|
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
السلام عليكم ورحمة الله وبركاته اتيتكم بشاعر راائع ومميز الذي سطع نجمه بقوة البرق الشاعر \ سالم سيار كتب الشعر العمودي والتفعيله وهو أول شاعر تطرق للقضايا الانسانيه كالأم, الوطن, الطفل, الشعوب. وواصل تأثيره على الكثير من المسلسلات وخصوصا كقضية الأم والأب. استمر بالارتقاء بالكلمة الطيبه ويكتب باسلوب قريب من الجميع سأترككم مع قصائده [/ALIGN][/CELL][/TABLE1][/ALIGN] |
[align=center][table1="width:95%;background-color:black;"][cell="filter:;"][align=center]
هذا هو اللي تبيه!!!!!! اني ارحل من حياتك وأشعل عيوني بـ ليه ؟ بس خلاص هذا هو اللي قدرته قدرك ربي عليه بذمتك هذا كلام اني ارجع من جديد أرجع افرش كل تعب عمري وانام هذا هو اللي تبيه هذا هو اللي قدرته وقدرك دربي عليه اني ارحل من حياتك واشعل عيوني بـ ليه؟ بس خلاص بذمتك هذا كلام أني ارجع من جديد أرجع أفرش كل تعب عمري وانام زين لحظه لاسألوني الناس وينك وين درو ضحكة عيونك عن عيوني سافرت ردت لعينك بذمتك قول وش اقول قول قـــــــــــــول قـــــــــــــــــــــــول قول الله يخرب بيت بيتك توني يادوبي بديت بعت عمري وأشتريتك خطوه خطوه وأشتريت توني بأطراف البدايه مدري وشلون انتهيت ياخي حس والله عيب اللي تبيه أني ارحل من حياتك و أشعل عيوني بــ ليه ؟ لاجبينك شمس واحساسك مطر لاعيونك شوق وشعورك دفا جبت لك بيدي ابتسامات العمر ليه تكسرها على اطراف الشفا شوف بعثرني احتياجي بالنظر شوف وجهي امتلى منك بأفـــــــــــــــــا ماتجي منك ولكن يابشر ما انت اول من طعني بالجفا أبرك ادفن كل جروحي بالسهر ولا افكر من ورى قلبك شفا ول ياقلبك مايجيب الا القهر ول ياعمرك ماعرف طعم الوفا ولا انا مثل النهر ابقى نهر من تحوسه ترجع تشوفه صفا فيني والله أحساس لامنه ظهر يشعل ظلوعك اذا قلبك طفا هذا هو اللي تبيه وهذا هو اللي قدرته وقدرك ربي عليه بذمتك هذا كلام اني ارجع من جديد ارجع افرش كل تعب عمري وأنااااااام وين ..أرووووح شلون أجيب لقلبي المجروح رووووح !!!!! هذا هو اللي تبيه سالم سيار [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
عسى ما ازعلتك البارح وزودت الجراح جراح عسى ما مرت الدمعه على اهدابك من اسبابي جرحتك من كثر شوقي وخليت الكلام رماح ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح تعال وشوف بغيابك غلاك شلون سوابي حرام تغيب من عمري وتعطيني الفراق وشاح حرام الدمع في عيني مناديله هي اهدابي غيابك يشغل عيون الزوايا وامتلي اشباح وانا انثر صوتك بقلب المكان واشعل ابوابي تلفت للأمل دام الرجا في عمري الملواح اناديلك ولو شرهك وصولك تقطع اعصابي ابيك الجاي من عمري انا مابيك شي وراح مدامك اجمل واخر مدامك اول احبابي ابي ارتاح ياعمري انا ادري هم تبي ترتاح تعال وقبل ما افرح ترا تفرح بك ثيابي احبك احبك يابعد عمر الحزن والجرح والافراح احبك احبك كثر ما نامت عيونك داخل اهدابي سالم سيار [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
تجيني طيف ياعمري على جنحان شوقي لك أخاف أرمش من عيوني وأبعثر جية وصالك حبيبي لا تجيني قول وين أنت وأنا أجيلك أبيك تقول وين أنت وعلى عيوني أنا اسعى لك وربي فوق روس الشوك لخلي القلب يمشيلك وأخلي ظلالي يسبقني قبل يحضني منزالك ثواني بس أبي أتهندم من عيونك وأبي أهديلك في عينك ضحكة ٍ حتى تكحل عين عذالك يقولو الناس بغيابي تشب القلب ويضويلك حنيني..من وهج شوقه يميل القلب لامالك قضى دمعي من عيوني أبي من عينك أبكيلك أبنثر من ورى عيوني دموع عيون ترحالك تعبت أهرب من الأشيا البسيطه من تفاصيلك تعبت أسأل زوايا البيت عن أول وأخر أحوالك وحتى الشوق من صبح الدرايش قام يهديلك عصافير الرضى ترفرف على بيبان مدخالك هنا ترمي صباح الخير قبل لاتروح وأدعيلك وهنا تضوي مساء الخير في عيني من هلالك أنا من الليل يقطفني شعوري لك وأغنيلك أنا من الصبح يليلني الحزن زمن لون موالك حرام الليل ماهو ليل أذا ماكنت في ليلك وحرام الصبح ماهو صبح اذا ماكنت بظلالك تروح وقلت أحط روحي على كفي وأناديلك نزعت العمر من شفت الغلا بالروح نادالك بربك قول وش سوى الفراق بوجه منديلك تسيل ألوان طيفي فيه ألا من البكا سالك حبيبي لا يبكيك الفراق ولا يهد حيلك أخاف الدمع من عينك يجفف صورتي بالك تعال أحتاج اسولفلك عن الأيام وأشكيلك وأفض غيم الحزن وأنثر حنين الشوق بقبالك تعال حط في قلبي هموم الفرقى وأشيلك لأن القلب ماهو قلب أذا في نبضه ماشالك وقف دمعي من ذعيوني أبي من عينك أبكيلك أخاف أبكي من عيوني وأبعثر جية وصالك سالم سيار [/align][/cell][/table1][/align] |
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
السلام عليكم ورحمة الله وبركاته مع الـــــشـــــاعــــــر { فـــيــــصـــــل الـــــعـــــدوانــــــــي } http://www.faisalaladwani.com/photo/s6.gif الأسم / فيصل بن فهد بن هادي العدواني عضو ديوانية شعراء النبط الكويتية .. عمل بالصحافة من خلال إعداده لملف هواجس الشعري وصفحات أبراج الشعر .... اصداراته : * ديوان صوتي بعنوان (( هواجس )) عام 2000 اصدر ديوان مقروء بعنوان (( الطلسمه )) عام 2006 اصدر ديوان صوتي بعنوان (( أمسية الكويت )) عام 2007 جديد * نشرت قصائده بمختلف وسائل الإعلام المقروءه والمرئية والمسموعة * أقام العديد من الإمسيات داخل الكويت ،،، أمسياته : أقام العديد من الأمسيات داخل الكويت ومن أهمها : - أمسية نادي الصيد والفروسية عام 2000 - هلا فبراير 2001 - أمسية هلا فبراير عام 2003 - أمسية مهرجان الجهراء الثقافي عام 2004 - أمسية وضوح الرأي عام 2005 - أمسية قطوف الكبرى 2006 - أمسية مهرجان محروسة ياكويت عام 2007 والعديد من ((الاصبوحات الشعرية )) في الجامعات والمعاهد [/ALIGN][/CELL][/TABLE1][/ALIGN] |
[align=center][table1="width:95%;background-color:black;"][cell="filter:;"][align=center]
ونـــــبــــقـــى مــــع قـــــصأأأأأأئــــــدهـــ والسهر والنوح وحروف القصيد السهر والنوح وحروف القصيد هم زهابي لنتشى فيك الخيال إن ضحكت الدمع بعيوني يزيد وإن سليت الهم لوحلي تعال وإن غفيت أغفى على جرح جديد وإن وعيت أشوف قربك لي محال تاهت الخطوه على الدرب البعيد والمشاعر همها ذاك السؤال هو صحيح اللي مضى يرجع يعيد وترجع أيام المحبه والوصال ولو صحيح الحب به عبد وسيد أنت سيدي وانت عمي والخوال صاحبي ياقرب من عروق الوريد خذ حياتي كلها بيدك حلال والسهر والنوح وحروف القصيد خلهم للي عشق حلم وخيال الشاعر | فيصل العدواني [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
على كف القدر على كف القدر والحب ظامي والرجا حيران على كف الزمن ضاعت سنيني مع لياليها تضيع بداخلي بسمه ويظهر للشقا عنوان واذا بانت بوادرها عذاب الهجر يخفيها واحس ان الجفا يمشي بدمي داخل الشريان يعذبني..يسهرني..ليالي مر حاليها عجزت ولابقابي حيل وانفاس الوصل هجران تعبت اسأل ليال الصمت جروحي كيف أداويها؟ تجاوبني ليال الصمت وتحرق قلبي الهيمان تقول:شموع امالك حلفت اني لطفيها مدام انك على دربي ابعطيك العذاب الوان وازيد جراحك بصدرك ولا لك من يشافيها ياليت اقوى ولو لحظه اسلي خاطري بنسيان الم جروحي واهاتي من الدنيا وبلاويها نخيتك ياامل ضايع نخيتك تطوي الحرمان نخيتك ترسم الفرحه على حزني وترضيها والا يالله يارازق عبادك يارفيع الشان تفرح قلبي الملهوف قبل ماالروح تنهيها الشاعر | فيصل العدواني [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
ماهو بمسموح أيا حمام الروح يا ساكن الروح لاوهنيك كل ماضقت ترقا وأنا عليك أشكي علي غير مصلوح والعين ماجفت لها أيام غرقا تنوح لي وأنوح..وتنوح.. وأنوح! لكن بين النوح.. والنوح فرقا نوحك طرب ماصيدك هموم وجروح وأنوح لك مونس من الجاش حرقا يهيم بي حزني وأنا هالك الروح والهم يطرقني على كل طرقا ماقلت مسموح ولا هو بمسموح لاشك خاواني ولا منه فرقا الشاعر | فيصل العدواني [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
وماكنت ابيها تصير ماكنت ابيها تصير واليوم صارت هاللحظه هذي ماتمنيتها تصير اوادعك واشوف دمعتك حارت واهمس لك بحسره اشوفك على خير لاتلومني بالله دنياي جارت وظروفي اقسى من حروف المعاذير حتى ظنوني في بعض الاصحاب بارت واللي حسبته ذخر في الواقع { صغير} احلامنا والطيش عنا توارت طعم الحقيقه مر وانفاسها غير وماللهوى بعزوم للود ثارت شرهه مدام الوقت ماله تدابير وماكنت ابيها تصير واليوم صارت اودعك { واشوف وجهك على خير } فيصل العدواني [/align][/cell][/table1][/align] |
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
بسم الله الرحمن الرحيم اتيتكم بشاعر راائع وقدير هو: احمد الناصر الشايع http://www.abyat.com/images/users/custom/1617_1.jpg بطاقة تعريف بالشاعر الشاعر : احمد بن محمد بن ناصر الشايع ال موسى ال زمام المساعره الدوسري العمر : 90 عاما ,ولقد بدأ الناصر رحلته مع الشعر في وقت مبكر منذ الصغر وتميز عن أقرانه الشعراء بدماثة الخلق ورحابة الصدر كما تميز أيضاً بصوته الشجي وموالاته الجميلة وأشعاره الهادفة وألحانه العذبة، ونظراً لكونه يمتلك موهبة شعر المحاورة فقد جرت له الكثير من المحاورات الشعرية الرائعة مع كبار الشعراء الأفذاذ الذين عاصرهم الناصر وقد لقب بأمير شعراء الرد لكونه يتمتع بسرعة البديهة والذكاء الحاد، والأخلاق الطيبة، والاتزان داخل الميادين الشعرية والمحافل.. فقد أحبه الناس وارتبط بعلاقات طيبة مع مختلف شرائح المجتمع خاصة الشعراء، وبالرغم من أنه خطف الأضواء وكسب شهرة واسعة وقاعدة عريضة من جماهير الشعر الشعبية ومحبيه على مستوى الجزيرة وبعض البلدان العربية، إلا أنه يُعد شاعراً متواضعاً إلى أبعد الحدود وأكثر مما يتصوره البعض، وقد زاده هذا التواضع شهرة كبيرة وواسعة بين الجمهور والنقاد وأصبح الكل يطرب به عاش طوال عمره في محافظة الزلفي بدا كتابة الشعر منذ الصغر في المحافظه و اول قصيده قاله عن محافظه ومسقط راسه الزلفي وهو دائما مايذكرها في ابياته وهو يعد من اقوى الشعراء على ساحه الشعر الشعبي والمحاورة ..كما شارك ابو محمد في العديد من الأمسيات في بيروت و الدوحه والمنامه و دول الخليج العربي وبعض الدول العربيه ومناطق المملكه . ورحله مع اجمل قصائده: يتبع ^ [/ALIGN][/CELL][/TABLE1][/ALIGN] |
[align=center][table1="width:95%;background-color:black;"][cell="filter:;"][align=center]
انا البارحه قلبي أنا البارحه قلبي تديره تفاكيره أهوجس ودمع العين وحده وثنتيني ألا واعذابي كان طالت بي السيرة أنا ويش اسوي كان طاول سهر عيني؟ نطحني غزالٍ جافلٍ شايفٍ ذيره طفح شوف عينه من ورى الناس الاقصيني ألا ياعيون اللي كفخ وإنقطع سيره تلقى الخلا واقفى يرف الجناحيني عديم الوصايف مع هل البرّ والديره أنا قبل اشوفه شوف والله معافيني ألا واهنيّ اللي تلمّه به الجيره فراقه يموتني ولاماه تحييني من اخطا هواه اخطا من الخير والخيره ملكني تقول إمن إبن مروان شاريني وانا حالفٍ بالله ماتبع هوى غيره أبتّبع هواه وعن هوى الناس يغنيني الشاعر > احمد الناصر الشايع < [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
نصحة قلبي عن هواه نصحة قلبي عن هواه وعذلته لاشك عيا لايطيع النصيحة البارق اللي ينعش الروح خلته انا المشقى والعرب مستريحة عساه يسقي وادي قد نزلته يوم من الأيام يازين ريحة واد الغرام اللي يذكر دخلتته فيه العذاب وبه رسوم مليحة ماقال ابن لعبون في مي قلته قلت البيوت الصايبات الصحيحة بذلت مجهودي وجهدي بذلته والله ماقول إلا العلوم الصريحة زول قتلني بالهوى ماقتلته لو مت باسبابه عسى الله يبيحة ياكبر هم عقب فرقاه شلته مار الليالي بالمواصل شحيحة لو قلتو ابشر بالعوض ماقبلته جوزوا وكثرالعذل يرث فضيحة ياللي عذلتوني وش اللي عملته يالايم العاشق تطيح بمطيحة الباب عن كل العواذل قفلته ياناوي بالعذل طبه بطيحة لو لي حلال مع حلالك عزلته كم ضحكة جا عقبها كم صيحة احمد الناصر الشايع [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
طريق مسدود يزول عنك الباس/ ياللي شكيته/ ليت السلامه تنشرى عن ونتك نفداك /بالحال والمال/ جميع ماتملك يدي بين الرجا والياس /وقتي قضيته /ماباع حظي واشترى ماقدر على فرقاك/ والحب غربال/ ابديت جهدي واجهدي الهم والهوجاس/ كله خذيته /مافاد في شي جرى العام انا وياك/ ياسمح الاقبال /بالعز نمشي ونعدي اللي لقوه الناس/ قبلي لقيته/ جرح الموده مابرى ترى الشفا باشفاك /مار الدهر مال/ لاشك انا عنك محدي ودي بهرجه راس/ مع من هويته/ لكن سرى ليلي سرى واحترت وين القاك/ من كثر الازوال/ وسهيل بيًن والجدي جدر بليا ساس /مهما بنيته /مابه ظلال ولا ذرى ياقلب وش عناك/ والحب قتال /يقطعك يالحظ الردي عن سكته الافلاس/ قلبي نهيته/ يدري وكنه مادرى واليوم جاك مناك/ بالوان واشكال /تخطي وكنك مقتدي اخشى من الوسواس /قلبي عصيته /طلعت به طلعه كرى سبحان من خلاك/ للروح سلال /عندك عذابي واسعدي حب بغير قياس/ ليتي وليته/ بالخير والشر اخشرى صبر على بلواك/ للعسر حلال /من يجهل الدرب يغدي الشاعر | احمد الناصر الشايع [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
يامل عين الى جا الليل عيت لاتنام تكثر عليها الروابع يامعين الصابرين من عقب ما استبشرت بالنور وانجال الظلام شافت من الغيظ مايملي نظرها مرتين لا وهني المعافى مايلوم ولا يلام مستانس لو يزين الوقت ولا مايزين ماذاق مر الفراق وفارقه حلو الغرام والولف ملاك ما يحتاج عراف وظمين الصاحب اللي هدب عينه مثل ريش النعام ما يلتفت مع طريقه من يسار ومن يمين اكبر مصيبه ليا سلمت ما رد السلام مدري وش اللي خطر في بال وضاح الجبين إن كان لك يا اشقر المجدول في هجري مرام صبرت صبر الجمل بارضاك لو ضلعي متين الموجب انه ملكني حب مردوع الوشام لا خير في عشرتن ما هيب في حرزن مكين هو حق ياللي تعرفون الحلال امن الحرام يسهر عيوني ويدعي سري الخافي يبين العشرة الصافية تقود أهلها بالخزام ما تختلف عشرة الغالي على طول السنين وان كان عقب البطا فك اللحام من اللحام ما عاش أبو نية وحدة مع أو نيتين ياصاحبي ما تساون الغوارب والسنام من خف ميزان قدره لو قلبه ذهين لو شفت منك الجفا مارضى على عيني تضام قطعت منك الرجا كنك مع الميتين احمد الناصر [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
يا ناس راعي المحبه لا تعذلونه يا ناس راعي المحبة لا تعذلونة مهوب عن صاحبة دالة ولا سالي لو يسهر الليل كلة لا تلومونة الحب بلوى مانيب اول ولا تالي لى صاحب ما قطعت الياس من دونة لو غاب عني خيالة دوم يبرالي الصاحب اللي سحر هاروت بعيونة ودي بشوقة ولكن ما تهيا لي يا هيف الخصر عيني فيك مفتونة والبعد ياصاحبي ما يرخص الغالي الروح يا صاحبي بحماك مرهونة عزي لحالي عقب فرقى هوى بالي ياكود وصلك على مثلي ويا هونه ان كان حالك طواها اللي طوى حالي عن غيرك القلب غسلتة بصابونة والعين ما تلتفت فى كل الازوال ما يجرح القلب كود فراق مضنونة ابطيت ما ارسلت لي يازين مرسال أجر صوت جميع الناس يوحونة غديت مثل المصيح بالخلا الخالي احمد الناصر [/align][/cell][/table1][/align] |
[align=center][table1="width:95%;background-color:gray;"][cell="filter:;"][align=center]
بســـــــــــــــــــــــــم الله الرحمن الرحيم عوده مع الشـــــــــــــــــــــــــــــا عر _- نايف صقر _- تعريف بالشاعر نايف صقر الدلبحي العتيبي - من شعراء الشعر الشعبي بالمملكه بل الخليج العربي وهوغني عن التعريف ونهجه يتسم بالعذوبة المفرطة والإحساس العارم ..... شاعر مخضرم هو شاعر الإحساس .. ( نايف صقر ) اترككم للأستمتاع بقصائده [/align][/cell][/table1][/align] |
[align=center][table1="width:95%;background-color:gray;"][cell="filter:;"][align=center]
خيام الندم سجد قلبي على رمل الضلوع وهزه التنهيد وأنا في جوفي خيام الندم والخوف منصوبه ¨¨°¨¨ يارب افهق هلاكي والمنايا والدروب بعيد مدام المــودماني للتراب تقـوده دروبه ¨¨°¨¨ ياغياث الظوامي والثمام وجـــرهدي البيد أعذني من جهنم والحشر والــموت وكروبه ¨¨°¨¨ أنا لانيب لا مــشرك ولافاســـق ولاعــربيد أنا اللي لا عـصا وأخطى تجهم وأقلقه ثوبه ¨¨°¨¨ وأنا اللي يرتجف مثل ارتجاف الخايف الرعديد ليا شاف القـبور الضــيقات وحــس بذنوبه ¨¨°¨¨ أنا عبدك ولد عبدك وجداني هل التوحـيد خـطاياي أخجلتني يالله الغفران والــتوبه ¨¨°¨¨ أنا الانسان حمال النقايض والكمد والكيد غريق الطـيف واللذات من راســه لعرقوبه ¨¨°¨¨ أنا عبدك ياربي وانت تفعل ماتشا وتريد سألتك يالله العفو العظيم وهــين دروبــه نايف صقر [/align][/cell][/table1][/align] |
[align=center][table1="width:95%;background-color:gray;"][cell="filter:;"][align=center]
لا تعذر حبيبي لا تعذر ما على صدق الحبيب جدال رضت عنك العيون وهاك قلب فز بأعشابه على وعدك تجيني يا حبيبي صاخب الميصال عليك من اليدين وناسها هرجه وسبابه هلابك وين ما يشرق نظرك الناعم القتال هلابك وانثنى غصن الزمان وطار باسرابه عذاريبك قليلة يا حبيبي كايد العذال ولكنك بقلب من سكنته حارسك بابه عيونٍ شافتك عن قرب قرب يهمها تختال على بعض العيون وكل طير يحب مرقابه انا اللي سلمك قلبه دلو عشق وغلاك الجال وتليته بحبل من جفاك وضاق بأسبابه فداك اللي تبي هاك الجمل والحمل والجمال جلب تلك السنين وكل سوق وطيب مجلابه يا الطف من طيوفك في عيونٍ للسهر مدهال لجني خايفات وكل طيف احلى من ثيابه احبك كثر ما ينسى زمانه مستريح البال واحبك كثر ما قلب المسافر حنّ لترابه شبيه الشمس لو مالك مثل شمس السنين ظلال ترى كلن يموت الا قصيدٍ يبكي احبابه وانا ليلي قصايد او قصيدي ليل لا تحتال هذا بعض الغلا باقصى خفوقي جاك باعشابه نايف صقر [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
صاحبي عذبتني صاحبي عذبتني صاحبي وريتني في لقا ساعه بعض حلم وسنين قادمه ياحبيبي كان ماسميتني سميتني ليت روحي منك ياعذب الموادع سالمه جيتني لولا الليالي جابتك ماجيتني والليالي جابتك مثل القدر كل الظروف تسالمه آه ماخليتني ثم رحت ماخليتني في دروب طوال مهزمه معاك وهازمه كن في عينك من العشره اليا باريتني شي اقل من الحيا بعيون ضيف وعازمه ليتني لاجابو اسمك ياحبيبي ليتني تشرب الذكري بعض عيني وعيني حازمه انت لودليتني فرقاك مادليتني دام حبك في جبين الليالي واسمه لك بكي جرحي قصيدي وانا ما أبكيتني آه ياحر الوجع في النفوس الجازمه نايف صقر [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
السلام عليكم ورحمة الله وبركاته http://www.shathaaya.com/go/dir/22/a7m111222.jpg مع الشاعر احمد الصانع شاعر كويتي احد ابرز الشعراء الشباب اعاد نحت ملامح الجمال في قصائد الساحة الشعبية كتب العديد من النصوص الشعرية المزخرفة وترك لها السيطرة في احتلال عقول متابعي الشعر , فلا تكاد تخلو ذاكرة شعرية حفظها لبيت من ابيات شعره , فاح ـساسه الصادق , وشتاته المنثور على الورق لم يكتب لهما الا ان يتعديا افاق الروعة , ليحصدا لصاحبها لقب ’’ صانع الشعر’’ اترككم مع باقه من قصائده [/align][/cell][/table1][/align] |
[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]
هذي الرساله لك من القلب للقلب عسى دروبك .. تمتلي ( خير و ورود ) غيّرت إسمك ياحبيبي من : الحب خلّيته ، غير الناس كلْهُم [ دهن عود ] http://www.shathaya.com/go/dir/22/dhn-3od.jpg : بخير عايش و أحمد اللـه ~ طيّب ، __________ من وقت مازارتني أحلامي السود . . يرعبني < كابوس > الفراق ، ويهيّب . . __________ أصحى ألتفت . . وأتمنى ألقاك موجود ! إنت [ المدينه ] في عيون الغريّب . . __________ ولما أشوفك فرحتي مالها حدود ! ليتك مثل ما < غبت عني > تأيّب ، __________ لأني وعدت القلب - أيام و تعود . أخاف راسك من غيابك " يشيّب " . . __________ تعال لي ، وكلّي لك سهود ومهود . مو كل [ قريّب ] ياحبيبي .. قريّب : __________ عندي على ماأقول إثبات وشهود ! منت الحبيب الأوّلي يا { حبيّب } ، __________ لكن ~ أحس القلب ، مجنون بك زود . . خيّب ظنون " العاذل " | ولا تخيّب __________ ظنّي | وأنا اللي فيك بالحيل محسود . حُبك تعتّق داخلي وصار ( طيّب ) . . __________ وتلومني إن قلت لك يا [ دهن عود ] ! |
[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]
http://www.shathaya.com/go/dir/22/0-1el3eed.jpg مثل ذيك السنه وأكثر أنادي والنِدى : ما يفيد بـ قلبي شوق لو حسّيت به .. يقلب موازينك أردّد " عيدك مبارك " عسى كل عام وإنت سعيد وقلبي يرتجي وصلك . . . يا غالي ، وفاقدٍ زينك حبيبي هالزمن يضحك ، على جرحي . وإنت بعيد . . وجيت من الشتات أسأل بعد جرح الزمن . . وينك ؟ أنا ما جا على بالي غيابك إنت بـ التحديد ، { عنادك } . . ليش ضيَّعني ؟ وقف ما بيني وبينك ! لك الله ، كل ما أضحك ألاحظ هـ الجروح تزيد ! تصدِّق [ ضحكتي ] صعبه علي , وسهله بـ إيدينك . . أقول إن الأمل : باكر ,, يجي بكره ، بجرح جديد ! ورغم كل السنين اللي مضت لي . . { تكرم سنينك } أنا ما جيت أبي منِّك , بعد جرحك . . تفك القيد : أبيك تحس في ( قلبٍ ) . . رفض ينساك ويدينك ! إذا يرضيك تستقبل بدوني . فرحتك بـ [ العيد ] ؟ شسوي بـ قلب متعوِّد يشوف العيد ، في عينك ! شسوي بـ قلب متعوِّد يشوف العيد ، في عينك ! شسوي بـ قلب متعوِّد يشوف العيد ، في عينك ! إذا عادي الزمن يضحك على جرحي وإنت بعيد ؟ على هذا البرود اللي تعيشه . . . ( الله يعينك ) ! دايم تفارقني قبل حزّة العيد . . [/ALIGN][/CELL][/TABLE1][/ALIGN]وأقول صدفه يعني هالشي [ وارد ] ! توّي عرفت المسأله بكل تأكيد : ما يجتمِع عيدين في وقت واحد ! |
[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]
http://el9ane3.jeeran.com/photos/996137_l.jpg : تعال الشوق دمَّرني حبيبي والصبر ذايب.. ______ حطبت الحُب من قوّة غيابك و إنكِسَر لي فاس ! تعال وقول يا ماخذ جميع أشيائي وش جايب ؟! ______ ترى ملّيييت من حبر القلم و معاند القرطاس !! عيونك نامت بـ عيني وظنِّي للأسف / خايب !! ______ أظن ترجع وما ترجع أظن وما يجيني نعاس! أنا ما قلت لك مخطي ولا هم قلت لك صايب ______ أبيك الحين ترجع في حياتي .. شمعة الجلاس !! مريض وأرفض الراحه لأنك لو تجي طايب .. ______ علاجي بس لو أسمع من لسانك [ عسى لا باس ] ! أنا عقلي على درب الجروح فـ غيبتك سايب ..! ______ أنا فيني التعبعايش من رجولي إلين الراس !! قوي قلبي ,, ولكني أحس / بـ غيبتك هايب ! ______ تخيَّل كل ما أصبر على غيابك , تضيق أنفاس !!! أتوب شلون عن حُبك وغلاك بداخلي شايب ..؟ ______ أحبك كل يوم " أكثر "وفيني لك كثير إحساس ! حضورك كان في قلبي جميع الوقت يا غايب .. ______ أنا من وين ما أطالع , أشوفك إنت كل الناس !! [/ALIGN][/CELL][/TABLE1][/ALIGN] |
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
http://el9ane3.jeeran.com/photos/59693_l.jpg : شي يخصك باقي عندي "قلب " من غيرك وحيد ! ما يبي يبقى بدونك .........! يا أجيلك / أو يجيلك ! يسألوني الناس عنِّي ! [ ليه ما أكتب : قصيد ] ؟! قول .. لا تسكت .. تكلَّم .. وش أجاوبهم دخيلك ؟! إختلفنا . . . . . وماعرفنا ، شنهو الراي السديد .. يا تضحِّي في عنادك ..! أو ، أضحِّي في سبيلك ! ليه كل عيد إنتْـفارق ؟! صرت أكرَه ، كل عيد ! وإنتْـ فارق في [ غلاتك ] .. وقلبي ما عنده مثيلك ! المشاعر من غيابك . . يا دفا إحساسي , جليد ! طحت من عيني لـ قلبي وصرت ما أقدر أشيلك ! يشهد الله .. من رحلت وفي حياتي ، لا جديد .. وكل ما ألمَح سرابك .. أرتِبِك ، الله وكيلك ! حالتي صعبه / ولكن .. كيف حالك ؟ يا بعيد . . أشتكي منِّك إليك .. ومن جروحي , أشتكيلك ! والله ما قصرَّت فيني بس .. . ودِّي لو تزيد ! يعني " إذبحني " وكمِّل يا بعد قلبي / جميلك ! أدري إني دايم أخطي .. وفوق كل هذا عنيد وش تسوِّي هذا حظِّك رغم زلاتي [ خليلك ] ..! أقتلك .. لا من خطيت ويا عسى ، عمرك مديد ! و أعذرك .. لو كنت قاتل لأنه : يستاهل قتيلك .! ويلي منِّك لو نسيتك . . . والزعل طبعاً " شديد " .. ولو أحس لحظه بـ أنِّك منشغل عنِّي ؟! يا ويلك ..! كل عاذل جاك بَعْدِي .. وقالـ لك إنِّي : سعيد . . - ما صِدَق ! وين السعاده ! والحزن شيَّد رحيلك ! وكل عاذل قال عنِّي شي .. - إحساسه بليد ! ما قدر ياخذ كثيرك .. صار يطمَح , في قليلك ! وكل عاذل إن عطيته وجه .. - ورَّااااك المزيد ! لو يقول إنَّه : يبيلك خير !! والله ما يبيلك ! جيتهم طيِّب ....... . وأدري في زماني ما يفيد !! وش حصيل الطيب فيهم ؟ ومن فراقي , وش حصيلك ! بترك الدنيا ( عشانك ) ! دام هذا ما تريد .. ويا عسى كلمة " عشانك " تشفي يا روحي غليلك !! الدليل إنِّي أحبك : صرت أحسِّك بـ [ الوريد ] ! وأدري في قلبك يحبني . . دون ما أسمع دليلك ! في عيونك صرت ( شاعر ) واصل القمَّه / فريد !! وصرت تسوى في عيوني كل بَني جنسك , وجيلك .. مثل قلبك ما ألاقي ..! ومثلي ما تلقى أكيد ! يعني ما عندك بديل ومستحيل ألقى بديلك ..! يا غزالٍ . . . . . شُوف قلبي ما يبي غيرك يصيد ولا بغيتك ..أدري وينك أسمعك , وأتبَع [ سليلك ] ..! إجلس بْـ عرش الفؤاد ولك ، أحاسيسي عبيد وإعتبر قلبي النهار , وقمرةٍ .. تضوي في ليلك ! ياللِّي شيَّعت المفارَق ....., إشرَب وصالي ، و زيد .. خذ دفا إحساااسي و " إدفا " كان بردك هد حيلك ..! يا أجيلك أو تجيني ! هذا هو : الحل الوحيد .. وإنتَ قرِّر يا حبيبي .. يا تجيني يا أجيلك ! [/ALIGN][/CELL][/TABLE1][/ALIGN] |
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
محمد بن فطيس شاعر المليون http://www.elaana.com/up/get-1183053665.jpg شاعر اثبت وجوده بالساحه الشعريه تنقاد له الحروف طوعا له عدة مشاركات في مجال الشعر ... ينتسب إلى قبيلة آل مرة بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، [/ALIGN][/CELL][/TABLE1][/ALIGN] |
[align=center][table1="width:95%;background-color:black;"][cell="filter:;"][align=center]
سولفوا تكفون لا عاد تسكتون .. . . قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. . . مرةٍ قدامي ومرة وراي وإن سكتوا جا وهو طيفه يمون .. . . رحت أهوجس له وأبين له ولاي مكسب عيوني من الفرقا مزووون .. . . تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. . . وإلا أنا فيه أمتلك نظرة وراي كان حبه لي على خبري مصون .. . . والله ان كني بقدري .. وبغلاي ذي بقايا الحب وأطلال الجنون .. . . والله أعلم في ضميره وش بقاي غير طيعوني ولا عاد تسكتون .. . . ولا والله إن أسمعكم بكاااي محمد بن فطيس [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
،؛،.. دكـــــتور العـــيون ..،؛، (يامؤمن الريفي )انا جيتك زبون.. .. جيتك على مدح اكثر الناس وعنيت جيت وتعالى الله عمّا يشركون.. .. لولاه (يامؤمن) لطبك ما اهتديت راضي بحكم الله علي مهما يكون.. .. عالج عيوني لو بعد طبك عميت ودي اخاشر فالبصر من يبصرون.. .. واشوف دربي لا سرحت ولا ضويت والى قنصت اثبت مع اللي يثبتون.. .. واشوف طيري كل ما اوميت ودعيت ياااكثر ما يضرب خويي (الطابلون).. .. من كثر ما اكلّته مطباات وكليت وودي اشوف اللي علي يعرضون.. .. وبعض الليالي ودي اسري دون ليت وااشوف ناس ٍ فالقفا ما يرحمون.. .. اما وقفت لصاحبي والا مشيت من دون نظاره ولا هم يحزنون.. .. يااا كثر ما كسّرت كشمات وشريت لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت ياقو قلبي يوم قفن الضعون.. .. اللي على ذاك الموادع ما بكيت ويا صبر صبري والعواذل يحسبون.. .. اني دلهت من الهوى والا سليت اسكت عساهم من سكاتي يسكتون.. .. وانا عن اللي في ضميري ما انتهيت وادور الفرحه مع اللي يسهرون.. .. وان ذكروني خذت فنجال وسريت اخذت من وقتك يا دكتور العيون.. .. عالج عيوني لو بعد طبك عميت واستر علي واللي معك لا يفطنون.. .. انت الوحيد اللي بعد ربي دريت محمد بن فطيس [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
،؛، .. لا ضاقت الدنيـــا .. ،؛، لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد محمد بن فطيس [/align][/cell][/table1][/align] |
[align=center][table1="width:95%;background-color:black;"][cell="filter:;"][align=center]
،؛،.. الــبـارحـــة ..،؛، البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت محمد بن فطيس [/align][/cell][/table1][/align] |
[ALIGN=CENTER][TABLE1="width:70%;background-color:black;"][CELL="filter:;"][ALIGN=center]
الله يجازي من يسوي سواتك استماع http://www.alqsed.com/file-5689.ram [/ALIGN][/CELL][/TABLE1][/ALIGN] |
الشاعر// راشد بن جعيثن من مواليد المزاحمية 1372هـ وفيها تلقى تعليمه الأبتدائي ... أكمل تعليمه المتوسط في ضرماء ... ودرس في ثانوية المعلمين في الرياض ... درس خمس سنوات بعدها أكمل تعليمه في كلية المعلمين المتوسطة بالرياض وذلك عام 1397هـ ... وأما مشواره الشعري فقد ابتدأ بكتابة الشعر وعمره 13 عاما وكان ذلك في عام 1385هـ ... وهو أول من أوجد صحافة شعبية بالألتزام بالصدور من خلال مجلة اليمامة ليكون رئيسا لقسم الأدب الشعبي عام 1398هـ ولايزال إلى الأن ... رشحه مؤسس نادي الهلال الشيخ عبدالرحمن بن سعيد ليكون شاعر الهلال وعضو شرف له ... نال التكريم من جامعة الكويت عام 1406 هـ ونال وسام المتفوقين ... كان ضمن لجنة الشعراء الشباب بدولة البحرين ... عمل رئيسا للجنة الشعر الشعبي بمهرجان الجنادرية على مدار خمسة مواسم ... عضوا ثابتا في جائزة الشيخ محمد بن راشد بن مكتوم منذ تأسيسها ... صدر له من الكتب :صدى الأشواق / انثروبولوجيا ربابة عرب الجزيرة / الشجن معارضات قصائد الأمير خالد الفيصل أشرف على : ديوان الأمير عبد الله الفيصل الشعبي / ديوان الأمير سعود بن بندر / ديوان الشاعر أبن شيحان السبيعي / ديوان الشاعر مطلق الثبيتي له تحت الطبع : حكام الرياض/ الوجد والناقة / كتاب العمد / مفردات الإبل يتبع |
يامل قلبٍ يفـك الهـم ويخمـه خمةعجوزٍولدهـا بـيـن روحيـنـي قدام تزهق حياتـه قـال يايمـه ثم اصفقت من عظيم الوجد كفينـي طاحت على صدره اللي وقفٍ دمه ويوم اذهنت جرت الونـه بصوتينـي وقامت تخمخم يديه وجودت كمه تبيـه وأفخـت وزاد الهـم همينـي وعلى النعش يوم قفوبه بني عمـه طاحت وقامت وهامت وحالها شينـي تدوي على ثوبه المنطول وتشمـه وتسقي جفاف الشحوب بدمعت العيني من حر فرقاه ماتمشي على اليمـه ولاتميزالأحـد مـن يـوم الاثنينـي وماترقد الليل من حزنه ومن همـه والقلب كنـه يطَعـن بالسكاكينـي كن المعزي يشوف عيونهـا يمـه إتغيب وتذهن ليـا جوهـا المعزينـي وجابو لها الل قرا بالمصحف وتمـه يقرا عليهـا مـن القـرآن ياسينـي راشد بن جعيثن |
ومن قصائده اقلط...بقهويك شعري فاحـت دلالـي اقدع قصيده وخـذ فنجالهـا صـوره صافح كفوف المعاني واقـف اقبالـي قصيدتـي فيـك مختالـه ومغـروره ما بيك ...تاقف وراي وتجرح اظلالي اقف بعيـن بهـا صورتـك منثـوره اشرب ظما هاجس ما جا على بالـي يظهر خطيب القصيد ويعلـن الثـوره كان الشعر فيك نار هاجسـي صالـي افرش لي الجمر كان الارض ممطوره ورد اول الهم لا تنسى علـى التالـي الخيل من صيحـة الخيـال مذعـوره وامر عيال العيـون السـود تقرالـي سواد عينـي لصبـح الكـف سبـوره وانا اعتبرني حظيـظ وطيـب فالـي لو كان لي رغبة مـن عـام مقهـوره مال المواعيد هـو همـي وغربالـي اكثر تقاليد وصـل اليـوم ممـروره اطلقت سمع الشعر يمـي ولا جالـي شاح يتعطف هواه وفاحـت اعطـوره |
وله ايضا غديت مثل اللي زرع له زراعـه في نقعة ما ربحت مـن زرعهـا أحرص عليها من وديع الوداعـه لاشاف له شوكـة كتـادة قلعهـا يزل كل الليـل مـا نـام ساعـه يروس ماه وفي عيونـه وجعهـا والزرع في تالي ليالـي وداعـه ضعف السواني عن صدرها قطعها لاشك مسّـاه الدبـا ثـم صاعـه ولحق العروق الناشبه من قوعهـا كله الذي سرو الحيا فـي نخاعـه ما تجتمع كان الولي مـا جمعهـا واصبح على ضوح السرابه بقاعه لي فاضت العبـرة بحلقـه بلعهـا مثل البعير اللي تسوبـع سباعـه ينوض وكعوب الرجل ما رفعهـا لحقت خسارة راس مال البضاعه يلعنـك يانفـس قتلهـا طمعـهـا ماله على مكتوب ربـي شفاعـه مصايـبٍ لاحطهـا الله رفعـهـا عـزالله انــه زارع للطمـاعـه كم طامعٍ نفسـه تطيـح بطمعهـا المشكلـه لـو ان قلبـه رعاعـه يبراك يانفـوسٍ تجاهـد ضلعهـا ماهوب جضرٍ كل ما جاه راعـه يصبر على بقعا وصكـت بقعهـا |
[ALIGN=CENTER][TABLE1="width:95%;background-image:url('http://www.b3b7.com/vb/mwaextraedit2/backgrounds/31.gif');border:4px double firebrick;"][CELL="filter:;"][ALIGN=center] الشاعر فهد عافت http://www.jehaat.com/news/fahada_dewaan.bmp شاعر سعودي قدير له مكانه بالساحه الشعريه شاعر رائع و غني عن التعريف مع بعض من قصآئده [/ALIGN][/CELL][/TABLE1][/ALIGN] |
ياعلي ياعلي لاالشعر عبـدي ولا هـو سيـدي صاحبي له من جنوني ولي مـن منطقـه مايخون الطيش والملـح ياكـود الـردي له علي ان ماسبقني على الطيب اسبقـه والله اني من عرفته وانا ابشـر بسعـدي كل حزنٍ يفتـح ابـواب حسـنٍ مغلقـه والله انـي ماذخـرت لمعانيـه جـهـدي ذمنـي ولا مدحنـي مـن يقـول سرقـه اعشق من الشعر كله عيونـي ورمـدي واعشق من الكل بعضي اذا الصمت انطقه واعشق من الليل الاظلم وأشوف السرمدي قـدر قـرمٍ بيـض الله وجهـه بصنقـه واعشق من الصبح الأكسل نسيم وفي يدي دفترٍ يهـدي العصافيـر لحظـه مورقـه وأعشق من الصحبه أم البساط الأحمـدي لاتهيّت وأعشق من العسـل طلبـة ذقـه وأعشق من الوقت وقتي لابوي ولاولـدي وأعشق من الناس كلٍ على قـد اعرقـه ياعلي والشعر عبـدي وعبـدي سيـدي أعمق الشعر أبسط الشعر وأبسطه أعمقه في الحنايا خيـل ترمـح وخيـال يحـدي وفي المرايا ألف بحـر يتلعثـم بأزرقـه ياكثر ما اذكر من الناس لاصرت وحـدي من نسونـي ونسونـي بكـذبٍ مصدقـه كل وعد لي مع اللـي يخونـون وعـدي يالبناخي بعض طيب أقهره باللـي خلقـه لـو تهيـا للطريـا سـويـا مـاغـدي مزبن الذهيـب ممـراح خاينـت الثقـه يقنب النسيان الأمعـط بروحـي ويعـدي كل ليلـه فـي فياضـي والا الله يرزقـه السهر ، ماهو بهـذا السهـر لايابعـدي السهر شفنـي تعرفـه وشفنـي تزهقـه كل جفنٍ من جفوني غدى بيـت أجـودي لاتقظب فيـه عبـدٍ مـن الليـل أعتقـه ليت لي قدره على الثـار تكفـا ياسنـدي من حبيبٍ طشـر القلـب مليـون ورقـه مارماني خطرتـن لجـل يرضينـي ودي نيشـن الفرقـا هنيّـا تمركـا بنـدقـه وانتهى مستسهل سهيل يستجدي الجـدي مابقى غيـر اليبـاس بعيـون مغورقـه كم تكحل عاذلي وانعمـى مـن مـرودي يـوم قـال العيـن بالعيـن مالله وفقـه قلـت والله دام قفـى وظليـت وحــدي لاتركه في داخل القلـب محـدن بشنقـه ياعلي كلي نهايـات مـن ويـن ابتـدي ياعلي كله بدايـات مـن ويـن اعشقـه له عيون ولي ضلالي بهـا ليـن أهتـدي ولي عيون وله علي البكا ليـن اغرقـه فهد عافت |
أحيان ــــــــــــــــــــــــــــــــــ احيان احس ان انـا غمازتيـن وسنـا لبنيـة سيلتـهـا حشـمـة زايــده واحيان احس ان انا موسم حصاد وجنا فـي قريـة نايـده فـي بلـدة نايـده واحيان احس النفل بعضي يمـر الغنـا راعي غنم يحطب من ضلوعي البايـده واحيان احس ان انا ويا الهبـوب تننـا للغصن نلبس ثيـاب الصبـح ونعايـده واحيان ..واحيان احس ان الضبا بي هنا واليـا تحركـت اخـاف اذيـر القايـده واحيان اوقـف عـدوي واسألـه اينـا بنـا انا..واينـي بـك جمـرة قاديـه في صوت فيروز انا الصفصاف والميجنا وانا مع حجاب شرق وطايـره عايـده كلي من احيان من أشيا بسيطـه بنـا تمر في صمـت واستسـلام ومحايـده أحرث من الداخل اقصاها هـدام وبنـا لغايـة الارض ماتصبـح بنـا مايـده وانا اكتب الشعر لي أو لي ولك أو لنـا كـذا بــلا ايدلوجـيـات ومـزايـده الشاعر اللي من الخارج عذاب وضنـا فـي داخلـه همـت المتمنعـه رايـده الشاعر اللي مثـل شمـع نحيـل فنـا حقيقته شمس تستلقي علـى المايـده اياك ترثين لـي ..أو تحسبيـن ان انـا غالطت نفسـي بـلا داعـي ولافايـده ماهو صحيح ان انا اباعدت عمـا دنـا فقـط لأنـي أحـب الوعـر والكايـده فهد عافت |
هدوء الأرض ــــــــــــــــــــــــــــــــــ سلامي ياهـدوء الأرض هـذا أول الإعصـار توحدت بجراحـي والمـدى وجهـي وآياتـي تشربت الهموم وبعض حلم في عيون صغـار وسميت الفضى جلدي وسميت الشجـر ذاتـي لذا يممت وجهي عكس وجه الريـح والتيـار نعم مادام ذيب الوقـت عمـدا مطلبـه شاتـي رميتك ياحطب ذكراي في برد المسافـة نـار وشفتك ياحطب تخلص وأنـا بـأول مسافاتـي رمادك في يدي شلته سؤال وشوكة استفسـار يجدد بـي حريقـة وأشتعـل تولـد بداياتـي وكملت الطريق بحلـم باكـر تنبـت الأشجـار على أرض تسميهـا احتضاراتـي حضاراتـي وباكر أضرب برجلي الصحاري تنفجـر أنهـار وأشق البحـر بعصـا مـن غصـن آهاتـي أقول مسامحك ياللي رفض يدخل معي في الغار وأقول مسامحـك ياعنكبـوت عـد خطواتـي بعدها يرجع العشق القديـم لجمـرة الأسفـار وأيمم وجهتي ومن ثانـي أفـرش مصلاتـي أنا وش أطلبك خـلاص ماعـاد بـي أعـذار ألا ياسمعـي أجمـل دروبـي درب زلاتــي كتبت اللي كتبت ولا قصدت ألفت لـي الأنظـار ولكن قصدت ألفـت لجـوع النـاس نظراتـي وأنا عامد أوضح شي وأترك شي خلق استـار ولا أقعـد ليلـة إلا وأغيـر قـاع مرساتـي وأنا شفت الجمال يكون أجمل لو عليه أغبـار لـذا لـف الغمـوض أوراق لفتهـا كتاباتـي فهد عافت |
عبث ــــــــــــــــــــــــــــــــــ عبث تحسب سنيني بالسنين وتكسـر المكسـور عبث ترمي بدلوك في القديم ، وتجلـب أعماقـي أنا الذابل مابين المكرفـون ورغبـة الجمهـور عشان أحيا .. مثل مالازم أحيا داخـل أوراقـي تضاريسي ، هي المستقبل المتواضـع المغـرور لـذا مديـت كفـي للـوداع وبعلـن افـراقـي عجزت أقبل أصابيعك قفص وأحلامي العصفـور عجزت أخذل دمي لو مـرةٍ وانحـزت لاخلاقـي رفضت إني أكون القطعة اللـي تكمـل الديكـور تخيلت المكان ، وهالني حبسـي علـى افاقـي ستـارٍ بـاردٍ مسـدل ، وجـرحٍ ماينـز بنـور وكرسـيٍ تشـد اعيونهـم بأطرافـه اوثـاقـي ملل ، يلغيني التصفيق والمسرح بليـد اشعـور جنون استقبل الورده من اللـي يذبـح الساقـي وداعـا للقلـوب المستريحـة والعيـون البـور هلا بك يالدروب المتعبه لو كنـت بـك شاقـي أنا الأرض اليباس اليا بنا غيري بجلـدي سـور وأنا المرعى الخصيب ان كانت حروفي هي انياقي كفاني من حياتي لو مضيت ولا شهـدت بـزور وكفاني من مماتي لو مضيت ولـي أثـر باقـي |
ذنب ومغفرة ــــــــــــــــــــــــــــــــــ نصف وجهي هجير ونصف ظل وأنت غالي وطبع الحب كافـر بعض مني يخاف انـك تضـل وبعض مني يخاف أنك تسافر بين أقول الصواب وبيـن أزل ضعت فيك متجـاذب ومتنافـر خلني فيـك ضايـع ليـن أدل وأنهزم منك لجل أرتـد ظافـر أمتليت بغـلاك وفضـت غـل وفرة الشوك تعني الورد وافر ول سافـرت ماسـافـرت ول ما اجتمع غير بك مذنب وغافر فهد عافت |
| الساعة الآن 04:30 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010