اقتباس:
ايه يالغلا ادري انك ماانتي بسيطه يانور الدنيا يالعزوه انا والله قليل اهتمامي بالشعر المعاصر وتركيزي على القديم لكن جاب الله اللي بهم سداد عندنا000 |
السلام عليكم مساكم الله بالخير
هلا براوينا الاستاذ / فواز الغسلان _ ابو فهد _ ( حفظه الله ) ابي هالقصيدة لاهنت كامله اللي يقول حدى ابياته اهو مطلعه يقول : دغيرات مثل الداب شوفه يهبلي والداب لو هو ميتن ماتمثناه وابي منهو قايل هالابيات هل هو الفارس ماجد الحثربي ( رحمه الله ) ولا منهو .. ياليت يابو فهد تذكر هالقصيدة كامله لاني مااحفظ الا هالبيت منه .. والصراحة اني تعبت وانا ادوره لاهنت يابو فهد انا بانتظارك طال عمرك تقديري واحترامي لك |
اقتباس:
[align=center] هلا اخوي مشاري وحياك الله يالعزوه00 والبيت هذا قاله ابن قويفل من الثابت جماعة الحدب وذلك عندما هرب عن فرحان بن صفوق الجربا ولم يجد من يدخله فزبن على الحسين من الدغيرات وادخلوه فقال ذلك يمدحهم ويمدح الدغيرات بشكل عام00 وهي ماهي (يهبلي) باللام وانما(نهبني)من النهبه او الخطف وكانه يقول خطف عقلي من رهبته00 لكن الرواة بعضهم يحوسه0[/align] [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] قالوا عربنا قلت ياكبر غبني=ربعاً علي القاله قليلً محاماه سلفهم اللي يوم جينا عـقبني=وحنا علي زبن المجنا عقبناه توي لقيت اضلال راسي وزبـني=يرعي جملنا وسطهم ماهجرناه دغيرات مثل الداب شوفه نهبني=والداب لوهو ميتً ماتمـثـناه [/poem] |
[align=center]
اقتباس:
كفيت ووفيت طال عمرك تقبل مني كل التقدير والمحبة والاحترام لشخصكم الكريم [/align] |
اقتباس:
[align=center] حياك الله يالعزوه ونتشرف بك اي وقت00 تحياتي لك[/align] |
كثرت جياتي لهاالموضوع
مار والله ماجيت الا ابيك تفيدن يابن غسلان وعز الله انك ماتقصر ومادري شلون اشكرك على هالموضوع اللي يدل على حرصك واهتمامك الله لايهينك يابو فهد المهم جيت ابي تكملة هالابيات كان لهن تكمله ياهل القصر الاول لاتهدونه * يرجي العز منكم ويتحراكم ليه برزان مع ضيمه تضيمونه * تاركينه يسوي الغير لولاكم ليت عبدالعزيز يشوف بعيونه * والى محمد على الاشقر تمثناكم وليت ضاري من الاموات تحيونه * اخو صلفه نهار الكون ينخاكم والاهم ابي منهو شاعر هالقصيدة ؟ وتحيتي لك يااستاذي |
اقتباس:
اخوي مشاري حياك الله يالعزوه00 والابيات مدري والله لمن تكون بالضبط ولكني اعتقد انها لعبدالعزيز الدعيع لانه هو اكثر من رثى برزان بعد هدمه وبكى بكاء الاطفال لانه عاصره طيلة حياته فقال فيه العديد من القصايد مثل :[/align] [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] عزاه من قلب سعى فيه ديـــدان =عيا يطيق الصبر من حر مــابـــه الله يبدل ساعة العسر بــاحـسان =النفس من كثر اللواهيب ذابــــه والعين عد بـموقها شب نــيــر ان =وجفونها من كثر الاغضاب شابه الناس نوما واسهر الليـل حيــر ان =والقلب كن سـم الحيايا لجـابــه مرحوم ياقصر السناعيـس بـرزان =غـدا مـحـطـه للسوافى ترابـــــه من يوم شفت العث يسعى بدمران =بكيت يوم ان الدركتر مـشـابـــه ماهو غلا مار للنفــس مــيــــز ان =راحو هـلـه اغـلا مـنـه هو قرابه ياما شبع بـه مـن هـفـى وجيعان =والله من شـيـخ عزيز لــفــابـه مضيف اخو نوره تولوه قـصمـان =يحـتـس لامن الـقـصيمى وطـابه ياويلكم لو يظهر اليوم ســرحان =وينجال عن ذيك النصايب ترابه والله ان تلقى بكم تقل خيـفــان =لاجاه من وبل السماء له سحابه ياعين لا تبكين في هد برزان =ابكي حرار بـالـملاقـا ذيـابـه تر ضدهم مايرقد الليل حيـران =مثل السباع ليا تعاوت بـغـابـه دنياك مادامت لكسرى وعدنان =صيور ماتضفي عليـكم ترابــه ماينفع الا الطيب يبقا برهـــان =هـذيـك شمس اسفرت ثم غابه ياعلكم ياللى سـعيتو ابرزان =من هـد سوره ياخـذ الله شبابه البوم صقر بيومنا صار ياخوان =والحر مايسمع له اليوم جـابـه من عقب ماهو ماكره راس ضلعان =اليوم بالسيسان هو والـكلابــه والسبع عقب الفرس مافيه نيبان =وابا لحصين اليوم ياشطر نـابـه[/poem] |
اقتباس:
فعلا يجوز انه ابن دعيع الله لايهينك يابو فهد اتعبتك معي العزوة ماقصرت وشاكر لك يالغالي تقديري واحترامي لك |
اقتباس:
[align=center] حياك الله وشرفت القسم يالغالي0 تحياتي لك0[/align] |
السلام عليكم ورحمة الله وبركاته
أخوي فواز الغسلان تسلم على كل شين حطيته ولاهنت يابعد حيي أريد منك قصيدة الشاعر عبدالله الأشقر اللي يرد فيها على ابن صليبيخ وأيضا هذه العرضة ومن قائلها سلام ياشيخنا ـــــــــــــــــــ شيخ يهبل القبايل ـــــــــــــــــــــــ محد يداني حماه وسلمت يابعد حيي أخوك ولد الخريصي |
اقتباس:
حياك الله يالغالي وقصائد الاشقر جميعها بموضوع موجود هنا بالموروث الشعبي ستجده ويفيدك وان نقص شي اطلبه مني هنا وتحياتي لك |
ماقصرت ابو فهد
اذا ممكن قصيده لنوره الرشيد لو تكرمت |
السلام عليكم ورحمة الله وبركاته
أخوي الكريم أبو فهد لا يوجد موضوع بإسم الأشقر في المنتدى أخوك ولدالخريصي |
اقتباس:
هلا وغلا اخوي الظلماوي حياك الله00 ونوره الرشيد ماهي شاعره والقصيده اللي منسوبه لها غير صحيحه تقبل تحياتي |
اقتباس:
هلا اخوي ولد الخريصي وموضوع الاشقر انا هذا ثبته لك فوق بقسم الموروث الشعبي شفه تحت من القائل 00تحياتي |
من القايل ( بعض العرب ودك على الكبد ياطا $$ وبعض العرب ودك على الكبد تاطاه
(2) الكان لاجيتك تجي جيــت يمـــــك $ والكان أجيك ولاتجي تبـت ماجيــك ماني بخوك أصغر ظنأ أبوك ومك$رجل على ماجامنك حق أجازيــــــك |
اقتباس:
ابيات جميله سمعتها عدة مرات ولايحضرني القائل لعل احد الاخوه يفيدنا00 |
صباحكم خير
الاستاذ فواز الغسلان الله يعافيك على الجهود الطيبه بس ماعيك أمر من القائل : نعم قصر دونك , ونعم تعداك * * * والنعم الآخر قاصر ماتطوله وابي سالفة هالبيت لاهنت يابعدي تحياتي بقايا إنسان |
اقتباس:
اخوي بقايا انسان تراني ماغفلت عن سؤالك يالعزوه لكني كنت انشد عنه لاني ماسمعت به قبل 000 ولو وجدت الجواب فسوف اضعه لك هنا وتقبل تحياتي |
مساء الخير للراوي الكبير عساك على القوة ولا عليك امر يالغلا فيه بيت ماعرف من اللي قايله ويقول البيت : فل الحجاج وخل عنك الهواجيس .. كلن يموت وحاجته ما قضاها واذا فيه تكمله للبيت يا ليت تزودنا فيها تحياتي .. |
اقتباس:
هلا وغلا اخوي 00 والبيت هذا مركب من عدة قصائد فالشطر الثاني ورد في قصيدة ابن عبيكه وعبيد راعي بقعاء قريب منه واما الاول فقال يوسف النعيم فل الحجاج وخل عنك التحاسيف وليس الهواجيس ولا اعرف قصيده بنفس مضمون هذا البيت 00شكري وتقديري |
الف شكر لك ما قصرت على الإجابة كفيت ووفيت تحياتي .. |
بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية . :m6asmilies-com: |
بسم الله الرحمن الرحيم
السلام عليكم ورحمة الله وبركاته مساك الله بالخير يالغالي المراجل مثل الجبال مرقاها سنود---من ينط الكايد المرجله هانت عليه سمعت من جدي الله يرحمه أنه للأمير عبيد هل الخبر صحيح؟ وإذا له تكمله الله لايهينك تقبل خااااالص تحياتي الجرذاني :m22asmilies-com: |
السلام عليكم والله يابو فهد انك ما قصرت الله يقويك ويوفقك
ونه به له مثل نقوله ولا ندري من قاله الي يقول طال عمرك ياطير ابن برمان جبناك حنا ياناقل الحيه على راس راعيه |
مشكور يابن غسلان على موضوعك
هاوي الشمال |
الساعة الآن 11:28 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir