَرْكَاه مُوتِه حْمَيَّا
لِهْ في سَنَام المَجْد عَاشَنْ الاَخْبَار=لَوْ مَات يَبْقَى عِنْد الاَشْرَاف حَيَّا[/poem]

ســـيف ســـــــالم

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يَاوَرْدَة سْنِينِي ويَاشُوقي ويَاعُمْرِي وانا=أحتاج لك مِثْل احْتِيَاج أنْفَاسَنَا للأكْسُجِين
أصْبِر على حِزْني واصَبِّر ضِيقِتي إنك هنا=والبُعْد مابيني وبينك يَذْبَح القلب الحزين
ريقك ألَذْ من العسل واصْفَى من انْهَار الهناء=واطْعَم من الحلقوم وازْكَى من رحيق الياسمين
خَدَّك مِثِل لون الغروب اللي عَلَى احْسَاسِي جَنَا=ورْمُوش عينك يِنْثِنِي من تحتها العِلْم اليقين
شِفَايفَك جَمْرَة سَمِر يَسْهَر بَهَا ضَوْ السناء=والخشم كنه سيف سالم في وجيه المعتدين
بطنك من الغيره على صدرك يغار مْن الظَنَاء=خايف عليه مْن الرضيع اللي يضم الوردتين
صدرك من اللَّهْفَه عَلَى بطنك تِقَدَّم وانْحَنَا=يبي يشوف الضَامِر اللي مِتِّقِي عَيَّا يِبِين[/poem]

كلي طعووون

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
عادي إطْعَنِّي أنا كِلِّي طعُون=إجْرَح بْقَلْبِي وسَوْ اللي تِبِيه
أنت لا .. لا ياحبيبي مَاتِمُون=أنت عُمْري ماعَلَى عُمْرِي عَلِيه
لو قِسِيت بْنَظْرتك شفْتَك حنون=يكفي إن الشوق بِاحْسَاسِي تِجِيه
إيه .. أنا مجنون في حبك جنون=أسْهَر بْطِيفَك وابيعه واشْتِرِيه
إيه أبيعه للنِّظَر وَسْط العيون=واشْتِرِيه بْدَمْع عيني وَاحْتِوِيه
في غلاك أكون والا ما أكون=المُهِم إنك خَفُوقِي تِعْتِلِيه
أكْتبَك في داخلي ظلْم وْشُجُون=وارْسِمَك في صفحة الحُب النِزِيه ![/poem]

التاجر المحترم

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
لوكل الاحلام وَرْدِيّه وفيها ربيع=ماكان شِفْنَا التوتر عند بعض الربع
المستحيل استحاله فوق صَبْر الجميع=يموت مَخْنُوق من حزنه بْصَدْرِه طبع
إرَادَة النفس تَفْشَل ليه تَرْفِضْ تطيع=واعداد الايام سبعه والعجايب سبع
تَقَدُّم العمر أفضل لاحْتِوَاء الصنيع=إما تكون النتيجه ذيب والاّ ضبع
موارد الانْس خَوَّفْها نبات الضريع=تشرب من العين دَمْع ويِحْتِويها نبع
سعر النهايه بداية نوع وضْع الرجيع=وترشيح الادوار ثوره في عرين السبع
السوق يشري تَعَبْنَا لو رِفَضْنَا نبيع=والتاجر المحترم مَحْرُوم خير وربع[/poem]

مطنّخ وفرّيس

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يابنت حنا مِشْكِلَتْنَا سناعيس=وحنا خطانا يوم صِرْنَا طنايا
إبليس لامنه لِقَى شمر ابليس=يِتُوب عن درب الرِّدَى والخطايا
نِعْطِي ولو حِنَّا جْيَآع ومفاليس=وتَفْخَرْ بْفَزْعَتْنَا جميع النوايا
كِذَا خَلَقْنَا الله مْطَنَّخ وفِرِّيس=الحمد للي من يديه العطايا
ومن بَعْد فضل الله نِفِكْ المحابيس=ونْفِكْ من كَبْرَت عليه القضايا
الارض تِتْمَنَّى الطنايا على العيس=من فِعْلِنَا قامت تِهُوش المطايا
حكام فِزْنَا في جميع المقاييس=وشْيُوخ من روس العْصَآة الدهايا
تاريخنا مَازَيَّنَتْه الفوانيس=زِيِّن من الدم الحَمَر والمنايا.![/poem]

التـوبة

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
أبسافر يم مكه واتوب مْنَ الهوى=توبة الصِدِّيق لله في عهد الرسول
من هْمُومٍ فوق صدري وشيطانه غوى=ياعساني في طوافي أحَصِّلْ لَهْ حلول
ياهواجيسٍ بقلبي لواها وإلْتِوَى=لَوْيِة الحبل المْرَكَّب عَلَى حلق مْغَيول
ذيب جوفي وسْط جوفي يابوحارث عوى=لين هَيَّبْني وذَكَّر خفوقي للوصول
يا إلَه الكون يافالقٍ حب النوى=لاتخلِّيني أنا جيت بذنوبي خجول
جيت لك والضعف فيني بْفَزْعَاتك قوى=وْعادة الإنسان يارب طَمَّاع وْعَجُول
الجوارح تِنْتِخِي بَك وتَسْجِدْ لَك سُوى=الدعاء من عندنا وانْت وَاعِدْنَا القبول[/poem]

شـــاشـــات عمري

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
مشتاق والاشواق تَذْبَح وتِحْتَاج=للي خذا من خافق الروح حاجه
أشتاق له شوق المْقَيَّد للافراج=في ساعةٍ دَقْ الثواني ملاجه
مابين حائل والمدينه والافلاج=مِشَاعْري تَرْفَع عليك احتجاجه
سَبَّبْت لي في غِيْبِتِك كل الاحراج=ماتدري إن العين شُوفَك عْلاجه
حبك بصدري هاج ياكيف به هاج =خَلِّه عَلَي بس المهم نْتِوَاجه
لو اخْرِجَتْ صبري مَحَطَّات الانتاج=بَثَّت على شاشات عمري خراجه
ياويل حالي من شتاتي إذاء داج=في دمعةٍ عَكَّر عليها مزاجه[/poem]

حلمه الـوردي

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
أعِدْ الخَرَزْ في سَبْحَتِي والخَرَزْ مَعْدُود=ولكن أسَلِّي سَبْحَتِي والعدد ضِدِّي
تِضِيع الثَوَاني والدقايق عَلَى المجهود=مِثِل حِلْمِي اللي ضَآع مع حِلْمِه الوَرْدي
ياليت الزمان اللي مِضَى لاَطَرَى مَايْعود=أخاف الخفوق اللي مِزَح لي كَرَه جَدِّي
غريبه أدَوِّر شي في دِنْيِتِي مفقود=وانا قبل أفَكِّرْ بِه هواجيسي تْعَدِّي
على مرقبٍ ينصاه مثلي رِقَى مَلْهُود=يِجِيبَه مثل حَظِّي على الحِزْن ويْوَدِّي
يِوَدِّي خبر عَاجِل ويَرْجِع بدون قْيُود=عَسَى الله يغَرْبِل صَبْر مِن بَيَّحَوا سَدِّي
أحِد المشاعر حَدْ ياضيقة المحدود=أعِدْ العدد زوجي ويَخْذِلْنِي الفَرْدي[/poem]

نايف معيلي الشــمري

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
مِنْ عاصمة شَمَّر وْمِن دار الابطال=(تَحِيَّه، أما بعد: نِقْطِه إشَاره)
المجد مانَشْرِيه يَاصَاحِب المال=حنا عطينا المَجْد كِسْوَة وِقَاره
الدرب لامِنِّه على بَعْضِنَا مال=حنا نْعَدِّل لاانْتَخِينَا مساره
إسْم الطنايا ماخذيناه مَوَّال=جِبْنَاه من يومٍ تقادح شراره
لو المعارك تِنْتِخِي بِاسْم الافعال=كان انْتَخَت بالشمري وانْتِصَاره
أفعالنا أُقْسِمْ .. قَسَم عَرْشَهَا قال:=إنه وصل فيها شموخ الصداره
حنا سناعيس الجبل وقْت الاهوال=في ساعةٍ لِيْلَه يْخَوِّف نهاره
فينا الكرم من قبل نُوْلَد ولازل=ياخذ من كْفُوف الطنايا عَمَاره
واليوم نايف نُوْمَس العم والخال=الشمري نوماس ربعه وداره
عز الله إنك طَيِّب الراس والفال =تستاهل خْتُوم الشَّرَف واعْتِبَاره[/poem]

عــلوووم و عــلوووم

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يازِين خِصْرِك كيف ضَآمر ومَبْروم=سبحان من سَوَّى تفاصيل وصْفِك
كنت احْسِبِك من خير الأنعام مَحْرُوم=حَتَى تِبَيَّن لي مع الخِصْر ردفك
نظره من عيونك بها الموت محتوم=أمُوووت مَيِّتْ مِيْتْ في جُوْد عطفك
شِفَايْفَك مابِينْهُم ريق مَخْتُوم=يفقد عليهن شَخْص كِلِّف لْخَطْفِك
والخشم سيفٍ يِعْتِزِي بِابِنْ مكتوم=إمَّا يِرِزِّك أو يِجِيبِك لْحَتْفِك
والخد برقٍ ناض ماتَحْتِه غْيُوم=مِنْك القمر يِكْمِل تِمَامِه بْنِصْفِك
والصدر فيه عْلُوم وعْلُووم وعْلُوووم=يارب أنا في جآه وجهك ولِطْفِك[/poem]

رحــلة العـــام

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
البارحه حِلْمِي عَلَى جِفْن الاحلام=غَمَّض مع عْيُوني وفيني تَعَلَّق
أنام واصْحَى وانتظر قبل مَا انام=أخاف أنام وهاجسي ماتِسَلَّق
هامة شموخ اللي بها حِزْن الاوهام=اللي عَلَى صَهْوَة عذابي تَخَلَّق
لو قام حظي .. حظ الاشواق ماقام=لوكان طيري تَحْت الانظار حَلَّق
ياكثر ما قلنا مع الوقت قِدَّااام=وصْدُورنا بعد الهقآوي تِشَلَّق
ماعاد به شَرْهَه على درع وحْزَام=العمر بَاعْذَار المواعيد غَلَّق
هذي السنه عندي مثل رِحْلَة العام=الهم فيهن كل أبُوهِن تَأَلَّق[/poem]

اعتليت بخافقي

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
جيتك بْقَلْبِي وسَوْ اللي تَبِيْه=سَوْ بِهْ ماشِئْت وافْعَل ماتَبِي
أنت عمري مَاعَلاَ عمري عَلِيْه=دام فيك يْرُوح حِزْنِي وتْعَبِي
والله إن الشوق بعيونك أجِيْه=عايشٍ في داخله شيخ وْصِبِي
إعْتَلِيت بْخَافِقِي يَامِعْتِلِيه=شب نارك فيه من سَمْر حْطِبِي
خل ليلك مع هواجيسي نِزِيْه=اسرْ بِي من قبل ما اطْلِب مَطْلِبِي
خذني الطفل الصغير من السِّفِيه=وَدِّنِي حِضْنِك وْعَلِّمْنِي الحَبِي
ضِمِّنِي شَهْوَة لِقَاء ماله شِبِيْه=تِسْكِر انفاسي وتِتْلِف بِعْصِبِي[/poem]

حبر القصـــايد

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
ليتك تِمُوت اليوم وتْمُوت الاشواق=وإلا تعيش الحِزْن وتْمُوت فيني
ألقاك صدفة ينتهي وصْلِك فْرَاق=ياويل قلبي من جفاك وْحنيني
البرد قآسي والدفَاء لحْظَة عْنَاق=ياشيب عيني كيف ضآعت سْنيني
عادي يضيق الصدر..والصدر لاضاق=أصغر مشارِيهَه على دمع عيني
ياسيدة حِبْر القصايد بالاوراق=كيف اكتبك والسطر داخل يديني
إن كان عندك عِتْق من بِرْ الإعتاق=جاهي قبل عفوك يقول إعتقيني
فاق الخيال الوَصْف والوَصْف مافآق=خيالي اللي في عيونك يبيني[/poem]

قـسوة الغبن

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
إلَى نِهَايَات الأمَل والتُوَاجِد=الصبر صبري والقصايد مَهِنْ لِّي
كلٍ تِمَنَّى الموت يَأتِيه سَاجِد=وانا سِجَدْ مُوتِي عَلَى اطْرَاف ضِلِّي
الحِزْن فيني فوق توضيح وَاجِد=أجِيه كِلِّي واحْتِزِمْ فيه كِلِّي
من حَسْرِتِي من قَسْوَة الغَبْن هَاجِد=كِنِّي على وِجْهَة غيابي مْوَلِّي
تَعَقَّد النَاجِدْ على شان ناجد=مابين حب العالمي والمَحَلِّي
نَرْجِد ويَرْجِدْنَا مع الرَّجْد راجد=رغم الالم شر البليه تِسلِّي
خالد ، علي ، عثمان ، سلمان ، ماجد=واحد من الخمسه سِمِوِّه مضلِّي[/poem]

ســناعيس الفخر

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عِشْقِي لْشَمَّر عِشْق شَمَّر للإنْجَاز=أو عِشْق مَجْد الشَّمِّري لَلْجْنَازه
الشَّمِّرِي في عَالَم المَرْجْلِه فاز=يَكْفِيك إنْ الطِّيب والعِزْ حَازه
حِنَّا طَنَايَا الموت الأحْمَر والاعْجَاز=وحِنَّا سَنَاعِيس الفَخَرْ واعْتِزَازه
أمْجَآدِنَا غَصْبٍ عَلَى الغَصْب تِجْتَاز=مَنْ فِعْلِنَا حِنَّا خَتَمْنَا جَوَازه
مِنْ عِزِّنَا حِنَّا عزيزين وعْزَاز=ومِنْ صِيْتِنَا حائل بالامجاد فَازه
لاضاقت الدنياء عَلَى كل مِعْتَاز=يقول شَمَّر .. تِنْتِهِي كل عازه
دولة عطاء حِنَّا وفينا الصِّطر حاز=على جميع ألْقَابِنَا وامْتِيَازه[/poem]

تفتق زراره

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
يادكتور حَوِّلْنِي على واحدٍ مَمْلُوح=يِدَاوِمْ مَعَك هو الذي سَبَّبْ الزَّحْمَه
يِشُوفِه مِثِل شَرْوَاي من خَآطْرِه مَجْرُوح=يِطِيْب بْلِقَاء شُوفِه ويِشْتِّدْ بِه عَزْمَه
عَلَيْ الحرام إنه حَرَمْنِي وزَاد النُّوح=عَلَيْ الحرام إنِّي أهِيْجِن عَلَى إسْمَه
عَلَيْ الحرام أرُوح وارْجِعْ،، وَاجِي وَأرُوح=عَلَى شَآن زُولِه شِيْب عِيْنِي عَلَى جِسْمَه
مْخَصَّرْ ، مْفَصَّلْ ، مِتِّصِلْ ، مِنْفِصِلْ ، مَفْتُوح=أحِسْ الصَّدِرْ مَكْتُوم .. يِتْنَفَّس الكَتْمَه
تِفَتَّقْ زْرَارِه من نْهُودِه وصَمْت البُوح=واشُمْ العَرَق وافْقِدْ عَلَى هَبَّة النَّسْمَه
أنَا مَاحَسَبْت إن الهَوَاء يَذْبَح المَذْبُوح=ولا كِنْت احَسْب النور تَسْرِي بِه العَتْمَه[/poem]

شـــرح الحزن

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
ياشوقي اللي كريم وبَارْقِه طَيِّب=البارحه نجم وَصْلِي غَصْب سَرّيته
أشتاق لك يالبِعِيد وعندي قْرَيِّب=أقرب من انفاس صدري لا تَحَرّيته
يغيب فكري معه لا غاب ويْغَيِّب=سوالفٍ بيننا ذكراه مَرّيته
يَطْرِي لي اللي طَرَى له راسي مْشَيِّب=من حبه اللي بدون شعور طَرّيته
طيفه إذا مر عيني قلت ياحْبَيِّب=أفز له عن ظروف الحلم ذرّيته
أخاف هقوة غرامي فيني تْخَيِّب=الصاحب اللي حشا مايوم غرّيته
أصبحت موضوع شرح الحزن بِكْتَيِّب=وامْسِيت أقْرَأ عناويني وقرّيته [/poem]

بوووح القصــايد

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
راحن مراسيلي معزّه ولا جَنْ=خابَنْ وخآب اللي بعد خاب ظنّه
لو الهجاء وحْرُوف هَجْره تَهَجَّنْ=مشاعري كان الخفوق ذْبَحَنّه
خيول صدري كل ماضقت هَجَّن=على حِمَاء كهْفٍ زبَن كل وَنِّه
بوح القصايد مع بعضهن تحاجن=قصة غرامي مالها مِنْك مِنّه
يابرزخ الوالي ظروفي تناجن=بين الرحيل وبين كِنِّي وكِنَّه
سود الليالي من عذابي تَرَجَّن=موت الامل يوم الهقاوي بَلَنّه
في داخلي أذكاري البِيض حَجَّن=على وصل من باعهن واشْتَرَنّه[/poem]

فعووول الطنايا

مشاركتي في عتق رقبة حمدبن تايه الشمري
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يِشُـوْشْ راسـي مـن فْـعُـول الطنـايـا=أفعالهـم نجـمٍ صَـعَـدْ طلْـعَـة سْهِـيـل
لــو تجتـمـع فيـنـا القضـايـا قضـايـا=حنـا بْـعِـزْ أهــل الوجـيـه الحلاحـيـل
لــو الـزمـن لــه قَـصْــر كـلــه زوايـــا=شمـر صِطَـر تَهْـدِم عليـه البهاذيـل
حـنــا كــــذا فـيـنــا تـعـيــش الـمـزايــا=أكبـر دليـل الشِّيـل فينـا لِـقَـى حـيـل
الله خَــلَــقْــنــا لــلــتــراحـــم هــــدايـــــا=والله خَـلَـقْـنـا للـمـصـايـب مـداهــيــل
حــنــا الــيـــا مِــنَّـــا نـويــنــا الـنــوايــا=جينـا مثـل سيـلٍ تَحَـدَّر علـى سـيـل
وحـنــا الـيــا مِـنَّــا عطـيـنـا العـطـايـا=نعطـي ونَضْحَـك للسنيـن المقابـيـل
وحـنــا بَـعَــدْ غَـلْـبَـا وحِـنَّــا الـدَهَـايَــا=وحنا سلاطين المعارك على الخيل
حرب الصريف اللـي سماهـا منايـا=تشهـد لِنَـا حِـنَّـا جَنِيْـنَـا المحاصـيـل [/poem]

ماهو تشـمّت

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
الصاحب اللي يَحَسْب إني على خِبْره=قولوا له إني قِطَعْت الوصل يانَاسه
لايَسْأل الناس يَسْأَلْهُم عن الدبره=الله يعَزِّي سْنِينِه في بِقَاء راسه
صَبْرِي عَلَيْ يِشْتِكِي صَبْرِي على صبره=ياطول الايام يَاقِصْرَه على باسه
الشوق لوهو كبير وكَبَّرَه كُبْرَه=يَصْغَر بْعِين الفْرَاق بْقَسْوَة حْسَاسِه
ياصوت حَزْنِك تُوَاسَت بَحَّة النَّبْرَه=وانا أقِيْم انْتِصَارِي رِبْح بِفْلاَسَه
ماهو تِشِمِّت ولكن بَذْكِرْ العِبْره=من شِفَّة اللي بْظِلْم الصَّمْت حَسَّاسه
يارحْمَة البَنْج عَدْلِك خَزَّة الإبْرِه=على مواجع طفل يَشْكِي من انفاسه.![/poem]

ضــايق البـال

[frame="4 80"]
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
بيني وبين الشوق ياشوق غربال=وبيني وبين الليل قصه حزينه
موجود لكنِّي مع الحزن رحَّال=يَرْحَل بي الهاجس عذاب وْغَبِينه
ياويل قلبي كل ماشفت الاطلال=ياويل ويله من مْعَانَق حنينه
على الذي قَفَّى وانا ضايق البال=مَرَّت ثمان سْنِين ماشفت عينه
مشتاق له ياوقت بس البَخَت مال=إسمع خفوقي يشتكي من أنينه
إن جيت أبسأل عنه جَرِّيت مَوَّال=أخآف تَسْمَعْنِي الوجيه اللعينه
(أشكي عليك الحال ياعالم الحال)=تَلْطِف بْحَالِي عن بقآيآ سْنِينِه[/poem]

الحســد في محزمك

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
ياصاحبي لِحْيِتَك طِيْبَه من الشارب=كنت احْسِب إنك صديق وصافي النِيّه
الحَسْد في مِحْزِمَك مَكْرُوب يالكارب=ووْجِيه الأجواد من هَقْوَتْك مَعْنِيّه
والحين لولا البحر ما نَمْلِك القارب=نَدْرِس تضاريسنا بَافْكَار دِيْنِيّه
محمد أمرنا نْسَدِّد قبل مانْقَارب=وحنا نَعَكْس الامور بْخُبْث حِنِيّه
الحق لاأسرع..الُو.. مضْرُوب أو ضارب=لوكانت السالْفَه صفراء وبُنِيَّه
منهو سِبَقْ هو لِبَقْ يالراقي الخارب=تحت الدواهي سواهي ناس مَبْنِيَّه
غاباة شرق آسياء تحتاج لِمْحَارب=حتى تكون الحواجز شِبْه أمْنِيَّه
[/poem]

الســناعيس

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
زوبع،وعبده،والاسلم...يْلَبُّون النِدَاء=مثل مَالَبَّوا هل البيت للبيت الحرام
طِيْبِنَا مايِنْتِهِي.. كِلْ مَاكَثْرَت بِدَاء=مِعْتِلين الطِيْب بالفعل ماهو بالكلام
والله إن العِزْ بَامْجَادِنَا صَاحْ وحَدَاء=مَجْدِنا تَشْرِق به الشمس عن جور الظلام
والله إن الصيت يَآصَلْ بِنَا أبْعَد مِدَاء=ونْتَعَدَّا هَقْوَة الصيت من فوق الغمام
المعارك عَلِّمَتْنَا على فَرْ العِداء=يوم هي بالرمح والدرع والحَسْم الحُسَام
الردَى ماهو لِنَا الله خَلَقْنَا بْلاَ ردَاء=نِحْمِده جَلَّ جلاله على جِلْ التمام
فوق هَآمْ السّحْب إسْم الطنايا يقْتَداء=والدليل الوقت يَخْضَع لْشَمَّر بِاحْتِرَام[/poem]

نـاشــف الريق

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
نَطِّيت رِجْمٍ وَدَّعُوه العَشَاشِيق=يَامَا من الضِّيقَه نِصُوه وْرِقُوا بِه
وانا بَعَدْ يوم أَرْقِبِه نآشِفْ الرِّيق=كِنْ السَّرَاب اللي نِصِيتِه عْقُوبِه
ضَآيِقْ ومن ضِيقِي لَحَقْنِي من الضِّيق=أشْيَاء عن وَجْه الزِّمَان مْحَجُوبِه
مَادْرِي رِدَاةْ الحَظْ والاَّ التِوَافِيق=جِيْب الأمَلْ مَاعَآدْ يَرْجِيه ثُوبِه
أَسْرِي وَاعِيقْ إخْطَاي مِنْ بَعْد مَاعِيق=أجْمَل أصُول الوَصْل في نَبْض تُوبِه
أَحِبْ لَكِنِّي بَعَدْ شَخْص مَااطِيق=إفْرَاق مِنْ تَآهَتْ رِجَآوِي دْرُوبِه
خَلاَص يَارُوس الطْوَال الشَّوَاهِيق=يَكْفِيك مِنْ هَبْ النِّسَايِم عْذُوبِه[/poem]

هـواااجيس الغــلاء

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
لاتَسْألين الناس عنِّي وانا حي=إن مت قولي وش حصل في حياته
خَلِّي هواجيس الغلاء تاخْذِك فَي=وتْعِيش بِدْمُوعك حزن من صفاته
في دنيتي ماشفت انا باالسماء ضي=غيرك عَكَسْ نور القمر ياغناته
ياللي عيونك من صفاها بها مي=والرمش طآيح وان وِقَفْ هو عباته
وان سَلْهَمَت طير السماء صَآبه الغي=حوَّل عليها ومَرَّها من حلاته
والخشم سيفٍ جَهَّزِه خآلْقِه لي=آموت به طعنة أمل من غلاته
والفم يدعيني وهو مانطق شي=لولو وَرَى ياحمود ضِحْكَت شفاته
الشِفَّه اللي فوووق فيها اللحم ني=مالامْسَه روج القلم من نباته
والشِفَّه اللي تَحْت جَرْحَه بِقَى بي=مآلت وعَضَّتْهَا قديم امْنِيَآته[/poem]

شـــموووخ المرجلة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الطيب لِه مركَى ومجلِس ومنزال=يعني نقول الطيب كلّه بْجِبِّه
قول وفِعِل يشهد لِه الوقت لامآل=الوقت لامِن مآل دَنَّق وحَبَّه
جبَّه مُحيط أبطال وتْحِيط بَاشْبآل=هَآمَة شموخ المرْجلَه ماتِكِبَّه
نَعَم هَلَه أهل المكارِم والافْعَال=رْمَالات لاضآق الهَبُوب بْمَهَبَّه
إذا النفود إسْتَوحَشَت قآلت رْمَآل=لَنْ الرمآلي مِحْزِمَه تِكْتِرِبْ بَه
كِنْ السِّطَر سَآقُوه فِنْجَآل فِنْجَآل=هذا دواء داء الهقآوي وطِبَّه
بْيُوتْهَم للعِز والجُود مِدْهَآل=ودْلاَلهم كَفْ النِداوي تِصِبَّه[/poem]

عروووس الشمال + شيلة
 

عروووس الشـــمال

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
حايل عروس الشمال الغيم غنَّا به=يازين حايل إذا قالت بعد حيِّي
إيوالله ان الكرم والجود يزها به=ياحي حيِّي وياميتي ويافيِّي
الغيث لا من نزل يستأذِن هضابه=يقول بعد الإذن بَسْقِيك من ريِّي
الله على جَوَّهَا والمسك بِتْرَابَه=يعني على قولة أهل الذوق من زيَّي
العين لاغَمِّضَت تشكي له اهدابه=من خوف حايل تمر بْظَرْف وتْعَيِّي
تفداك روحي وروح اللي فتح بابه=ياقِمَّة المجد ياعشقي ويَاطَيِّي
جْبَالك اللي يحيط العز مرقابه=تكوَّنت من شموخك يابعد حَيِّي[/poem]

أســرد الكارثة

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
ياورد أصل الورد ياريحة الوَرْد=ممكن إذا تسمح أبي منك وَرْدَه
لَنِّي أنا حمزه وصبري معه فَرْد=عزالله إلا راح حمزه وفَرْدَه
الجَوْ حَرْ ولكن اشكي لك البَرْد=وعندك حِضِن يدفي خفوقي وبَرْدَه
خذني على صدرك وعلِّمْنِي الجَرْد=أبَجْرِد آهآتي واعَلِّمْك جَرْدَه
أبي أتنفَّس واسْرِدْ الكارثه سَرْد=واعِيْد لك ما قلت واخطي بْسَرْدَه
خَلَّن أفَكِّرْ صَحْ وابحث عن الشِرْد=واشْرِد عليك ولا عَلَى منك شِرْدَه
بقعاء معي تْقُول والله من القِرْد=وانا معك ماآخآف بقعاء وقِرْدَه[/poem]

خمســـة حروووف

[frame="4 80"]
[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,10,black" type=2 line=0 align=center use=ex num="0,black""]
البارحه لِيْلِي سَرَا بِي على نوف=وانا بْلَيَّا نوف ياليل ساري
تِجَمَّعَتْ فيني موآعيد وظْرُوف=الله يعين اللي قِضَى العمر شاري
مَلِّيت من كثر الملل صرت مااشُوْف=إلا أمل نظرة هجوس انتحاري
سحابتي بيضاء لها خمسة حْرُوف=تِمْطِر على وصلي وتِغْرِق مساري
من كثر ماصكات بقعاء بي تْرُوف=تعطيني النكبات شبه اختياري
مسحور خِلْقِه في تضاريس مَعْطُوف=واقرأ على نفسي واجِيْز اختباري
أكْذِب على أمني ويَصْدِقْنِي الخوف=واحْفَظْ صَحِيْح اللي رواه البخاري.![/poem]
[/frame]

شـــمر العز

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
كـل عـام وشـمَّـر الـعـز ربـعـي بـالـف خـيـر=وكـل عــام الـعـز شـمَّـر مْنُومِسْـهَـا السـطـر
أشـهـد إن المـجـد فيـنـا خــذا مـنــا الكـثـيـر=واشهد إن الصِّيت جبْنَاه من خَشْم الخطر
تشهـد لبـرزان حائـل عـلـى صــوت النـذيـر=وتشـهـد أم صــلال يـاكـيـف بـــرزان بـقـطـر
فعـلـنـا مـاهــي سـوالـيــف يــاحَــزَّة عْـصِـيــر=إنــشـــدي قــلـــبٍ نــوانـــا تــعـــذب وانـفــطــر
والله إن الـعـسـر لاشـافـنـا أصــبــح يـسـيــر=والله إن الجـمـع لاشـــآف بيـرقـنـا انـشـطـر
يـابـعـد حـيــي سنـاعـيـس والمـعـنـى كـبـيــر=يـابـعـد حــيــي طـنـايــا طـنـيـنـا مــــن بــطــر
والله إن الأرض سـيــفٍ لـنــا مـالــه جـفـيـر=والسـمـاء مــن دم بـقـعـاء تـعـذَّرهـا الـمـطـر[/poem]

ثوووب العــيد

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,9,black" type=2 line=0 align=center use=ex num="0,black""]
يابابا وين ثوب العيد وين الثوب ماجبته=بِقَى أيَّام يابابا وانا اسْتَنَى تجي به لي
أبي مع ثوبي الوردي عطر بيديك غَلَّفته=وابي ساعه وابي خاتم وابي حضنك معاي شوي
يابابا شوفها أحزاني تِشَرِّقْني وغرَّبته=وانا ادري فيك مَيِّت بس ذِكْرِك في خفوقي حي
ولكني أعيش إنك معي والقلب عذَّبته=أمُوت بضمِّتك صبح المعايد لاثنيت ايْدَي
واغني للفرح في نظرة عيونك وبك زرته=أمانك راح وحزني يآيبه أصبح بشمسي ضي
أخاف الليل من بعدك وانا بعدك تعذَّرته=تعبت بغيبتك ودموع عيني طيفها يبكي
على حزن الدموع اللي بكت مايوم عَـبَّرته=يروح العمر فيني وردتين ولا وِصَلْهن مي
واغني للقصيد اللي معي والجرح نصَّبته=على هَآمَات حزني وانثنت هَآمَات حزني في .![/poem]